為食火鍋公司

營業中

休息中

為食火鍋公司位於觀塘區， $368任食任飲火鍋晚餐，還是一家動物友善餐廳，支持好多動物協會。1、奉送時令燉湯：黑蒜湯，真材實料湯底散發著黑蒜獨特的香氣，每一口都能感受到湯汁中的真材實料，為用餐體驗帶來了美好的開始；2、餐前小食: 炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳；3、前菜: 五點刺身盛合一盤五款刺身的搭配巧妙多變，每一種都展現了不同的風味特點。一口咬下，肉質鮮嫩，口感豐富而讓人愉悅；4、任食雞煲湯底濃鬱醇厚，入口暖心，雞肉鮮嫩多汁，將雞的鮮香和各種精選食材完美融合，為食客們帶來一種溫暖身心的美味享受；5、火鍋盛宴: 黃金皮蛋芫茜蛋皮的外觀金黃，散發著誘人的色澤，將黃金皮蛋的獨特風味與新鮮芫茜的清香相結合，令人感到驚豔；6、豪食海鮮拼盤一盤: 蟶子、鮑魚、元貝、龍躉片、脆肉鯇、蠔、蜆、鮮蝦、白鱔豪食海鮮拼盤，集結了大海的豐富味道，每一種食材都很新鮮，帶著海鮮獨特的鮮甜口感，讓食客們十分滿足；7、豪食牛肉拼盤一盤 8款: 潮汕五花趾、吊龍伴、手切牛頸脊、黃喉、澳洲封門柳熊本雪花一口牛、SRF和牛肩胛肉眼芯、SRF和牛三角肉堪稱肉食者的極致享受，匯聚了八款極上牛

閨蜜超鐘意毛孩，啱啱就帶左我去呢間以毛孩做主題既無限時任食火鍋店 - 為食火鍋公司，食左一個豐富既晚餐。為食火鍋公司位於官塘創紀之城一期附近，如果搭地鐵去，向牛頭角地鐵站出閘，經天橋行過對面就好易搵到喇！全間店都係以各種不同可愛既貓貓狗狗做主題，宣揚大家要愛護毛孩。店內地方非常闊落，有卡位亦有不同大細既枱方便食客聚餐。今次我同閨密選擇左$288/位既為食套餐；首先有6款既餐前小食，有炸薯條，炸番薯條，炸大腸，鮑汁雞腳，唐揚炸雞同蟹籽沙律。各式炸物都係熱辣辣，脆卜卜，好惹味。餐前小食都係無限添食，可以食完食夠先再食主菜。食完餐前小食，就有一次性既三點刺身；分別有三文魚，北寄貝同牡丹蝦。唔好以為呢個刺身拼盤分量細細，隱藏向碎冰中既牡丹蝦，尺寸有我手掌大細，非常有誠意架！食完刺身就可以開始食頭盤，你可以選擇要酸菜魚或者雞煲，二選一。因為閨蜜唔食魚，所以我地選擇左小辣雞煲。一打開雞煲既蓋已經麻香撲鼻，雞肉嫩滑而且濃郁惹味，我地都食到唔停得口。食到呢到，我已經飽左一半😅之後就到火鍋盛宴；我地選擇左櫻桃蕃茄薯仔湯底；套餐包有海鮮拼盤（5款）同牛肉拼盤（5款）。食完唔夠喉，仲可以手機掃QR code

想搵間唔會被趕走既餐廳同朋友好好聚一聚見好多人推薦依間任食火鍋試完都幾滿意🔶餐前小食甜蕃薯條//幾特別蟹籽沙律酸甜炸大腸鮑汁雞腳//入味夠淋🔶燉湯（位）卜位就送！🔶五點刺身盛唔會未解凍，冇咩雪味夠新鮮同厚切，滿意既！🔶雞煲/酸菜魚由於朋友唔食酸菜，所以我地叫咗雞煲店員提醒每2分鐘就炒一炒仲有碟豬皮、魷魚同牛柏葉可以加埋落去🫶🏻終於到bino了🤣我地食豪食套餐$378配櫻桃鮮茄薯仔湯佢包一次性的豪華食物盤：🔶豪食牛肉拼盤（8款）有和牛🫶🏻肉都係有脂肪有肉汁、唔錯既比較特別既係有潮江吊龍伴！即係肉眼邊邊位每隻牛得1%左右，超級少見呀！🔶豪食海鮮拼盤（6-8款）都幾新鮮貝類冇沙❤️ 鮑魚同聖子大大隻🔶任食菜式特別推薦手打黑滑//好食有咬口濃汁牛肉丸//超爆汁又重牛味

