澳門咖喱王清湯腩

營業中

休息中

第一次幫襯嘅街坊小店，衛生環境同食物質素一般都係預計之中，但估唔到服務質素都可以做到咁差，星期六早餐時段食客經已唔係太多食客，叫咗兩份早餐，其中一份係雞扒丁麵加奄列，但食哂所有嘢個麵都未到，唯有叫阿姐幫手催催，阿姐同廚房講完都係例牌話整緊，因為我坐嘅卡位對正佢廚房個窗口，甚至連佢拆丁麵袋都睇到，但一直只見佢整外賣，出堂食嘅麵第一碗唔係第二碗又唔係，第三四碗都唔係，其實我只係想食完個麵快快趣趣走，但估唔到一個咁卑微嘅請求佢都唔比我，連遲過我落單嘅食客食完我都未到，唯有再叫阿姐催同問係咪漏單(其實又點會估唔到你漏單吖)，跟住再次敷衍我話整緊雞扒，最終我都敵不過自己嘅耐性決定放棄佢，其實食肆漏單時有發生，本來亦不太介懷，但如果食客第一次催單就認真處理，就唔會要食客相隔十分鐘後再催單至發現漏單，相信以後都唔會再幫襯！

唔知係咪換左人定點 之前成日食蕃茄湯牛腩粒通粉 都好好味 但宜家係要睇好唔好彩 有時買左外賣返黎 又油又冇味 唔知煮完咩好油又加埋落個湯度 又冇蕃茄 食緊油浸水通粉咁 牛腩粒又少左好多 係好難食 水準咁飄忽 點會想要幫襯 好嬲 買左外賣午餐但難食到食唔到 😥

這家在牛頭角的黃店, 同樣是有澳門和咖喱王的名字, 同樣主打牛腩, 不知道它和佐敦那一家是否同宗. 沒有點咖喱牛腩, 想品嚐別家沒有或者較罕見的菜式, 於是點了麻辣牛腩飯, 還以為是麻辣湯汁浸着牛腩, 結果是清湯腩上沾著麻辣醬汁, 醬汁麻重度可以, 也帶有炒製過的香味, 辣度適中帶後勁, 只是其味道不能深入牛腩內, 味道有點片面. 牛腩沒有選擇特別部位, 肉香夠但有些牛腩肉質柴口, 幸好筋膜夠多夠腍, 令其口感不會太韌.川醬炒牛河, 夠鑊氣, 夠熱, 麻香味也能深入河粉和牛肉之中, 味道比麻辣牛腩飯更為突出. 可惜的是河粉太幼身, 也炒得有點斷續, 沒傳統吃下去的連貫性, 也許是因為加了川醬的關係, 油膩感明顯較多, 所以吃完之後下一餐要清淡一點就是.

🔹招牌牛腩麵💰$49👅🌕🌕🌕🌗🌑7/10之前係youtube 見到佢好似係用新鮮牛腩，見到佢今日年初一都開，所以就黎左食😛 有5舊牛腩，係筋肉相連嗰種，炆得好腍而且真係食得出牛味🤩 佢仲有送2舊蘿蔔，一舊又腍又甜，另一個未燜得透，入面仲係白色🤣 至於湯唔知係咪因為我要左麵，有啲鹼味撈左落去，我就覺得普通🙈 🔙回頭指數: 7/10🔅同伴食左咖哩牛腩，都幾濃，份量都唔少🔅留意新年黎食會收加一服務費👀

今日放假 陪阿媽看鋪用openrice外賣叫咗兩個午餐蕃茄濃湯鮮牛腩粒通粉十三香豬扒公仔麵落單時明明揀咗脆豬但攞到番嚟打開個盒兩份都係多士不過唔理啦好肚餓 食啦個蛋都炒得OK不過就梗係唔會好似澳牛咁嫩滑正正常常啦片多士烘完好似冇烘咁豬扒公仔麵個豬扒幾好食 塊扒都仲有少少肉汁蕃茄湯牛腩通 湯底都唔錯仲有原件紅蘿蔔同蕃茄食到

