澳門翠苑餐廳

營業中

休息中

這陣子家姐一直說旺角有處食肆的咖哩農夫包好多人介紹，話一定要去試。我問了地點， 原來非常就腳， 就在朗豪坊對著旺角熟食街市內。於是今晚我地收工就一起去。這個地方我還是第一次嚟，估唔到地方咁大，而且枱椅放置都好有空間感。我地想試嘅呢間， 舖面其實都幾細，但提供嘅食物種類不少， 我地三個人點了兩份農夫包， 及一份常餐。點好餐就隨意找位置坐， 阿姐會幫助送餐， 服務好又友善👍。咖哩農夫包我地揀左豬頸肉同牛腩。每份餐都附上羅宋湯， 夠濃味好好飲。飲品就必點凍咖啡， 香濃滑溜又夠冰涼。佢地咖哩汁是另上的， 而農夫包就用錫箔紙包實， 所以上枱好耐都仲keep到熱。農夫包成個日本蜜瓜咁大， 足夠兩個人食。外脆內綿軟，好好味。咖哩汁都夠香濃， 裡面仲有薯仔添。將汁澆上包內，又或是索性分關沾著吃都非常適合。佢地嘅牛腩炆得好腍，好入味，豬頸肉我就略嫌佢瘦左啲。另外份常餐是蕃茄濃湯通粉，可選有坑通粉或螺絲粉。配上香脆軟熟嘅豬仔包，家姐話勁正👍。

慕名而來 失望而回。 咖哩牛腩撈麵， 公仔麵過淋， 咖哩牛腩偏韌，肉有點柴，而且過咸， 牛腩和咖哩未到完全不能融合。蕃茄牛腩湯米粉，蕃茄湯不過不失。唯一比較好是，奶醬豬，焗得 香脆，熱吃不會太差。招牌咖啡，一般吧。。。

之前睇波子去美國食左一個忌廉湯包，就令我諗起澳門的農夫包，所以一直都好想食。記得之前去旺角熟食市場的時間見過有農夫包食，今次因為朋友生日要食好啲，所以就可以食到農夫包啦。熟食市場入面的農夫包賣60蚊，包一杯熱飲和湯，而且有幾款肉類可以選擇，我地本來爭扎緊揀牛肉定豬頸肉好，但因為已經叫左乾炒牛河的關係，所以揀左豬頸肉了。落單之後，老闆會問你坐邊，因為會送餐比你，由於即叫即整，所以要多少少時間(大約10-15分鐘)。但包係用大型豬仔包，之後開洞放豬頸肉，可以用刀叉或者手撕分開麵包，再點咖哩汁，佢個咖哩汁有少少辣，但真係好惹味，所以就算我唔食辣都無法抗拒，我就最鍾意就係用包加舊豬頸肉再點汁，可以一次過有齊三種享受。以下評分以5⭐️為滿分推介⭐️⭐️⭐️⭐️

由於喺旺角返工所以成日都要去食唔同既野今日就去咗朗豪坊嗰邊嘅熟食中心喺門口嘅澳門翠苑茶餐廳環境就普普通通因為始終係一個舊嘅街市但有Wi-Fi又唔會有人趕走您所以都OK言歸正傳講返嘢食先由於我超鍾意食魚🐟所以今日叫左呢個豉汁魽魚蒸飯跟埋例湯 盛為$40一嚟到真係好驚訝因為好大碟唔記得叫佢小飯味道好足 唔會太鹹唔會無味啲魚都好滑 份量都好多 鍾意食魚嘅朋友可以試吓呢個因為平時出去好少有呢種魚通常都係 鯇魚多例湯都冇味精的而且有湯咋同埋佢嗰度仲有好多唔同嘅蒸飯都好抵食平均$35左右

先生忽然話要去旺角熟食中心食晚飯, 話同事大力推薦, 高手在民間熟食中心就喺旺角朗豪坊對面, 同一般熟食中心一樣, 大概就係街市咁嘅格局, 買完食物之後到各店鋪share用嘅枱凳食用, 環境一定不及正規店鋪同街邊茶餐廳, 但好在座位尚算寬敞, 唔洗同人迫👍🏻我點咗好評好多嘅咖喱牛腩農夫包, 聽聞呢個係澳門特色, 但喺澳門反而未食過外表同一般嘅咖哩包一樣, 一打開包蓋, 即刻聞到好香濃嘅咖哩味😍, 牛腩唔會炆得過淋, 抵讚! 👍🏻另外個包亦係另一亮點, 外脆内軟, 搣嚟點咖哩食一流😋, 份量亦算足, 基本上唔會再諗起個飯🙈

