炯記餐室 (美麗閣)

營業中

休息中

👍🏻 炯記煙燻燒鵝瀨粉燒鵝脾燒到外脆內嫩滑 入口充滿了鵝油嘅香味😍令人回味無窮 搭配清淡上湯瀨粉 輕輕減低油膩感 ！👍🏻炯記叉燒太子鵝油撈麵（加$8蝦籽）撈麵夠晒色水 再加埋蝦籽係面 唔駛多講就知道好夠味😎叉燒表面有令立立嘅蜜汁 肥瘦適中 微甜 同埋撈麵一齊食就更上一層樓🙌🏻👍🏻麻辣手撕雞腸粉手撕雞腸粉份量好足夠😎腸粉用上了街邊腸粉 比較粗身及滑 配埋甜醬、麻醬好好味👌🏻麻辣手撕雞超級入味 辣味來得非常直接 爽呀🤤👍🏻黃金皮蛋黃金皮蛋口感一流 蛋黃半流心 而且味道足夠 值得一試 可根據自己喜愛嘅辣度淋上辣椒油🌶注意事項⚠️- 燒味同粉麵分開上🤗可以保留左燒味嘅原味同口感- 餐廳環境寬闊 坐得比較舒服❤️

今日經過北角，見到呢間餐廳門口廚窗掛住啲燒味好吸引🤩🤩 仲有勁靚燒鵝髀🤩🤩 唔使諗，即刻入去😆 店員第一時間比兩碗例湯，睇得出真材實料，夠火喉，冇味精，味道似住家湯，誠意爆燈🤩🌟燒鵝髀撈粗（麵）$108識食嘅梗係揀鵝髀😎 色澤誘人，肉質鮮嫩多汁，冇肥膏，燒鵝皮超甘香🤤 麵質好彈牙，食落味道有啲甜，又有鵝油香，正👍🌟清湯牛魔王飯$60牛腩牛雜一啲都唔肥膩，冇好大陣香料味，反而係食到牛肉本身嘅鮮甜，點埋枱上嘅辣椒醬好好食😋🌟鵝油菜心$18又食燒鵝髀又食牛腩感覺好邪惡，食下港式淥菜心中和下🫣 呢間真心抵食，套餐包餐湯，加$5有凍熱飲品任揀，仲要係誠意製作唔係普通茶餐廳出品值得推介👍

💕炯記餐室餐廳出名食鵝油撈麵 燒味亦同樣出色下午茶時間嚟到都有唔少人買外賣加料.🌈鹽焗手撕雞撈麵 $45一次過食到呢度招牌嘅手撕雞同鵝油撈麵下午茶餐$45跟埋飲品 性價比頗高手撕雞肉質嫩滑 鹽焗嘅鹹味恰到好處鹹香之中食到雞油香 油脂豐富 水準唔錯第一次食鵝油撈麵 醬油均勻沾滿麵條口感特別香滑 食落仲有甜甜地嘅醬油味香而不膩 果然係招牌菜👍🏽.🌈海蜇醺蹄 $40天氣熱特別適合食冷盤 而且份量估唔到有咁多😋醺蹄軟腍入味 瘦肉部份亦唔會韌 海蜇口感爽脆 味道微酸微辣 清新又開胃.🌈醬皇叉燒 $68叉燒充滿光澤 賣相唔錯 仲有我最愛嘅燶邊 啱晒我口味肉質肥瘦適中 半肥瘦係叉燒嘅黃金比例😍食落軟腍腍 肥肉部份又有油香將薄切嘅叉燒沾滿蜜糖汁 每啖都甜絲絲🥰.🌈醬皇冬菇扒生菜 ＄20呢個菜又係性價比頗高嘅一款小食冬菇炆得好淋好入味 生菜新鮮爽脆加上鵝油令平淡嘅生菜好味百倍👍🏽.🌈阿華田雪山阿華田上面灑上健康嘅五穀麥芽健康得嚟又好味🥰

