為食仔海鮮火鍋專門店

營業中

休息中

普通邊爐/雞煲食得多，海鮮火鍋真係好少食。 為食仔地點幾方便，旺角/旺角東站行十分鐘就到。鋪頭規模都幾大，仲要有兩層。一坐低就見到一個舊式gas爐放係枱面，同一盤醬料，上面有豉油丶蒜蓉丶蔥花丶XO醬同辣椒醬，尚算齊全。我地兩個人點左一個咸菜豬肚胡椒卜卜煲丶美國桶蠔丶脆鯇魚片丶黃沙豬膶丶安格斯肥牛 同一碟米粉。卜卜煲非常大煲 我諗至少有一百隻蜆，洗得好乾淨 一啲沙都冇。 咸菜豬肚都唔少，非常足料。 個湯亦非常好飲，除左濃濃嘅胡椒味 仲有蜆嘅鮮味，淥一淥個米粉好正。桶蠔4隻全部都有手掌咁大，滾完之後仲冇縮水，而且仲好滑多汁，好想叫多幾隻食。魚片厚度切得啱啱好，淥完之後十分脆同爽口，仲有啲甜味添。豬潤亦好大碟，咬落非常爽口，厚度亦適中。安格斯肥牛果然係唔同啲，非常靚嘅雪花，未淥已經好吸引，肉質好軟身，牛味亦足夠 ，好好食。最後叫左杯 Hoegaarden 同一支夏枯草，清淡嘅啤酒同降火嘅夏枯草絕對係打邊嘅絕配。總括而言食物質素係幾好，不過我覺得最好印象係員工嘅服務態度，會好主動幫你收蜆殻同加湯，好有禮貌，進食體驗加曬分。

最近想同朋友聚一聚，最後去開旺角為食仔，其實我自己本身唔係好好雞煲不過朋友介紹就去試下。去到門口呢都見都好多人食，但等咗一陣就有位啦。一坐低就可以調配啱自己口味嘅豉油，之後就好快上菜啦。其實嗰陣得八點鐘好肚餓好彩即刻上雞煲，而且個雞煲好香，食落仲好入味。 雞煲最有特色嘅地方係有蜆係裡邊，仲有啲似避風塘嘅風味，十分香口自然停唔到口。食哂雞同蜆之後，伙記將魚湯加入到餘下的配料。 之後就正式打邊爐啦 今晚打邊爐就十分有驚喜，分別有呢個紫菜響鈴、蛋黃魚皮、肉丸四寶 、一盤安格斯肥牛 、黑松露餃子、鮮蝦雲吞、鯪魚肉麵同菜。 響鈴攝紫菜口感脆得嚟有少少煙韌出面好小有。蛋黃魚皮同新加坡嘅魚皮有得揮。肥牛都十分新鮮，幾分鐘就俾朋友清曬。黑松露餃子唔會好濃味，岩岩好！最特別就係個唧唧鯪魚肉麵，又好玩又識得。幾個朋友邊食邊傾，食到最後個個都飽住走。 雖然小食種類同好多火煱店大致相同，但加咗唔少創意令口感豐富左好多。 而且雞煲可以啱曬鍾意食辣同唔食辣嘅朋友仔，咁就唔會嗌交啦😁！

今日去左為食仔海鮮火鍋專門店既旺角分店，餐廳位於旺角既白布街。呢間為食仔海鮮火鍋專門店其實都出哂命係食卜卜蜆鍋既，所以我地都點左一個卜卜蜆鍋一大鍋全部都係蜆😋😋全部蜆都鮮甜無沙，正招牌卜卜蜆鍋（$168)而且係肥美飽滿架特色手打丸手打丸超彈牙頂級安格斯肥牛雪花分佈平均，肉味超濃郁，而且份量都唔少炸響鈴柚子沙冰柚子味濃之餘又唔會太甜，仲有啲果肉，正呢度仲有Hoegaarden可以飲本身想飲Hoegaarden Rose但無哂，所以飲返原味呢度真係幾抵食，推薦

朋友生日 一行四人去試吓食卜卜蜆 去開食海鮮最怕就係食殼多過肉 今次去食為食仔火鍋真係真材實料 先黎一個招牌卜卜蜆 叫左小辣 好足味！咁樣食法真係好新鮮 叫左小食黃金魚皮 脆卜卜 有小小咸蛋味自家製紫菜響鈴 呢個真係驚喜滿分 初頭冇留意以為只係一個普通嘅響鈴 食落好有驚喜 紫菜夾左係入邊安格斯肥牛 脂肪同肉嘅分布都好平均 唔算太肥 黑松露餃子又係另一個意外 可能係我自己好鍾意食黑松露 松露味好香 之後再叫多咗個鮮蝦雲吞手打四寶丸 雜菜拼盤 其實總括嚟講 餐廳食物好新鮮 而且有創意 不能不提嘅係 其實店長好窩心 佢係每張凳下面都放咗個籃仔俾人擺嘢

