煌府婚宴專門店

營業中

休息中

在一大班朋友當中，其中兩位分別在10月尾生日，另一位在10月頭生日！ 大家商議後，還是一起慶祝！經她們的建議及大家的喜好，最終選擇了中午到尖沙咀The ONE 13 樓的 <煌府婚宴專門店>！ 正是我建議的其中一間酒樓！記過在Openrice 的食評，見到這間 <煌府> 分店樓底很高，極盡氣派！想大家親身感受一下！由於，我們一行 9 人，身為是次飯局攪手的我不容有失！ 事先致電問清楚可否book 位？！原來酒樓方面下午 3:00 便要交場開始安排婚宴佈置！就算星期日，中午飲茶亦可 book 位！實在太好了！還好，我們來的時候食客不多，感覺不侷促！巨大的婚宴禮堂，環境寬敞舒適！桌與桌之間空間感充裕！裝潢以白色與紫色的配搭！日光下顏色鮮明亮明！晚上更見浪漫！ 長天橋舞台加上水晶吊燈富麗堂皇！我們被安排到落地玻璃窗旁的大圓桌，透進陽光，倍添溫暖！ 略嫌太光猛的話，可要求侍應拉上窗簾。茶芥每位 $10 看看點心紙，點心款式新潮花巧與傳統俱備；可貼合不同口味及年紀的食客所需！ 除了點心之外，也有小菜及套餐；我們人數眾多的關係，點心加上套餐更豐富！青瓜海蜇 $32清

今朝”塞豆窿”…他朝”主人翁”!!哈!! 哩日揀黎<煌府>吾係搞婚宴…係為左款待幾位未來o既社會棟樑…除左交通便利, 點心質素不俗外…主要貪其地方夠晒寬鬆闊落, 有足夠o既泊(BB)車位!!! 嘻嘻~…細路冇時定, 亦可算安全咁嚮四圍走動一下添~~仲有無敵落地大玻璃, 景致開揚…實在係理想地方啊!!前前後叫左約10款8款點心...整體都嚮滿意水平…至好味推介:迷李炸蝦漢堡… 一客兩件好cute版, 蝦餅夠脆香, 友人大讚!!生剝大蝦蝦蛟…”生剝”兩個字聽落有D可怕!!..價錢續粒算, 以兩粒起計…皮薄晶瑩肉餡鮮, 亦讚!!爆花大蝦春卷…好趣緻!!...外型好似廚師帽咁…裏面啖啖蝦肉, 好滿足架!!其它如馬拉糕, 山竹牛肉球, XO醬炒腸粉(少辣), 叉燒酥, 薑粒雞包仔等亦ok…較普通則有叉燒包, 叉燒腸粉...茶錢每位$10, 連啤酒一罐($25), 加一服務費, 全單共銀HK$400.

煌府係一間我好鐘意去既茶樓第一,地方舒適,有夜晚會用黎做婚宴既場地, 最唔鐘意飲茶既時候好逼第二,點心好食之餘又有特色第三,地方便利,係尖沙咀既THE ONE第四,價錢合理一如已往叫左幾個我好常食既點心甘筍脆皮咸水角: 淨係個賣相已經好吸引, 係一個好用心制作既點心菊花春卷: 呢個好值得食,好夠熱之餘,脆卜卜,入面好多蝦,好足料豉汁鳳爪: 夠腍,而且鳳爪煮得好入味,仲有D蒜蓉吊味黑松露花菰燒賣皇 ($15/2件):真材實料,又係好多蝦, 多汁雖然話係黑松露,但其實唔太覺好有黑松露味但整體黎講都好好味