唔多講，味道真係麻麻地‼️可能自己係屋企整都好食過佢😪價錢唔係貴，而係唔值🙁🔹澳門炒飯$40 ：勁hea🥱得d火腿同菜食唔出咩味😓同事話似蝦醬但一d蝦醬咸味都無😑🔹芙蓉煎蛋飯$41 ：賣相加返少少分😂但味道一般，唔算特別好食又唔係好足料🙄雞蛋多過料好多🔹番茄鮑片通$33 ：呢個味道最正常😑如果連水吧野都唔正常.....咁佢就真係gg不過食完都有少少口渴😞應該都加左唔少味精味道：1/5環境：3/5服務：2/5抵食：1/5

#肥doi牛頭角.呢間既牛腩都算得上出名，之前係youtube都見到有人提過，但估唔到原來係黃店黎，自此觀塘又多一個飯堂選擇！-《皇牌印度咖喱牛腩飯》$59第一次食味道太甘有啲唔似食緊咖喱。第二次再食香料味道終於唔太搶，牛腩份量好足，size大約一隻麻雀咁上下，肥瘦都算適中唔太痴牙又唔會散收收。.《香煎酒糟肉餅飯》$55大大塊煎肉餅入面夾住啲酒糟同埋碎洋蔥，加埋醬汁味道酸酸地幾開胃，肉餅兩邊都煎到金黃少少燶，厚度適中，岩哂肉餅痴食.《招牌清湯腩河》$49湯底有啲咸好似有少少味精。蘿蔔都煮得入味咬落無起渣。，河粉唔算碎都算夾到。主角牛腩有啲偏瘦但幾有牛味，大家想食肥啲既話不妨落單果陣同店員講。整體黎講清腸腩河唔夠咖喱同肉餅飯好食！-👅味道：7/10🍱賣相：7/10 .🏠環境：6.5/10普通茶記格局有卡位有圓枱，擺位有啲逼夾。店入面係隱性既黃，目測除左店內中間條柱&收銀張枱之外就見唔到有文宣既蹤跡。不過收銀機旁放左有《荃扣里》既損款箱，抵讚！.⭐️總評分：7/10其實朋友仲推介左其他招牌菜，例如川醬乾炒牛河同麻辣牛腩飯，不過短時間內食唔哂，大家都可以一試！

雖然出名在咖喱牛腩，但估唔到佢個煎酒糟肉餅咁好食，好香酒味，啲肉又唔會梅，個肉餅入邊仲有肉汁，外面又煎好香。仲叫咗麻辣牛筋、同新疆雞扒都好有特色，值得再去。仲有其他特色野想試。我唔知點解佢叫澳門咖喱牛腩，同澳門有咩關係。不過佢嗰啲麻辣、新疆風味，嗰啲嘢都做得幾好。啲餸好似都比較偏北方嘅做法。食飽見隔離食個黑椒牛柳粒好香。搞到自己都好想再食。服務方面茶餐廳來講其實都真係算幾好。我哋冇叫嘢飲佢主動幫我哋加水

冇下次之選❗️本身座位都好逼下，枱面又有漬，叫左幾次先有人黎抹。諗住試下個清湯腩點知到落單又話冇，又廢事走人就叫碗米線。然後食食下見到有隻原隻曱甴屍體真心難頂，廚房入面既情況一定更惡劣。雖說餐廳廚房多數都污糟但寧比人知莫比人見啦，你成隻曱甴送出去比客人食......呢間餐廳唔推薦❌冇下次之選❗️本身座位都好逼下，枱面又有漬，叫左幾次先有人黎抹。諗住試下個清湯腩點知到落單又話冇，又廢事走人就叫碗米線。然後食食下見到有隻原隻曱甴屍體真心難頂，廚房入面既情況一定更惡劣。雖說餐廳廚房多數都污糟但寧比人知莫比人見啦，你成隻曱甴送出去比客人食......呢間餐廳唔推薦❌

