澳門咖喱王清湯腩

營業中

休息中

平時出街簡單打邊爐得幾款湯底可以選擇，大部分都無咩特別，想要好些的湯底通常價位高，想不到這間食店有靚湯底，真材實料，價錢平$268兩位包兩杯飲品加任食，非常驚喜。湯底不得了，店員好好招呼推介我們醉雞窩，湯底本身已有很多材料，金菇蔥雲耳三色椒等等，味道好香濃酒味和藥材味，到吃完酒味仍然很濃郁，可以當湯水喝，建議大家打邊爐前必試湯水。雞件另外上，份量好多，有一隻雞，雞肉嫰滑，非常入味。另外點了豬膶，爽口彈牙，煮很久都不會變口感，用料好好。另外最喜歡蘿蔔，薄切快熟又易入味，湯底高質會令食材升級。

係觀塘工作左咁耐，公司附近既茶餐廳已經俾我差唔多食勻哂啦，每次一到lunch諗食咩都諗到我頭都大埋今日咁岩要拎野去牛頭角果邊，誤打誤撞入左間茶餐廳，佢吸引我既地方係門口貼左好多明星既合照連明星都黎食，相信都一定有返咁上下店內貼左呢張poster, 個價錢都幾吸引喎可以搵日放工黎食其實呢間茶餐廳既野食款式超多，我睇左好耐都未決定到食咩好彩服務員叫我睇左咁耐都仲未落單，佢好主動咁過黎同我介紹下川醬炒飯原來呢碟炒飯好有名堂的，係得獎菜式黎架辣度可以根據自己口味而要求炒到粒粒飯，超好味，麻辣味更能刺激味蕾，有越食越想食的感覺酸菜魚魚塊夠大件，不過食既時候都要小心，會有少少骨！味道唔會太酸又唔會太咸用黎送飯就最正底下有啲粉絲吸哂啲汁，超好味奶茶紅豆冰平時我唔飲冰飲的，不過服務員好熱情咁推介奶茶，咁就試試啦奶茶茶味好香濃奶同茶好溶合成一體，總之同平時茶餐廳飲的好唔同，唔知點樣形容相信係茶同奶撞出黎既味道，而不是沖的

G餐 ：牛排/雞排/豬排/煙肉/司華力腸/豬柳漢堡排(2)件 任選一款，拼火腿炒蛋跟熱飲，如果凍飲就另加3蚊。為何一早食牛排呢？牛排有肉汁，配以洋蔥的甜好好味，而且火腿炒蛋可以走火腿改為太陽蛋或淨炒蛋，奶茶夠滑，水熱度均勻。A餐：皇牌沙爹牛肉麵配火腿炒澳洲滑蛋，除了火腿炒蛋又可以改為太陽蛋或淨炒蛋之外，另外麵類也可以加3蚊改河粉/生麵/米線或加6蚊改出前一丁。要說味道了，牛肉還可以冇根都夠滑，多士剛出爐夠脆，麵質不會太霖夠入味，湯底加了沙爹汁就更澴更香了。

今天要返公司加班，放工都過左食飯時間，剛剛好可以去食下午茶。今次去左澳門咖哩王清湯腩食個$38的下午茶餐包熱飲，不用加一，又不用等位。我叫左個澳門炒飯(走辣），加個熱好立克。個炒飯同普通炒飯之分別是多咗蝦乾和咸魚，所以特别香，整體味道很好👍

今日放工 同女朋友黎食飯 叫左個乜鬼韓式雞湯飯 已經唔好食 成陣味精 啲雞啲肉少到 都算 咁食呢啲雞實有骨 唔知大家會將啲骨點處理 我就唔會食埋啲骨既(正常人都唔會食) 咁應該點處理呢？小弟我就吐落張枱 相信大部分人都係咁做 我就如常咁食 食食下 有個staff 佢應該係老細黎 見到我咁 行過黎 同我講 乜冇人話你聽啲骨應該放喺隻碟度咩 我望住佢 再望下 原來有隻碟 我根本唔知 亦冇人同我講要擺上隻碟度 佢咁既態度 話比我聽喺度串我 大佬我做咩無啦啦比你串 就算我係啲麻煩客 我作為顧客 無理由咁比你話 加上 我真係唔知 既然佢咁 我就用返同佢一樣既態度 同佢講 係咩 冇喎 我唔知 跟住佢應我 咁而家你知啦 我再同佢講 咁係咪一定要擺？ 跟著我就冇理佢 繼續食 我認我係有脾氣 但我做咩要咁比你串 我黎食野唔係黎受你氣 好戲黎啦 佢跟住就喺我隔離 同佢其他員工傾計 比說話我聽 而家啲人真係冇家教 我聽到呢句 我已經忍住 真係從來未試過有鋪喺客面前話佢 加上係佢有問題先 重點黎喇 佢突然行過黎 扮哂禁電話 其實係人都知係影緊我同我女友 好 既然你咁玩野 仲要影我女友 我都唔同你客氣 大大聲咁