因為愛上做手工麵包，不時地在「OR」貼上出爐麵包照，從而吸引到一位志同道合的食友想與我見面探討（當然是邊吃邊聊了），再加上另一位烘焙能手M，幾番電郵商量，三人定下時間和地點，選了離地鐵站近的The One商場的「煌府婚宴專門店」。電梯門一打開，放眼望去，罕有的寬敞！只見潔白的紗簾處處，碩大的吊燈垂下，華麗的地毯遍布，一大排落地窗透進自然光，令到本已白花花的室內更加亮堂（果真是個擺酒席的好場所）。只有一、兩桌客人在用餐，跟偌大的場地相比，顯得格外冷清，但也少有的寧靜，不像一般的中式茶樓人聲沸騰，說話都得扯著喉嚨！對做麵包有興趣的食友帶來了數本有關的參考書，原以為他動真格的了，不過慢慢地，隨著話匣子打開，我們的話題越扯越遠了，真逗！三人合計一下，每人勾了數款自己喜歡的點心。原隻活剝蝦餃皇：是不是活剝無從考證，何況現今的廚師處理冷藏蝦起來已能做到爽彈的效果，和游水活蝦沒什麼兩樣（至少我是分辨不出來）。此蝦餃捏得緊密，皮薄透視，軟滑爽口，蝦仁個頭不小，具彈力，鮮味不遜，顆粒狀的肥肉夾雜其中，使蝦肉多一重油香，可惜找不到竹筍，要不然味道更豐富。黑松露花菰燒賣皇：本是一道喝茶必有的點心，卻因面上放

三食友相約在 The One 的煌府婚宴專門店品茗會唔，交流烘焙心得。此店並不陌生，君不見每天〈宣傳易〉廣告時段都有其蹤影？時近中午，偌大的婚宴禮堂，入座率不足一成 ，侍應比食客數目多一倍，不預訂絕無問題。環境是不錯的，雅白色系裝潢，樓底高，空間感強，兩列水晶吊燈富麗堂皇。難得寧靜，渾不似身處茶樓，不失為聚會暢談好場所。也許地大人少，你揚手侍應才過來服務，表現正常但談不上殷勤。食友們十分客氣，想是體諒「財困」的我，只來了八盤點心 (老實說吸引我的款式不多，想多點也點不上來 )。心忖食友堂堂男兒定必不夠，誰料他笑笑說沒關係大不了再找家店吃啊……聽罷心裡有點嘔──我未免太小肚雞腸了，竟讓食友「挨餓」…… 且看看我們吃了些甚麼： 原隻活剝蝦餃皇 ($15/2件)體態豐滿，足十摺 (食家唯靈先生稱餃皮須九至十三摺方及格)；薄則薄矣，韌度尚差了一點點，其中一個封口不嚴，扣分 。是否「活剝」難以斷言，蝦的確十分鮮爽，惜肥豬肉與筍香味太淡，未臻至善。如此價格，僅僅過關。 黑松露花菰燒賣皇 ($15/2件)肉餡兒嫩腴有汁，鬆滑有度，頂端一小撮黑松露醬結合花菰粒的菌香，使味道較尋常的蟹籽燒賣多一分清新。

作為一個小男人，閒時在家會烘焙蛋糕作樂，雖談不上專業，但家人和朋友對我的蛋糕都沒有太大的迴響(也許怕說真話會傷害我弱小的心靈)，但對於烘焙麵包，尤其是做手工麵包，真是一籌莫展，偶爾見到食友的手工麵包製成品，一款一款的在OR展現出來，單靠一本書，便書中自有黃金包，怎不叫人羡慕其獨有天份？雖然本身是豬，但也有點狼的特性的我，眼見心謀，想約她們出來教教我做麵包的竅門，取得太座的同意(這點很重要)，大膽地約兩位志同道合的女食友會面，也許誠心則靈，初步約到會面茶敘。相約在尖沙嘴的煌府婚宴專門店，貪其地方大，座位多，我們可不必急於交檯，大家可暢所欲言。兩食友親切友善，態度和藹，亦不吝嗇賜教，談了一句鐘才醒覺我們也是時候開飯喇！ 原隻活剝蝦餃皇 樣子飽滿，一籠只得兩隻，讓讓女仕。黑松露花菰燒賣皇 又是一籠只得兩隻，沒留意上面的是黑松露，一口吃下，肉汁甜美，有質感。山竹牛肉球 加了芫茜，增添了香味，令牛肉不致太膩，腍而有彈性。老爺子千層馬拉糕 不知為甚麼叫老爺子而不叫老媽子，是馬拉糕的中間層加了奶黃之類，因談得忘形，忽略了是甚麼，味道不錯。青芥脆蝦一口漢堡仔 外形十分可愛，細小的漢堡包，中間放

