澳門翠苑餐廳

營業中

休息中

上午去旺角新填地買完儀器，看錶都十二點了，下午又要到葵興繼續。又想起好耐無食葡式鮮茄（牛腩湯通粉） 一於上去熟食街市再試。一個牛腩湯通粉套餐～包一個牛油包，一煎火腿蛋同一碗牛腩湯通粉的，味道同份量一樣無變，熱騰騰送上。可惜得我一個人食，多人就可以試多的款式菜式如農夫包咁。整體滿意，尤其買票取牌仔就可以行去坐低等送餐到面前真係最好，比一般快餐店都係買票取收條～排隊取餐，再看有無位給自己坐，以上都不會發生在這裏。直得推介一下～

夜麻麻要係附近上堂，因為平時覺得旺角太多人，所以極度唔鍾意去旺角既我被逼就要去果度食估唔到由朗豪坊氹黎氹去，去到隔離既熟食中心竟然有一檔好出夠既美食，我同事同我講呢間野既凍咖啡超正、咖哩豬扒包又係，雖然我望落個價錢係有Ｄ貴，而且等佢整一個包都有Ｄ耐，但係見到個黎緊既包真係覺得呢Ｄ都無所謂啦！因為我未食過呢間野，都唔知有無咩正宗食法，我就是是旦旦倒哂Ｄ咖哩落去個包先，然後就玩「手撕包」，呢隻包就係外脆內軟，點完咖哩之後，個包就吸收左佢Ｄ咖哩汁係度，所以食落係極Juicy，唯一不中不足係我覺得Ｄ汁唔夠多，因為我成個包都要點咖哩。咖啡就唔洗講，雖然佢甜左少少，不過我覺得都唔錯！整體黎講，呢間野真係好正，我鍾意佢「手撕包」既Concept，準備近日會再去食！

我完全唔知有呢個熟食中心，都係朋友帶路先知原來呢道有隱世美食。平日晚上都有少少難搵位，可能近住垃圾房位，都難免有少少異味。朋友極力推介呢個兩個人都食唔晒既農夫包，佢就去左買。買完一陣，就有店員將餐送到你座位上。賣相好靚，亦都好豐富。有錫紙包住既農夫包，前面黃黃綠綠既係咖喱，後面個碗係羅宋湯同咖啡。首先講下咖啡（因為我唔飲既），據朋友形容，呢度既咖啡都好出名，由幾種咖啡粉混合沖成，面頭撒上少少咖啡粉，令到味道再昇華！農夫包打開錫紙後既樣隨自己喜好加入適量咖哩！本來想叫牛腩，但老細話今日牛排靚D，就即管一試吧！牛排明顯地已被打鬆(或又是用鬆肉粉鬆左)，薄薄的，大約有八至十片。咖哩偏綠色，唔似一般黃咖哩般帶用好多椰奶咁油膩。至於味道方面，唔係很辣，但辣味集中，入口初時有點刺激，十分過癮。

旺角熟食中心同其他熟食中心好d五同，座位擺設同店舖格局俾我既感覺好似新加坡d熟食中心，幫襯既人以附近居住伯父大姐居多，所以食店既定價都算惠民。唯獨以農夫包聞名既澳門翠苑，諗住有返咁上下水準先會有咁多好評同定價，但始終有點點失望是次點了咖哩軟殼蟹農夫包，竟然食到人都“軟”埋。與其他熱門既咖哩牛腩，豬柳農夫包相比，性價比低好多

去開CORDIS HOTEL, 比人拉左我去一個天一個地既街市入面飲COFFEE, 乜料呀? 原來係有原因既, 佢地杯COFFEE係真係有MACAU既味道, 而我岩岩返MACAU返但又搵唔到一杯我想飲既地道COFFEE。 佢地呢杯, COFFEE香之外, 仲有COFFEE POWDER係面, 味道好濃, 十幾蚊杯, 下次我經過都會再買! (SUGGEST唔加糖, 會好飲D!)

