濰京坊

營業中

休息中

我開頭以為佢比錯餐我，睇下張外賣紙...咦點解無咕嚕肉既？打電話去問唔解我嗌糖醋排骨會比左咕嚕肉，佢答我糖醋排骨即係咕嚕肉，都係個啲肉黎...我咁大個人都係第一次聽，呢間舖原來無人識分，仲話咩老店傳統野，講岀黎真係笑死人...如果貴店既廚師同電話答我個位店員聽到，我想話你知，咕嚕肉係有菠蘿酸味，糖醋係落醋酸，係唔同的。唔係逢排骨就叫糖醋排骨，女人就係媽媽。

農曆新年好多地方無開，加上我唔係北角地道人，見唯獨呢間舖要等位， 所以都係誤打誤撞嚟到呢度食飯。叫咗一個餃子麵，一個回鍋肉菜飯，同埋 煎鍋貼餃子 未到我畀80分， 上海麵亦十分彈牙， 如果我加多條菜喺碗麵裏面就完美喇。至於回鍋肉，辣度適中，香港人很易入口， 味道亦係正宗上海菜風味，豬肉又唔太肥， 而且菜同肉嘅份量分配得剛剛好， 不會菜太多無晒豬肉， 真心推介似味菜。至於煎鍋貼，能做到皮脆肉嫩， 唔似喺外邊食嘅鍋貼咁，啲皮好韌， 而且亦十分大隻，如價錢平番少少就更好了最後再點2杯豆漿，都係正常嘢啦。

雖然幫襯過濰京坊好多次，不過猴子見識少，到家陣都唔知呢個咁特別嘅舖頭名係乜嘢意思，有冇人可以指教吓猴子？今餐叫咗個三鮮炒麵，貪佢夠香夠惹味。猴子今日唔太肚餓，而呢碟三鮮炒麵又份量十足，所以未食都已經知道今次做硬大嘥鬼。講返味道，粗麵食落係好彈牙，而且炒得好香。至於「三鮮」，就係蝦、雞肉同豬肉，蝦就細隻咗啲，好似蝦米咁上下大細，豬肉係半肥瘦，香滑兼備，而雞肉就實咗少少，味道又濃咗啲。至於飲品嘅豆漿亦好鮮滑，記得有次有個客人就係因為啲豆漿啱啱賣晒飲唔到而發店員脾氣，可見呢度啲豆漿幾受歡迎。三鮮炒麵本身賣HK$53，跟餐豆漿要加HK$9。整體嚟講係幾好味，不過油膩味濃嘅菜式其實好易飽肚，猴子建議份量可以少啲，然後賣平一、兩蚊，咁就一家便宜兩家著。

去買嘢食啦找少咗十文講勁多嘢都係冇找到仲話自己係好人 你都要有找先得架 野食上面又有烏蠅 平時幫襯開都咁 服務質素差到爆 十幾歲嘅靚妹就蝦去 你唔找咪唔找囉仲講到冠冕堂皇 唔通特登大熱天時呃你個十文咩 食完都穀鬼氣啦 打電話落嚟同你講 態度仲有問題 仲話我個女傻 但係信你先至冇睇啲找錢 自己就應該計好唔好找錯錢 十文雞你都呃 間嘢唔方質素好啦 最嬲就係個服務員仲要話今晚埋尾睇下係咪找錯數 你一次都找錯左啦難保第二次又找錯數 敷衍就敷衍啦直接講冇得攞返啲差 仲要話自己好好人 好人就唔會找錯數啦

我係北角返工每日都會食呢間，超級超級推薦，呢度既菜色都係即叫即整，每次食都熱辣辣，而且每度菜都充滿正宗上海菜風味。基本上每道菜都係咁好味，今次我會推薦大家可以試下紅燒魚塊、糖醋肉、醬爆牛肉、辣子雞丁。我個人最愛紅燒魚塊，廚師將魚塊炸到十分香脆，加埋惹味自家制醬汁，十分美味，配合埋菜飯，根本係人間美味之最，仲可以飲豆腐白菜湯，呢度D野都冇落味精，全部都係真材實料，我個人十分推介。另外如果食辣既話我會推介試下辣子雞丁，同樣十分美味。