曾經食過一次有刺身+酸菜魚+打邊爐集於一身嘅經驗，心絲絲想再食，於是物色同覓食到呢間相類同嘅食法。一進入去餐廳，感覺幾舒服同一陣陣雞煲香氣撲鼻，被安排坐卡位，好寬敞舒適。晚市有兩種套餐，分別係為食套餐及豪食套餐，是晚我哋選擇豪食套餐。🎈小食小食有六款，都試齊，最印象深刻是脆炸雞、瘋炸薯條同蟹籽沙律，脆炸雞雞肉嫩及脆口，沙律好fresh。🎈刺身有五刺身，樣樣都好新鮮，好肥美。🎈酸菜魚（一次性）/ 雞煲（任添）二揀一，最後試左雞煲，不過不失，味道夠味。🎈火鍋盛宴分別有豪食海鮮拼盤和豪食牛肉拼盤，擺設都好精緻，有六款海鮮，牛肉就有八款。配上牛尾湯底。基本上食完以上嘅4 round都已經飽到上心，最吸引還是無限時，可以慢慢食。

好難得搵到間係無限時打邊爐的餐廳，最岩一班朋友來聚會。7 點多已全場爆滿。這間為食公司，環境光猛闊落，又沒有很大的油煙味。套餐有分每位$288及$368的豪華套餐，分別在於刺身，海鮮及牛肉併盤份量。最後選了$288.套餐有分四個Round, 逐個Round 去，不可以再返轉頭。Round 1, 任食餐前小食，有炸薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞公腳。當中鮑汁雞公腳夠入味，可以encore. 提前訂位還有燉湯送。Round 2, 一次性的三點刺身盛合，三文魚，北寄貝及蝦，都很新鮮肥美。Round 3, 一次性的酸菜魚或任食雞煲，BB 辣的雞煲很惹味，份量都頗多，仲有水魷，牛柏葉及豬皮放入雞煲中。Round 4, 可以再揀個湯底開始打邊爐，清清地的皮蛋芫茜湯。之後再送上一次性的海鮮及牛肉併盤。海鮮有鮮蝦、蠔、蜆、半殼元貝、脆肉鯇、白鱔片，質素不錯，頗新鮮。牛肉有潮汕命龍伴、黃喉、手切牛頸脊、熊本雪花一口牛、SRF和牛肩胛肉眼。黃喉則很有驚喜。其他配料則可以用QR code 下單。有些配料可以逐件點，唔洗浪費食物。飲品及調味料都可以任取。

今晚同好姊妹相聚去咗觀塘近牛頭角的為食火鍋公司打邊爐，呢度有我好鍾意嘅哥基做主題，裡內裝修佈置左好多貓貓狗狗寵物的相🥰我哋揀咗 冇限時間豪食套餐，一坐低店員就立即送上熱烘烘的燉湯，今日呢個係黑蒜燉湯好有益，飲落好清甜。Round 1️⃣- 餐前小食有6 款小食可以任叫，鮑汁雞腳同埋甜番薯條都好正，要encore 😄Round 2️⃣- 前菜 🧡五點刺身盛合🧡五款刺身係一次性，全部都好新鮮厚切，最鍾意係帆立貝，好鮮甜😚Round 3️⃣-頭盤 🧡酸菜魚/ 雞煲🧡我哋揀左BB辣酸菜魚，店員提我地大火煮滾幾分鐘之後熄火就食得，D魚肉片真係好嫩滑，仲有D薯粉係底，索晒啲汁好好食😋Round 4️⃣- 火鍋盛宴🧡豪食海鮮拼盤🧡（一次性）🧡豪食牛肉拼盤🧡（一次性）我哋揀咗🌟高湯牛尾🌟湯底，海鮮拼盤很豐富，蟶子大大隻、蜆也很鮮甜沒有沙。牛肉拼盤好詳細寫住每一個部位係啲乜嘢，2 款和牛部份都好好食，仲有封門柳之後可以用QR code落單揀其他任食嘅火鍋配料，推介必點🧡濃汁牛肉丸🧡 同埋🧡澳洲M8 和牛肩胛肉🧡☺️另外出面有個田園蔬菜自助吧，仲有包非酒精飲品任飲。

