火車頭越南餐室 (朗豪坊)

營業中

休息中

<香港值得食下既越南野>😄較早前喺大坑食過佢既檬粉 份量多 味道十分唔錯 經過朗豪坊行街 原來佢既分店都開左好耐 於是就黎試下 menu上面都係特色越南食物 今次兩個人就可以試多 d野食 好似河粉 飯等等 😄質素冇令我失望🍴青木瓜乾牛肉沙律🐮 62 蚊細細碟沙律材料豐富 有蘿蔔絲 紫洋葱絲 青木瓜 炸蒜等等 好清新🥬 牛肉有 d似牛肉乾 但佢既醬汁偏濃 🐂 好有煙靭口感 match番沙律😃🍴蒜蓉牛油雞中翼 4 件🐤63 蚊4 件雞翼 都算大隻 雞翼上枱都幾香牛油味 蒜蓉味主要來自嗰 d炸蒜🔥 蒜同牛油味滲落雞翼度好香 雞翼炸得幾香脆 入面既雞肉都算嫩滑 十分唔錯😃 🍴牛油果軟殼蟹紙米凍卷兩條 65 蚊🥑🦀4 件大大既米紙卷 薄身既越南春卷皮夾住 落足料既 生菜 蘿蔔絲🥕🥬而新鮮牛油果新鮮有口感 仲有 d爽口既米粉 軟殼蟹🦀 好香脆 油分夠 點埋 類似蠔油既醬汁 味道十分唔錯😃🍴街頭米碎飯 82 蚊🍚第一次食越南米碎飯 以為係炒飯好多肉粒甘 以為上錯 原來佢係將加工整大米 米頭上面既白色粒粒加埋大米一齊越 變成大細粒不一既米飯 食落時好有口感 🍚感覺黏稠少少 側邊仲有

朗豪坊行街街食晚飯，平時經過見到呢間火車頭，好懷舊feel，幾得意，今晚第一次食，十分滿意兩個人有Set dinner揀，份量好多，都幾抵食紅荳冰，椰香好重，不過紅豆少咗啲；加錢要個椰青，新鮮，椰青水好滿，起碼有9成滿椰湯大頭蝦(龍蝦無哂)，第一次飲椰湯，酸酸甜甜，好好飲，隻蝦開半剝好哂殼，好方便牛油果軟殼蟹米紙卷，朋友好喜歡呢道菜，話夠清新，青瓜牛油果中和咗蟹的油膩感同個酸辣汁好夾，不錯~馬拉盞炒通菜，鹹鹹香香，正常水準。菠蘿炒飯，以為是用菠蘿殼來盛載，點知是直接上，幾新鮮特別朗豪坊嚟講，地點方便，環境又好，呢個價呢個質素都可以接受

我倆準備又去越南玩，但對越式美食未能忘懷，忍不住在香港先止止癮！酸辣去骨鳳爪58小食來說，量卻不少，去了骨，吃起來好方便。汁醬酸酸又帶微辣，甚為開胃。五色素菜紙米凍卷58米紙不過厚，菜絲爽口，加入牛油果，口感更豐富，顏色好看，健康飽肚亦均衡。香茅豬扒紙米凍卷58點了花生甜醬，比一般的味道更重，個人喜歡傳統的酸汁多一些。豬扒有嚼勁，切得有口感不太薄，米粉菜絲等整体清爽。大蝦柚子沙律🥗83柚子肉下得不小氣，還爆汁呢！燒過的大蝦肉質彈牙，啖啖肉中已有恰當調味，味道清新，香料口味很重。慾望三合一62呍喱嗱雪糕冰感強，加了baileys和咖啡後，沒有那麼甜，點綴的威化亦夠鬆化。牛油果奶昔43🥑愛好者一看到有，又是會二話不說即時想喝，味道呢？很豐富濃縮，滿滿果香，帶輕微薄荷味，冰凍消暑。食後感：調味醬汁可以自己加多與少不錯，而卡位坐得特別舒服，還能完全感受下商場呢，因為是半開放式設計嘛！P.S. 侍應姨姨和哥哥仔友善，加分位😬

係旺角返左工咁耐 都已經食到唔知食乜好 咁岩今日落雨 唸住是旦係朗豪坊揾間餐廳愛就算 點知比我地發現左呢間咁好食既餐廳我同男朋友都好餓 一坐低就叫左個招牌沙律 軟殼蟹牛油果米紙卷 鮮茄牛腩湯麵 同 生牛肉湯檬 仲叫左杯薄荷葉青檸梳打同珍多冰食物好快就送到黎軟殼蟹牛油果米紙卷好大份 軟殼蟹炸到好香脆 配上新鮮既生菜即刻無咁油鮮茄牛腩麵好濃 牛腩大大件又多淋 而男朋友個個生牛肉湯檬湯底好好味 d檬粉索哂d湯汁 正食到飽飽地飲返杯青檸梳打一解油利感！好滿足既一餐呀

