烏蠅館 (新都城中心二期) (已結業)

📍烏蠅館-#5🫶🏻係最高 環境：🫶🏻🫶🏻🫶🏻🫶🏻食物：🫶🏻🫶🏻🫶🏻🫶🏻回頭率：🫶🏻🫶🏻🫶🏻🫶🏻服務態度：🫶🏻🫶🏻🫶🏻🫶🏻-今次叫左兩個冒菜佢有唔少選擇可以揀 而且份量都唔少 我地叫左紫菜 腩肉 萵筍 豬紅 鴨血 海帶絲等等 可以另外再叫面建議大家可以叫一啲會吸湯汁嘅菜 因為佢地係落單後先煮 變相會比較淡味 吸左湯汁會好味啲 中意食辣野嘅可以try try~

好耐無食烤魚喇，今晚就沖咗過嚟食。好彩嚟到早，再晏啲已經無晒位喇。三峽烤魚珍珠班（$268）- 條魚大概550-650G，兩個人食啱啱好。珍珠班味道較鮮甜，我唔想食辣所以揀咗唯一唔辣嘅蒜香味。味道都幾鹹，真係忍唔住嗌罐汽水飲。個鍋入面仲有萵筍、芋絲同杏鮑菇同洋葱，都幾豐富。嫩滑雞柳（$68）- 份量好足，同真係好嫩滑，配埋個蒜香湯底真係好食。油麥菜（$32）- 估唔到有咁多，菜索晒啲蒜香汁好惹味呀！

今晚去咗寶琳食飯，呢個呢間餐廳個名幾有趣，食烤魚嘅就入咗去試下。店舖唔算大，去到8點已經差唔多坐滿，估唔到咁好生意。有幾款魚揀，我就嗌最細條嘅珍珠班試下先，留返個胃食多啲配菜嘛。有香辣、麻辣、泡椒辣，唔食辣嘅都可以揀蒜香。三峽烤魚珍珠班（$268）- 等咗一陣終於都到，估唔到都幾大條。仲包三款配料，有萵筍、芋絲同杏鮑菇。蒜蓉味超濃，都幾重口味，叫佢加啲湯會好啲。但魚肉都幾嫩滑新鮮。另外仲嗌咗啲配料打邊爐鴨血（$78）- 好滑同有好多件丸類雙拼（$58）- 我就揀咗墨汁墨魚拼魚皮餃。個墨丸好彈牙，仲食到入面有粒粒黑魚魚。魚皮餃就同平時嗰啲差唔多。

平時去開佢其他分店食lunch，因為喺我公司附近差唔多一星期都去兩次😆今日去開將軍澳作為佢嘅fans當然都係食烏蠅館啦🥰佢呢度喺新都城二期樓下，不過就細間好多，地鐵站行過嚟都快😊-冒菜A餐 $55我哋都叫咗麻辣湯，小辣小辣都有啲辣，如果真係唔食得辣嘅，我建議BB辣叫左粉絲、萵荀、鮮淮山、豬大腸、海膽丸、鴨血烏蠅館出名多餸足料！真係食極都未食完咁😍超滿足！🍵凍高山銀絲綠茶+$10茶味香👍🏻-土豆粉土豆粉好似烏冬咁，不過就煙韌啲叫左萵荀、鮮淮山、煙鴨胸、豬紅、雞中翼最鍾意食淮山同雞翼，雞翼好入味！淮山都好爽脆🥰🍹凍檸檬蝶豆花+$10酸酸甜甜夠解辣～

