炑八韓烤 (荃新天地2)

營業中

休息中

呢間韓式燒肉餐廳我時常去🤣因為佢成日轉餐牌，都想試新野🥰我哋今次試咗鹽蔥牛舌旨味套餐，呢個套餐真係好正！😋牛舌切得薄薄，經過鹽蔥醬的調味，食落去鮮嫩無比，味道非常入味，搭配埋啲生菜一齊包住，真係好好味，套餐仲有芝士燒生蠔，令人一口接一口，根本停唔到。😙👍🏻接住，我哋點咗牛肉石頭鍋飯，呢個鍋飯真係好有水準！😍牛肉質感非常嫩滑，石頭鍋煮得啱啱好，底部仲有香脆嘅鍋巴，食落去一啖啖好有層次感，真係一個滿足嘅選擇。😛飲品方面，我哋試咗薑橙熱飲，呢杯飲品熱熱地，薑嘅香味同橙嘅清新味道搭配得好好，飲落去既暖身又消滯，特別適合冬天飲。😆而玫瑰佛手柑熱飲就更加特別，飲落去有淡淡嘅花香，味道清甜☺️☺️好特別！另外，餐廳仲有任添嘅泡菜蛋同粟米芝士！😘😘泡菜蛋既有泡菜嘅酸辣味，又有蛋嘅滑嫩，真係一個好開胃嘅選擇；而粟米芝士就香濃可口，任食唔嬲😊😊仲有好多前菜都可以任添😚例如薯蓉、酸菜蘿蔔片、韓式芽菜、泡菜等等😂😂真係飽到上心口！

好耐冇食呢間韓燒啦，以前成日幫襯近千色店嘅分店，第一次過嚟荃新天地二期的分店，餐廳座位都幾闊落，職員服務態度親切👍，係咁主動問我哋使唔使加蛋🥚又落勁多芝士🧀，真係超開心🥳呀！佢啲芝士粟米🌽同邊爐蛋🍳真係超級正！🥩鹽蔥牛舌旨味套餐呢個套餐真係好豐富，有好多肉，啲肉都入口鮮嫩，薄切嘅牛舌勁吸引🤩。仲有雞肉🍗、芝士蠔、牛肋肉、冬菇等等。套餐仲包一個充滿肉汁既湯。啱晒而家嘅天氣食完個人暖笠笠。🥄石頭鍋飯呢個隻好足料，撈埋一齊食之後都幾惹味。🍚韓式紫菜飯🍹飲品：🍊薑橙熱飲一入口好濃烈嘅橙味，薑味較淡。好似飲緊橙汁咁。🌷玫瑰佛手柑熱飲呢杯甜甜地好細浸佛手柑香味

平時都好鐘意食韓燒，今次同朋友睇完戲就去左荃新天地食炑八，餐廳環境闊落，坐得好舒服，最近佢地Menu都有更新，試左佢地個鹽蔥牛舌旨味套餐，CP值高好有驚喜一坐底會有多款前菜，泡茶、豆芽、青瓜、海帶，仲有柚子沙律，酸酸甜甜好開胃鹽蔥牛舌旨味套餐主角當然係鹽蔥牛舌牛舌份量都好多，脆口嫩滑，味道濃郁自己最鐘意個鹽蔥醬，可以提升牛舌鮮味，層次感更豐富牛胸腹肉油花細膩，薄切燒烤油香四溢，牛味香濃調味嘅肉都好好食，包括蔥蒜牛五花 秘製醬油豬五花 梨汁雞腿肉，豬五花肥瘦相間，醬油香甜惹味另外仲有芝士生蠔🦪生蠔大大粒，配上芝士香口惹味薯仔牛骨湯牛骨份量多，薯仔好入味，飲落帶鹹香，送飯一流石頭鍋飯將飯、菜絲、泡菜、牛肉片、雞蛋喺熱辣辣嘅石頭飯煲入面撈勻，加入微辣既韓式辣醬，最啱天時凍嗰陣食，仲有少少脆卜卜既飯焦薑橙熱飲玫瑰佛手柑熱飲天氣凍餐廳都有熱飲供應，薑橙熱飲帶香橙皮的甜味同薑味，甜中帶微辣，十分暖胃玫瑰同佛手柑好夾，酸甜帶花香，有助解膩