上個月經過見到勁多人等位，今日嚮boardway睇完戲過黎食，一來唔駛同人逼，二來九點半後入座有優惠，一舉兩得。櫈底有藤籃放背囊同衣物，唔怕食完一身味，這安排幾細心。食開的通常都是用海鮮或肥牛做主題，好少用蜆做膽，覺得幾特別和新穎。鯪魚唧唧麵好彈牙，又有魚鮮味，口感幾好。這碟特級牛肉靚到不得了，色澤紅潤，食既時候一點渣宰或根部都沒有，而且牛肉味特別重，值得點讚。豬腰是薄切，每片都「花」，輕輕烚一陣食，係好爽的。響鈴外加了鹹蛋黃蓉，所以是非常香口的。最後，加點了滑豆腐及薯粉，好飽好味好滿足!

這間以卜卜蜆做賣點的海鮮火鍋店，都好多人幫襯，黎既時侯7:30未夠，樓下已坐爆。樓上間左幾間房仔，每間大約有兩至十枱。環境有點逼，但可以接受和理解。成個鑊都係白蜆，份量好多。蜆肉不是大大粒，不過就好夠鮮味。烚完後，整個湯底都留住陣陣鮮味，好正!四色丸也做得很好，滾熟後，用筷子夾落去，係會feel到有種彈性嚮到。豬潤亦一樣新鮮，好有光澤。烚熟後會變得脹卜卜和爽口。可能有點誇張，不過確實係我咁大個仔，食肥牛火鍋不下五十次，今次這碟係食咁多次以來，同等價錢中，質素最top既一碟--肉脂分明，而且分佈平均。咸檸七也十分夠味，飲晒補多罐七喜加落去，依然夠味。

在公司吃飯時，同事說旺角有間以卜卜蜆為主😍 她還提到蜆鮮甜度十足、沒沙、殻全都能打開！ 就呢點就已吸引我帶家人到訪啦。 平時我定要辣湯底如 麻辣、冬陰公、喇沙、胡椒雞湯但首次吃還是挑選了招牌卜卜蜆 HKD 168！每枱都有一爐，邊煮邊食，全部都是蜆沙白蜆，沒有偷工減料，目測約3公斤😍😍 屋企人以經驗之談跟我說可能從魚市場購入後一直給氧氣至開市，所以才有這種鮮味，又沒沙。 蜆有很多種，然而沙白蜆最為適合做火鍋湯底之用。 心裡感到好彩沒帶錯😂最後，只有一隻殻沒打開而已。蟶子皇 HKD 48 / 隻 另一吸引眼球就是「生猛海鮮」，點了兩隻蟶子皇，肉質厚身又大隻，鮮甜十足 頂級安格斯肥牛 HKD 188 (細）/HKD 288 (大） 脂肪比例很多，所以牛香味入口後感到很重👍🏻 鮮製韭菜餃 HKD 58 共有6隻，所用韭菜很香，皮不厚，內裡多料。 仲要是手工做。 自家製紫菜炸響鈴 HKD 58 另一手工菜，中間夾著紫菜很有創意！ 兩種不同材料但口感都是脆口。 雪梨海底椰 HKD 12 / 支 屋企人按牆上指示 Like 了Facebook 專頁後有一支鴻福堂或汽水送👍🏻出了旺角東站天橋後已在白

