瀛鍋

營業中

休息中

最近同朋友去咗瀛鍋食晚餐，呢間邊爐嘅食物真係唔錯，幾高質，同埋有上下兩層，無論係一大班朋友定係三五知己都可以喺上層擁有自己嘅包廂，私隱度十分高！另外地下嗰層仲設有小朋友玩樂區，十分體貼！瀛鍋提供唔同嘅湯底口味，我地就揀左滋補養顏嘅花膠濃雞鍋，無疑是最受歡迎嘅滋補選擇之一。這道鍋物不僅外觀誘人，更是結合了豐富的營養同絕佳嘅口感。花膠嘅加入讓湯底變得格外濃郁。經過長時間嘅熬煮，雞肉與花膠嘅膠質完美融合，每一啖都能感受到濃厚嘅滋味，雞肉鮮嫩多汁。鱔片同鯇魚腩都切得好透薄，一啲魚骨都冇👏🏻海蝦則十分新鮮，咬落彈牙🦐特級黑豚腩肉片，肉質鮮嫩，油花分佈均勻，口感滑順！

今晚和朋友去咗呢間火鍋店，環境舒適，特別是寬敞的空間和貼心的VIP房，非常適合各種聚會。下層的playground設計加上寬闊的座位，無論是親子還是寵物友好都很方便。先上嘅花膠濃雞鍋 ($368) 重點推介，大大塊的花膠、魚唇和竹笙，湯頭好濃厚，滿滿膠原蛋白滋補又養顏，忍不住多飲幾碗。然後係酥炸蝦餅 ($78)，外脆內嫩。刺身拼盤 ($168) 特別鮮甜，帶子、希靈魚、紋甲魷魚、北寄貝、冰鎮鮑魚等食材新鮮爽口。霜降肥牛肉 ($288, 小份) 輕涮即熟，嫩滑多汁。手打四寶丸 ($78) 彈牙十足。鮮蝦魚皮角 ($58) 一咬落去都是鮮蝦味。鴛鴦響鈴 ($68) 吸滿了濃郁的雞湯，兩種口味搭配得恰到好處。配上大大杯嘅有機柚子蜜梳打和百香果梳打，清新又解膩，好滿足！

瀛鍋上網搵餐廳見到有得book房，私隱度高又有小朋友玩具部，父母都可以好好解放雙手食晚飯啦😆💛鮮味卜卜蜆鍋 $288好足料，入面有蜆、蘿蔔、粟米、蔥等等個湯都好鮮甜，蜆都新鮮大大粒，用料都係靚野蘿蔔同粟米好甜好好味💛珠江風鱔片 $158珠江風鱔片用料新鮮，切得啱啱好，食落帶少少鱔既油脂，好香口💛手切鮮肥牛 $288手切鮮肥牛味道好濃郁，食得出好新鮮油脂豐富，食落去牛肉味道係口腔停留左好耐💛鮮蝦水餃皇 $30水餃王大大隻，入面好足料，除左肉，仲有木耳絲、荀絲同鮮蝦，蝦仲要係原隻包係入面，鮮味十足💛手打拉絲芝心鮮蝦丸拼芝心墨魚丸 $128入面包哂芝士，鮮蝦丸同墨魚丸加上芝士都幾好味！💛鬆脆響鈴 $58即炸出黎，上到枱仲係熱辣辣，食落都係好鬆脆浸滿湯汁真係好邪惡！價錢：$950（二人）（另加一）⭐️⭐️⭐️評分：8.5/10⭐️⭐️⭐️📍 瀛鍋（九龍城)九龍城福佬村道82-84號福成閣地下A-B號舖

今次呢餐真係冇得挑剔，煲花膠雞湯底好濃郁。湯滾之後我就連續飲咗兩碗。海鮮新鮮。擺盤都好精緻。所謂嘅色香味俱全。餐廳地方都幾闊落，如果搞party或者聚會可以上樓上包房。一樓劃分咗兒童區，帶小朋友嚟可以俾佢喺度放下電。海鮮盛盒海鮮盛盒入面有好多精選嘅食材，包括鮑魚、海蝦、蟶子王、元貝、廣島蠔同魚唇。每一樣都新鮮得嚟又美味，特別係鮑魚，口感滑溜，真係一流。花膠濃湯雞煲呢個雞煲用花膠煮成，湯底濃郁，味道非常入味，雞肉嫩滑，食落去好暖心。花膠嘅口感亦都好好，令人回味無窮。全天然霜降肥牛霜降肥牛真係唔可以錯過，肉質滑嫩，放入湯底一煮即熟，保留住咗肉嘅鮮味，搭配啲蔬菜食更加完美。酥炸蝦餅酥炸蝦餅外脆內嫩，蝦味十足，適合做小食或者前菜，口感好，搭配泰式酸甜醬一碟六件一次清晒。什丸佢哋嘅什丸包括金沙流心魚蛋、芝生丸同蟹籽包心丸，個個都好有特色。金沙流心魚蛋一咬就流出來嘅黃金餡，真係好驚喜！什餃鮮蝦水餃皇、韭菜肉碎餃同鮮蝦雲吞，每一口都充滿鮮味，皮薄餡多，全部都係由店舖人手包。飲品最後，試咗有機柚子梳打同百香果柚子蜜梳打，清新又解膩，為整個晚餐畫上完美句號。