初四約左朋友去飮茶，上去用少少時間就有位。但食物好難食，尤其鮑汁鳳爪，都吾係鮑汁，似滷水多點，鳳爪好細只，又硬，悶得吾夠時間，花生多過鳳爪，買$42。不知所謂！另外叫左蝦餃，一籠二只，味道吾錯，蟲草花蒸排骨，也不好食，總有黑松露蒸素餃，沒松露香味，只有味精。還有炸咸水角，樣似紅蘿卜，吾知間酒樓廚師自己有冇食過的食品呢？

星期六、日等位非常麻煩，因為如果晚上有婚宴，2點之後就截單，非常麻煩所以最好想係平日去，2點之後好似有特價，4點先截單今日2點左右入座，老實講，態度真係麻麻 流沙包岩岩新鮮出爐，好軟熟，裡面流沙好熱口好多 略厭蛋黃味唔夠濃，不過同美心相比都差唔多啦！好有心思的咸水角，味道一般，勝在外形好靚好得意小朋友一定見到就想食！燒味叉燒很不錯，叉燒汁好夠味，肉的質感適中，唔太肥唔太瘦！值得試下呀！！ 見到$8咁平，所以叫黎試下，估唔到都唔差不過佢整好左係雪櫃取出黎就即刻上枱，所以焦糖唔夠正，如果用火鎗噴下佢會更好！整體來講都很不錯，環境好開揚，陽光十足不過服務真係差左D，好似唔願招呼你

很容易找到坐位, 不用等, 慳了不少時間!!很多盞水晶燈, 場面很吸引!! 冷氣都頗凍!!我們不是太肚餓, 所以叫了套餐, 招牌雞配紅咖哩飯和點心蝦餃。招呼麻麻, 等了很久(10mins) 才有waiter招呼我們。招牌雞賣相吸引, 不過味道沒有想像中那麼好吃。而紅咖哩飯的牛太肥, 有芋頭作配菜, 怪怪的, 還是喜歡薯仔多一點!!蝦餃很好, 不過縑兩隻太少!!場景很有結婚view, 不時播著緍宴的場景!!

早前專程到這裡飲早茶, 人不多, 環境好靚, 景觀一流講返食物..我上酒樓最鍾意試奶皇飽, 要流沙我才喜歡, 這裡的奶皇飽, 是流沙的! 味道剛好.有一個點心, 唔記得個名, 好似炸兩咁, 中間的油炸鬼都脆. 是即叫即做呀馬拉糕唔太甜.....好好味仲有椰皇燉蛋白, 好好的甜品, 好養顏嘛呢度既裝修真係好靚, 我都好有興趣在這裡擺酒呀

