焱丸水產

營業中

休息中

今日同同事補祝生日飯，我選了她最愛的日本餐。我叫了兩個午餐加一個焱丸活貝大盛和蟹味噌甲羅燒，今日午餐要吃得豐富d。超豪華12件壽司盛壽司分別有三文魚，赤海蝦，海膽，鯛魚，香蔥吞拿魚蓉，白身魚壽司，鮪魚赤身，魚籽壽司和西冷牛肉壽司。壽司款式各有不同，刺身高質新鮮，壽司飯的質地柔軟黏稠，每粒米粒都經過精心的煮煮冷卻處理，使其能夠在卷壽司時較容易成形。海膽新鮮鮮甜，令人回味無窮。雜錦天婦羅丼天婦羅帶有爽脆的外層，內裏卻保留著食材的鮮嫩汁水。壽司飯的微酸微甜的口味,能夠很好地平衡天婦羅的油膩感。蟹味噌甲羅燒蟹味噌是使用整隻螃蟹研磨而成的濃郁醬料,富含海鮮鮮甜的味道。將蟹肉和蟹味噌混合後，填入螃蟹甲羅中，是非常傳統的做法。甲羅燒時需要精心控制溫度和時間,外層要烤至金黃酥脆,內部蟹肉仍保持彈牙的口感。烤鮑魚鮑魚是海洋中最珍稀、最高級的貝類之一，烤鮑魚會在表面刷上醬汁，不僅帶有豐富的香味，而且外焦內嫩。燒日本蠔簡單的烹飪方式能夠最大程度地保留蠔肉的本味和質地。燒帶子烤製過程中,帶子肉的本味得以完整保留,突出其天然鮮甜。外層的焦脆口感與內部的軟嫩多汁形成強烈反差，口感層次豐富。燒蜆肉蜆肉本身的鮮甜味，

朋友放工遲咗，出到尖沙咀已經係八點幾，於是朋友就帶咗我去一間居酒屋當食宵夜。入到去已經聞到一陣海鮮燒烤味，再見到好有日本居酒屋嘅裝修，就好似置身喺日本海邊嘅磯燒屋一樣。見到每一台都有嗌唔同嘅海鮮，仲有店員幫佢燒埋，令我有啲期待呢一餐。見到魚池有唔同嘅海鮮，每一隻鮑魚都十分大隻。入座嘅時候大概係八點半，都以為之後冇乜人，但過咗15分鐘之後全場已經坐滿。燒烤方面，就叫咗個焱丸活貝大盛，黑松露蟹肉甲羅燒。前菜方面就叫咗個三文魚冷麵，特成A4和牛壽司同吉列帆立貝。飲品就叫咗一個梅乾燒酎同巨峰提子乳酸。話咁快店員已經將燒烤嘅海鮮拎上嚟，甲羅燒見到有唔同嘅材料，有蟹肉，蟹膏，蔥，蟹籽同鵪鶉蛋之外，仲有好大份嘅黑松露醬。見到咁色彩繽紛已經覺得好吸引海鮮拼盤就分別有蜆，生蠔，帆立貝同鮑魚，鮑魚新鮮到見到佢上枱嘅時候都仲郁緊。之後飲品都已經到啦，巨峰乳酸同酒都有啤酒杯嘅size，性價比好高，朋友話杯燒酒都有豐富嘅梅味，酒味唔會話勁到好似喉嚨被火燒咁樣，比較易入口的。而巨峰乳酸嘅乳酸味相對上會濃一啲，甜度都適中，唔會過甜。當店員開始幫我哋燒嘅時候，前菜就到咗等我哋唔使等太耐。而且店員亦都會定時返嚟檢查吓食