一直去炑八燒烤都是晚餐時段，今次平日中午經過睇餐牌，又幾抵喎！小食、主菜及飲品加埋都是$100左右。鹽蔥牛舌配迷你韓式麻藥蛋飯麻藥蛋的賣相好吸引，鹽蔥牛舌跟住餐牌既燒法，食落有蔥既爽口、薄牛舌少少彈牙，不錯。牛肋骨煲配紫菜飯真心有驚喜！份量不少之餘，肉質入味彈牙但完全不難撕開，屋企人食得好開心。相比之下魚糕串較為普通，反而甜辣炸雞好食！一段時間之後，都仲keep到外脆內暖，雞肉多汁。套餐配好多款餐飲，最後我地忍唔住加埋雪糕杯，有好香濃的奶味，正！

與女兒在荃灣檢查牙齒，之後食午餐，午餐好抵食$68 起至 $88。 點午餐 ，之後就上前菜，前菜都好豐富呀。最鍾意食韓式前菜。女兒點兒童餐$68，好大份，份量好多。有紫菜飯包飯，魚糕串，炸薯條，時令水果，原味炸雞。 連橙汁鹽蔥牛舌配迷你韓式麻藥蛋飯 $78 非常化算，牛舌燒得焦香。食燒肉最精彩當然係附送的芝士粟米粒仲可以加午市輕食炸雞$38 薯條$38 ，加配2杯焦糖脆餅雪糕杯， 好精緻的雪糕杯。加一杯荔枝梳打,好飽好滿足。

竟然假日都有午餐餐牌👍🏻👍🏻👍🏻一如以往 一坐低 啲職員就好忙咁上前菜 整爐邊蛋🥚 爐邊芝士🧀️👅鹽蔥牛舌配迷你韓式麻藥蛋飯食韓國餐廳 就一定要叫燒肉😍有八塊牛舌 鹽蔥好夠味 仲好搶火😆麻藥蛋飯 即係糖心蛋再加左啲醬料 幾滋味😋🐔人蔘雞湯（半隻）配紫菜飯蔘味都幾出 甜甜地 但唔夠甘隻雞啲肉勁好拆 筷子了一了就好多肉食天氣凍 飲完蔘雞湯 即刻暖哂🥰🥰🍟炸薯條午餐+38就有一份薯條😍係我最愛嘅連皮粗薯條❤️❤️❤️❤️❤️熱辣辣 即叫即炸 粗薯條迷都一定會食唔停仲超級飽肚🍹甘橘鮮橙果茶有少少自家製鮮榨橙汁feel 啖啖都飲到果肉但係就偏甜 少甜的話就完美😍🍨焦糖脆餅雪糕杯食完燒肉 點可以唔食雪糕🤣每個餐都分別加左份🥰一啖焦糖餅 一啖雪糕😋😋係好幸福嘅感覺🥰🥰

🐂石鍋鹽燒牛舌飯脂肪適中嘅牛舌，配上各種不同嘅蔬菜，再加埋隻雞蛋，放喺熱辣辣嘅石鍋入面，撈勻之後食，口感豐富嘅石鍋飯仲帶有微微焦香嘅飯焦，真係一大享受呀🐂鹽蔥牛舌配迷你韓式麻藥蛋飯牛舌上鋪滿鹽蔥，上枱時店員細心提醒我哋燒一面就可以了，牛舌包住蔥花一齊擺落口，同時可以品嚐清新嘅蔥花同埋油脂肥美嘅牛舌，真係多重口感啊🐓甜辣炸雞酸酸甜甜嘅甜辣炸雞，外脆內嫩，而且酸甜嘅味道非常開胃🐟魚糕串彈牙嘅魚糕串上加上少許嘅辣椒，食落辣辣地夠哂惹味🍨焦糖脆餅雪糕杯清新嘅雪糕配搭香脆濃郁嘅Lotus脆餅，每一啖都好滿足🍹荔枝梳打紅粉菲菲嘅荔枝梳打，係我哋每次嘅必飲飲品，清甜又可口🍹藍天使梳打色彩鮮艷嘅藍色非常吸睛，味道亦好似波子汽水咁，清爽又解膩

