影片
港鐵長沙灣站 C2 出口, 步行約7分鐘
繼續閱讀
電話號碼
61606181
付款方式
以上資料只供參考, 請與餐廳確認詳情
老闆Friendly 又nice，肉眼可見地忙碌都保持最佳服務質素！🔥🔥🔥食物方面，手打牛肉漢堡肉餅紮實肉味十足。總之，係一間值得幫襯嘅小店來！🔥🔥🔥🔥
繼續閱讀
這裡附近全是小吃店，這間也是最近新開的，主打炸物，還真的有挺多意想不到的東西可以去炸！殿堂級生炸雞髀（28元）這個炸脾有點像三多的，都是有個吉列炸皮，吃起來特別香脆，內裡嫩滑多汁。而且這個炸髀醃得很夠味！Set B （18元）（轉秘撈＋2元）（加大＋5元）撈麵轉了特別的，吃起起跟平常的有點差別，味道較濃和辣的感覺。加大就應該是2個麵底了。這個配了b仔雞翼尖，燉煮得很軟爛和入味，吃起來是酸辣口的。雞爽肉（19元）雞爽肉就是雞頸肉。炸完以後多了份焦香，吃起來爽滑彈牙！迷你司華力腸（15元）雖然叫迷你，但也是比想像中的要大的，炸得表面香見，內裡軟糯，香腸味濃。一口西多士（12元）這個性價比不錯，想不到會有那麼多件。炸香以後配上煉奶，又脆又軟又香甜！
繼續閱讀
間不中都鍾意掃下街，今日睇完戲無意見到呢度新開咗間小食店，因為係開放式廚房，所以可以望到晒入面，衛生情況都好乾淨，令人好放心。 殿堂級生炸雞脾🍗：呢個名實在太邪惡啦，講到咁又點可以唔試下，雞脾即叫即炸，熱辣辣🥵，雞脾炸粉唔會太過厚，雞肉嫩滑多汁🤤。 台式脆皮蛋餅：愛吃蛋嘅朋友仔一定要試呢個，一般小食店都好少見到，佢將個蛋皮煎到好香脆，可以自己揀3種餡料，上面加咗沙律醬同茄汁，口感豐富。😋 吉列一口牛柳🐮：表面金黃香脆，炸完後嘅牛柳粒仍保持住濃郁嘅牛味。 炸鵪鶉蛋：第一次食炸嘅鵪鶉蛋，名副其實嘅炸蛋，雖然細細粒，但唔會好厚粉。另外都揀咗個番薯餅同埋炸蟹柳，番薯味好香，蟹柳都好好味。
繼續閱讀
阿媽話我兩歲前其實係住喺深水埗福華街，早排睇新聞話附近終於收購，媽媽話想喺佢拆之前返去懷緬下，約定今日返嚟。呢度真係唔同晒，兼善里而家佈滿食肆，臨離開前我哋就幫襯咗路口新開嘅呢間炸炸帝。呢度係開放式廚房，可以清楚見到食物製造過程，都幾乾淨衛生。仲有好多唔同款式嘅自家製辣醬辣油。雖然小店係以外賣為主，不過都可以堂食。殿堂級生炸雞髀聽個名已經夠吸引，生炸雞髀真係好食好多，佢都做到外面脆口而入面仍然保留肉汁，肉質亦保持嫩滑。台式脆皮蛋餅可以自由選擇三款餡料，我就揀咗肉鬆、蟹柳同芝士。呢個蛋餅叫脆皮雖然有啲誇張，但佢外層確係充滿蛋香，餡料味道亦都突出，再加埋上面兩款醬汁，確係惹味。而呢度另一值得推介嘅就係佢哋嘅炸串，三款肉+兩款素菜都只係$50，足足平咗$11分。既然咁抵，我當然會揀番份。迷你司華力腸其實都唔算迷你，炸過嘅司華力腸外皮更加香脆，細路仔就最鍾意。吉列一口牛總共有四粒，沾過炸漿同埋麵包糠後再放落油鑊炸，牛肉入面生熟度適中之餘，外層脆漿又唔會過燶，火候控制得非常好。豬頸肉同樣係沾有脆漿，食起上嚟豬頸肉外面脆卜卜之餘，肉質仍然保持爽口。風琴豆腐串最有驚喜，新鮮炸起成塊都咁卜卜脆，再灑上少許調味粉，單買都只係$8，真係非常超值。另一款蔬菜類我就揀咗蓮藕片，總共有三件，炸透咗嘅蓮藕片帶微微嘅煙韌口感，薄薄嘅蓮藕片仍能散發出原有嘅清甜味。
繼續閱讀
夜麻麻竟然比我搵到一個宵夜嘅好地方，係一間新開嘅炸串，佢哋嘅款式非常多，有甜有咸。本身想叫佢哋嘅大雞髀，但係因為懶所以叫咗雞髀粒，炸得好juicy，唔會太乾，脆脆嘅雞皮，再加入邊多汁嘅肉，食過返尋味。另外佢哋仲有一個特色嘅薯茄，用原條茄子切成一條條，炸到好似薯條咁，估唔到咬落去係會爆汁，非常之特別。仲叫咗一個秘製撈麵，比起其他撈麵冇咁乾，而且濃味啲。佢哋嘅炸串，就算放耐左，都依然好脆，所有嘅肉汁都鎖住喺入邊，絕對值得一試。
繼續閱讀