排骨飯加檸檬茶 冇錢人食飯會去邊 除咗買外賣就梗係去街市買嘢食啦 因為街市有啲餐廳都平靚正嘅 呢間排骨飯都幾好食 排骨同埋菜心嘅份量都OK 多 啲飯又唔會話好硬 仲有一個細細的膠杯裝住豉油比我帶走 食食下排骨飯嘅時候就唔驚唔夠豉油啦 不過我就略嫌佢嘅豉油比較油 意思係豉油裏面嘅油比較多 肉眼都睇到一層油係上面 搞到我都唔敢倒得多 因為怕食得太多油落肚 食完飯仲有檸檬茶飲都幾好啊 其實佢有俾我揀要湯定係用飲品 我就揀左要檸檬茶 四十蚊有找嘅一餐飯 價錢同食物質素黎講都幾滿意嘅

Wow! This place exceeded my expectations! I got pork with curry sauce. The meal also came with a soup and a drink. Along with utensils, I also got plastic gloves 😂 The pork was in the bread bowl which was wrapped up in aluminum foil when they gave it to me. The curry came in a separate bowl, so you can pour it into the bread bowl, but I don’t recommend doing that cuz it gets really messy. (I also recommend bringing wet wipes in case some curry gets on your clothes cuz that happened to me 😫) The

很長的一段時間沒有來旺角, 今天剛好有事到旺角, 馬上就想起農夫包, 因為近目的地, 而且價位不高, 大份又好食。另一原因是我和友人都不太肚餓, 正好打算一餐兩份食。旺角熟食中心的澳門餐廳美食： 牛腩農夫包及招牌凍咖啡。 農夫包上檯的感覺有點似叫化雞。 農夫包特別，味道不俗，外皮鬆脆，有咖喱汁，跟餐有羅宋湯，凍飲只需加$3。 凍咖啡味道濃郁，奶味充足，咖啡不會酸，雖然有冰，但沒有影響咖啡的味道，入口不會太淡。

好耐無去食，突然心血來潮就決定去回憶下！ 對上一次食好似都有幾年，第一次食10年都有去到叫左個豬頸肉食，因為以前食親都係牛老規矩買完拎牌等送餐不過個牌已換成座枱式！方便咗！跟埋凍咖啡真係一流！等咗大約5-10分鐘就送到過嚟，店員好有禮！不過環顧四周食農夫包的人無當年咁多？可能我晏啦夜晚7點幾。。。羅宋湯仍然好好味！好濃！咖啡都係有咖啡粉係面！正吖喂！之後當然入正題食包溫度夠晒，咖哩好味！一切都同我回憶味道一樣！真係好難得。。。！包又熱又脆，夾豬頸肉再加汁真係一流丫！份量都係咁足！價都係60幾蚊。。真係不得了！

排骨飯酒樓就食得多啦，今次去了旺角街市的澳門翠苑買了一個豉汁排骨飯 。外賣的。澳門翠苑的阿姐有問要不要湯，我有問她是不是免費的，她說免費，然後我就說好啊⋯⋯哈哈，本來還以為自己要飲水，原來有送例湯。一打開飯盒就見到有好多排骨，側邊有少少南瓜，還有幾條菜心。我覺得南瓜就煮得比較耐，因為好「林」。至於排骨就幾好食，肉質幾軟，有豬肉味。平時出邊食排骨飯，通常排骨都是有好多肥膏的，但是這間餐廳的排骨肉質都比較多，肥膏就不算多，所以我覺得幾好幾好...........而且這個排骨飯的豉油都幾好味，因為我覺得整個排骨飯的重點除了是排骨之外，豉油都好重要。至於餐廳送的例湯就普普通通啦。比較淡。但送的東西，差不多吧。

