烏蠅館 (新都城中心二期) (已結業)

本身有食開尖沙咀果間都好鍾意食,到今次堂食下午,碗麵食食下有頭髪🤮,到我老公果碗食到就嚟尾又發現有頭髮😑見到廚房啲呀姐冇帶髮網,衞生極要改善,唔會再去🤮🤮

價錢合理 叫左6餸加麵正常女仔嚟講應該都無可能食得哂每個餸都多 唔會因為多餸而減份量平時食開三哥麻辣三小 呢間微辣都好勁 湯底比三哥嘅好 唔會得死咸同辣 辣得好有層次 會食到上癮

知你生意好喇！幾個等緊外賣既人入嚟禮貌問句等幾耐先有，個啊姐就鬧人等唔到就退單！有個外賣比錯咗人，有個後生少少既男人仲要鬧返人「點x樣」，咁既服務態度你聽執笠啦！叫咗條烤魚等咗成個鐘都未有，禮貌問聲個啊姐幾時有，個啊姐就鬧返我哋轉頭話要訂定先唔洗等，咁我地叫個陣又唔同我哋講聲？！等咗成粒鐘先同我地講，態度仲要老鳳要我地等咁！同佢要求退咗條魚去，就轉個頭格硬比咗唔知邊枱既魚我地食，痴線架？你自己有問題，仲要咁衰既態度！未試過食餐飯食到咁谷氣，絕對冇下次！

前排先食完冇幾耐今次同事又話想食烏蠅館所以又嗌咗啦上次叫咗小辣都辣死我有左上次嘅經驗今次就試吓嗌清湯個人覺得清湯幾好喎 又唔會好鹹 清湯得來又唔會得滾水味，蒜都落得幾多，飲完個口充滿蒜味🙈🙈🙈🙈配菜一如既往嘅多，特別推薦魚皮餃同芋絲😝😝😝😛lunch叫呢個套餐有咁多餸都幾抵！唔怪得同事咁鍾意嗌呢間la☺️

早排新冠肺炎爆得咁勁冇咩事當然都係留喺屋企啦變咗成日嗌外賣今次同屋企人嗌咗個烏蠅館嚟食之前都食過㗎我幾鍾意食佢哋啲套餐幾抵佢哋最普遍嘅係有分三個餐A: 6款配料+湯+主食B：8款配料+湯+主食C：6款配料+湯+主食+鵝腸、豬黃喉、墨魚仔送到黎就冇分湯嘅，咁好彩啲麵都冇索晒啲湯啦嗌咗A餐（豆腐，芋絲，海帶結，娃娃菜，墨魚丸，魚皮餃），揀咗火鍋寬粉（個人覺得呢個真係好味過米線好多，平時薯粉就好常見，火鍋寬粉就真係唔係間間都有），而呢間嘅火鍋寬粉都整得幾彈牙、啲湯亦都唔會浸到林晒，good👍🏻 配料就每樣都俾少少咁啦，份量我覺得可接受嘅，你預大約每款大約兩至三件！個辣到我揀咗BB辣，唔知係整錯定點，我相信個辣度起碼都有中辣，辣死我Overall 值得再encore，如果個辣度更精準就好

光頭男待應無禮貌，完全趕客，服務不如前，不再光顧。坐左入去都走返出來。上年一直有食，服務正常無咩野，特別差，特別好 今次難得出去。真係無下次。好差既服務態度，正常人講野都唔識

忽然想食辣 所以搵定功課 都知呢間唔係上品 但冒菜呢啲濃味野難食得去邊呀 照去囉叫左寬粉, 萵筍, 姬松茸, 海白菜, 海帶結, 鴨血, 牛筋 加個紅糖冰粉一嚟上個冰粉先 不得了 好啱糖尿病人食！然後上冒菜 第一啖食個寬粉 硬心 完全無吸過啲湯 再食萵筍, 海白菜, 海帶結, 鴨血… 白烚咁款 完全無底味 戲肉係牛筋同姬松茸, 浸發都未得透就比客食 結果當然係硬過我條命. 味就更加唔使講 係零呀！成碗野 唔香唔辣唔入味 就好似白烚完一堆野材料放入碗鹽水比客食咁川菜做到咁健康真係只此一家…今餐盛惠七十蚊 無下次

絕對是付錢買難受。該餐廳的男侍應。 強調是男侍應。態度極惡劣。你坐得迫。 將椅子坐開少少。佢會話阻住佢行。咁沒法子。我轉去另一張桌子吧。無謂阻大家。佢會話你轉的話。繁忙時間要夾枱。絕對明白的。但最有趣時有其他客人來時。明明有其他空的桌子。他會叫客人故意來你的桌子一起坐！大家一齊你眼望我眼。再望其他吉的桌子繼續吉！真心不會再幫襯。做左咁耐香港人。幫襯個無數咁多餐廳商店。咁的服務態度。 真係*名列前茅*

一早同老公行完山去寶琳食久違的堂食午餐竟然見到烏蠅館本身喺尖沙咀經常幫襯森心諗可以食鴨血 好開心 尖沙咀店質素很好於是二話不說衝左入去 點知一入到去男士應安排坐2人位， 一坐落發現係風口位所以要求調去另一個4人座位。 男士應表示有機會被搭枱 我們說可以 心諗而家疫情 如果你其他枱坐滿 要搭枱 我都唔想阻你做生意咪塔囉⋯⋯ 跟住有客人入嚟坐咗我哋原先嘅2人枱 以為開始多人 之後另一位客人入嚟 佢就安排果位客人A 塔左我哋張枱！ 但當時佢出面有3張4人枱 冇人坐 ！ 偏偏要安排A 塔我哋張枱， 我已經不滿不過就係諗住可能佢之後好多人嚟所以冇出聲 算！ 到我哋食完 期間完全冇人入過嚟！ 另外幾張枱啲人已經走晒 我真係唔明點解佢要叫A 搭我哋張枱！ 買單嘅時候我哋明明揀咗8個配菜（包括米線）之前喺尖沙咀食開米線可以當配菜， 但原來呢度係另外收費$5 ! 好咁佢張單明明有寫我比多$5冇所謂, 但係我哋落咗7個餸時點解佢提都唔提！ 平時都唔會寫開食評 😅今次真係堅嬲！😡😡