📍 炑八韓烤（荃灣店） 最近魷魚遊戲2，真係好大受歡迎👏🏻見到入面嘅韓國劇喺度食韓燒同埋食韓國嘅嘢食，自然都會想去返韓國嘅餐廳應下戲🤭🤭🤭今日喺荃灣睇完戲隔離就咁啱門口有一個魷魚遊戲二嘅poster，不自然地就入咗去食嚕，入面都係食韓燒為主，所以我哋lunch都會有韓燒或者蛋包飯或者其他石頭鍋飯系列去選擇！選擇都好多，lunch都可以慢慢揀🤭✨烤牛肉蛋包飯特色烤牛肉非常足料，入面有大量牛肉及雞髀菇，味道香濃，再加半流心蛋包飯，米飯有經過醬料炒過，所以再加埋半蛋漿食就更入味，真係必食！✨鹽蔥牛舌配迷你轉式麻藥蛋飯簡單咁落少少鹽同蔥，就拎咗去，牛舌切到好薄，就算燒完都好幼嫩，外層焦脆炭燒香氣滿滿，仲可以自行調味！
✨甜辣炸雞+薯條甜辣醬沾滿曬每一嚿炸雞，味道偏甜，唔會話好辣！沾滿曬醬汁炸雞都保持脆口，炸粉唔會太厚，食落唔會太實～另外，仲配埋薯條。份量驚人，完全食唔曬～✨焦糖脆餅雪糕杯食埋個雪糕真係為依一餐畫上完美嘅句號。食完韓燒，特別會想飲甜嘢，最近店內就新出咗依兩款比較清新，而且可以解膩既梳打🥤本身仲會怕味道怪怪，但一飲落原來有驚喜！✨ 薑橙梳打估唔到橙加薑，原來係咁夾，兩種味道都唔會喧

Citywalk 2有個充氣彈床嘉年華，成個商場都好熱鬧，我哋過嚟趁墟食咗好耐冇食嘅炑八，原來午市定食好抵食， $65起就有交易，送埋韓式前菜、爐邊蛋同芝士鹽蔥牛舌配迷你韓式麻藥蛋飯 $78牛舌嫩滑又彈牙，鹽蔥醬本身已經提鮮惹味，再加埋紫菜麻藥蛋飯甜甜辣辣好開胃炑八牛肋骨煲配紫菜飯 $98怕燒肉熱氣亦可以揀韓式煲，牛肋骨大大件但炆到好腍，仲有滿滿骨膠原嘅牛筋，個湯微辣好好送飯小食/甜品加配 $38@蜂蜜牛油炸雞外脆內軟好多汁，底下仲有薯條醬油魚糕串用醬油煮本身鹹鹹甜甜，面頭加咗好似麻藥蛋嗰款辣醬，味道更有層次食完重口味韓國嘢一定要叫返個甜品，焦糖脆餅雪糕杯用Lotus餅，配上雲呢拿雪糕同雜莓係完美飲品加配 $12@果味梳打又係冇得輸，叫咗薑橙同玫瑰佛手柑都有真生果，甜甜哋好解辣