和友人約了吃飯，但是臨時改計劃，改到公司附近吃飯了。因為一行有2個病人，就去吃不炸不上火的上海菜。一人點一碗湯麵，外加單點的小籠包。畢竟街坊小店，價錢相宜，份量也給得很足，老實說，光吃完麵就已經很飽了。擔擔麵的麵煮得剛好，不會太硬或太軟，麵身較幼，吃時都能掛上不少湯汁，湯底也加了一點榨菜，味道都算不錯。水餃的餡料感覺則與小籠包的餡一樣，皮都算薄，就沒湯汁的小籠包的感覺，但是都是好吃。小籠包的皮都很薄，有肉汁，餡料調味都好食。偷吃了一兩口友人的排骨擔擔麵的排骨，炸得酥脆香口，肉質也軟嫩，不會過火。整體除了店面較小，不能久坐外，感覺都不錯，有機會都會想再去食呢。

路過見未到午飯時間都坐了7/8成滿，決定同阿女入去試下。午飯一律$46，有8款揀。所有跟菜飯，例湯或豆漿。結果揀左紅燒豆腐和回鍋肉。另外加多個紅油炒手。埋單唔使$140，好滿足 😋

今日去咗北角約朋友食lunch, 平時會揀食客飯，但今日冇乜胃口於是叫咗個淨菜肉雲吞，個湯幾清，一碗有成8粒雲吞，而且仲大大粒，好少有我食咗6粒已經飽咗😅。朋友叫咗回鍋肉客飯，我就覺得好油，但冇辦法因為本身呢道菜就係咁😬

週日去北角，突然想吃小籠包，就光顧了這家路過好多次但未曾入過的濰京坊，品嚐過，覺得還不錯，在此分享給大家。首先介紹一下招牌小籠包，一籠5隻，皮薄餡大多汁，師傅功夫到位，皮超級薄但不易破，豬肉餡料軟熟味香，小籠一咬可以喝到湯汁... 點一下姜醋... 以這個價格，達標！其次，螞蟻上樹，Mr.的最愛，吃遍港九的「炒粉絲」，這家一上菜，他已經吃到不說話了。粉絲不油膩、色炒的夠均勻、肉碎多不吝嗇、鍋氣足、味道剛剛好... 達標！之後試了一下上海粗炒，京蔥羊肉炒麵，色澤鮮亮，醬香十足，十分惹味... 重口味之首選。還有回鍋肉炒年糕，推薦推薦，鮮香微辣的豆瓣醬加上足料的配菜，配上軟糯剛好的年糕... 這個沒什麼好說的，試過就知道。非常推薦！紅燒獅子頭，好吃！推薦... 唯有店面太小，理解香港地方淺窄，座位有限，但檯面已經放不下菜品，侍應還要1個人「搭台」到我們幾個人中間... 這個需要改進一下動動腦袋，不要強來搭台，大家吃的都會不開心。如果為了食物，一定會再次光顧的。

原本出北角係想食另一間已經好耐都冇去的餐廳，但見到個間餐廳個菜單變晒，連人都轉埋，咁都係轉來濰京坊食晚餐啦。因為諗住之後仲要食糖水，所以今餐都係唔需要食太飽，只係叫左個飯同餃子。炸排骨菜飯 - 炸排骨的炸粉唔算厚，反而炸得幾香口，肉質都唔錯，菜飯夠大碗，唔怕唔夠食。北京水餃 - 其實叫之前都唔知北京水餃即係點，都係抱住試下新野咁去叫。咁而家試左就知道原來北京水餃即係肉餃，雖然肥膩左D，但都好味，而且分量都唔少!整體而言，食物質素比想像中好，重要係唔算貴，下次可以來試埋其他野食。

呢間老字號既上海店，水準一向都有保證，我覺佢最出色係糖醋排骨，雲吞雞（今次冇叫）同螞蟻上樹。糖醋排骨D酸度啱啱好，排骨好似豬排咁大塊，又唔硬，好好味！螞蟻上樹份量好多，唔會辣，好香口！雲吞雞最特色係配自家製水餃，個湯好清甜！記得配菜飯同豆漿呀！