其實以前已經食過烏蠅館不過係喺尖沙咀店👀今日喺寶琳睇完戲路過見到佢地原來呢到都有分店😯之前食冒菜 辣得幾過癮今次決定試下烤魚係咪一樣咁掂😌.🍴三峽烤魚-海鱸魚 $298 💛8/10呢到有三款唔同價位嘅魚今次試咗中間價位嘅海鱸魚🐟魚身厚肉 而且肉質結實用筷子都唔會一夾起就散哂碎哂🥢加上冇咩細骨 拆出黎啖啖肉夠哂滋味佢本身鍋入面仲有跟少少配菜🥦今次見到有芋絲、雞髀菇、萵筍不過唔知係固定定隨機配搭🤣口味就分別有 香辣、麻辣、泡椒、蒜香今次試咗麻辣小辣 FYI譚仔五小左右🌶冒菜小辣係辣好多 大家要留意揀啱心水啦.🍴紅糖糍粑 $24 💛8.5/10通常出面食到嘅 都係紅糖另上呢到就特別啲 紅糖係喺糍粑裡面除咗外脆內軟 仲做到爆漿嘅口感🤩.另外仲有叫左啲其他火鍋配料丸類菜類雙併、風琴豆腐串、脆脆午餐肉全部都大大份幾抵食👏🏻飲品除咗汽水仲有唔少選擇今次試咗蝶豆花同玫瑰普洱仲可以加奶蓋勁正😳到最後整碗涼浸浸嘅凍桃膠同冰粉呢餐夠哂滿足 完滿結束😎

店舖唔大 座位唔太多 但都坐得舒服嘅除咗烤魚外 仲有車仔麵、飯可以食上網見到好多人話服務好差 但當日嘅店員都還好 服務正正常常啦-🐟招牌香辣烤魚-珍珠斑 💰$268條魚嘅肉好嫩滑！而且唔多骨 都幾多肉食兩個人share再配上白飯都夠飽辣度我哋揀咗少辣 大概係譚仔嘅四小辣左右不過佢係會越煮越辣 冬天食啱晒~個湯底會係比較油膩少少 但就係咁肥膩先好食😗當日烤魚配上嘅素菜有：芋絲、菇、萵筍整體嚟講 雖然價錢有少少貴 但條魚幾大條 味道辣辣哋幾惹味值得再encore(⸝⸝⸝´▽`⸝⸝⸝)-🍯桂花蜂蜜 💰$18🌹玫瑰蜂蜜 💰$18兩杯野飲味道都比較淡 感覺比較健康

今日係將軍澳同朋友食晚餐，講起想食烤魚，就搵咗呢一間烏蠅館一時試，座位唔算太多，但幾乎滿座。我哋點咗條海鑪魚，揀咗呢個傳統麻辣中辣，等咗一陣，條魚一上菜睇落份量真係好夠，香氣十足！食落啲魚肉好嫩滑，啲辣度岩岩好，越食越開胃真係，佢嘅麻又唔會太過火，啲魚肉越煮越入味！食得出條魚真係好新鮮！食完魚之外，我哋都有點咗啲配料嚟打邊爐，有呢個牛丸，份量都唔少，好夠牛香同彈牙。菜方面我哋點咗呢個金針菇，完全可以吸收曬湯底啲精華，食落好香！當然唔少得個主食，點咗呢個薯粉，份量足夠曬兩個人份量，煮到佢入曬味，簡直係一試難忙！我哋都有點佢嘅蝦滑，好有蝦味夠曬新鮮，食落好彈牙。呢個嚟到必定要試～最後甜品點咗呢個紅糖滋巴，炸得好香脆但一啲都唔油，啲紅糖係入面變曬流心咁真係好正。

下了車後，打算進入新都城商場找東西吃，在馬路旁，見到一間裝修很特別的食店，很懷舊的裝修吸引着我的視線，同朋友商量後，終於入去試試他的招牌菜式，店內座位不多，有很溫馨的感覺，牆上掛着一個很古老的牌匾，可能這就是鎮店之寶。我們選了550 - 650g珍珠斑（味道鮮甜） $268，四個人食份量，非常足夠。其實，魚和煮法都有不同的選擇，所以，總會揀到一款你喜歡的味道。我們也加了其他配料，牛筋淋滑，也不會黐牙，炸魚皮是厚脆的，沾上烤魚的湯汁，簡直是絕配。還有魚膠，豬大腸，已經很飽，本來想叫冒菜，還是等下一次再吃吧！

