煌府婚宴專門店

營業中

休息中

8月9日同屋企人去煌府食 lunch, 環境當然冇得頂。叫左個螺片窩麵$128同其他點心，上菜快的，但窩面是珊瑚蚌非螺片，向知客查詢是否來錯並指點菜紙上的圖，她說這是對，我指住圖叫佢比較下兩樣野問佢確定來的是螺片？佢就叫另一位伙計過來，佢話問一問廚房有冇螺片，冇就取消吧！等了10分鐘，冇人 update我地情況，找了一位扎馬尾的男部長，他說整緊架啦，再過20分鐘忍吾住問了另一位西裝部長，問佢究竟有定冇，2分鐘後佢比張點心紙說我地冇落單，我沒有氣解釋。寧可盡快埋單走人。真是有亂到一個點，我吾系黎食 omakasea 呀大佬。但最後都要讚幫我地埋單的那位伙記姐姐，笑容滿面，談笑風生，但上面不愉快的經歷已蓋過了這笑臉。

姊妹一行十幾個，中午時分嚟到全港都好就腳嘅地點尖沙咀聚會，飲茶食晏。唔想兩圍枱分開坐，就夾硬將兩張圓枱拍埋成一個橢圓形，夠曬闊落。大中小特頂超點、湯水藥膳小菜冷盤主食甜品，乜都嗌埋一餐，仲要係打孖甚至四份噉上，大家一啲都唔客氣，打算一於食到十成飽。一路食一路傾...雖然啲點心同每樣嘢味道平平冇乜驚艷，但係勝在酒樓嘅環境算係氣派，聚會幾有氛圍，點心大多都買相可觀，係用心擺盤（不過有啲點心太過鮮豔奪目, 過咗龍）。侍應服務態度麻麻地。幫手影張相快快手手, 上菜都係拿拿淋。成餐飯不斷上菜，成圍枱都擺滿點心，琳瑯滿目，仲要有啲係兩層，真係好熱鬧。大家個個都食飽傾飽喇。

表哥和表姐從加拿大回港探親，我們一家人相約他們一起到尖沙咀The ONE的煌府飲茶😄由於我們總共有七個人，我們一口氣點了鳳梨咕嚕肉、風味魷魚鬚、蒜香金磚脆豆腐、懷舊蒜香一口骨、南乳粗齋煎脆麵、金絲脆蛋散、田園鮮蝦春卷、天婦羅鳳尾蝦腸、即燒叉燒腸😄 味道唔錯，份量也足夠，我們都吃得很飽😄茶樓地方寬敞，環境舒適，唔會有很迫嘅感覺 😄係一個茶敘聊天嘅好地方☺️ 而且茶樓位於尖沙咀，親友搭地鐵或巴士出來也很方便😄👍

今年校友會選擇了在這裡舉辦一年一度的校慶聚餐活動。恭喜會長，您選對了地方啦。昨晚是我第一次來這個場地參加宴會，與我前天出席在尖東某5星酒店的100日宴對比，感覺這裡實在好太多了。我歸納了下面幾點給大家參考：第一：宴會廳樓底很高（有照片），當我進入後就讓我心情舒暢，沒有一種被壓逼的感覺；第二：宴會廳的禮台比較高，音響系統的質量也很好。禮台上裝有大大的屏幕再加上在宴會廳中央位置設有大型平板電視做輔助，就算坐在最後一桌，來賓看和聽嘉賓在台上發言都絕對沒有障礙；第三：桌面擺設符合5星級餐廳的標準，服務員的服務態度更加要表揚；第四：雖然宴會價格只是前天我出席在尖東某5星級酒店100日宴的一半而已，但菜色更為優勝！

本人是荃灣友，已甚少到區外探索。經綱媒推介The One有正點心，7/10 中午慕名去試食。重點推介嘅凱薈去到門口話冇訂抬就冇位。唯有到另一推介嘅潮囍薈但要等位。同一時間叫小朋友到煌府第一時間就有枱。為爭取時間及沒想清楚當初原意情況底下就撰了煌府。兩大三小被帶到12人桌。枱面杯碗碟已放好，但筷子最後共5雙就放在轉盆上，要自己動手像茶歺廳一般。點心撰擇少得可憐，也不去評論質素。唯獨那份滑蛋帶子炒河極度讓人失望。望上去幾乎看不到滑蛋獻汁，像乾炒河上面放幾粒下價貨帶子。去框面埋單時聽到前面婆婆投訴話碟小食秋葵多收$20 (原價$38單收$58)她說如果不check單肯定被揾老襯。而我亦有點秋葵，結果當然是收銀死死地氣改番原價。唯一可取是長者免茶。但不check單肯定蝕番突比佢。