這天跟媽媽在朗豪坊附近，她突然說很久沒有食農夫包了，我們立即通過商場到隱蔽的旺角熟食中心尋找多年前食過的味道我們點了一個咖喱牛腩農夫包，還有下午茶餐的公司三文治share，在媽媽的推介下我們都要了凍咖啡。點餐完畢，店員會給你一張放在檯上的籌，你就可以去找位置坐下，店員一會會自動送上食物。等了一會，熱辣辣的公司三文治送到。圖中的凍咖啡不得不說，是我飲過味道最好的咖啡之一。咖啡味道很香，甜度適中得來能幫助帶出咖啡香味，質地滑不會覺得有渣又苦的感覺。喝一口，濃香的咖啡在流進肚子裡以後，香味還在口中迴盪。我現在知道為甚麼極少飲凍飲的媽媽也要了一杯凍咖啡了，高度推薦！新鮮製作的公司三文治都不會杯咖啡搶風頭，味道幾好。即製的三文治每一樣材料都好食，麵包烘得夠熱微脆，裡面的材料也挺多的，食著食著小心材料都跌出來啊。在menu上寫著要等十分鐘製作的咖喱牛腩農夫包來了，是一個很豐富的套餐啊。先試個羅宋湯，味道夠濃，酸度足夠，裡面的料包括紅蘿蔔還有牛腩都很多，有別於一般只有顏色沒有味道的羅宋湯，十分開胃，好飲！然後就是萬眾期待的咖喱農夫包了。已切開的農夫包容易打開，裡面釀了一些牛腩。由於包比較大，大家也是

一直看見網上很多有關咖喱農夫包的推介，這天經過旺角便順道上來去嘗試一下這個馳名的咖喱農夫包。當天是星期二午飯時候，熟食中心內坐滿客人，很難找到位置。找到位置後，我便馬上到翠苑買咖喱牛腩農夫包。大約四五人排隊，買到後等了大約15分鐘。整個餐有一杯飲品，很大個農夫包，和一碗湯。農夫包外脆內軟，口感不錯，而且裏面的咖喱亦十分濃郁，牛腩數量不少。只是吃到後來略嫌有一點乾。由於農夫包份量太多，我一個女生實在吃不完。總結而言農夫包雖然較乾，但味道和份量不錯而且價錢合理，是午餐之選。

年三十晚收爐之前過黎食个農夫包咖啡牛腩係無得輸既選擇，咖哩汁味道十足(可惜唔辣，對比兩年前食就淡味左少少) 佢嘅牛腩已經炆到好林 用手輕輕力就可以將佢拉散 將啲咖喱汁淋落去個麵包度嘅時候，香脆嘅麵包加埋牛腩汁，咖哩汁 真係無得頂，兩个人食就埋埋好 🎉💁🏻‍♂️佢个紅湯就比較咸，加少少麵包就埋埋好 湯入面有牛腩，蔬菜 材料一啲都吾hea 老闆娘細心知道係兩个人食就特登拎多份餐具🍴過黎俾我地，尼啲細店既關心👍

去旺角食飯，長間都要等位, 尤其是星期六日晚。所以為免等到肚都扁，所以去咗旺角熟食中心。澳門翠苑餐廳係當中嘅王牌。今日叫咗王牌中嘅王牌，咖哩牛腩農夫包(套餐：$60)。雖然越賣越貴，但品質及份量不減。半肥瘦的牛腩，口感極佳，牛腩汁深透入包。呢度嘅咖喱椰汁味濃，微辣，食唔到辣嘅人都可以試。跟餐嘅羅宋湯湯料充足，裏面嘅配料(如，紅蘿蔔，薯仔)都煮得好入味，仲有啲牛腩係湯裏面。大大個農夫包，滿載牛腩農夫包套餐($60)仲叫咗個葡式通粉(牛腩湯底)($44)。 餐包即叫即烘，包外皮鬆脆, 包裏面有一大塊牛油，非常香濃。呢個湯底同羅宋湯一樣，係鍾意飲羅宋湯嘅人必試之選。雖然係假日晚，但都冇咩人，方便揾位。

以前讀書時候，放左學落旺角都會同同學仔走黎熟食廣場度食，因為又平又好味！ 講到呢個場既名物，不得不提咖喱農夫包！今次點左豬排咖喱農夫包配凍咖啡！豬排唔係重點，因為我最鍾意食既係個包。個包即叫即烤，所以都要等一段時間先有得食！ 個農夫包好大個，真係成個BB頭咁大個。麵包皮好脆，呢個包識食一定食個皮，特別係麵包頂，起左做蓋果塊～ 咖喱汁係分開上，食果陣先點唔驚整“林”果包。另外好多人推介凍咖啡，一飲有料到喎！好香濃既咖啡味，就算係冬天咁凍都忍唔住整返杯黎飲。