本人甚少寫食評 但真係從來無食過一間餐廳態度可以差到激發到我寫食評既地步！頭先12:40am 同男朋友一齊去食，一開始有個侍應話佢地已經關啦，但個男老闆見到我地入黎就即刻同個侍應打眼色意思係做埋我地生意先，當時個侍應都有提我地1點會關門，我話無問題。我地坐底就即刻爭取時間睇menu，但menu都有6、7頁，睇唔夠半分鐘，個老闆娘就問我地食咩，咁我男朋友一心想食常餐，就好快叫得，咁我立眼見到個荷葉飯就叫呢個，佢話蒸野無，禁唔緊要我再睇睇，但我再睇左幾秒都無，佢就：快少少叫啦廚房關啦 （我心諗連睇menu既時間都比唔到個客既話就一早關門唔好叫個客坐底啦），我話我要d時間睇，佢就話: 你想食咩姐？ （我已經開始嬲 禁既態度都有？仲要老闆娘！）叫完之後，佢就即刻埋單，我就同佢講其實可以比少少時間個客 佢就話：我無唔比你 你可以慢慢坐 坐到1點我都唔趕你走。我話：禁你頭先不停吹我食咩？連睇既時間都無 一係你一早唔好做我生意 佢就一句神回覆：唔好意思wor! 其實唔想道歉可以唔道 個wor字真係想趕客走！ 仲要我一食完就秒速汁台，飲品都未飲完就抹台！食野仲要受氣 無下次！

午市搵野食，路過店員阿姐出晒力sell，決定一試 (冇睇食評就入就中伏了...)見佢標榜牛腩做招牌菜，於是叫左個$63既”招牌牛腩泡飯”，不得了得4件細牛腩都算，仲要極濃味精湯，加上牛腩非常韌，食左幾啖填飽就算了以後不了

雞煲火鍋放題，諗住都唔差得去邊，點知啲雞白烚😡，肥牛只有一碟不可再叫，火鍋配料得三張紙，飲品只係得一杯嘢飲，如叫可樂要加21蚊一罐😔，最重要我想食嘅炸魚皮同響鈴都冇🔥🔥😡，每人仲要$138一位，一定唔會再有下次

又到一周一次放監去搵食時間。今次陳仔帶左我地去牛頭角嘅茶餐廳食lunch.牛頭角觀塘呢日晏晝立立亂。可以用兵荒馬亂黎形容。不過無阻幾個小鬼出去搵食。反左咁耐牛頭角都只係響海濱活動多，好少去馬蹄徑呢頭。原來呢邊都好多民生小店舖。茶記車仔檔都唔少。今日見有時間可以晏番，所以陳仔帶我哋去遠啲食，就試下呢間茶餐廳。好似出名牛腩，咖哩飯。聽個名都知又咖哩又清湯腩。牛一定好食😋v仔試左個清湯牛腩飯。腩有啲肥，不過都夠淋都係正常水準。清香腩飯唔錯。咖哩腩就偏藥味，v仔慢慢地不過都算濃郁嘅。陳仔可能覺腩肉有啲肥叫左豬扒咖哩。下次再過呢頭搵食。

餓餓地嗌咗個下午茶餐川醬乾炒牛河 無乜期望 點知竟然好好食牛河有辣度選擇 我揀咗小辣 都有辣味河粉有濃濃嘅牛汁 而且炒到一條條 唔會一大pat咁黐埋一舊 色水都好均勻牛肉亦濃厚 河粉拌以蔥 九黃芽菜 非常有口感

朋友介紹話呢度嘅招牌牛腩好好食咁我當然嚟試下啦。門口和店內同一般茶記無咩分別不過乾淨。我第一次見茶記會比碗熱水你洗餐具，通常都只會用佢地比嘅茶或水洗，所以覺得佢地好細心。晚餐小菜都好多選擇(我只影左我有點野個兩版)，搞到我選擇困難症發作好彩老闆好熱心，好好笑容咁比意見我地，唔會崔我地落單，亦唔會不停咁遊說我地叫好多野。招牌特級清湯牛腩啲牛腩好好吃，好滑。佢好大碗，雖然底部全都係白蘿蔔，不過佢份量都好多。啲白蘿蔔非常入味，我地後尾係要爭蘿蔔食啲湯果然名符其實清湯，一啲都唔油，仲有好濃烈嘅牛肉味，我最後倒左啲湯落碗飯度，變湯飯腐乳通菜佢啲腐乳同通菜係分開嘅，其實咁都幾好，你想食幾多腐乳都可以自己選擇豆鼓蒸刀貝條魚蒸得岩岩好，佢地個醬汁好似特別處理過，幾特別