星期一中午去尖沙咀The one 飲茶，試吓煌府啲野食，我未食過。可能比較早，所以去到門口個侍應生，已經好快叫我哋入座。我見到冇乜人，就問侍應可唔可以坐窗口位，佢即刻話冇問題，仲問我你想坐邊張枱，好有禮貌。同埋已經問我地飲乜嘢茶，其間都一直好好服務。不過，我爸爸去洗手間個時，見到有位清潔姐姐係男洗手間，我爸爸以為入錯女洗手間，就問清潔姐姐，衣度係咪男厠，清潔姐姐好勞氣講唔係我係度清潔，邊個係度清潔。講番食物🥘，味道算唔錯，冇話好難食，環境就好舒服，傾計係一個唔錯地方。地方夠大。

The One的煌府食過好幾次，貪呢度客人少，坐得很寬敞。而且好多時都可以坐到窗邊，望到夜景。食物就中規中矩，但比較經濟。叫了四人海鮮套餐。避風塘炒澳洲龍蝦(一隻)，切到細細舊 ，份量很多，肉質很爽。椒鹽海生蝦，都很爽口，很大隻。亦都入味蒸沙巴龍躉，蒸耐了少少，有點老。炒菜正常發揮。海鮮炒飯，很大碟，炒到金黃色。味道亦很好。最後有甜品，而是日甜品是桂花糕或者紅豆沙。而中間有段小插曲，有個非常固執阿姐，堅持將不是我們點的菜式放在我地枱，不肯拎走幸好另一個男職員就好醒目懂得處理。

今晚公司聚餐食物真係嘛嘛 d野偏咸 但炒飯冇味😶個呀姐服務差到一個點 d餐具好dirty..叫佢換 就推3推4. 上菜時又話枱面d野阻住佢. 比楝碟叫我哋自己攞🙄又5分野食 叫佢分條魚 佢話5會幫人分架 有個同事指住隔離枱（人地呀姐分緊魚）佢先呀之呀‘左’幫我地分. 仲爭啲倒瀉野. 5叫佢係5會做野.. 上糖水時叫佢分 佢話枱面5夠位（其實成枱野佢冇收）幾碗幾碗咁分 叫我地攞叫另一個呀姐 佢望一眼扮聽唔到就行左去. 全晚要受呀姐氣… 食物質素又5得..究竟發生了什麼事😤😤😤

早一天book位，盼可美點伴美景。之前在九龍湾食過，此店春卷和蒸點十分出色。可惜，The One店完是地獄級，不是食物而是人物。已book位，但無位，而且也沒人帶位。而沒book位，就有位但又無卡。服務員完全唔理你，讓你在大堂四圍問個位再那裡，由於點名的接待唔分配枱，任人入內四圍揀，而內部員工又話分配枱，唔關他們事。我們只好轉場上高幾層，更靚境，招呼一流。

昨日同剛從外國回港朋友飲茶, 見有OpenRice訂座八折優惠便訂了1:30的位, 到達時有不少空位見沒有幫我確認訂座直接帶我們進入點餐前我還特意去確認了是否會有優惠, 工作人員信誓旦旦地説有八折優惠的,結帳後才發現沒有給任何折扣, 令我多付了一百多, 感到被欺騙.除此之外,他們還落錯單,春卷成了糯米卷.食物方面正常, 沒有特別出色, 點心種類特別少服務態度也正常, 沒有被無禮對待*至今仍未確認訂座*沒有八折優惠

喱日（3/5/2022）二點幾，嚟到THE ONE搵食，真係好多選擇，各國美食都有，真係難選，最後搵到這食店，是因地方寬闊，已過午餐時間，只有寥寥可數的幾枱。選了近窗口位，雖然窗外都是密密的大廈，遠眺可見到對岸風景。下午茶選擇唔多點了蜜汁叉燒米線，一睇已見，叉燒有肉汁，唔嚡口脆皮燒腩仔米線，皮好脆黑魚籽醬燒賣，料足，好味潮式糯米卷，唔錯松子賽螃蟹餃，好足料，松子及魚籽咬落爽口，好多蟹肉，正鮮竹牛肉球班蘭馬拉糕，最快到既甜點，留到最後食，班蘭味剛好，食時仍軟嫩埋單$235