放假心思思想打下邊爐，去到九龍城，搵到間食海鮮為主既，見到海鮮幾新鮮，決定試下。入到去，首先會感受到溫馨舒適嘅氣氛，適合親朋好友聚在一齊共享美食，入邊有好多唔同嘅獨立房。佢哋嘅打邊爐湯底選擇多元豐富，我就揀咗佢哋最出名嘅卜卜蜆鍋。係打邊爐之前梗係食吓啲魚生同埋佢嘅冰鎮鮑魚，好新鮮，食落去好鮮甜。除咗新鮮嘅肉類、海鮮同蔬菜，瀛鍋仲提供各式各樣嘅配菜同醬料，可以讓你自由配搭，創造出屬於自己獨特嘅風味。整體嚟講係好好食嘅。

有小朋友的家長有福了！火鍋店裡正中間，竟然有一個廚房遊樂！家長可以讓孩子放風一下，自個兒放鬆專心吃飯了😜❤️ 火龍果 / 金菠蘿特飲先來兩個特飲🍹粒粒新鮮水果肉真材實料，加上乳酸氣水份外可口醒神💪❤ 菜膽鮮魚濃湯鍋奶白色的魚湯鮮甜濃郁，記得要先吃一口湯喔！我喝了兩大碗😜❤ 手切鴛鴦肥牛一邊肉質實在牛味香濃，一邊肉質軟腍油香馥郁，同時試試看看你更喜歡哪個🫶🏼❤ 鮮蝦水餃皇一口吃不完的巨大水餃皇！餡料爆滿，啖啖肉好滿足😋⭐ 韭菜肉碎餃/魚皮餃/鮮蝦雲吞韭菜份量比較多味道更香濃，其他的都是正常發揮，是不會出錯系列。❤ 鮮蝦魚皮角一次滿足了兩個願望，是雲吞和魚皮角的混合體，效果很不錯喔🦐🦐⭐ 薯粉/金菇/油麥菜吸湯必備的粉，菇，菜！吸完湯的薯粉真的很讚！這裡還有大小不同的獨立房間，三五成群還是大伙兒眾會都適合！

去開九龍城睇模型車比賽，順便食埋晚飯，第一次在這間吃火鍋，火鍋盤很大。火鍋店分兩層樓上主要是客房，每間房都有不同主題，私隱度都幾好。花膠濃雞鍋湯底除咗有花膠和雞之外，還有紅棗竹笙，花膠都有三至四片而且是厚身，雞很嫩肉，待湯滾了先喝上一口很鲜。鮮蝦魚皮角（8件）人手做所以特別新鮮，把蝦肉讓入魚皮內，皮薄餡料豐富，熟之後脹卜卜，彈牙有嚼勁。西班牙豚肉片豚肉紋理均勻，肉質不韌。紫菜響鈴（4件）超鬆化，只需要幾秒便可以進食。海鮮盛盒（2位用）和挪威三文魚刺身海參都幾新鮮軟熟，骨膠原豐富，鮮蝦和蜆肉都很乾淨沒有沙；三文魚都幾新鮮厚切，還送了兩隻鮑魚刺身給我們，都幾大隻。走的時候才留意到有一個專為小朋友而設的玩樂空間都不小，大人在這裏火鍋小朋友就這個小空間玩樂都幾得意。