今次係我地隔左好耐再黎食嘅餐廳，都無令我地失望！ 我地今次主要叫左啲燒物食- 三文魚冷麵：
呢個三文魚冷麵好新鮮，佢係用三文用作為冷麵，所以喱個菜式係無麵的。芝士蟹肉甲羅燒：
甲羅燒內含蟹肉、芝士、魚籽和鵪鶉蛋，煮的過程中就能聞到蟹香。味道非常濃郁，蟹肉的鮮味和芝士的濃香相互融合，而蟹膏的鮮味更是出色。黑松露蟹肉甲羅燒：
比起芝士，呢個就結合咗黑松露同鮮美嘅蟹肉，燒烤之後散發出黑松露嘅獨特香氣，同蟹肉嘅鮮甜完美融合。我超級鐘意食呢個啊，絕對係超級推薦！我個人比較鍾意黑松露味！鮑魚同大蝦殼燒：
鮑魚經過磯燒的烹調方式，保持了鮑魚的鮮嫩口感。每一啖都可以品味到鮑魚的原汁原味，完全食到鮑魚嘅爽甜同彈牙口感。啲飽魚都好有份量，好大隻，同好新鮮，攞落燒網時仲見到佢地好生猛咁郁。而大蝦味道就正常，對比之下，鮑魚比較出色。松葉蟹膏/ 海膽帆立貝殼燒：
呢個菜結合咗松葉蟹膏同帆立貝，燒烤之後帆立貝嘅鮮甜同松葉蟹膏嘅滑順口感好出色。同啲蟹膏真係好香好出色！
而海膽味同常見既帆立貝燒唔同，海膽嘅鮮甜同帆立貝嘅鮮嫩一齊食，都好特別。不過味道上唔算好惹味。但美中不足嘅係兩個殼燒上嘅蔬菜有少少苦。香蔥和牛炒飯：

餐廳主打日本地道的海產，裝潢以木系為主調，放眼四周盡是燈籠、旗幡、魚網等裝飾，仿如置身日本漁市場般﹗🙆🏻♂⠀M͓̽y͓̽ ⭕r͓̽d͓̽e͓̽r͓̽ ⠀🙆🏻⠀⠀⠀⠀↓⠀⠀🔶焱丸活貝大餐 💰398呢個活貝大盛包括了這些海產：生蠔、鮑魚、帶子、蜆。當中鮑魚還是活生生在郁動的 🥰可見每款都新鮮甜美無比，且啖啖肉。每台客位都設有小型烤爐燒煮，用磯燒方法烹調，再加入清酒於上，店員即時主動上前幫煮，所以只要安坐觀賞聊天就可以了🔶壽司盛和🍣 💰268呢個盛和包括十件壽司加六件青瓜卷，其中三件白身魚、 赤身、 白蝦、三文魚、 帆立貝、 魚籽、海膽和青瓜卷。剌身上介上花紋, 令賣相更出眾。而海膽壽司味道甘甜不腥、紫菜入口仍然香脆。 其他壽司水汁也不俗， 用料新鮮、由其帆立貝壽司超肥美，鮮甜👍🏻🔶鮭魚冷麵 💰128蛙魚色澤鮮艷，每件都好厚切，而且解凍得剛好，味道鮮甜，配埋凍麵汁一流🔶蟹味噌甲羅燒 💰68放了松葉蟹的蟹膏、蟹肉、蟹籽、青蔥，了以及一隻鵪鶉蛋。甲羅燒是用上松葉蟹的蟹膏，放於松葉蟹蟹蓋上即燒。🔶冰菠蘿蘇打 💰68清甜解膩，內面仲有原條菠蘿冰，咬落鮮甜多汁🔶黑啤🍺 💰68黑啤酒口感濃郁，比一般啤酒口感強烈且富層次，有著焦

太掛住日本嘅美食關係，又想同朋友食住海鮮飲下酒chill下，就黎左呢一間bookmark左好耐位於尖沙咀的日本餐廳，餐廳入面裝修好有日本風格感覺，坐低打開menu好多海鮮選擇，唔單止燒海鮮好多種類好多選擇，連壽司、熟食都好多選擇，花多眼亂🤤🤤左口魚刺身$168刀功好有技巧切到好薄之餘，仲見到個魚紋切到好靚😆😆鮭魚冷麵$128將啲三文魚切到條狀，整到係冷麵食法，幾新鮮特別👍👍鮑魚殼燒$136兩隻店員好多心機幫我哋去燒，加左啲海鮮醬油去鮑魚兩面到，再燒，有炭燒味同一啲都唔韌，仲保留到入面水潤的感覺，呢個好好食，冇得輸😍😍白蜆磯燒$45五隻一入口個海水的鮮味係口中滲出嚟，好新鮮😋😋松葉蟹膏帆立殼燒$80三文魚籽帆立殼燒$80兩樣未燒前睇到個樣已經好靚仔，再加左啲醬汁去燒，帶到個帆立貝的鮮味，成件事好夾。黑松露蟹肉甲羅燒$75淡淡的黑松露味襯托出濃烈的蟹肉味，呢個一定要燒完就趁熱食😋🥰😋🥰紫菜魷魚鬚天婦羅$78呢個係估佢唔到咁好食，紫菜味同魷魚味唔會互搶，個味道平衡地做到恰到好處😍😍😋😋冷蕎麥麵$55夏天食好fresh，配上開胃嘅醬汁好易入口。冰菠蘿燒酎$68有一大舊又冰又甜的菠蘿喺入面，甜甜