睇戲之前入黎朗豪坊搵野食，見依間唔洗上到咁高又唔洗等位，就入去試下啦！嗌左個火車頭招牌湯河，好大碗！依碗雖然要$98都有少少貴，但都真係好足料有牛肉、牛丸、牛筋、牛栢葉同蘿蔔！每樣配料嘅質素都幾好，尤其係個牛筋好夠林又入味，正！湯底都不錯，岩岩好唔會太鹹！食到好滿足另外仲嗌左個紙米卷食！紙米卷比想像中大份又係好足料個軟殼蟹幾脆口，不過個醬好杰身，有少少奇怪，味道又同個米卷唔太襯但整體黎講依間餐廳質素唔錯，份量好足，算做對得住個價錢，可以一試！

等梗老婆係朗豪坊樓上做完treatment 同我食晚飯，偶然發現原來電梯後有呢間越南餐室，未夠7點已經差唔多坐滿客，所以就同老婆提議係到食。火車頭招牌湯河好抵食，幾足料下，除左有生牛肉，仲有牛丸、牛腩、牛柏葉，湯頭味道濃郁。鮮茄蟹肉蝦湯檬好鮮味，蝦大隻又爽口，蟹肉鮮甜，最正係有豆卜，索哂湯既精華，好好味！酸辣去骨鳳爪個味較得幾好，酸中帶微辣好開胃。去骨鳳爪而家好少地方有得食，唔使啃骨真係處啱哂我呢d懶人。牛油果軟殻蟹紙米涷卷賣相好靚，口感層次好豐富，紙米獨特煙韌既口感、爽脆生菜同蘿蔔絲、軟滑牛油果，加上香脆軟殻蟹，真係好夾！最估唔到係椰青好飲，話哂我啱啱去完泰國飲左好多靚椰青反嚟，呢到既椰青一樣甘清甜！

女朋友帶路去食飯，旺角區餐廳非常多，想食咩都要諗好耐！女朋友shopping完行到好攰，攞住勁多野天氣又熱，朗豪坊搵間餐廳醫肚就算啦！火車頭越南餐廳，環境開揚，開放式餐廳感覺好柔和溫暖，環境好舒服。我地叫左幾樣食物醫下肚！女朋友叫左火車頭越南湯河，牛骨湯底好清甜，清香湯底夠哂暖胃，唔油膩女朋友大讚。生牛肉、牛丸、牛肚等等，餸菜超豐富，滿滿一碗好飽肚！河粉爽口唔會太碎！我叫左咖喱雞煲配白飯，滿滿雞件，薯仔好入味，咖喱味濃夠入味！雞肉滑溜！蒸粉包唔會太厚粉，中間滿滿肉餡，入口清香粉香！

野食係唔錯，但上菜速度真係好一般九個字先上到兩個菜千其唔好嗌套餐…唔係會激死如果有時間先好去食…唔係會等到傻如果趕時間又嗌套餐嘅話…我可以保證你連戲都睇唔到大家要小心

唔記得影相/.\ 我地兩個人，叫左碗招牌火車頭湯河，一個香茅牛肉撈檬，一個蒜香牛油雞翼同一杯牛油果奶昔。先講個香茅牛肉撈檬，我expect個香茅牛肉係類似串燒咁烤過好香口嗰種，但上到泥原來係類似吉野家嘅牛肉，淋淋的醃牛肉，已經失望左。。。味道都冇咩特別，係d炸蒜吊下味。 到個火車頭湯河，牛丸唔係彈牙，一咬就爛，條牛筋又係，我都中意食淋嘅牛筋，但個質感似係一咬就變左擦膠碎咁。個牛油雞翼賣相好好，一咬落去都好熱辣辣，但估唔到d雞翼炸到好乾身，咬都難咬，一d都唔juicy.最好味應該係杯牛油果奶昔，幾creamy.埋單都$311,真係又貴又唔抵。。。。題外話，衛生都一般般，隔離枱坐左對情侶，佢地可能睇唔啱就冇叫野食走左，個男條褲背後痴左條壓扁左嘅河粉，我望住隔離張櫈，應該本身係有條河粉喺度，個男冇望到就坐左落去

點了火車頭招牌湯河湯底濃郁，但感覺下了頗多味精，吃完後會感到口很乾牛腩的膏肉分明，肉的部份較少。蘿蔔腍，並不是太掛汁，沒什麼味道河粉偏幼身，對女生份量剛好，但對男生的份量則不太足夠牛丸是有黑椒在裏面，其刺激令味覺麻痺了一陣子生牛肉去到最後吃時口感有點偏幼牛筋腍身，但完全沒有味道整體感覺一般~