一直有聽過冒菜這個詞,但一直不知道吃什麼的,最近看到將軍澳有一間叫烏蠅館的小店,專門吃冒菜的,晚上好像還有烤魚,但因為今天是中午來的,所以就點冒菜來嘗嘗看吧~ 單人A餐任揀6款配菜 $50 , 單人B餐任揀8款配菜 $58基本上有點像港式車仔麵,自己選不同的餸料配搭,再另選主食+$5,選好料之後再選湯底,冒菜可能就是這裡特別,湯底的選擇眾多,有麻辣湯(辣度再自選) 、清湯、藤椒湯、蕃茄湯、四川酸湯、滋補菌湯. 飲品單點$18,跟餐加配$10點了一杯玫瑰蜂蜜和茉莉蜂蜜,微微甜的,不太大杯,感覺是清甜的.

今日去開寶琳，見到呢間喺米線關注組曾經有人推介過嘅烏北蠅館，所以去試下。細細嘅鋪頭，估唔到都好多選擇同好多選擇聽都未聽過！咩「冒菜」….我諗係toppings嘅意思。一係揀6個冒菜，一係就8個。我呢啲細食，平時只點開一個兩個餸嘅人，要我揀最少6個餸….. 弊啦，會唔會食唔晒㗎…..Anyway, 6個餸都只係$50，咁我就點左平時必食嘅大腸， 同菜，再試平時少食嘅： 賽雞肉, 豆皮(因為唔知呢兩皮係乜所以想試下), 鴨血同近排興食嘅蓮藕片。 仲有原來主食米線要另加$5😅 米線鋪要加錢先有米線都係第一次！不過$5 only, 冇所謂啦。碗麵一嚟到我就知我嘅憂心係多餘嘅。「咁細碗嘅？」$5米線份量真係唔多！咁佢哋又真係俾足6款餸，但每樣份量都唔多。最特別嘅係嗰一大pat 嘅蒜茸！ 你可落單時選擇要唔要,蒜同蔥同莞茜。但我心諗，咁大pat蒜蓉，咁一定好食啦！🤣 又真係因為pat蒜茸，碗米線同啲湯又真係好好味！😋米線係比正常幼身同淋，但好掛汁。餸方面，大腸生菜好味，但其他都唔係咁好！賽雞肉，應該係素雞。鴨血爽口，但都係豬紅比較好。豆皮…即腐皮，唔鍾意因為太硬。蓮藕片正常，但下次都係揀啲會吸湯嘅

而家已經冇晚市，淨係做午市，餐廳理應更加想多生意，奈何唔知係老闆定男侍應，態度奇差，問佢張點餐紙點寫，好聲好氣，絕對有唔該前唔該後，換來不理睬及黑面態度，睇返之前食評，發現原來唔係淨係我一個覺得有問題，如果唔係屋企人想食，我一定會起身走，將軍澳咁多餐廳，唔需要受你氣。。。

烏蠅館📍 將軍澳貿業路8號新都城中心二期地下G10號舖冒菜第一次聽😂行過去一卡試試叫左2個單人A餐任揀6款配菜 $50🍜紫菜、肥牛、腩片、竹笙、黑豚肉、生菜+$5米粉 麻辣湯小辣 🍜豬腸、姬松茸、豆腐結、賽雞肉、豬紅、牛筋+$5番薯粉 麻辣湯中辣整體來講一般～其實我覺得就係麻辣燙、麻辣味係好出👍🏻蒜蓉都勁多🤣⋯個人勁愛食蒜🤝😆但唔會話特登來食👋🏻

朋友推介，今日試食，帶住個女童，試佐個8餸麵餐，加檸檬茶，加餃子，已經叫清湯底，無走蒜， 葱等，結果勁多芫茜，湯應該有的辛辣味，小朋友已經有皮膚癢，一路食一路叫癢，提供自製餃子有的特色，可惜是日提供嘅得牛肉蘿蔔同埋牛肉芹菜兩款，唯有叫牛肉蘿蔔，結果食完個麵好耐都仲未有餃子來，小朋友打太耐遊戲機了，唯有埋單先，結果侍應好老實講整錯辣餃子，重新整過畀我，我哋轉做外賣，取餃子時，又畀錯芹菜餃子，唉😪食佐$91/，都唔飽，比普通麵餐貴佐的，唉😪

去年圣诞在尖沙咀的乌蝇馆吃的烤鱼 朋友推荐的 冬天吃着热热的烤鱼和冒菜 觉得特别温暖 后来在宝林附近发现也有一家 就打算再来尝尝 这个店面小一点 但是味道相似 地理位置有点不好找 不能从地铁里的商场走到 鱼还是很好吃 多宝鱼 没什么刺 招牌 小辣 两人一条鱼 再点两个菜 就够了 这个连锁小烤鱼店是不是会成为我的圣诞传统呢 希望年年有余 岁岁开心 温暖地过冬 下次在家里也要尝试烤鱼 听说白肉和海鲜比红肉要稍稍健康一点 虽然是烤的 但是一年只吃几次还是很健康的