🍽 Dinner Set for 2💰 HK$198 (dinner, 10% service charge)Quick dinner tonight! Cha Chan Teng is always my first choice when we are finding affordable and quick meals. All the food were above standard and the hygiene of the restaurant was good. There are a large variety of food and we picked dinner set for 2. I will try their char siu pork next time! It looked delicious and juicy! 🔺Shredded Chicken seasoned with spicy sauce - The portion was really huge. It was more than enough for 2pax. We had to

這裡的鵝油撈麵在網上一向都很有名氣所以就來一試究竟看餐牌每款都很吸引 懶得選擇就直接點了一個二人餐沒想到每一碟都份量十足 兩個人根本吃不完冬菇醬皇豬手餐牌介紹是用了三四個小時慢煮而成難怪豬皮充滿膠質 味道香濃入口即化半隻鹽焗手撕雞雞肉嫩滑有彈性 相當入味又不會過咸酸辣雲耳用了俗稱老鼠衣的靚雲耳仔口感特別爽脆 酸酸辣辣很開胃麻辣雞腎第一口不太辣 但越吃越麻 非常過癮太子鵝油撈麵鵝油真的很香 比豬油撈麵更令人難忘麵質爽彈 難怪是招牌是日靚湯 看得到真材實料還有油菜和任選兩杯飲品這個價錢份量質素 完全無可挑剔性價比之王 當之無愧

今日行經北角 喺英皇道嘅一間餐廳門口堆滿晒人😮 所以都吸引咗我望多兩眼 原來係呢間好出名嘅炯記燒味 原來好多人都係諗住買外賣返屋企 但係既然有堂食 梗係入去試吓啦燒味選擇其實有好多 但係最吸引我嘅都係呢個比較抵食嘅 炯記二人套餐😺 因為唔使$200有好多樣嘢食🐵麻辣手撕雞 (半隻)雖然餐牌上面已經寫咗有半隻咁多嘅手撕雞 但係上碟嘅時候都真係好驚喜🙈 因為麻辣醬好均勻 而且雞肉一絲絲咁 骨嘅份量唔多 淨係有雞翼雞腳同雞殼有少少骨 證明真係足半隻㗎🐥 食落口好惹味醬皇豬手一碟有五件 每件都好厚肉 而且炆得好入味 見到餐廳有個牌寫住豬手每件都炆咗三至四個鐘🐷 而且都見到唔少人嗌呢碟豬手㗎麻辣雞腎麻辣醬同手撕雞嘅味道相似 雞腎食落口好爽酸辣雲耳冇睇清楚餐牌嘅我以為有雞腎 就冇雲耳 原來係兩樣都有㗎 呢碟好開胃郊外油菜我哋冇特別嗌走油 但係都冇蠔油 真係啱晒我哋 食菜嘅話我就鍾意清清地食返菜本身嘅鮮味🥬太子鵝油撈麵 (兩碗)聽說鵝油撈麵係呢間嘢嘅重頭戲 味道的確好出色👍🏻 第一次食嘅我仲好擔心佢好油膩 但係絕對唔會呀 而且個面又唔會黐住一舊舊🥰是日靚湯 (兩碗)兩碗都有粟米同紅蘿蔔喺入邊 不過由

手撕雞拼豬手撈麵撈面醬汁夠晒味👍👍👍不過就有d乾，如果可以濕返小小咁就good fit。手撕雞喺滑嘅，但就無咩特別，正正常常。但喺豬手就好入味，軟熟得嚟又有咬口，啖啖肉咁，好滿足👍👍雖然之前食過其他分店，但今次呢間嘅出品唔錯👍

舊舊燒鵝都肥到都係肥膏 得1舊or2舊有肉 啲肉仲要係骨同肥膏之間得個小小 真係搞唔掂 雖然係下午茶 都有比錢㗎 下午茶就一定係咁難食？ 仲有個鹹蛋 比$5加咗個鹹蛋仲要係臭嘅 成個燒鵝鹹蛋飯得啲飯係食得🥲🥲🥲