你地知唔知有間焱丸水產喺尖沙咀，係個日式居酒屋呀？食咩？當然係燒和牛壽司啦！真係食到嚟咁舒服，口感新鮮又滑口感，油脂比例剛剛好，真係味道一流嘅一道菜！食完真係好滿足，肥而唔膩，真係令人愛到爆炸💥！話到咁，仲有其他菜式都好好味㗎！例如蠔鍋飯，一粒粒鮮嫩嘅蠔同飯煮得剛好，食落即食即整，絕對係一道海鮮愛好者唔可以錯過嘅經典菜式！仲有三文魚富士山，鮮嫩嘅三文魚切成山形放喺壽司飯上，好睇好食，一口咬落去，啖啖鮮味爆發，真係食到成個富士山！😍如果你係大食家，一定要試下本鮪盛合！新鮮嘅本鮪同埋其他魚生，一次過食晒各款鮮味，真係好滿足！唔好忘記試下佢哋嘅帶子同甲羅燒，帶子鮮甜又多汁，甲羅燒焦香味道特別，一口食落去，好似喺天堂食緊咁啊！😋最後要講下佢哋嘅菠蘿mocktail，真係一杯令人驚艷嘅飲品！冰凍嘅菠蘿汁加上濃郁嘅奶油，清新又香甜，喝落去真係好解渴！同埋如果你鍾意燒牛肉，絕對唔可以錯過佢哋嘅燒和牛壽司！💥🍣

和朋友專程到尖沙咀搵居酒屋晚餐，來到棉登徑街尾；朋友介紹的日本精裝居酒屋，門面很吸引，內裏裝修也好有特色，真係有去到日本嘅感覺。看到每張枱都有一個小小的爐頭，就知道大部分都是即煮海鮮食品，咁我哋當然就點咗唔同嘅海鮮：有元貝，鮑魚，大蝦，白蜆甲羅燒，再加上特別嘅三文魚掛麵和魷魚天婦羅！而且居酒屋最大特色嘅當然就係可以飲唔同嘅酒啦，而家居酒屋更加有特別嘅類似雞尾酒嘅酒類，可以畀我們選擇！我就選咗威士忌梳打加梅，朋友就飲推介嘅菠蘿雞尾酒。每樣食材都新鮮甜美，只要加少少鹽或者五味粉就已經極之美味，再加上特別嘅雞尾酒，實在喺令你愛不釋手！食到唔想走！

🦀蟹味噌甲羅燒 & 鮑魚殼燒呢兩款店員都會即時喺我哋面前燒，煮嘅時候啲鮑魚仲郁緊好新鮮🤣甲羅燒就係用蟹膏、蟹肉、蟹籽、鵪鶉蛋等等嘅材料混合埋一齊燒製而成，味道嚟講就好濃蟹膏味🤤兩個人share就啱啱好🍣焱丸號壽司一上枱就見到啲吞拿魚蓉、蟹柳同埋海膽好似瀑布咁鋪滿晒啲壽司，底部其實就係一般嘅小卷🤣打卡黎講確實唔錯，不過食嘅時候就要自己將壽司同埋上面嘅配料組合返一齊食🙈🥩香蔥和牛炒飯另外呢個都係比較有驚喜嘅菜式，炒飯粒粒分明，每粒飯粒都比和牛嘅油脂同埋香氣包裹住🥹係少有喺居酒屋會整得好好食嘅炒飯，雖然食到尾已經好飽但係都係忍唔住食晒🤤整體嚟講呢間餐廳嘅刺身壽司同埋熟食都做得唔錯，定價略為偏高🤔不過勝在食材新鮮～cp值都算高！😗