今日嚟到旺角呢間兩個舖位嘅卜卜蜆打邊爐食嘢其實我一早就想試卜卜蜆因為真心鮮味 不過香港專門食卜卜蜆嘅鋪頭都好多左思右想經朋友介紹就嚟試呢一間為食仔👍👍要讚一讚嘅就係員工服務非常親切一坐低同你介紹佢哋有咩湯底啱咩人甚至其他丸類唔貴嘅嘢佢都會逐一同你介紹😉😉.💟招牌卜卜蜆上到嚟真係嚇親超大兜 有少少微辣味道有啲似日本嘅清酒煮蜆嘅放大版同辣板啲蜆全部好新鮮 未打開個蓋之前可以聽到佢哋怕啦怕啦喺入面打開嘅聲勁興奮！！！首先要講湯底有少少酒好惹味落咗少少辣椒同埋啲蒜蓉令到蜆湯好甜卜卜蜆勁多又新鮮 全部都有打開蓋即係唔係死蜆🙈個湯底同個蜆配合得好好最正嘅係完全冇油可以飲返個湯真心黐線好正呀！！🤩🤩💟安格斯肥牛厚切真材實料又新鮮完全冇雪味肥瘦均勻 有少少雪花💟鮮炸紫菜響鈴卷完全係先炸脆卜卜 響鈴嘅呢本身都好出加埋紫菜 個味道好正我哋要個湯底比較清淡可以完全食到響鈴同紫菜嘅味道分量好多成十幾嚿 搞到我哋飽到完全冇叫澱粉質💟粟米蝦膠奶皇包呢個要讚 入面有好多流心蛋黃鍾意食鹹蛋黃嘅你絕對唔可以錯過蝦膠打得好爽好滑 配埋粟米 勁好食🤩.呢間舖頭 食物質素非常好員工服務態度好環境又舒服野食全部都好足料 睇下啲

想食卜卜蜆既我今日就去左旺角為食仔到食卜卜蜆啦😆 呢到係旺角 油麻地 旺角東中間 行都唔算遠 有2層所以座位都幾多 樓上仲有房 私隱度夠高 同朋友gathering 就岩哂👍🏻呢到有勁多款唔同口味做法既卜卜蜆 最後我地好貪心咁揀左18禁卜卜蜆雞煲 一次過滿足哂我地2個願望😍 我地揀左小辣 都幾辣架 不過就好香好惹味 雞肉好入口 唔會過老👍🏻 蜆同雞既份量好多 我地2個人食到超飽🤪雞煲食到咁上下店員就幫我地加湯 可以打邊爐 我地揀左3款火鍋配料同1個小食 火鍋配料分別有頂級安格斯肥牛 自家黃金炸響鈴同手打四寶丸🤤 頂級安格斯肥牛超大碟超靚 肥瘦均勻 食落牛味香濃 一d醬料都唔駛點😋 自家黃金炸響鈴都好有驚喜 每件響鈴都包著好多鹹蛋黃 咬落好鬆脆 又唔會好油膩👅 手打四寶丸有牛丸 豬肉丸 墨魚丸同鮮蝦丸 4款都好彈牙 食得出真材實料 好有口感😚小食就老細推介試左黑松露芝士焗蠔 送泥個陣真係好驚訝 係勁勁勁大隻 好似塊面咁長 好肥美😍 上面鋪滿芝士同黑松露 又香又邪惡 食完好滿足好幸福丫☺️🤤食咁多重口味既野當然要飲番2杯野啦 我地就揀左酸梅湯同鹹檸7 2樣都岩哂食蜆雞煲丫 呢到價錢都幾抵食架

今晚嚟試吓新野，初嘗卜卜蜆煲，試下佢個招牌鍋底(小辣)，啲蜆滾左一陣就全部開晒，真係全部開晒㗎!!! 代表啲蜆好新鮮，完全食唔到有沙，唔需要點醬已經好夠味，食到蜆嘅鮮甜味，湯底真係越食越辣，兩個人不知不覺清晒成鍋蜆，大家都好滿意!! 淨係食蜆唔太飽，所以都有order其他嘢黎食!! 呢碟安格斯肥牛嚟嘅時候大家都wow咗一聲，一睇啲牛嘅雪花紋就知道會好食!! 果然不出所料，好有牛味肥瘦均勻，師傅嘅刀工都好好切到每片厚薄一樣，呢碟肥牛嘅份量其實好多，但我地食完之後都覺得唔夠喉，可想而知佢係幾咁好食，係必點嘅食物!!! 黑松露芝士燒蠔，好少食到咁大隻蠔，用包紙巾嚟對比下就知有幾大隻，隻蠔咬落去仲有啲汁唔會燒到乾晒，配埋黑松露同芝士一齊燒味道好夾!!自家製黃金炸響鈴，外面包左一陣鹹蛋黃，好邪惡但又好好味，數完123拎返上嚟食就啱啱好!! 最後係手打四寶丸，可以用一個”彈”字黎形容，全部都好彈牙!!呢度嘅食材新鮮特別，好想返嚟encore個安格斯肥牛!!