秋冬到！又係時候打邊爐喇~無限時火鍋盛宴係咁食,觀塘人無咩可能無聽過依間為食火鍋公司.今次我同朋友選左每位$368的,都幾豐富Round 1餐前小食,過下口癮先,蟹籽沙律,唐揚炸雞,鮑汁雞腳,甜番薯條.食左3轉,抱歉真的忍唔到係咁食.Round 2 刺身盛合,我就最鍾意個三文魚刺身Round 3 酸菜魚,魚肉好多片,滑嫩Round 4 火鍋盛宴 食海鮮拼盤+牛肉拼盤蠔元貝蜆蝦和白鱔片等等,鮮活好味手切牛頸脊,熊本雪花一口牛,美國SR肩胛肉,吊龍伴黃喉等等,我就最鍾意個封門柳,牛肉味極為濃郁!D裝飾幾令飲品方面比較喜歡解茶,飲幾啖又可繼續食!

我們入座剛好坐在戴狗仔口罩的狗狗合照牆紙,狗仔樣幾cute,隨著疫情過去,我們也能克服困難挺過來,回復豪食享樂的喜悅呢.晚上上班族收工想鬆一鬆,所以餐廳都爆爆地人,豪食套餐368位,雞煲/酸菜魚,燉湯,海鮮拼盤,牛肉拼盤,一次性的基本上包羅萬有,仲有無限點的餐前小食,牛啊,火鍋配料,手打烏冬,黑白滑,丸等等等.仲要無限時任食,夫復何求@!燉湯熬得不錯,暖身一流!餐前前菜,豬大腸,鮑汁雞腳和蟹籽沙律令人食指大動!刺身盛合,牡丹蝦、三文魚、北寄貝、油甘魚、帶子,新鮮厚身!雞煲/酸菜魚,雞煲可狂fill,酸菜魚入味,二選一,選擇不了就今次食酸菜魚下次食雞煲喇,哈哈!海鮮拼盤,白鱔片、蟶子、蠔、蜆、蝦、龍躉片、是高級質量的味道啊!牛肉拼盤,和牛肩胛肉眼芯,潮汕五花趾、手切牛頸脊、黃喉、一口牛、多款牛肉的不同部位,刺激味蕾的多樣化!手打烏冬係好鬼彈牙，芝士腸，丸啊,魚皮脆,食埋蔬菜盤收尾,飽飽!

凍凍地又係打邊爐好日子，想坐耐啲傾吓偈，上OP見到呢間見人介紹呢間無限時火鍋，又會捐助支持毛孩機構，立刻卜位試試。餐廳座位舒適，醬料，飲品及蔬菜在自助區。店員耐心介紹這裡的序位食法，原來是先點小食，完成後再到酸菜魚/雞煲及刺身，最後才是打邊爐！小食無限添加，我哋每款都有試，推介炸大腸，炸雞，番薯條及鮑汁雞腳。炸物夠熱夠脆口，亦好少有任食炸大腸。刺身用冰碗上枱，有三文魚，北寄貝及牡丹蝦，3款都肥美好食，尤其是牡丹蝦十分鮮甜。的確眼見好多枱客人都選擇雞煲，但我地堅持貴精不貴多，所以點了酸菜魚，果然無點錯。店員提示只需滾3分鐘，魚片滑溜美味，湯底濃郁，配上滑粉很吸味。黃金皮蛋芫茜湯，幾喜歡呢個湯底清清地，與多款海鮮及肉類都好配搭。海鮮拼盤及牛肉拼盤都好出色。尤其牛肉拼盤上有黃喉是外面少見，食落口感爽脆。另外亦都推介濃汁牛肉丸，爆汁彈牙。一口雲吞及一口韭菜餃，細細粒之餘又好食。紫菜響鈴亦是外面少有，比普通響鈴更好食。無限時慢慢食真心不錯，下次再試麻辣湯底。