唔煮飯又出街食~ 食左街坊式的上海菜~ 4個人叫左4餸1湯!! 包括:1.葱爆牛肉: 牛肉好嫩2.干扁四季豆: 好惹味3.回鍋肉: 比較油, 不過不嬲回鍋肉都係油先正常咁~4.小籠包(5隻)*2: 有湯汁5.沙鍋雲吞雞: 個湯, 雲吞和入面的菜都不錯, 但冇食雞肉~除左食餸都叫左2個白飯一齊食~ 埋單約$360, 價錢唔貴, 味道可以的一餐!

早前已經來過這家店數次，這家店不單單麵食做得很出色，而且小龍包真的是皮薄，而且超級多肉汁。因為今天沒有人陪我一起吃飯的關係，所以一個人跑來這裡。今天主要為大家放上是麵食的餐牌，由於一個人的關係只能這樣。廚師想到炸物放在湯上會影響到味道，所以在這裡吃的排骨都是分開另上的。先來分享一下這個湯麵，由於是開放式廚房，能夠看到廚師親手拉出來的麵。喝上第一口湯，清甜的味道會留在口中，亦感受到廚師不是用味精做出來的，而是用鮮雞煮出來的清湯。真是真材實料，而麵就普普通通，被煮得過淋了，不夠彈牙。最近當然是主角排骨，亦是我最喜歡既一道食物，吃進口的時候外皮真的是香脆，豬扒極之淋，而已還留有點點的肉豬，完成沒有炸過濃。而且醃得岩岩好，不會過咸。(吃出醃料只是簡單的蒜蓉糖和鹽，沒想到可以做出這樣的效果)40$ 真是值得一食

五點九來到，下午茶剛剛完結。來了來餐牌點了兩道菜。1. 小籠包 （$32/5隻）小籠包來到，一看去樣子比想像中差一點。包身啞色無光，好像放了很久。皮的頂部乾了，也硬了。熱騰騰的小籠包，夾起時，皮就鬆開，希望不是冷藏貨。裏面有熱辣辣的湯汁，但可惜肉餡卻不怎麼有肉味。餡料帶一點薑味，卻遮掩不了它沒有鮮味的缺陷。32元這個價錢不算很便宜，這樣的貨色，有點失望。2. 五香牛肉麵 （$36）湯底是清湯，無味。五香牛肉﹣是為牛𦟌。牛𦟌不宜切得太厚，否則太難咬。不過這裏卻相反，牛𦟌切得薄過火鍋的肥牛。要慳料也不是如此吧？加上牛𦟌還浸在湯中，無味道、無口感。這個切得太薄的刀功，用錯了在牛𦟌身上，破壞了整個麵的主角。失敗，失敗。

HEA左一段日子，終於暫時停止過早既退休生活，踏實地開始新工作。難得友人在同一處工作，早幾天已經約埋一齊食飯。北角一帶都幾多野食，個腦諗左一陣就決定黎呢度食。喺呢度食既原因，除左咁多年耐唔耐都會路過外，幾年前佢地喺銅鑼灣曾經開過一間分店。當時我仲幫襯過一次，味道仲相當唔錯，所以今次特登過黎試下。撞正食飯時間，等左陣就有位。入到去一坐低就同收銀個中年女人落單，見佢完全冇寫單，不過有重覆我地叫既野，咁就當左佢落左單啦。之後等左成5個字都冇野上，其他人遲入黎都有野食上，心諗實漏單啦。一問之外，果然係。結果得番20分鐘要快快趣趣食埋佢，話之D野幾好食都冇下次啦...講番野食，叫左糖醋排骨同埋蔥爆牛肉，兩樣都相對好食。糖醋排骨既排骨係新鮮炸完去上汁(所以侍應話遲左D上)，而個汁又唔會一味死鹹。蔥爆牛肉個味亦較得相當好，係有少少蔥比較生，不過整體都好好。豆漿飲得出有渣，都算有誠意既。個負評純粹比個SERVICE，食物就幾好啦，負責人睇到既話麻煩改善下啦！