假期前夕，同女女出街食野輕鬆下。    去左北角既炯記餐室，下午茶時間勁抵食😍 茶餐三十幾蚊起👏🥢鹽焗手撕雞腸粉手撕雞同腸粉好夾，腸粉滑捋捋，配甜醬好正。🥢秘制煙燻燒鵝飯燒鵝肥美，下午茶餐都幾大份    。    🥢例牌醬皇叉燒 叉燒軟淋，調味惹味。🥢酸辣蒜香雲耳雲耳好開胃，口感爽脆。🥢醬皇冬菇扒生菜冬菇超滑溜, 勁好味。🥤 囡囡叫咗特飲阿華田雪山，小朋友中意。☕熱檸蜜，健康清新。                 坐得幾舒服，店員姐姐超有禮貌👍😍

今日同朋友去到北角覓食😋，呢間冰室網上見到大份又抵食，啱晒我呢啲大食鬼👻首先有餐湯煙燻燒鵝飯 （轉瀨粉） $60❗️呢個燒鵝套餐係我同朋友一致認為係咁多樣食飯入面最好食❗️燒鵝油脂分布均勻，唔會太油膩。我同朋友都係粉麵派，所以轉食瀨粉。清湯牛魔王撈麵 $66撈麵係正宗粗麵，爽口彈牙，重點係麵條麵好重鵝油。爽口蓮藕片 $40對唔食得辣嘅我而言有啲辣，不過份量多，朋友鍾意食❤️海蜇手撕雞小食 $40海蜇同手撕雞份量各佔一半，海蜇好爽口！咸檸七 （加配$8）檸檬茶 （加配$5）總括而言，性價比好高，兩個人兩碗主食、兩個小食、配餐湯加飲品都$200有找！

呢日去天后探朋友. 朋友話想食燒鵝，我即刻諗起深水埗嘅《炯記》，嗰次一試難忘，上網睇過佢其他分店嘅大概位置，記得北角有分店，結果同朋友搭叮叮落北角食燒鵝除咗推介佢嘅燒鵝，當然唔少得推介埋我好鍾意嘅鵝油撈麵俾朋友啦～～叫咗一個燒鵝撈麵+蝦籽，同埋幾款小食🔸燒鵝撈麵+蝦籽雖然呢次唔係燒鵝髀，不過，鵝胸肉都一樣燒得嫰滑，鵝皮香脆😋😋😋朋友亦讚鵝油撈麵幾特別無鵝膻味，無油膩感粗麵嘅麵條質感煮得啱啱好加埋蝦籽更香口🔸炯記三皇盤(蒜香雲耳、蒜辣鳳爪、鹽焗鵝腎)雲耳嘅蒜香味濃郁鳳爪無骨，辣味溫和鵝腎爽口，鹽焗味特出 （三皇之中呢款至愛）🔸醬皇豬手醬皇豬手炆得非常入味，皮同肉都非常軟滑，豬皮有入口即溶嘅感覺，豐富骨膠原啊 😜唔怪之得係佢哋嘅招牌菜之一而且仲整成即開即食產品俾人買返屋企隨時食添👍🏻🔸爽口蓮藕片蓮藕片爽脆，微微辣，調味適中食下蓮藕片，中和下啖啖燒鵝同豬手～ 😬🔸地獄口水雞呢個小食係好辣嘅朋友order嘅個名聽落好似好辣，點知……竟然連我呢個食辣BB學員都食到（都唔係好地獄啫😏）呢個辣度啱哂我😂😂朋友讚我呢次嘅推介大家都食得好飽好滿足又係時間去遊叮叮河la ~~~ 🚃

炯記餐室 地址: 北角英皇道376-380號美麗閣地舖=====================細個年代有得食燒味，是過時過節式者父母出糧糧頭先有機會加餸食到，現今香港人生活富裕左，想食隨時都食到$199 2二人餐真是堪稱是北角區內大件夾抵食之作, 另外燒味都好香。個日勁多街坊買外賣, 原來外賣全部有7折, 嘩, 太誇張啦!姐姐比左兩碗老火湯比我地, 無味精, 仲有好多肉同瓜係入面。半隻鹽焗手撕雞, 鹽焗雞好夠味同鹹香, 兩個人都食唔曬呀, 好多肉。醬皇豬手炆到極之腍身, 豬皮好滑吸盡了醬汁呢, 配飯或麵都好好食。鹽焗雞腎及酸辣雲耳我都好喜歡食, 調味夠濃郁極度惹味。質地爽口架小食, 越食越開胃。太子鵝油撈麵是強烈推薦, 麵身爽口彈牙, 撈了鵝油同醬油, 好食過出面幾十蚊一包架增月半麵仲生菜一碟同飲品兩杯。由入坐到走, 外賣客同灶食客都 籠絡不絕