最近愛上了越式湯河，跟朋友在朗豪坊看完電影，見到4樓好似有間越南餐，小妹一個箭步上前望望，見到餐廳叫火車頭，便在這裡吃晚餐！7時半很多人客！有多款越式湯河！我們點了牛油果軟殻蟹紙米凍卷做前菜，我很喜歡米紙煙煙韌韌的口感，包住爽脆生菜、香滑的牛油果、青瓜絲和紅蘿蔔絲，還有炸到香脆又大件的軟殻蟹，層次好豐富！我太喜歡軟殻蟹，所以又點了椒鹽軟殻蟹，這裡的有點不同，伴了炸過的粟米片，全碟都脆卜卜，軟殻蟹微辣，炸到越級鬆脆，份量也很多！我這碗火車頭招牌湯河真的很大碗，湯底清甜，河粉滑得來又不易斷，有牛丸，生牛肉，牛腩，牛筋，牛柏葉！牛丸多汁彈牙，牛柏葉爽口，生牛肉嫩滑！朋友的越式菠蘿蝦膏炒飯也很不錯！有數件新鮮菠蘿，飯甜甜地，有幾隻很爽口彈牙的蝦，還有肉鬆，惹味！

不過不失既越南菜🥢行下行下覺得好肚餓，係朗豪坊有咩好食，一係就food court 一係就貴又唔好食-一上到4樓 見到有間 叫火車頭越南餐室印象中佢唔係新 ，但因為肚餓就自己一條友入去-一入去 冇餐版既？原來...好得意呀✨✨🌝 佢個餐牌係用火車軌設計 都幾有心思（係你地冇睇錯....個時太肚餓 已叫野食）-我決定叫 燒豬頸肉撈檬，天氣太熱啦，再食湯河會死人🔥燒豬頸肉撈檬 $75因爲有追加小食，見都唔係太貴，就加$15 加個越南春卷，野飲就叫個黑糖薑茶（🌚m come 冇計）個春卷雖然白來來😰😨 但幾香 幾脆同幾足料仲要三件size 都有一食食指咁長 唔似某啲越餐一件剪開三舊就算...-🤔🤔不過個到既經理....唔太理客 只掛住傾計有待改善-

在朗豪坊附近看醫生, 但要等一個小時, 所以在附近找地方食吓坐吓! 找到這個舒適的地點, 價錢在這地方算是合理! 在美國生活多年, 經常光顧越南人開的粉店, 所以也略知什麼是越南粉. 這店的湯底也可但粉條略粗, 越式咖啡也可以. 下次會試其它小食😋😋

天氣炎熱，往連接地鐵的商場找吃的就最好不過！今晚就選擇和老婆下班後到朗豪坊吃火車頭越菜。餐牌上的選擇不算少。生熟牛肉湯河 $83份量足，生牛肉粉嫩，肉質腍軟，河粉不易斷有口感，湯底清，味道不會過咸，另配上香料、辣椒和芽菜，可以個人喜好加入湯河中。越南法包 $63法包外脆內鬆軟，中間夾有豬扒、扎肉、番茄、肝醬、酸蘿蔔、青瓜、生菜，越式醬汁香料，材料味道豐富。馬拉盞炒通菜 $68用鐵鍋上保持熱度，份量足夠两人用，通菜爽嫩不韌，馬拉盞炒夠惹味。香茅豬扒紙米凍卷 $63賣相漂亮，紙米凍卷包得好工整很飽滿， 內有香茅豬扒、蔬菜蘿蔔絲香料等，口感十分豐富，蘸上帶微甜的特式醬汁，整體不錯。椰青 $42十分清甜，椰青肉軟滑。椰子三色冰 $39椰汁味香濃，有紅豆、綠豆、三色粒粒等，十分滿足。

今日去朗豪坊交收啲嘢順便喺嗰邊食埋， 連日落大雨濕濕，都係返商場覓食最舒適， 喺四樓見到呢一間越南菜， 自己好耐都冇食越南嘢，而呢度的二人set內龍蝦湯好似好正，價錢唔貴就入去。叫咗個海鮮二人套餐 ，飲品方面upgrade咗一杯龍眼冰，埋單連加一$440。牛油果軟殼蟹米紙卷， 有四舊，味道清新。透薄米紙包裹爽脆生菜，河粉，薄荷葉同香口嘅軟殼蟹，好啱而家呢種濕熱嘅天氣。椰湯浸波士頓龍蝦，每份有一有原隻龍蝦， 仲有蒜蓉包，好抵食。 感覺是西式的龍蝦湯加了椰漿及香茅，多重味道， 頗有特色。馬拉盞炒通菜， 個人感覺辣味可以再加重啲。蟹肉炒金邊粉，蟹肉的甘香， 惹味炸蒜，香滑的金邊粉，入口比泰式炒的相對地不肥膩， 酸甜嘅感覺比較少， 味道比較清新健康，適合而家飲食新趨勢。咸檸七使自己篤，一早mix 好晒，非常體貼。龍眼冰有大半杯龍眼肉 ，足料好味道。