火五越式牛肉粉專門店 (華生樓) (已結業)

經過太子，見到依間越式牛肉粉專門店，食物款式多，價錢合理，一於去試下。估唔到性價比甘高!火五麻辣酸菜牛丸粉 ($48)麻辣湯底真係幾辣🌶牛丸牛肉味好重，好彈牙爽口，充滿牛汁，真係好想食多幾粒牛丸!生牛肉粉 ($48)生牛肉十分嫩滑新鮮，牛肉索埋個湯底一齊食，唔錯。河粉份量多，好夠飽!蜆港蝦餅4件 ($28) 必點!超級彈牙，好似食左蝦味既魚腐甘，蝦味十足，煎炸外皮點沙律食一流! 仲要有4件, 好抵!手作挪威連三文魚米紙卷 ($48)好健康的小食，米紙夠薄，裡面包住的三文魚都幾新鮮，仲夾住好多生菜，青瓜同紅蘿蔔絲。凍越南三色冰 ($19)呢杯原來係椰奶配三色燕菜，都幾特別，但係d冷壓住曬d燕菜 飲唔到 大家可以試下叫少冰😂可樂 ($10)人均100蚊就食到好多野，真係好抵食，餐廳仲有d一人套餐($78)，下午茶餐($40)，都好抵!

與同事一齊去太子做完嘢，正想搵地方食嘢，經過火五越式牛肉粉專門店，同事知道佢哋價錢經濟實惠，份量又多，另外食物質素亦唔錯，於是乎就入座食完先走。餐廳裝修簡潔，乾淨企理。越式花膠老火雞湯河粉：有數塊花膠，滑溜有口感，雞肉有彈性，食落有雞味，湯頭清澈鮮甜，濃郁不油膩，河粉索晒雞湯又滑又鮮甜，加埋洋蔥更能提升口感和味道！香茅美國黑毛豬扒油香飯：豬扒切至厚薄適中，用以香茅為主嘅醃料醃過，肉質入味有口感。油香飯金黃色粒粒分明，食落有好香嘅黃薑味。原隻大蝦長春卷三件：春卷包得又幼又長，裏面包住原隻大蝦，外層香脆，餡料超級彈牙！蜆港吉列炸蝦餅：炸蝦餅夠晒彈牙，加埋甜酸醬一齊食，外脆內彈好惹味！

喺openrice買咗一個$98 2人dinner set 有5樣野食+2杯特飲 超級高性價比 而且味道都唔錯！主食有一碗生牛肉湯河同扎肉撈檬 兩碗都好大碗 生牛肉湯河都幾出色 湯底好香 有唔同香料味 唔係淨係得咸味 溫度都幾ok 未至於即刻整熟d生牛肉 但3min左右就熟曬了 生牛肉都好好 一啲都唔靭 出面有d牛肉係咬極都咬唔斷 呢到係冇呢個問題既！而pho都唔錯 口感偏硬少少 但都好順口 整體黎講係碗好好食既生牛肉pho!!!撈檬就比較一般 佢地既扎肉好似無咁有肉味 我個人覺得麻麻 配撈檬真係一般 份量太大有啲難食曬 小食有生菜 黃金炸魚皮 扎肉米紙卷 炸魚皮都幾出色 份量唔細 每塊魚皮都有滿滿既咸蛋黃醬 但都唔會過咸 當然食多幾塊就會開始咸 但配埋其他食物一齊食都ok既～ 扎肉米紙卷既filling基本上同岩岩碗撈檬係一模一樣 只係多咗一片生菜同米紙 所以味道同係一般 不過每舊都好扎實 可能其他米紙卷會出色啲 特飲有越式同港式飲品 選擇都唔少～ 味道中規中矩 整體來講呢個set真係好抵 睇番menu見佢地本身價錢都唔貴 好多都below $50 好推介大家去試下！

外賣越南🇻🇳風味屋企人話想食越南野又唔想出街冇問題我做跑腿🦵🏻🦵🏻行開深水埗買野轉成去咗太子買越南外賣=====================呢間越南專門店出名大大份為咗滿足屋企唔同人嘅需要分別叫左四款唔同種類嘅食物1️⃣火五火車頭牛肉湯河粉$68-餸料有牛肉片，牛腩，和牛牛丸，扎肉等-越式湯粉嘅湯底主要以牛骨湯為主，飲落既濃味但又帶一點清甜建議配搭青檸，係開胃之選🥰2️⃣越式蝦春卷炸蝦撈檬$42-春卷有四條，檬粉份量亦好多，外賣附上兩兜撈檬汁，清新得黎，感覺唔會咁邪惡3️⃣法式咖喱豬頸肉油香飯$58-有驚喜既肥仔餐，咖喱醬汁濃郁，豬頸肉份量有誠意，有六至七塊厚切，再加上秘製油飯，正😋😋4️⃣ 火五特式鳳爪$22-鳳爪口感飽滿，醬汁開胃👍🏻外賣分裝得好整齊企理湯粉亦會主動分湯當然所有嘢都係現場堂食會好食啲啦，但外賣黎講，係一個唔錯既選擇，三人分四個人食都夠晒飽😋每逢2:30至六點仲有下午茶餐經濟又實惠！仲配送野飲CP值絕對滿意👍🏻