食日本野癮起既話，其實香港都好多好好既選擇，焱丸絕對係一間我覺得比日本既居酒屋更加好既餐廳，因為食物質素真係好高，真係每次食都好有驚喜。首先喺焱丸食飯個氛圍真係好舒服，好有喺日本既感覺，所以d野食零舍好味。不過其實d食物都好高質，好新鮮，首先叫左個焱丸活貝大盛，見到兩隻手掌咁大隻既鮑魚好新鮮咁郁就已經流哂口水，其實仲有帶子，蠔同蜆都好正，全部都勁鮮甜，另外最好既就係有專人幫手燒，可以坐定定等食又唔洗諗幾時夠熟幾時食得，燒得啱啱好，無野可以挑剔。之後叫左紫菜魷魚鬚天婦羅感覺好香口，皮脆魷魚勁彈牙，食到食唔到。最後就有蟹籽蟹肉薯仔沙律，蟹肉份量勁多，清清地勁開胃。

今日放工同事即興話好掛住焱丸，就放工6點衝過黎食🤣好彩都仲有位食到 咁啱我地2個都喺🦀🦀控，前菜都唔可以放過🦀！叫左個蟹籽蟹肉薯仔沙律。份量真喺幾多，沙律上面鋪滿蟹籽，薯仔唔會過林，沙律醬比例我覺得剛剛好 ，配搭埋蕃茄同沙律菜，加番啲清新感~ 前菜都有啲飽肚感所以主食叫左我嘅至愛焱丸號壽司～每次上枱都覺得好驚豔，滿滿嘅刺身。。海膽，蟹肉，吞拿魚腩蓉等。。加埋蛋絲，似喺沙律又似壽司咁 口感非常豐富呀～海膽夠鮮甜，吞拿魚腩又夠肥美！當然仲有蟹肉啦🥰 今次試左新菜式 鮭魚冷麵，唔好以為喺三文魚刺身配冷麵咁簡單呀🤣佢喺實實在在嘅冷麵形三文魚刺身，配搭加左wasabi同生蛋嘅冷麵汁，蔥花，喺一度大滿足嘅‘’冷麵‘’菜式👍大愛蟹膏嘅我就一定要叫個蟹味噌甲羅燒，仲有專人精心幫你磯燒，加埋青瓜絲，可以就咁食或者配埋焱太號壽司一齊食又得!~

最近返工好辛苦，同同事決定要好好發洩一下，獎勵下自己🤣而「食」就係最好嘅發洩途徑‼️哈哈！1.三文魚腩刺身+油甘魚刺身超厚同超肥美，食完個人幸福感瞬間飆升🥰2.焱丸號壽司佢嚟到有震撼到我，上面的材料鋪到瀉哂🤩有蟹肉、海膽、帶子沙律、三文魚籽、吞拿魚蓉、蟹柳蟹籽沙律同蛋絲 ，下面係紫菜同壽司飯，睇落好豐富，食落都好豐富，好滿意👍🏻3.焱丸活貝大盛呢個大盛有帆立貝×2、鮑魚x2、蠔x2、蜆x4，食材新鮮，鮑魚嚟到仲係郁緊🤣店員好好，會幫手燒，完全寵壞晒我呢啲懶人😝佢哋啲火喉控制得好好，全部海鮮食落口都好鮮甜，剛剛好😍4.黑松露蟹肉甲羅燒蟹蓋入面有黑松露、蟹膏、蟹籽、蟹肉、鵪鶉蛋、葱，我見店員將全部放喺蟹蓋上燒，混合咗之後，蟹膏味超濃郁，正❤️5.溫泉蛋天婦羅後尾再睇Menu，忍唔住叫咗流心嘅溫泉蛋，真係超超超好味❤️無後悔👍🏻7.飲品：冰菠蘿燒酎+青蘋果颱風乳酸佢哋嘅飲品都好有特色，個人好鍾意冰菠蘿燒酎，又好飲又適合打卡！入邊有條超級無敵大嘅冰菠蘿，好正❤️總括今次成餐嘅用餐體驗，啲食物真係好好食👍🏻我下次一定會再嚟‼️‼️‼️