超高既樓底、輝煌的裝飾、水晶吊燈，是典型的婚宴場地。我今次來並不是飲囍酒，只係嚐一下呢度既點心。先上的竟然是甜品桂花糕，真係奇怪。這裡桂花糕的最大特色是造成隋圓型，雖然只是「倒模」去做，沒什麼難度，但市面上又真的很系見到這形狀的糕點。講番味道，其實好一般，桂花的清香明顯不足。蘿蔔糕的賣相唔多靚仔，蘿蔔絲大大粒的，都爽口，卻唔夠清甜，幸而蘿蔔糕本身煎得香口；手拉腸粉切好放在長碟上，又幾特別，但同樣也只限於賣相，腸粉本身相當的嚡口，全靠甜醬及麻醬去提升水準。有人想吃擔擔麵，不妨來一碗。外觀有些少似詠藜園的出品，當然呢度既麻醬加上辣油，並不正宗。還好，煙韌的麵條帶著麻醬的香，味道亦可以。再試兩款包點，叉燒包的包身發得唔好，大概是混合了現時流行的依士粉去做，不過時間掌握得不好所致，而叉燒餡也欠缺蜜味，很是一般；甘筍流沙包，已經是一上檯馬上吃，仍是不流心，真沒有辦法。全場印象最深的是菊花春卷，把春卷的尾部炸成菊花樣子，賣相吸引。春卷外層香脆，餡料全是蝦肉，幾爽口的，不錯！最後有馬拉糕，呈咖啡色的，味道不太甜，而我認為可以做得鬆軟一點，不過都是可以接受的。人手不少的，埋單卻只得兩人負責，等了又等，

今天去了THE ONE煌府飲下午茶，點了７款點心，包括：咸水角，春卷，蛋煎糯米雞，牛肉腸粉，金錢肚，鮮蝦菜苗餃和棉花雞，各樣都不錯，尤其係咸水角和鮮蝦菜苗餃，好好味啊！點心賣相都很精美，但份量相對較少！仲有個無敵維景睇，正！順帶一提，下午茶時間大中小點都係＄14.8，２點入座計，咁嘅價錢食埋環境，可以啦，大家仲想點！咁啱仲撞見吳剛師父，好靚仔啊！

叫了八個菜, 大概10-15 分鐘來咗四個, 之後就一直都再無菜來了.中間都追咗好多次, 揾咗幾個人都追咗無數次, 次次都答來緊啦.足足等咗個幾鐘. 想揾人追下鎹, 個場好大, 但無人會行過我地張抬, 除非送鎹來.我地叫咗片皮鴨, 一味兩食 (另外一個係苦瓜炒鴨),只係來咗片皮鴨, 等咗查不多半個幾鐘, 重未見個苦瓜炒鴨. 一話要取消埋單, 即刻有個人捧住過來, 我地不停話無胃口, 等到飽咗, 要取消. 地就話都出咗咯, 不如食埋啦.我地最後都係無要, 但係埋單都埋咗成十幾分鐘. 不過個景同價錢都OK, 味道一般.不會再有下一次!

一心諗住試下一蚊一籠蝦餃....點知PROMOTION 已完.....唯有叫其他啦担担麵....超奇怪....辣油加肉鬆加D花生醬=担担麵??????湯底完全唔似樣......麵質亦奇怪........唔值得叫....牛肉球唔錯......馬拉糕唔太甜.....好好味...粉果夠多料.....味道都唔錯.....紫米露好重椰汁.....紫米又夠多....環境唔錯......不過衛生一般......

此分店由7月1日開張，我已經去了3次飲茶，最好的感覺就是第一次幫襯。座落The One 13樓，景觀當然吸引啦，特別當的一出life即刻可以望到陽光普照的維港海景，都幾impressive。7月頭的時候，promotion 有一元一籠蝦餃，每籠有2隻蝦餃添，好好味架，仲有好多特價的點心添，特別係有特價 $48 的籠仔斑球飯，好大籠架。但我上星期日再去的時候，已經冇左一元一籠蝦餃的promotion，而且籠仔斑球飯已改為籠仔"雞"球飯，炒粉麵飯每碟都加價$10-20元，茶錢也加了，食物質量亦沒有之前咁大碟底食，可能是他們已經吸引了一定的人流，所以停止賣大包啦。順帶一提，大家埋單的時候，記得要問佢地拿單，因為可以加 $1元 換戲票一張，佢地唔會主動俾單你架。