來到旺角近亞皆老街，老是想吃這葡式番茄牛腩。 位於上海街旺角熟食市場的澳門翠苑餐廳，顧名思義這兒是賣澳門食品如豬扒包、鮮油豬仔包、咖哩牛腩等。專程來吃葡式番茄牛腩通，怎料老闆說廚師覺得未夠火候，請另選擇。正毫無頭緒之際，老闆提議海防米線。 米線是越南人熟悉的家常小吃，如果河內有烤肉米線、蝦醬豆腐米線，順化有豬蹄牛肉米線，那麼海防則有名聲遠播的魚肉米線。高湯主要以純魚骨餚製而成，口感清淡，味道獨特。 這兒的海防米線，用了肉碎、番茄、唐芹，湯底清甜，感覺健康。配上拿手鮮油脆豬，很滿足。 今天再到翠苑，因念念不忘那茄腩湯，午餐時間應準備好了吧！茄腩粉到來，一看便知足料夠火候，非常滋味。選用了三色螺絲粉，一㸃也不馬虎，怪不得這麼聞名，誠意推介。 臨走見別人點了咖哩農夫包，烤得很吸引，打開頂蓋便見到煮得腍滑的咖哩牛腩，配上更多的咖哩汁，可隨意加上，狀甚美味，下次一定要試。

Bibi竟然無去過mk熟食食，正好好多年無食呢個農夫包，過往經驗所得，呢間坐得雖然無太子咁正統茶記，但食物就正斗好多，加上food court格局無人趕慢慢食都唔坐，加上原來有冷氣開放加風扇，無想像咁熱。豬頸肉農夫包60加2凍咖啡平時食牛腩，今日佢點左豬頸肉，都幾肥，不過都食多，份量都幾多。包好大好脆好熱辣，沾上咖哩汁幾正，包包索曬味，掂呀。牛腩羅宋湯比平時例湯重料，湯渣唔少味道幾好無乜味精，唔錯，飲曬。凍咖啡亦係呢間名物，有啡味，呢個價錢平到笑，我亦食到大滿足，佢呢個細食怪食得好少，兩個人食一個包竟然都可以食唔曬，就知好誇張。P.s.今次食夠皮，下次可能又係幾年後，不過我會叫反例牌牛腩包既，記得的話。

中意食咖喱。同麵包控嘅我當然要嚟澳門翠苑食佢地好出名嘅咖喱農夫包啦今日揀左咖喱雞$60 有埋野飲同羅宋湯份量都幾大下雞都好多個包外脆內軟配埋咖喱真係無得输個湯都幾濃，不過咸左啲

台灣友人來港參加藝術講座，本來浪子還想著應該怎樣幫他plan遊覽的行程和晚市的地方。誰不知，他竟然拿了一個地址出來，問我知不知道這個"旺角熟食市場"怎樣去，是否夜市一樣的地方。我才發覺，原來他要找的竟然就是這個已經聞名好多年的農夫飽。浪子才知道，這個澳門翠苑農夫飽原來早已經在台灣的年輕人社群裡也有了一定的名堂。(還是台灣的電視台曾經做過節目介紹呢？)位址其實好容易找，雖然不是在旺角的中心點，但其實是朗豪坊的另一邊。朗豪坊是有一條天橋駁通的。澳門翠苑在熟食市場的正門最前的一間，位置佔了兩個鋪位，十分易認。回說我們在熟食市場找位子，未夠7:00已經很多人。好幸運地剛巧有一檯離座，我們就有位了，而且是在澳門翠苑附近的。農夫飽可以配的主菜很多，其中浪子最想試的是軟殼蟹，但友人因為對海鮮較易敏感，所以我們轉了咖喱雞。我們買了一個澳門咖喱雞農夫飽，罐裝可樂只需加$2。雖然是熟食市場，但不用自己捧餐的。他們會給你一個放在檯上的牌。然後由兩位親切又認真的專人巡視全場，看看你與那個牌坐在哪裡，他們就會將餐送上。澳門咖喱農夫包HK$ 60不過因為是即製的關係，我們也等了約莫10分鐘才有東西吃。其間因為已經

台灣友人來港參加藝術講座，本來浪子還想著應該怎樣幫他plan遊覽的行程和晚市的地方。誰不知，他竟然拿了一個地址出來，問我知不知道這個"旺角熟食市場"怎樣去，是否夜市一樣的地方。我才發覺，原來他要找的竟然就是這個已經聞名好多年的農夫飽。浪子才知道，這個澳門翠苑農夫飽原來早已經在台灣的年輕人社群裡也有了一定的名堂。(還是台灣的電視台曾經做過節目介紹呢？)位址其實好容易找，雖然不是在旺角的中心點，但其實是朗豪坊的另一邊。朗豪坊是有一條天橋駁通的。澳門翠苑在熟食市場的正門最前的一間，位置佔了兩個鋪位，十分易認。回說我們在熟食市場找位子，未夠7:00已經很多人。好幸運地剛巧有一檯離座，我們就有位了，而且是在澳門翠苑附近的。農夫飽可以配的主菜很多，其中浪子最想試的是軟殼蟹，但友人因為對海鮮較易敏感，所以我們轉了咖喱雞。我們買了一個澳門咖喱雞農夫飽，罐裝可樂只需加$2。雖然是熟食市場，但不用自己捧餐的。他們會給你一個放在檯上的牌。然後由兩位親切又認真的專人巡視全場，看看你與那個牌坐在哪裡，他們就會將餐送上。不過因為是即製的關係，我們也等了約莫10分鐘才有東西吃。其間因為已經有很多人在等位，包括本地人