係香港未試過遇到咁ge服務態度個員工黑口黑面啲嘢食又唔係好食仲要貴到咁一個點，仲要好多伏嘢，以後都唔會再去食呢間嘢，服務態度極之差特別係個阿婆，好似得罪左佢咁。態度差得冇得再差。

見龍門沒位，唔想排隧。呢間一半人都沒，就來了呢間試下試完之後就知道～～～扔嘢炒旦-全世界都upgrade 至滑蛋，佢故步自封，蛋沒蛋味，仲要成碟油-terrible 沙爹牛肉成陳濃味, 好心出品認真一D，垃圾食物留番自己食咁嘅貨品揾鬼人會去食

幾個月前來吃過下午茶，念念不忘這裏的濃湯底。另一原因是，見到餐牌上寫著「火腿炒必食澳洲滑蛋」，心裏想，店方能那麼自信，想必有其獨特之處。今早，終於有機會來試試了。早餐的款式只是傳統那些，價錢中等。我擇了$30的「試食例牌」，即A餐皇牌沙嗲鮮牛肉米粉、火腿炒必食澳洲滑蛋、牛油方包配熱奶茶。餐牌修過過，原來應該是牛油多士的，現在要多士需加$2。見到鄰座食客的多士，只是半件的厚多，故沒有改。食物送上時，賣相普通，怎知美味卻藏在骨子裏。首先是方包，我沒要牛油。麵包拿上手便感到包身鬆軟，只有將麵包放在封存的盒內，沒有受到風乾才會如此。我感到奇怪，這個簡單的程序，卻能保持麵包鬆軟的功夫，大部份食肆卻無法做到。火腿只是一般貨色，但因為麵包出色，與雞蛋一起夾著來吃，已是份美味的腿蛋治了。再來就是炒蛋。其實剛上桌時，我見到已對「必食」二字大打折扣，這塊尋常不過的炒蛋，色澤較淺，怎看也只是普通的煎蛋，目測連「滑」字也稱不上！吃進口卻又是另一回事。蛋味不算濃厚，但香滑酥軟，像在口腔內溶掉。這種久違了的簡單滋味，刹那間回來了。我覺得，現時大部份茶記，與其標榜甚麼「牛乳炒蛋」，做出來卻是水汪汪豆腐花那樣，倒不如

假日起身對自己好點來個早餐吧！呢條街其實有好多唔同既茶記！但我被它的早餐配搭吸引了先看看餐牌 有我最喜愛吃的蕃茄湯同牛腩！因為在外邊早餐少有呢個搭配😙食物火速送到！趕時間都唔洗驚丫！我加了總共$4轉奶油多！好好食，皮邊脆口！奶油查得均勻 成個餐最好食係呢塊多士！😁媽媽叫了沙嗲牛麵！我覺得佢挺好食的 麵底夠硬！牛肉腍得黎都算入味！有點像翠華個款蕃茄牛腩炒蛋通粉到左，蕃茄湯有淡淡的蕃茄味，但就唔濃！魚米家個湯好點！比較平凡牛腩係粒狀 口感冇乜 但份量多！唔期望高都接受到的！反而杯奶茶比例沖得幾好！成個餐食完都好飽🤓呢到既姐姐好好人！服務態度比想像中好！

