澳門翠苑餐廳

營業中

休息中

我完全唔知有呢個熟食中心，都係朋友帶路先知原來呢道有隱世美食。平日晚上都有少少難搵位，可能近住垃圾房位，都難免有少少異味。朋友極力推介呢個兩個人都食唔晒既農夫包，佢就去左買。買完一陣，就有店員將餐送到你座位上。賣相好靚，亦都好豐富。有錫紙包住既農夫包，前面黃黃綠綠既係咖喱，後面個碗係羅宋湯同咖啡。首先講下咖啡（因為我唔飲既），據朋友形容，呢度既咖啡都好出名，由幾種咖啡粉混合沖成，面頭撒上少少咖啡粉，令到味道再昇華！農夫包打開錫紙後既樣隨自己喜好加入適量咖哩！本來想叫牛腩，但老細話今日牛排靚D，就即管一試吧！牛排明顯地已被打鬆(或又是用鬆肉粉鬆左)，薄薄的，大約有八至十片。咖哩偏綠色，唔似一般黃咖哩般帶用好多椰奶咁油膩。至於味道方面，唔係很辣，但辣味集中，入口初時有點刺激，十分過癮。