天氣開始涼~又係打邊爐嘅季節😆今日同老公帶埋狗狗去烚下烚下～ 九龍城呢間火鍋店好大間, 樓上有包廂好適合一大班朋友一齊食嘢打邊爐! ～樓下仲有一個比小朋友玩樂嘅區域添, 小朋友都唔怕悶~鮮味卜卜蜆鍋啲蜆好新鮮, 都幾大隻, 唔會有沙, 幾好食, 而且份量都幾多~ 湯底有少量蘿蔔加埋啲蜆煲出嚟個湯好鮮甜! 仲有啲粉絲, 成個配搭好夾~挪威三文魚刺身厚切上好吸引~ 都幾新鮮! 好味道😋野生遼參都幾都幾彈牙, 充滿骨膠原～特級黑豚腩肉片都幾好食, 唔會好乾柴柴!鮮蝦水餃皇好大隻, 外皮好薄, 入面隻蝦都好大粒, 真材實料好好食! 鮮蝦魚皮餃都幾特別, 口感幾爽口~手打四寶丸係墨魚丸, 豬肉丸, 牛肉丸, 蝦肉丸~ 手打丸爽口彈牙好好食～感覺粉嘅成份好少, 全部都係新鮮嘅肉!鬆脆響鈴脆卜卜, 浸落湯底嗰度好掛汁~嘢飲叫咗兩杯特飲黃粱美夢同人間煙火～其實係菠蘿青檸梳打同埋火龍果梳打, 兩個飲品都係好多菠蘿同埋火龍果喺入邊, 甜甜酸酸咁幾開胃, 都幾好飲! 今日得兩個人食唔到好多嘢, 下次再約埋啲朋友嚟再食過😆

涼涼地又係邊爐控出動嘅時候啦😬今次我哋就去到九龍城嘅「瀛鍋」度打邊爐😊唔講唔知原來餐廳今年係開業14週年👍鮮味卜卜蜆鍋 $288鮮味十足嘅卜卜蜆鍋😋而且卜卜蜆份量非常之多！配料亦十分豐富，有蘿蔔、粟米等等……湯底相當清甜👍手切鴛鴦牛肉 (細) $368有手切牛肉 + 安格斯牛肉嘅呢個拼盤，牛肉夠哂鮮味！亦好有牛味，安格斯牛肉入口即溶，認真不得了👍鮮蝦魚皮角 $58皮薄餡靚嘅鮮蝦魚皮角，鮮蝦亦都算大隻😊餃子拼盤呢個餃子拼盤有4款包括：水餃王、雲吞、水餃、魚皮餃，款款都皮薄餡靚！而水餃王餡料豐富，大大粒！認真抵食😋酥炸蝦餅 $78即炸嘅蝦餅，炸得脆卜卜，熱辣辣香噴噴，真係食唔停口😝P.S 店內有兒童小型玩樂區！可以比小朋友放下電😝而且店內有多間廂房，私隱度高，最適合同朋友開party，只需人均消費$500，就可以包廂房，兩位或以上就可以啦😬

天氣涼返啲就好想打邊爐😁今年第一次打邊爐，這間食材比預期中高質，樣樣都好食，仲有多款套餐，人多食仲化算！餐廳有兩層，樓上有多間廂房，私隱度高，適合生日party、聚餐、宴客。地下嗰層有個親子樂園、兒童玩樂區。小朋友坐唔定，有呢個玩樂區帶小朋友出街食飯都會輕鬆咗🤭😆椒鹽三文魚骨腩 $78非常惹味嘅小食，三文魚炸得酥脆香口，估唔到都幾多肉喎！鮮味卜卜蜆鍋 $288海量嘅卜卜蜆 食極都仲有，大隻又鮮甜，仲有粟米、蘿蔔、粉絲⋯鮮蝦魚皮角 $58口感味道都好🫶🏻手切鴛鴦牛(小） $368兩款牛肉都好味，一款又淋又滑入口即溶，另一款肉味超濃。什丸 香芋貢丸、金沙…$98有四款丸～潮州白魚蛋、手打鮮牛肉丸、金沙流心魚蛋、香芋包心貢丸，啲丸好正尤其是金沙流心魚蛋👍🏻鹹蛋黃味超香！有機洛神花大大杯 $38甜酸開胃、清熱解脂，打邊爐飲最適合不過

今晚嚟咗呢邊打邊爐，呢度環境真係好大，有兩層，上層有好幾間獨立房，想包場打邊爐嘅朋友可以考慮吓。佢哋啲房裝修幾精緻，座位好闊落。今日同朋友食咗椰子雞鍋。椰子雞鍋湯底有一個椰皇同埋一個椰青水，侍應連椰皇同埋椰青裏面的椰肉都刮埋落個湯底。湯底好足料，有紅棗，海底椰、紅蘿蔔，十分清甜。配上嘅雞質素還可以的，雞肉結實，唔會好削。另外我哋仲試咗佢一款椒鹽三文魚，整得好香口，有一種獨特嘅香味。餃子都可以一試，餡料好豐富，令到口感非常好，仲唔係好覺未有味精！