想看場戲之前，揀間餐廳吃午餐。選左炑八，有飯餐，又有烤肉，皆因爐邊芝士粟米＆泡菜蛋是無限refill的，相當吸引, 味道好。(午市）(餐) 鹽蔥牛舌 配 迷你韓式麻藥蛋飯鹽蔥牛舌共八片，份量足。牛舌上鋪面的蔥、甜甜地、有鹽和黑椒，喜出望外的好味。這溏心蛋，不是一般醬油蛋，是混合調味料、辣椒、蔥花、蒜蓉。 滲透著 鹹甜辣鮮多重味道。之所以冠上「麻藥」二字，皆因其好味叫人越食越上癮。(餐)燒烤前菜三款韓式泡菜，有大白菜、洋蔥青瓜海帶、大豆芽，地道韓式的味道，吃完還可以找服務員免費加。大白菜和海帶我都加左一次。(餐)玫瑰佛手柑梳打-帶來沖擊的驚喜特飲，沒想到玫瑰與佛手柑的味道可以咁夾，以前都沒有喝過，好好味。(午市加配) 蜂蜜牛油炸雞(4件) 炸雞好食，無骨啖啖肉，外層脆衣裹上蜂蜜，甜甜地，同時有具備牛油香味。炸雞下面是粗薯條，用了美國焗薯造，新鮮熱辣香脆可口，可蘸蜂蜜牛油吃。上桌時也細心配上茄汁。(餐)炑八牛肋骨煲配紫菜飯-牛肋骨超大件，有筋有肉，軟淋好吃。韓式燉肉鍋內 有悶煮的白蘿蔔與紅蘿蔔，入味無渣，肉汁撈紫菜飯食，相當美味。(餐)士多啤梨果茶太太很喜歡這杯特飲，味道好飲得黎，沒有人工

還是第一次，於午飯時段前來炑八韓烤食午餐，原來這裡也有不少午市定食選擇，除了韓燒，還有其他選擇，絕對可令你的午餐變得更豐富！更滋味！   近日天氣轉涼，開個爐吃韓燒，正好可以帶來多一點暖意。加上豐富的配菜，令人有滿滿的幸福感。我們點選了一客鹽蔥牛舌，搭配迷你韓式麻藥蛋飯，數片牛舌上散滿蔥花，上爐輕燒，牛舌即時變得香脆可口，還有濃濃的香蔥滋味，相當惹味！炑八牛肋骨煲配紫菜飯，分量蠻多，有三件大大的牛肋骨，加上冬菇、紅蘿蔔及白蘿蔔等，十分足料。牛肋骨不但大大件，還拌隨著不少肉，肉質軟嫩入味，湯底味帶點點甜，拌入飯中同吃，更為滋味！套餐還可加配輕食，我當然第一時間點選蜂蜜牛油炸雞 (4件)，酥脆的炸雞，肉質細嫩，表層混合了牛油味與蜂蜜，入口甜美惹味，令人無法抗拒！醬油魚糕串 (2串)，韓式的街頭小食，長形魚糕串，配上秘製醬油， 除了充滿魚香鮮味，更食出韓國料理的國民情懷。午市套餐還可加配飲品，我們點選了兩杯梳打，荔枝梳打及柚子梳打，外表色澤吸睛，入口不屬太甜，加上果肉，更添口感。本來已很飽足，但看見隔鄰的食客享用甜品，我們的甜品胃又自動啟動了，焦糖脆餅雪糕杯，相當有誠意，香脆焦糖脆餅與幼滑的

呢間炑八非常之有人氣，午市都幾乎全場爆滿。✨️一來就送上四款韓式小菜，好味道又可以幫你補充纖維。泡菜是淺醃，味道剛好又不酸。鍋邊的粟米芝士同嫩蛋亦都係每次都好期待的小食。午市定食的選擇好多，而且價錢合理。✨️朋友點了石頭牛肉飯。熱辣辣嘅石鍋，煮出好多飯焦，配埋嫩滑嘅牛肉同爽脆的蔬菜，係冬天食真係好滿足。✨️我點了鹽蔥牛舌配迷你韓式麻藥蛋飯。牛舌薄切，燒到脆邊，加埋大蔥的香甜味，味道非常合拍。麻藥蛋飯的流心蛋黃好濃郁，配埋紫菜飯一齊食，完全是白飯殺手。✨️另外醬油魚糕串係一道簡單但好味嘅小食。魚糕彈牙帶鮮，食咗一串又想再食。✨️韓式酸甜炸雞外皮好脆，入面好juicy，酸甜嘅醬汁令到人食指大動，係好經典的味道。💗總括嚟講，炑八韓式餐廳嘅食物質素同味道都唔錯，幾值得推介。