是日朋友介紹哩間旺角白布街食卜卜蜆，卜卜蜆真的未食過，原來是食完蜆後，就用蜆湯去打邊爐，去到店舖，老細熱情的招呼，因為同朋友都食得辣，老細就介紹我地食18禁卜卜蜆，老細仲話卜卜蜆食得辣都可以食中辣，不過因為未食過，所以點了小辣，幸好真的點了小辣，真的辣到跳舞，另外同朋友也點左黃金嚮鈴，安格斯牛肉(大)，四寶墨魚丸，清露西柚酒，另外老細也推介左黑松露芝士燒蠔~18禁卜卜蜆18禁卜卜蜆真的好多料，食落真的愈食愈辛辣黃金嚮鈴黃金嚮鈴是旦黃加上自家製嚮鈴，加埋湯一齊食真的好惹味，安格斯牛肉(大)見到美麗的花紋，食落肉味重，油花平均四寶墨魚丸四寶墨魚丸有旦黃，芝士，黑松露，墨魚真的好特別，又食到一粒粒墨魚肉，黑松露芝士燒蠔黑松露芝士燒蠔真的好大大大隻蠔，同我手掌真的再大一點點，黑松露芝士燒得好香，食埋蠔又多汁，真的好驚喜。

旺角食物種類多，今日就揀咗呢間火鍋店，見到餐牌已經好多款式好吸引。餐廳座位多，有兩間鋪位，分上下層，我地被安排坐上層。上層係一間間房，內有電視，又可以關門，私隱度高，適合一大班朋友暢談。老闆服務態度好又健談，員工有禮貌，會主動加湯及清理蜆殼。至於食物，我們點了18禁卜卜蜆雞煲，一次滿足兩種口味，一上菜已聞到麻辣香，食材入味，d蜆數量多，雞件滑嫩新鮮，辣度適合喜歡食辣但不能食太辣的朋友。另外點了黃金炸魚皮，厚薄適中，鹹蛋王鋪滿魚皮，齒頰留香﹔手打四寶丸，包含牛丸、豬肉丸、墨魚丸及鮮蝦丸，每款丸真材實料，原材料味道極香又彈牙﹔原隻花膠筒大大件，涮完亦不會縮水，啖啖膠質，但略厭不太入味﹔最後點了至尊牛拼盤，份量多，而且內有安格斯、牛肩胛、牛頭脊、吊龍及牛柳粒，每款牛肉牛味濃，油脂分佈平均，肉質順滑，絕對會再點!整體黎講，餐廳環境舒適，食物質素良好，貴少少都值得。

個Xo醬係靈魂，加左令個醬香左好，分店係無xo醬架，所以試左一次之後，我同皇上又返左黎Mk分店食。今次叫左咸菜胡椒豬肚湯底，其實食過唔同湯底除左辣啦，因為我小小辣都唔受得。呢到似打邊爐咁 仲有好多火鍋配料簡，海鮮、牛肉、丸類、各種蔬菜都好齊，幾乎你想食乜都有呀。特別啲仲有黃金炸響鈴、黑松露鮮蝦餃等。本地新鮮吊龍伴，不是很多地方有得吃吊龍伴！這是肉眼邊緣部分，只需灼10秒就可以吃了。肉質鮮嫩有口感，入口甘香軟滑。

想體驗瘋狂食蜆就要黎為食仔喇其實呢度已經食過好多次但係第一次食98任食😋因為要等到9點半後實在太夜喇不得不提佢地既醬，個Xo醬係靈魂 加左令個醬香左好多 Cwb分店係無xo醬架 所以試左一次之後 我同皇上又返左黎Mk分店食😋今次叫左咸菜胡椒豬肚湯底，其實食過唔同湯底除左辣啦，因為我小小辣都唔受得，所以皇上都of無得試，但試過咁多隻都覺得原味豬骨最好食不過我地會加重蒜蓉同蔥落個鍋度之前試過最近新出既黃金蜆，其實係真係好正好邪惡好想再食呀🤤🤤但真係好濟，所以建議多人D先黎再食過~98任食既設限係每人要叫一個餸，打邊爐就必須牛！佢d 肉都幾靚架，而且有誠意砌靚佢其他就叫左餃子，菜同鳥東個餃子都好好食！但佢d餸就唔平既，餃子一碟8粒都好似要6x🤔仲有打邊爐必須酒呀！哈爾濱係最平既酒 但佢都有hoegaarden draft呢d可以揀既~到最後 我地總共加左兩次半蜆，飽到撐住個肚咁走，計計埋埋其實都抵食既，不過下次再食可能要隔耐d😂

價格不算便宜，用料十分普通。90 分鐘打邊爐時間非常趕，員工不停提示尚餘30 分鐘，尚餘15分鐘。食一餐晚飯都感到好大好大的壓力，非常之不自在，員工的態度十分趕客。