一到秋涼啱哂去烤魚川菜舖頭食餐熱辣辣嘅烤魚，今次去左一間位於將軍澳一間烤魚川菜小店😍 未入到店內，出面已經傳出濃烈川菜辛香味，雖然小店地方偏細，但熱鬧嘅氣氛令細小嘅舖頭生息不少，另外如果想食烤魚，可以先選好邊一款魚然後再用QRcode落火鍋配料同各式各樣小食和飲品😜店舖定期提供不同魚款，想了解邊一款魚款想食，可以向店員查詢一下，今次經店員推介，叫左以下食物清江魚 $348口味都各有花臣，而我揀咗泡椒湯底口味，酸中帶麻又辣，陣陣魚香鮮味夾雜各種香料瞬間刺激到我嘅味蕾🫣， 魚肉鮮嫩香滑，細骨刺不會太多，一條魚份量足夠三至四人享用，鍋內還有一些酸菜同海帶配菜油麥菜 $32滿滿一盤嘅油麥菜，份量十足平過自己買菜😂，再配上泡椒魚湯😋惹味無窮。四川蕃薯粉 $28薯粉一般都比較少食，但一食到烤魚或者火鍋就必定會點！四川番薯粉非常煙韌，配上嫩滑魚塊非常之夾。脆脆午餐肉 $30另外叫左款午餐肉小食，午餐肉炸得好金黃色，又外脆內軟，名副其實嘅脆脆午餐肉。有機烏龍茶奶蓋 $23即泡有機烏龍茶再配上自家製奶蓋，味道不錯👍🏻

今日帶朋友去試新野，朋友話未食話烤魚，平時都係打邊爐多，咁我就要帶佢去大開眼界，擴闊一下佢嘅胃嘅市場喇！咁岩知道將軍澳有間連鎖烤魚店，又平又抵食，就帶佢去試下啦！呢間鋪頭有得食冒菜、火鍋同烤魚，咁我今晚就梗係食烤魚啦！首先要揀魚嘅種類，今次揀左珍珠斑 $268，另外再加左土豆片、寬粉、油麥菜、鮮淮山片。湯底揀左蒜香，值得一提嘅係，本身佢湯底都包左一啲配菜，有金針菇、芋絲、萵筍、雞髀菇。（好似每日包嘅配菜都唔同）配菜吸配蒜頭嘅香味，特別好食。魚肉爽滑無骨。土豆建議煮耐啲，入口即化，超正。打得多邊爐，想轉下口味，烤魚真係一個唔錯嘅選擇！

新都城中心真係食肆林立, 烏蠅館主打烤魚, 位置較為隱蔽, 店舖面積不算大, 晚飯時間捧場客却不少, 需要稍作等候。點了蒜香鱸魚烤魚, 稍作等候, 熱辣辣鱸魚原條上盤, 分量非常足夠, 陣陣蒜香撲鼻, 別具一番風味。鱸魚嘅肉質相當嫩滑, 魚骨唔算多, 吃時小心一點, 吃起來也較方便, 配菜有雞髀菇和芋絲, 醬汁很惹味。韭菜豬肉紅油水餃餃子外皮厚滑, 韭菜豬肉餡料很香口, 紅油辣辣地夠惹味。川式麻辣雜醬蕃薯粉番薯粉透明又彈牙, 雜醬湯汁鹹度啱啱好, 惹味得嚟辣度合適。紅糖糍粑熱辣辣夠曬香脆, 糍粑軟熟夾著流心紅糖內餡, 吃時小心熱燙, 相當美味嘅甜品。

呢間係一間川菜 專食烤魚晏晝同夜晚都有供應冒菜天氣涼涼地 今晚就黎食烤魚 🐟 蒜香烤魚 清江魚呢款魚肉質比較肥美同結實食落冇咩細骨 口感都幾滑就好似食緊一大條魚柳咁適合唔識吐骨嘅人😂😂配料有雞髀菇 芋絲 昆布等⋯無論係條🐟嘅表面定底都舖滿🧄 成條魚入哂味🧄味仲可以維持到好耐😂😂食完魚可以加湯打邊爐呢到嘅湯係海鮮湯火鍋料叫咗薯粉 雙拼餃 花雕雞同埋墨魚滑🫶🏻薯粉一定係必叫佢可以索哂啲汁一齊食勁香口又彈牙🐓花雕雞記住要撈勻先擺唔係味道有可能會唔平均碌完都仲有花雕酒香‼️‼️隻🐓都幾肥美 夠滑🥟雙拼餃 西洋菜餃 粟米餃餃皮幾薄 餡料都幾多呢到啲餃係自家製幾有心機🫶🏻🫶🏻🦑墨魚滑呢到嘅滑口感冇出邊個啲咁實反而係似食緊魚鬆咁入邊真係有粒粒🦑喺到都幾足料 冇咩腥味💐熱茉莉花蜂蜜 唔會好甜 好多Jasmine 喺底呢杯唔錯 感覺幾養生滋潤🥰