炑八韓烤 (荃新天地2) (荃灣)荃灣楊屋道18號荃新天地2 1樓125號舖午市定食 - 薯仔牛骨湯配紫菜飯：這道定食真係絕配，薯仔牛骨湯濃郁香滑，牛骨味道濃郁，再配上紫菜飯，每一口都係極致嘅享受，暖笠笠嘅感覺令人心情愉快。午昼燒肉時光 - 鹽蔥牛舌配迷你韓式麻藥蛋飯：鹽蔥牛舌嫩滑多汁，每一片都充滿香氣，再加上迷你韓式麻藥蛋飯，米飯香滑，爽滑無窮。午市輕食 - 蜂蜜牛油炸雞（4件）：香脆嘅蜂蜜牛油炸雞，外皮酥脆，內里嫩滑，每一口都係甜美嘅蜂蜜同濃郁嘅牛油香氣，簡直係無法抗拒嘅美味。再加上魚糕串，每一口都係彈牙嘅口感，令人食過返尋味。焦糖脆餅雪糕杯：濃郁嘅雪糕配上香脆嘅焦糖脆餅，每一口都係甜蜜嘅享受，雪糕嘅冰涼同焦糖嘅甜美完美結合。薑橙梳打 - Ginger & Orange Soda：清新嘅薑橙梳打，酸甜平衡，薑味同橙味交織，每一口都係清爽嘅感覺，絕對係一個完美嘅消暑飲品。玫瑰佛手柑梳打 - Rose & Bergamot Soda：香氣濃郁，玫瑰嘅香甜同佛手柑嘅清新完美結合，每一口都係優雅同清新的味道，簡直係味覺嘅享受。

今日放假去左荃灣行街，見到呢間炑八韓烤好多人食，決定入去試下佢地既lunchLunch set既款式種類都好多鹽蔥牛舌配迷你韓式麻藥蛋飯 $78牛舌薄切好爽口，配埋鹽蔥燒得仲香，配埋流心蛋真係好正韓式豬肉泡菜炒飯 $82炒飯大大份，仲有勁多芝士，自己可以撈到拉絲加配甜辣炸雞 $38原味炸雞 $35炸雞配薯條新鮮炸起熱辣辣，夠哂香脆焦糖脆餅雪糕杯 $38雪糕好正，食完燒肉做甜品一流手打鮮橙茶柚子檸檬梳打飲品各有特色，都十分唔錯

平時多數都係黎食晚餐燒肉多今日lunch同事話去呢度食先發現原來午餐有很多選擇 仲好平好抵😍我哋叫咗兩個餐share燒肉方面我哋叫咗鹽燒牛舌加麻藥蛋飯牛舌上面有好多蔥 店員教我哋燒一面燒30秒就可以食牛舌肉質好鮮嫩 仲有個麻藥蛋 流心好吸引 味道一流👍🏻👍🏻👍🏻兩樣嘢撈埋啲紫菜飯都係$78超級抵另外叫咗芝士泡菜五花肉韓式拌飯份量超級多 兩個人食都夠 上面鋪滿芝士 粟米同泡菜 撈埋隻蛋 好惹味😋午餐可以加配小食我地要左蜂蜜牛油炸雞同埋魚糕串蜂蜜牛油炸雞好嫩 食落唔會好嚡加埋啲甜甜地嘅蜂蜜 好開胃炸雞下面仲有薯條😆😆加配價嚟講非常之合理 魚糕串同出邊唔一樣 有啲辣辣地嘅感覺食吓炸雞再食吓啲辣嘢感覺都唔錯嘢飲叫咗柚子檸檬梳打同埋薑橙梳打個人比較鍾意薑橙梳打 清新啲同埋薑味好重最後當然唔少得食佢嘅爐邊蛋同埋芝士 超好味 仲可以任fill😍甜品仲有雪糕食 居然有兩塊lotus餅雪糕中間仲有朱古力醬 好滿足👍🏻