#九龍城美食 #小蓮星呑食九龍城🔻 瀛鍋 九龍城福佬村道82-84號福成閣地下A-B號舖/好耐之前食過一次，估唔到而家下層竟然有個超大兒童樂園，勁啱比小朋友放電，大人就可以慢慢打邊爐同吹水，完全係親子樂園，上面仲有另一層，全部都係獨立包廂，某啲仲可以打通，想高啲privacy, 搞吓生日聚會，呢度都係一個好選擇. /🧃瀛鍋牛王拼盆 $568打邊爐點可以唔叫牛，叫個拼盤就一勞永逸！一盤有晒手切鲜肥牛，特級金錢展等，可以食到唔同口感同埋味道層次嘅靚牛，啲牛全部好高質，牛香同埋油脂香並重/🧃椒鹽三文魚骨腩 $88鍾意食香口嘢嘅必點，炸到好脆，但係三文魚肉就好嫩滑，再加埋超惹味嘅椒鹽，食唔停口/🧃鮮味卜卜蜆鍋 $298想食清啲，所以揀咗卜卜蜆鍋，勁多蜆，仲幾大隻下，好鮮甜，入面仲有芫荽同埋蘿蔔，忍唔住飲咗兩碗湯！/🧃餃子拼盤共有四款水餃，包括鮮蝦水餃皇，韮菜肉碎餃，鮮蝦雲吞同魚皮餃。最impressive 係鮮蝦水餃皇，皮薄餡靚，好大隻蝦，啖啖肉，仲好甜！另外魚皮餃都好正，好滑好香！/#food #foodie #hkfood #hkfoodie #foodporn #foodstagram

「九龍城 瀛鍋🍲」比較小見打邊爐有小朋友既playgroup位置如果想帶毛孩 🐶可查詢一下book獨立房間🤩 空間好大⭕️🍲 椰子孖寶雞鍋係用新鮮椰皇同椰青 入面既椰子水工作人員會幫手刮晒d包括椰肉入去再落雞肉 食之前可以飲 飲落非常清甜係打邊爐食牛肉/其他野之前襯D雞落左一陣 食左先 因為佢肉質好鮮嫩 唔好由佢煲老晒 浪費左👅😆🥩🥓牛豬羊拼盤全部手切🥩 牛肉雪花靚 肥廋平均有冰底唔怕慢慢食🍢雜丸估唔到個香芋丸幾有驚喜d餡好濃郁 同D香芋蓉好鮮甜👅📍瀛鍋 (九龍城)九龍城福佬村道82-84號福成閣地下A-B號舖

黎九龍城打邊爐好多選擇，今次揀瀛鍋，地方又新又靚又有房又有小朋友玩既裝置😆任何組合既聚會都得，專做手工食材，手打丸、手切牛、特色餃仲有海鮮等😻叫野食時見到居然有原漿啤酒🍻啲麥香正到⼀個點，勁濃必飲🌟瑤柱滋潤白肺鍋，好大鍋超足料，⼀滾就飲得，奶白色😳少少胡椒拼大量豬骨腩既豬肺湯，好好味🤯我飲左5碗🤣又濃又香，配個酥炸蝦丸，好彈牙，鮮蝦味，送啤酒啱晒🍺手打黑白墨魚丸，明顯係真手打，黑墨丸非常彈牙，爽到爆🏓白色墨魚丸就比較濃墨魚味，好食👍🏻霜降肥牛到！🥩 澳洲既牛，油花靚到⼀個點，厚薄適中，食落口感好滿足，牛味牛脂味爆🤤鮮蝦魚皮角，鮮包既，個皮同個湯都幾夾，入面隻蝦好鮮，好味👍🏻鬆脆響鈴，鮮炸既可以即食，超脆，配湯都好正🥰西洋菜加濃湯都唔錯🍲食材非常高質既火鍋店🔥唔怪得之咁多熟客，個湯底完全俘虜左我既🩵⼀定要再試飲另一個湯！🤞🏻九龍城又⼀邊爐控熱點📍

呢間舖頭位於九龍城，人人都知九龍城好出名泰國菜，其實呢度都好多火鍋店，大家都不妨嚟試吓呢間瀛鍋。瀛鍋呢間火鍋店原來已經開咗14年，最近仲做緊刺身大優惠，刺身全部都好鮮甜美味。場內非常之大，有供小朋友玩樂嘅地方，而閣樓都設有八間房間，非常之適合各位喺度進行任何聚會。你以為房間要好多人先可以book，其實完全唔係，就算兩個人起都可以book房間適用，每間房設有最低消費$500。場內衛生都好整潔，一啲都唔似已經經營咗14年。試咗椰子雞煲湯底，用咗新鮮不同嘅椰子即場調製湯底，非常鮮甜美味，個煲底仲會越食越鮮甜。牛肉豬肉羊肉拼盤，肉質多非常之唔錯，擺盤都好吸引，鍾意食火鍋嘅朋友可以嚟試吓。