影片
更多
2023-12-22
98 瀏覽
地址－濟州燒肉食堂九龍灣偉業街33號德福廣場2期5樓Foodeli 501B號舖💋泡菜，平時去食韓國野D泡菜通常食2啖就放下，但今次呢個唔同，種類好多之餘，味道又高質喎，例如辣白菜咁，通常食到都係勁辣，難以入口，但呢度會食得出辣度適中及帶有甜味，而佢有款白蘿蔔好特別，醃到粉紅色咁，睇上去 PINK PINK咁，好靚，食落唔覺有白蘿蔔個種”草青味”，所以佢要加$40可以無限任食我都好願意，真係難得有高質的泡菜。💋爐邊蛋及芝士粟米，食完泡菜後爐邊蛋及芝士粟米已經熟透，好似話你知快D食我地咁啦，既然係咁就食左先XD，唔知係咪真係太耐冇去韓國關係，第一啖食蛋時居然眼角有眼淚滲出，真係實在太感動了！佢蛋食落勁滑溜，配埋泡菜粒帶點辣味，呢個位簡直成為我地爭奪的對象，差D將粟米比下去XD，好彩可以無限REFILL咋，而粟米方面，食落芝士味香濃，唔錯。💋食堂黑毛豬五花肉，食完蛋後，首先食個五花肉先，我地煎得夠香脆，而佢地本身都好薄身關係，食落有D似唔鹹版午餐肉，好特別。💋大牛骨，上碟時佢已經好貼心咁幫我地切好左一粒粒咁，無論燒定食都好方便，而佢牛味勁濃，咬落一D都唔會韌，而我地直頭將條大骨的肉都剪落黎
九龍灣偉業街33號德福廣場2期5樓Foodeli 501B號舖
💋泡菜，平時去食韓國野D泡菜通常食2啖就放下，但今次呢個唔同，種類好多之餘，味道又高質喎，例如辣白菜咁，通常食到都係勁辣，難以入口，但呢度會食得出辣度適中及帶有甜味，而佢有款白蘿蔔好特別，醃到粉紅色咁，睇上去 PINK PINK咁，好靚，食落唔覺有白蘿蔔個種”草青味”，所以佢要加$40可以無限任食我都好願意，真係難得有高質的泡菜。
💋爐邊蛋及芝士粟米，食完泡菜後爐邊蛋及芝士粟米已經熟透，好似話你知快D食我地咁啦，既然係咁就食左先XD，唔知係咪真係太耐冇去韓國關係，第一啖食蛋時居然眼角有眼淚滲出，真係實在太感動了！佢蛋食落勁滑溜，配埋泡菜粒帶點辣味，呢個位簡直成為我地爭奪的對象，差D將粟米比下去XD，好彩可以無限REFILL咋，而粟米方面，食落芝士味香濃，唔錯。
💋食堂黑毛豬五花肉，食完蛋後，首先食個五花肉先，我地煎得夠香脆，而佢地本身都好薄身關係，食落有D似唔鹹版午餐肉，好特別。
💋大牛骨，上碟時佢已經好貼心咁幫我地切好左一粒粒咁，無論燒定食都好方便，而佢牛味勁濃，咬落一D都唔會韌，而我地直頭將條大骨的肉都剪落黎燒，勁爽。
💋食堂蘋果醬油雞腿，想講佢呢碟份量真係好大，而且已經去晒骨，方便我地食，食落真係帶有一陣陣的蘋果甜味，配埋醬油的鹹味，鹹鹹甜甜咁，好正。
💋泡菜豬湯配白飯，佢呢個泡菜湯飲落唔會話好辣，而且豬肉份量都唔少，基本上每一啖飯都有豬肉都唔成問題，佢D白飯應該用上左珍珠米，食落煙煙韌韌，又粒粒分明，配埋泡菜湯食，真係好似置身係韓國一樣，唔得，我都要睇下機票先，哼。
💋朱古力棉花糖，雖然已經食左以上咁多野，都飽左9成，但都無阻我地要食棉花糖的決心的，真係估唔到呢度連燒棉花糖都有，令人諗起而家正好係BBQ的季節，佢最特別係燒完後可以選擇就咁食，咁就食到佢外脆肉軟的口感(成功率都係高的)，又或者配埋朱古力及原味消化餅夾住食，咁就食到半溶的朱古力，再加埋餅乾的脆身，裡面的棉花糖又有種煙韌感，口感層次勁豐富，正！
💋濟州特飲及荔枝特飲，食完後飲返杯特飲，佢杯濟州特飲係橙味梳打，真係見到粒粒橙肉，飲落唔會好酸，甜甜地咁，解膩程度一流，而荔枝特飲就飲落荔枝味香濃，而且佢又附上大大粒荔枝肉係裡面，唔錯。
張貼