白雲鳳爪 $28/5隻呢度係原隻鳳爪，唔同出邊咁樣會切開一半👍🏻味道醃得偏向甜嗰邊，鍾意食甜既就必點。我地都覺得味道鳳爪又大隻又好肉，唔錯😋 峴港吉列炸蝦餅 $28/4以蝦餅黎講呢間都真係又平又正🤭$28有4件，出邊基本上都好難搵到咁平。每塊蝦餅厚度都厚，食落彈牙又熱辣辣！香茅豬頸肉 $48豬頸肉肉肥瘦適中，食落唔太肥膩。生牛湯河粉 $46 🐮湯底好似有藥膳味咁，飲落都清甜。生牛肉份量算多，食落去有咬口同有牛味👍🏻呢到配有大量生洋蔥🧅洋食落夠新鮮。香茅美國黑毛豬油香飯 $56超大碗飯😂 細食嘅就要注意一下！油香飯有黃姜味，食落都唔錯。豬扒份量都算多，呢個價錢來講係抵食。食咗5️⃣樣嘢埋單都係$200，抵食🎉

ʚ 火五越式牛肉粉專門店 (華生樓) ɞ終於比我發現一間性價比極高嘅越式牛肉粉！ஐ —-ஐ —-ஐ —-ஐ —-ஐ —-ஐ —-ஐ —-ஐ❀ 火五火車頭牛肉湯粉-$68超級大碗！ 上檯嗰下真係嚇親我地，分量超多！🤣入面有生牛肉、熟牛肉、和牛牛丸、扎肉😆生牛肉好嫩！牛丸牛味超級重，兩粒真係唔夠喉🤣湯底清甜，絕對值得一試😋❀ 香茅豬頸肉撈檬 - $58同樣都係好大碗嘅一份😂檬粉撈埋檯面準備左嘅泰式辣汁，酸酸地好開胃～豬頸肉外皮微脆，份量都好多。❀ 火五特式鳳爪 - $28鳳爪分量好多，而且係無骨鳳爪，口感爽脆，味道略微酸左d，不過朋友鐘意食酸野，表示好鐘意🤣❀ 峴港吉列炸蝦餅（4件） - $28上檯即食熱辣辣👍外皮炸得好香脆，食落有蝦味，口感順滑彈牙，大力推薦要試呢個！📍 火五越式牛肉粉專門店 (華生樓) 太子界限街14號華生樓地舖#hkfood#hongkongfoodie#hongkongfood#hkfoodie#foodiehk#foodstagram#instagood#foodlife#hkig#hkeat#香港美食#cloverlandhk四葉草#火五越式牛肉粉專門店#太子美

呢間位於太子嘅越式餐廳都幾大，坐得舒服。叫咗碗生熟牛肉湯檬粉&火車頭牛肉湯檬粉，好大碗，面同湯嘅份量都好多！我鍾意個湯底，清清地，唔油，唔會有重味精感覺。生牛肉好食，檬粉好油，火車頭湯檬既牛肉好鮮味，和牛牛丸好多汁！仲嗌咗個蠔油生菜，只係$19，份量好多！野飲方面嗌咗白桃梳打，好解渴，三色冰有好多粒粒，有淡淡椰香味！$19一杯好抵！今次我哋散嗌，我見呢間餐廳仲有Dinner Set，$78有粉、小食同野飲，好抵！

如果你喺越南河粉嘅忠實粉絲，咁你一定要食下呢間。首先個人一定會特別推介火車頭牛河粉，分別有多種配料，生牛肉、熟牛肉、和牛丸以及牛腩，非常足料，而且好大碗，食一碗一定夠食。重點係佢個湯底，並不是一般嘅味精，16種材料熬出嚟嘅，所以特別特別鮮甜，飲完都唔會覺得好口渴。枱面仲有三種醬比大家選擇，分別係拉差醬、沙嗲XO醬、海鮮醬，一番風味。小食方面，我推介大蝦米紙卷，健康得來又好食，入面真係有一件大蝦，再加埋唔同嘅蘿蔔絲，食完一碗河粉再食呢個小食，特別清爽解膩

今日喺旺角行完街 朋友想食🇻🇳越南嘢經過太子嘅時候見到一間火五越式牛肉粉專門店就入去試吓 店舖座位比較多之外 都好多人堂食 同埋外賣都不停做🍽😳火車頭牛肉河🚆🍜湯底非常清甜 𥚃面有生牛肉 熟牛肉 札肉 和牛牛丸 份量超級多👏🏻兩個人都食唔晒😂意大利黑醋汁蒜蓉牛油雞翼 呢個我都幾驚喜😍雞翼好大隻啖啖肉而且個粉漿好薄 特別在於個黑醋汁配埋上面嘅蒜蓉 酸酸地幾開胃😋👍🏻蒜蓉牛油蝦球🍤有5件 蝦球好爽口 上面亦都配有少少蒜蓉更加香口😝火五特色鳳爪 份量好多之餘而且隻鳳爪係好肥美大大隻❤️香茅美國黑毛豬扒油香飯🐷豬扒醃得好入味 而且啲飯嘅份量亦都係超級多🤩