途中經過北角的炯記，見到好多人買燒味外賣，於是就入去試試。有燒味類叉燒、燒肉等，少食的燒鵝也有！另外手撕雞、太子鵝油撈麵應該都出名。先奉上例湯，熱騰騰，是蓮藕豬骨湯，好甜好有老火湯味，正！燒鵝撈麵 $62燒鵝個皮好有香味，好似柴火燒出來。用上正宗粗麵，每條麵條掛到鵝油，爽口彈牙，每人吃個不停。咸檸七，特飲另加 $8炎炎夏日飲好解渴醬皇豬手-2粒 $24好入味，豬手又腍鷥鴦手撕雞小食 $34原味是鹽焗，剛好的鹹香味，而麻辣好惹味。

地獄口水雞飯見到以地獄見稱嘅口水雞飯，係咪以為會辣到食唔到呢，其實唔係。依個口水雞飯雖然有一定辣度，相信對於唔係好食得辣嘅朋友都係比較易入口，而且咸味定辣味控制得剛剛好，鐘意食濃味食物嘅一定啱哂燒鵝撈粗佢哋嘅燒鵝撈粗出咗名大份又抵食，燒鵝皮脆肉靚，咬落去啖啖肉，當然唔少得秘制燒燒鵝酸悔醬襯托返；撈粗聞落去好香，每一口都食到餓油嘅香味，份量幾乎足夠2個人食，如果係自己一個去一定夠飽麻辣手撕雞小食手撕雞係佢哋嘅招牌菜之一，當然係無令人失望，佢哋嘅手撕雞相對外面嘅份量多，見到每一條手撕雞以秘制辣汁包裹住，每一條食落都好滿足，而依道菜嘅辣度又比口水雞再辣啲，所以唔喺食開辣嘅就小心啲啦冬菇扒生菜食咗咁多肉，梗係要食返啲菜幫助消化下啦，依味菜係我個人幾鐘意食，因為佢啲冬菇非常入又夠淋，加上生菜吸哂啲汁，令依個菜特別好食，就好打邊爐啲湯咁索哂入味，正！

假日同媽媽出街食下野，今日黎到炯記餐室食燒味。一坐低餐廳店員就送咗兩碗湯，非常足料，夠晒火候。炯記煙燻燒鵝撈麵燒鵝賣相好靚，顏色均勻，外皮挺直。鵝皮香脆，肥瘦均稱，啖啖油香。鵝肉夠晒入味，而且肉質嫩滑。撈麵係用鵝油黎撈，唔會好油，麵質口感煙韌， 食落好香好惹味。鴛鴦手撕雞腸粉鴛鴦係指鹽焗同埋麻辣手撕雞， 手撕雞份量都幾多，雞肉鮮嫩香滑，鹽焗手撕雞夠晒入味，而麻辣手撕雞麻香撲鼻，啱晒鍾意食辣嘅朋友。腸粉熱辣辣，而且好滑溜，配搭手撕雞好夾。雙拼燒味燒味分別叫咗叉燒同埋燒腩仔，份量都幾多，叉燒外皮亮澤，微燶的位置散發著炭火香氣，咬落去肉味香濃，叉燒肉質好腍，正！另外燒腩仔，肥瘦比例適中， 脂肪同瘦肉層層相間，肉質口感鬆化，充滿肉香，外皮脆卜卜，好似薯片咁脆，食落唔會好油膩，幾出色。阿華田雪山撈麵同埋腸粉都可以加$8配特飲，阿華田甜度適中，味道濃郁，面頭既雪山其實係五穀麥芽，令口感更豐富，感覺更有營養！