星期日，放假，生活節奏自自然然的放慢，睡飽飽，和媽媽到尖沙嘴逛逛，順便找地方吃午餐，walk in The One 13樓煌府婚宴專門店。環境：店面超級大！享開揚景觀！可惜我們沒坐到靠窗的桌 (２人枱都被安排在靠電梯那邊)食物，我們點了以下的：#普洱茶：顏色很深，但沒啥茶味！#迷你點心併盤：蝦餃、燒賣、蘆筍餃、紅棗糕，４款蒸點都好味！#香煎蘿蔔糕：挺好吃的，但份量偏少。#肉骨茶鮮竹卷：藥味很重，吃不慣！#蒸飯：點了鹹魚肉片飯，肉片呈粉紅色，我們認為沒煮熟，要求換另一份，店員建議改成鳳爪排骨飯，味道一般，不推薦！

這晚做冬，這酒家的人少到呢！只有四分一滿 ... 慘情！人氣少，連小食也出事 ... 這涼拌木耳，溝了水的陳醋味，只酸不甜，怪！侍應大半沒帶心返工，像靈魂出竅，東西要說兩三次才做到。以為會中伏之際，怎知正菜的水準還可以。“燒腩仔”，鹹香，皮脆，瞬間已被照鏡。“木耳蓮藕片鮮淮山”，𥚃面還有蜜糖豆，清新，爽脆，味道還可以。“拔絲酸甜黑豚肉”，即咕嚕肉，肉質爽嫩，外脆內軟，好味。“蒜蓉豆苗”，全豆苤，嫩，用料沒欺場。“清蒸龍躉仔”，剛蒸得離骨，雖有點微沙皮，肉還很滑，蒸魚豉油也很鮮甜，送飯一流。“上湯蝦頭油蝦球伊麵”，有點失準，不夠鹹，伊麵又打久了，不夠咬口，蝦頭油味道不足，不難吃，只合格。

今日喺尖沙咀行街，經過新港中心，上去睇吓有咩食，上到3樓比“煌府”婚宴專門店華麗嘅門口吸引住，就入去試吓先裏面裝修得好靚果然係婚宴專門店，好多影相位鳳梨咕嚕黑豚肉$128酸味味的醒胃餸，黑豚肉外脆肉爽咬落去外面脆脆的，正薑蔥鮮蠔煲$108而家喺街市買一個筒蠔都要$110 ，呢度真係抵食，而且鮮蠔上鋪滿薑蔥，非常惹味⋯⋯玉蘭炒臘味$128臘腸、潤腸、臘肉， 全部食材都唔錯，因為有時出面叫一碟炒臘味，通常都用啲劣質嘅臘味，呢度我覺得佢好新鮮，配上芥蘭炒，絕配，適合今晚涼兩地的天氣四川麻辣雞煲$138充滿麻香味的雞煲，雞件入晒味，絕對唔係得幾舊咁少，份量十足順帶一提，呢度啲侍應服務一流，我哋呢一餐飯已換咗三次碟，態度亦好殷勤，你餐飯食得好滿意好滿足另外晚飯每枱都會送上杞子桂花糕晶瑩通透，彈下彈下，甜度適中，原本諗住太飽食唔落，點知食完一舊咁好味，慢慢就食晒了⋯⋯呢度環境、食物、服務都唔錯，做婚宴或食普通晚飯，一定令你人滿意⋯⋯下次一定會再嚟幫襯

今日同屋企2位長老出黎飲菜，趁未打風出黎行下，黎到太約12點中午時間酒樓都唔係太多人，仲有個窗邊位，個景靚到呢，叫咗個黑金麻蓉包，平時係出面食親都係流心奶黃餡，今次試下麻蓉餡，入面係全黑芝麻餡，食落好香芝麻味直得一試，櫻花蝦銀蘿脆皮腸，出黎鴛鴦色幾靚，食落係脆，但蘿蔔絲就太幼，但整體都好嘅，免仔餃睇落就唔係好似架啦，起碼知道係人手做，唔係出面啲機器交返黎先啦，食落就太甜2老唔係咁鍾意，蝦餃同春卷都係幾好不過不失，埋單去果時啲員工問我地有無長者卡，我2位長老實有啦，原來做緊長者免茶仲要係1+1，1個長者同1個唔係長者，我地全部都唔洗比茶錢，走果時再望下茶錢幾錢位，原來成16蚊個人，好彩同2老出黎少咗48蚊，點心同粉麵仲有7折，3個人埋單唔洗200舊