晚餐食越南河，這間價錢幾貼地，地鐵行3分鐘就到，都幾方便！台面有幾款醬汁，除了平時的越式是拉差外，還有XO醬和海鮮醬，XO醬夠香勁辣！人均：$97.火車頭牛肉河可選檬粉或河粉。有生熟牛肉，扎肉，和牛牛丸，洋蔥絲，生芽菜，蔥花，香葉檸檬...熟牛肉是牛腩位，兩款牛好好食，和牛牛丸推薦！好濃牛肉味，又彈牙！.生熟牛肉河湯底偏濃，有層微微藥材香，所有配料都一樣，肉類份量適中，河粉大大碗，以價錢來講，抵食夾大碗！.香矛豬頸肉都有十塊左右，豬頸肉面上的炸蒜好香，加點蔥油，焦香而不油膩。.飲品綠茶、烏龍茶

🥙太子抵食越南菜🍤------------------------------💛香草大蝦春卷撈檬-💵66份量超級多🙈多到以為自己叫咗多撈檬😂有五舊大蝦🍤有四舊春卷🫔仲有青瓜絲同紅蘿蔔絲🥕加埋一齊食又有爽口嘅口感同埋撈檬酸甜嘅味道😋💛蒜蓉牛油蝦球(5件)-💵48蒜蓉牛油同蝦球配搭好正🥳蝦球炸得啱啱好👍🏻💛香茅豬頸肉-💵48嚟到嘅時候熱辣辣🔥好爽口 都幾入味🙈❤️------------------------------🤤好味度：8/10🧚🏻回頭率：8/10火五越式牛肉粉專門店 (華生樓) (太子)🇭🇰太子界限街14號華生樓地舖#太子美食 #太子 #撈檬 #豬 #蝦 #春卷 #小店 #美食 #人氣美食 #情侶好去處 #越南#香港 #美食 #香港美食 #吃貨 #太子好去處 #食好西 #香港好去處 #香港美食指南 #hongkong #foodie #hkfoodie #hkig #hkfoodblogger #hkfoodblog

之前食過佐敦分店，平靚正，又大大碗，今次黎試下太子分店先。每次黎都係食佢地既火五火車頭牛肉檬粉，入面生牛肉，熟牛肉，和牛牛丸同扎肉，份量十足。好鍾意食佢地既和牛牛丸，爽口彈牙又有肉汁😋越式花膠雞湯油香飯，有花膠，杞子，雞件。湯頭好夠雞味，係老火湯既味道，飲完個人暖笠笠😊另外仲叫左個豬頸肉同珍多冰🤗 每張枱都有三樽醬，越北是拉差醬，河內沙嗲XO醬同越式海鮮醬。我就推介佢地個XO醬，要黎撈麵一流🤭

Eatigo 有半價好抵食越式蔬菜長春卷$14: 夠晒脆，仲好多蔬菜！爽口又清新峴港炸魚餅$26: 香口野，邪惡又美味炸軟殼蟹青木瓜沙律$68，軟殼蟹大隻，炸得香脆但唔太咀酒，幾好。青木瓜沙律好fresh，炎炎夏日好岩食沙律原來越南當地人食起粉時，喜歡在香濃的牛湯內加入不同的醬料，提升牛肉粉風味及層次感小店提供左3款醬：越北是拉差醬：好有東南亞風味，咸咸辣辣河內沙爹xo 醬：少許海鮮味越式海鮮醬：有d咸，普普通通

食到一半真係頂唔順，豬又梗飯又干，真係衰D講句自己煮仲好食過佢，仲話三百幾個like ,之前試過普普通通的，可以接受，但今次….唉….失望失望，真心失望，唔會再買，希望大家真心評語，唔好係唔係都讚

收工同朋友想食清淡啲，見到呢度都幾就腳就決定試下！店鋪都好寬敞，見到menu唔止有越南嘢仲有啲日式料理。不過都係唔試了我自己簡咗個最普通既牛丸扎肉湯河湯味夠濃，第一淡好似有啲鹹 撈返暈啲河粉就中和返個味。扎肉同河粉都冇咩特別，但想講既係牛丸幾有驚喜！個牛丸好多汁！！！超好味道個河粉份量都好多朋友order左個豬頸肉撈檬超～級～伏連正常撈檬既水平都沒有…一啲啲味都冇，要瘋狂加個汁 加到就變湯麵個豬頸肉都係普通正常嘢啦魚餅err 好食既魚餅，冇咩特別