天氣終於開始涼涼地，又係時候打邊爐‼️‼️今次呢間一次過滿足多個願望🤤🤤大胃王注意😝😝無限時火鍋盛宴，係無限時🤓有2款套餐可以揀，詳細參考menu😉fafafoodie 就揀左豪食套餐😋為食套餐 HKD288/1位豪食套餐 HKD368/1位 星期五六日公眾假期+$10/位包非酒精飲品任飲，早一日訂座送時令燉湯1️⃣餐前小食 （任食）炸薯條🍟、甜番薯條❣️、唐揚炸雞🍗❣️、蟹籽沙律🥗❣️、炸大腸、鮑汁雞腳，全部都可以一人份咁order，即叫即整，全部都熱辣辣😁留意返係任食，不過去左下一round刺身 就冇得叫返上一round既餐前小食架喇😉2️⃣前菜 五點刺身盛合 🐟🦐（一次性）有三文魚❣️、帶子❣️、北寄貝❣️、赤蝦❣️、油甘魚，刺身厚身，好新鮮唔腥，放題可以有咁好質素真係好驚喜‼️3️⃣頭盤 任食雞煲🐥/一次性酸菜魚🐟揀左雞煲BB辣，職員會問有冇唔食芫茜芹菜洋蔥幾貼心，每2分鐘炒一次，total 8分鐘就食得～好香口惹味🤤食到一半就可以加牛百葉豬皮魷魚，索晒啲味，食落會辣過啲雞😜為左留肚，冇食晒成個雞煲🙈職員會幫手用碟裝起啲雞，就可以換煲打邊爐喇😁4️⃣火鍋盛宴🥘櫻桃鮮茄薯仔 / 黃金皮蛋芫茜/ 高湯牛尾/麻辣鍋（鴛

今晚同朋友去了觀塘搵食，本身想行去apm 個邊，但落車見到這裡，為食火鍋公司，記得朋友說過抵食，無限時間任飲任食，於是望望有沒有位，剛好有人埋單不用等，餐廳環境光猛闊落，內有好多以寵物狗狗裝飾嘅佈置，店主應該都係一位愛狗之人。今晚點了豪食套餐，會有四個階段，就平時食開任食火鍋有少少唔同。第一輪先會點餐前小食，6款自選前菜，任點任食，但主角是火鍋唔好貪心食太多，個人最愛鮑汁雞腳和唐揚炸雞。第二輪就係一次性嘅新鮮嘅刺身拼盤五點，有三文魚、油甘魚、帆立貝、赤蝦同北寄貝，食落個質素亦唔差！第三輸頭盤就點了任食嘅寵寵雞煲，雞件入味嫩滑，夠晒惹味！第四輪當然就係今晚主打嘅火鍋盛宴，食完晒就轉湯底打邊爐，奉送一次性嘅海鮮盤同牛肉盤，賣相幾靚㗎，海鮮拼盤大大份質素唔錯，好似今晚我們一行4人，海鮮盤放滿了不同海鮮的款式感覺豐富，當中我最愛蟶子、龍躉片、鮑魚，有這樣的份量同質素，感覺超值！而豪食牛肉拼盤內有潮汕五花趾、手切牛頸脊、黃喉、一口牛、和牛肩胛肉眼芯等不同位置，牛肉肉質不錯，絕不會將價就極薄沒有口感，牛肉味道濃厚。而這裡還有招牌「濃汁牛肉丸」「手工雲吞」勁高質，我就重點點了幾次，火鍋配料選擇豐富，

6月中星期五，約咗朋友食生日飯，我哋一行7人食，早一星期已經訂左枱。火鍋包咗個雞煲，我哋叫咗小辣，好惹味，雞嘅分量夠我哋7人食，食完雞煲就上刺身，有甜蝦，厚身鮮甜，三文魚唔食嘅，北寄見新鮮嘅，不過冇乜特別，之後就上湯底打邊爐啦，上一大盆嘅海鮮，有魚片，大蝦，蠔，帶子同大隻貝類。牛肉，肉丸，蔬菜，菇等等都係任食，汽水茶都係任飲，而且冇限時間，真係抵，人均消費都係300內，坐啲位都闊，九龍灣打邊爐好選擇。

-🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-🥘冇限時火鍋盛宴 $288餐廳嘅冇限時火鍋盛宴喺以一round round嘅形式進食，一共有4 round，包括小食、前菜、頭盤同火鍋。客人需要食完一round先可以食下一round，之後亦都唔可以嗌番前一round嘅嘢架！1️⃣ROUND 1 餐前小食 🆗🥢炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳 小食當中最鍾意喺甜蕃薯條，味道甜甜地幾香脆👍🏻。2️⃣ROUND 2 前菜 🥢三點刺身盛合(一次性) 🆗刺身就屬於一次性，每枱客人都係得一盤刺身。3️⃣ROUND 3 頭盤🥢任食寵寵雞煲 / 酸菜魚 🆙雞煲嘅份量適中，店員提醒我哋要炒4次，每2分鐘一次，中間可以落埋盤海鮮落去一齊炒。我哋嗌咗BB辣，有辣味之餘亦唔會好搶晒本身醬汁嘅味道😋。4️⃣ROUND 4 火鍋盛宴 🆗🫕黃金皮蛋芫茜鍋🫕為食海鮮拼盤 (一次性) ：🥢鮮蝦、蠔、蜆、半殼元貝、脆肉鯇、白鱔片🆙🫕為食牛肉拼盤 5款(一次性) ：🥢潮汕吊龍伴、黃喉、手切牛頸脊🆙、熊本雪花一口牛、SRF和牛肩胛肉眼🆙🫕任食火鍋配料：🥢美國Prime肩胛肉眼 🆙油脂紋理分佈好平均，油花化入牛肉之中，入口瞬

火鍋放題食得多，但係無限時嘅火鍋放題真係第一次食。為食套餐分咗四round，食完先去到下一轉，要記住係冇得食返轉頭㗎。ROUND 1餐前小食🌟首先可以叫餐前小食，炸物夠脆，鮑汁雞腳炆得入味，而且好稔，推薦要食鮑汁雞腳及唐揚脆炸雞。ROUND 2 三點刺身盛合🌟有牡丹蝦、北寄貝、和三文魚刺身，味道新鮮，蝦夠甜美，可惜不能添食。ROUND3頭盤寵寵雞煲🌟揀了任食寵寵雞煲，雞煲可以加水魷、牛柏葉和豬皮，配雞煲醬汁十分惹味，食埋雞煲已經少少飽。ROUND4火鍋盛宴🌟想要清少少的湯底，所以揀了高湯牛尾，岩哂食完濃味嘅雞煲。之後會即上埋海鮮和牛肉拼盤。為食海鮮拼盤 🌟鮮蝦肉質十分結實、蜆和元貝味道鮮甜、脆肉鯇和白鱔片很嫩滑，不過有少少骨要小心食用。為食牛肉拼盤🌟五款牛肉都很高質，手切牛頸脊很有牛味，SRF和牛肩胛肉眼芯一入口便溶化，還有潮汕吊龍伴、黃喉這些較罕見的部位！而任食的肉類都好高質！除了三款牛肉都好柔軟冇筋，試了鹿兒島茶美豚🌟後忍不住再點，肉質好柔軟，還有淡淡的茶味咁，性價比很高。

臨時邊爐 即約朋友約咗方便佢放工去嘅位置於觀塘 為食火鍋公司 無限時放題套餐 十分好唔使趕頭趕命一於食豪啲 揀豪食套餐$368另收加一先黎炸物小食同燉湯。本身預早一日訂座才有燉湯。今日話有埋 真係貼心 特別喜歡甜酸炸大腸小食 帶油同外皮少少脆 口感十足燉湯清甜 冇味精 急不及待第二道菜式啦五點刺身 北寄貝帶子三文魚蝦 油甘魚諗唔到火鍋店嘅刺身都咁新鮮👍🏻再下一到第三道可以揀雞煲或者酸菜魚今次揀咗酸菜魚我同朋友都覺得酸菜魚，有特登去食酸菜魚店嘅水準 非常好食跟住第四道主打 火鍋揀左黃金皮蛋芫荽湯底再有豪食海鮮拼盤內有蟶子王同鮑魚好食🤤吸引同豪食牛肉拼盤 各款牛肉都超高質仲可以自選任食任點配料黑色墨魚滑，好彈牙手工小雲吞，人手包。好好味仲有各款汽水任飲同蔬菜自助可取 超豐富餐廳牆身都有哥基小狗同貓貓畫響度好可愛 餐廳更為慈善有個箱仔幫阿棍屋等動物機構籌款 為食火鍋公司 (觀塘)觀塘創業街15號萬泰利廣場地下C號舖 #為食火鍋公司#火鍋放題#觀塘美食#hkfoodie #hkfoodblogger #hkfoodblog