將軍澳區烤魚川菜好介紹😍 一入到店內就聞到好香烤魚味🤤 小店地方唔算大，晚上好快已經坐滿客～係到食野有種好親切嘅感覺～ 點完食咩魚之後就掃QRcode落火鍋配料單清江魚 $348集鮮甜結實肥美於一身，揀咗泡椒湯底口味，辣中帶酸，魚身放滿蔥，誘發獨特發酵香氣😃 魚肉滑嫩仲好多肉小細骨👍🏻 鍋內已經有海帶同埋八年酸菜～四川蕃薯粉 $28份量好多，每條都有切短，夾得方便～ 煮熟後吸哂湯汁，煙煙韌韌又彈牙好好味😋油麥菜 $32菜嘅份量都好多，滿滿一碗，望落去洗得幾乾淨👍🏻 煮熟油麥菜掛滿湯汁，好味😋脆脆午餐肉 $30我哋仲點咗個小食，脆炸午餐肉外脆內軟，鹹香美味，超邪惡🙌🏻

Qr code order 👍🏻方便揀左香噴噴嘅烤魚，之後再邊爐好耐冇食過烤魚了，一來唔知邊度有好食嘅烤魚，二來烤魚通常好辣，我成日怕太辣就冇食到。有日同朋友行開新都城，見到呢間個名好特別嘅餐廳有唔辣嘅烤魚食，就決定約一日嚟試吓！我哋嗌咗個蒜香烤魚，店員同我哋介紹海鱸魚比較少骨，所以為免食得好麻煩，我哋即刻揀咗呢款魚！烤魚一上枱嘅時候已經聞到非常之香，等到煮沸既時候，打開個蓋，惹味到不得了！而且醬汁蒜香味好濃，魚肉吸收晒湯底嘅精華，好濃郁！而且完全唔辣，唔太食得辣嘅我哋都可以食烤魚啦！條魚嚟到先知道原來每個烤魚都已經包咗一啲小食係入面。有萵筍同埋芋絲，每款都吸收晒湯底嘅精華，好入味！特別推介炸餐肉，午餐肉炸得好香口，就咁食已經好好食，放埋落去連埋湯底精華一齊食，味道更有另一層次。呢度每份追加嘅食物份量都幾大，好抵食！最驚喜嘅係杯嘢飲，我叫咗杯桂花蜂蜜加奶蓋，出乎意料地好飲！桂花味香之餘，加埋厚厚嘅奶蓋，甜而不漏，推介！呢一餐好豐富，原本唔知道烤魚入面已經有小食，所以最尾食到捧住個肚走！滿足！🤣

我特登搭幾個站去食 小店坐位少 入到去一位說話霸氣冇禮貌既店員 問我地食粉麵定烤魚 我地話食粉麵 就話冇位示意我地離開 其實都有枱既 唔知係咪有人訂啦 我load左幾秒 主動問佢 咁係咪要拿飛等位 點知佢話 我地主要做烤魚 你食粉麵如果要等 都會比左食烤魚既人入去食先 你地要排係烤魚後面 。 講嘢洗唔洗咁串呀！！ 擺明話食粉麵金額少，唔歡迎你黎食 擺明趕我地走 如果係咁點解堂食唔講明淨係做烤魚 ...唔好用咁既咀臉黎趕客 仲有我想講既係 我係尖沙咀分店食過佢d魚 係真係好麻麻 味道普通好唔川菜 唔麻又唔辣 魚又細條 海鮮普通唔太新鮮 2個人埋單成千蚊