已經試過在牛頭角安富街的總店，也想試試這間分店。剛巧路過但已經食過午飯，因此點了較輕盈，又不是皇牌的下午茶餐，主要是試味道而已。我叫了$29的湯麵餐，以雞扒配生麵和奶茶，相信這個配搭很少人會點，因此落單阿姐，要問我兩次來確認！我覺得，要試，就不試招牌貨，才能顯示功架。雞扒生麵上檯時，如我所料份量不多，不過有兩條菜配搭，也算認真。喝一口湯，嘩，味道濃郁，有蘿蔔牛腩味，正！雞扒則正常，味道亦偏濃，令這個看似「清清地」的湯麵，其實十分重口味。那兩條菜也很好吃，沒有因為是配料而馬虎處理。奶茶則是我喜歡的，茶味較淡，不錯。分店和總店一樣，在門外貼了很多明星光顧的照片，亦介紹了店內的招牌菜。這裏的環境比總店好，有機會定會來再試其他食物。

此處餐牌有很多非一般茶餐廰選擇，已頗多是辣的（水煮，川醬，孜然，新疆風，麻辣，辣子），和東坡肉，牛鞭，龍鱔和很多。這表示廚房功架是非一般茶餐廳級數。加了信心分（及期望）。午餐時間，用我的點餐慣例，選招牌菜。於是點了蕃茄牛腩通粉和咖哩牛腩。兩樣東西都有共同特點：平凡。不是差，就是沒有驚喜。蕃茄湯-有蕃茄味，但就欠了香味。一般茶餐廳有些有羅宋湯底的，有檸檬皮，葉等香料，味感比較豐富。咖哩-平凡，沒有任何特出，不是馬來西亞椰漿，巴基斯坦，泰國香辣，什麼都不是，什麼都沒有特色。牛腩十分「鞋」。聽到伙記教新丁，招牌腩是新鮮腩，普通腩是雪藏。老實說，正常來說我應該不會再來。但是見到有很多特別菜，可能有機會給多一次機會。

清湯羊腩米粉- 加入陳皮的湯底清甜帶羊羶味，黑椒粒帶些微辣勁，紅椒絲只是色彩上的點緻，沒為湯底多添另一種辣味- 無渣蘿蔔吸湯- 羊腩連皮帶骨，七分肥三分瘦，羊羶味香濃，骨邊肉嫰滑，惟有不少碎骨- 辣椒油辣度足但不夠香*位置略偏僻*進食時用有味的tempo紙巾，干擾嗅覺與味覺

表面係一間普通茶餐廳，但食物款式跟港式茶餐廳略有不同。晚餐有用籠仔蒸既食物，酒糟肉餅等等。餐廳名寫明咖哩王清湯腩，當然要試下咖哩牛腩，但餐牌上有兩隻牛腩，價錢亦不同，侍應解釋較平的是用雪藏牛腩，貴的是新鮮。咖哩牛腩飯（平版）$49咖哩味濃，牛腩夠淋，需然話係雪藏，但食唔出雪味，不錯。配菜薯仔夠粉，好食。係白飯略為硬身。香煎酒糟肉餅飯 $46大大塊肉餅，表面煎得香口，食落有陣陣酒糟味，幾特別。配菜白蘿蔔，似係清湯腩既蘿蔔，好味！但得兩小件⋯解唔到大塊肉既膩。

聖誕假期，起身落街去食個早餐，假期早上人唔多，仲有卡位坐，睇完餐牌最後叫左個三餸麵（肉丁，炒蛋，腸仔）+ 多士，等左一陣碗麵立即來到面前，食落味道唔差，只係麵煮得有啲淋，口感麻麻，份量都足夠，食完都好飽

小羊仔住左喺觀塘兩年幾啦，不過從來都無食過呢一間餐廳，今朝遲左起身遲左黎，要早餐連午餐咁食，小羊仔喺車站接左我之後，就開始諗究竟食咩好，又係一個世界難題，每次諗食咩都好頭痕，不過好彩今次小羊仔喺經過呢間野嘅時候，見到個餐牌，好似都唔錯，都幾多菜式，所以就走左入去坐喇~~ 川醬炒飯(HKD 56) 小羊仔叫左川醬炒飯，有炒飯嘅香味，裡面有啲栗米令到食落去都有幾有咬口，因為叫左小辣嘅關係，所以都好容易入口，而個川醬令到個炒飯更加好味，而且羊羊話呢個醬好正宗，真係值得一試!! 蕃茄墨魚丸米粉(HKD 42) 而自己就叫左個蕃茄墨魚丸米粉，都ok 好味嘅，不過就無咩特別!