話說我幫襯左澳門翠園茶餐廳已有六年之久，就係因為佢又抵食又好食，一直成為我最愛的飯堂之一。今日同朋友係附近做瑜珈就順便黎朝一朝聖。好多人未黎過會唔識搵入口，其實可以係朗豪坊body shop 隔離條橋直達。畢竟都係熟食中心，環境都係差的，但有別於其他熟食中心，這裡冷氣非常充足，但就有時候會滴水幾乎每次黎我都只點一個餐- 蕃茄牛腩湯通粉，原本個餐配火腿奄列同多士，我就加$3 轉奶油豬，跟凍檸茶好快姐姐就將個餐送到黎喇蕃茄通粉依舊大大碗！湯底非常甜，與其話係番茄湯不如話係羅宋湯更貼切，湯內有紅蘿蔔、薯仔、洋蔥及牛腩粒等，配上有坑紋的通粉，掛湯能力十足，也不會煮得太稔。奶油豬烘得脆卜卜，配上香甜的煉奶好正！火腿奄列則是普通貨色以凍檸茶作結，大大杯不欺場，加上以有蓋膠杯盛著，可以拎走慢慢飲。注意其實份量非常多，以上套餐我同我朋友兩份食都好夠飽！喜愛玩Pokemon go既朋友更開心因為熟食中心可以打到gym

琴日同男朋友一齊放假..係旺角行街佢帶左我去食下午餐...係旺角熟食中心冇諗過佢會知道呢d地方有好野食...我哋兩個人叫左一個咖哩農夫包餐e....又真係幾正wor佢仲會提供埋手套俾你用手食...哈哈 個麵包熱辣辣 外面好脆...入面好軟個咖哩汁係分開...好香濃...豬排都好好食份量都其實好多...唔錯食!可以去試下

位於旺角市政的公眾飯堂，老實講除非你係果度返工，如果唔係都無乜可能會去到這裏首選一定是牛尾湯通粉常餐，再改配豬扒包連凍飲，盛惠49港幣牛尾湯的確正，不但十分濃味，而且配料十足，齋食呢個，尋常人都已經夠晒飽，再加個豬扒包，用的是正宗三文治包，再配以大量洋蔥，不過略嫌淡味一點，或許是因為食左湯粉濃味十足再加上已經飽了吧。凍咖不是尋常茶餐廳的啡，奶味濃郁，再加上少少可可粉伴杯，我誠意推介要扣分的當然是環境，衛生的確是差一點，再者是快餐形式，大家要買飛點餐，好在她們會送餐到你跟前，本身是男人所以我又不太介意

#番茄牛腩湯通粉 #set（$44）套餐包左一碗通粉、一個鮮牛油 #豬仔包（超脆！）同一杯飲品，超值！特別值得提個通粉，湯底係港式羅宋湯，用牛腩、番茄、紅蘿蔔、洋蔥煮成，味道好甜（唔知有冇特別落糖），通粉煮得有啲淋，混合埋啲湯一齊食，感覺非常良好，好味程度令餓底忍唔住連湯全部食晒！可以話係全香港最好食嘅番茄通粉！#咖喱牛扒農夫包 （$60）今次主要係嚟食呢個包，見到網上有好多好評，但係今次就令我有少少失望……個包烤得堅係外脆內軟，但入面嘅牛扒好似用咗好多油去煮，而且冇牛味，可能食牛腩會好啲，而個咖喱汁、一啲都唔辣，仲要有好多油浮面、好鹹，失進而回

因為實在太多野做要OT－＿－O到8點零個時又肚餓喇😢，叫個外賣食算啦。叫左個蒜蓉雞扒意粉飲涷檸茶，一打開好香蒜蓉味， 又勁多意粉超大盒，但係D意粉係煮到透晒漲晒個種T T，算啦照食，好在夠多汁，另外個蒜蓉汁又唔錯，夾埋都食得落啦😪。雞扒煎過黎，個SIZE都OK，🙄咬落件雞都係滑嘅 。涷檸茶雖然都過甜，但好在飲品夠涷，檸檬又夠酸平衡番。最後跟餐送個個湯都幾多料，可惜係用發保膠裝，碗湯勁大陣發保膠味， 😖飲左兩啖頂唔順，好似食緊發保膠咁。 😰😰