我自己真係超超鍾意食甲羅燒好食嘅甲羅燒感覺真係唔多, 這一間真係值得推薦,百吃不厭是日推介餐牌又有好多新菜式， 都好值得揀啲嚟食鮭魚冷麵, 一條條三文魚切開食落真係好似冷麵, 比叫三文魚刺身更有心思旁邊仲有一隻鵪鶉蛋，可以加落豉油嗰度再點三文魚食好特別， 真係好似冷麵特大和牛壽司勁大塊牛肉,燒一燒剛剛好,入口即溶紫菜魷魚鬚天婦羅魷魚鬚煙煙靭靭，唔會硬唔黐牙配埋紫菜香口惹味， 覺得用嚟送酒一流活鮑魚殼燒,鮑魚燒之前放上枱真係仲係旭緊因為炭燒過，海鮮配炭香好好食侍應燒得有剛剛好唔會太生又唔會過熟我自己完全冇落任何調味料，食返鮑魚原味已經好好食龍神壽司係一個又有刺身又有壽司嘅組合款式都算多甲羅燒好難形容有幾好食,因為真係超好食 唔使配餅乾唔使配任何嘢,直接放入口濃鬱惹味配埋嗰啲炭香嘅味道，係連個殼都想食埋食完甲羅燒真係可以開心一段日子最後再叫多兩件帆立貝燒醬油木魚帆立貝殼燒三文魚子帆立貝殼燒一人一件啱啱好, 除咗帆立貝仲有啲配菜殼燒就係咁正，炭香味係完全不能代替的配返個甲羅燒當然就要叫返個梨燒酎朋友揸車唔飲酒，就揀咗餐牌上嘅冰菠蘿梳打， 真係中間有一大支冰菠蘿 ，咬落去係菠蘿冰好特別好驚喜今

難得約到朋友飲酒，飲之前當然要去食飯啦！今次我們選擇了一間地點非常隱蔽的日本餐廳。餐廳主打日式磯燒和特色菜式。不過都要等位，等了20分鐘呀！我們點了蟹子甲羅燒、帶子、帆立貝和鮑魚。當中蟹子甲羅燒非常惹味，啖啖香甜蟹肉，令人吃個不停口。最令人印象深刻，就是燒活鮑魚，店員全程幫手燒海鮮，將鮑魚燒得剛剛成熟，非常嫩滑好味！據店員介紹，三文魚冷麵是他們餐廳自創的一道菜色。將新鮮三文魚刺身設成冷麵般的條狀，在配搭冷麵湯汁和鵪鶉蛋漿，非常鮮甜可口。此外，令我們讚過不絕口的就是香蔥和牛炒飯。餐廳將和牛粒炒香，在配搭大量的香蔥配料，夾雜着一些蟹子粒，每口都充滿牛肉香味，而且炒飯粒粒分明！成餐計落1300蚊左右，非常飽肚，而且味道非常新鮮，價錢尚算合理。

約朋友happy Friday，去狗毛酒吧飲酒之前，去一去酒吧隔離嘅日本餐廳，醫個肚先！見每一台都食日式磯燒，就叫了蟹味噌甲羅燒、鮑魚燒、帶子磯燒呀！蟹味噌甲羅燒經烤後，散發淡淡的焦香，口感醇厚濃郁。蟹殼作為天然的容器，不僅美觀，還保持了蟹味噌的原汁原味，加入蟹子搞拌，非常惹味！帶子磯燒以新鮮的帶子為主角，店員即場燒烤，帶子的鮮甜多汁，保留海鮮味道！鮑魚燒選用新鮮鮮嫩的鮑魚，外表呈現金黃色澤，內裡鮮嫩爽口，每人食一隻都唔過份呀！最後，我們更叫了三文魚冷麵，將新鮮三文魚肉切成條狀，猶如冷麵的形狀，配搭純正冷麵汁，入口冰冷又帶些三文魚香味，值得一試的菜色，出面都未見過呀！不過餐廳人氣非常勁，等位都需要10至20分鐘，好在門口可以吸煙，一邊跟朋友聊天一邊等位！