潮食地 (已結業)

菠蘿油(3.4/5)一般般，沒有特別泰式燒牛肉沙律(3.5/5）個汁幾辣吓，唔係點食得辣嘅要小心，幾片牛肉，扁硬，有紅、黃、青椒，尼個幾好朱古力雪山(3/5）賣相靚，不過容量扁小，朱古力未完全凍哂，係熱朱古力加冰粒而成，飲落唔夠凍，仲飲到啲冰粒，我都係鐘意Euro go go嗰隻，不過價錢呢喥平啲，各有所長。

今日帶阿仔去上堂，然後在大街見到呢間餐廳。 星期六早餐至到 11：30。 叫咗一個炸魚柳煎蛋，跟凍央。 餐廳環境光猛整潔，地方夠大。 炸魚大塊又香脆，一食就知係貴價貨，唔似其他茶餐廳嘅平價魚柳。 這塊魚柳比手掌大，肉質厚，又唔腥。 配上嘅沙律醬，撈咗少許青瓜碎，微甜。粟米粒是暖的，撈咗少許牛油。沙律菜新鮮，淋上少許麻醬，味道配合得幾好。 我將炒蛋轉咗熟蛋，煎熟蛋老咗少少，微暖。 多士烘咗，但唔夠脆，塗滿咗牛油，都幾好食。 凍央茶味香濃，奶啡茶比例剛好，入口舒服。侍應服務很好，有禮貌，而且效率快。 收銀哥哥似係老細，待客親切有禮。 食物質素、環境、服務都好好。 $46包凍飲，性價比好高，非常滿意。

做完運動想食個簡單午餐，經過見到Chill Cafe 裝修ok ，外面menu好似幾多選擇又唔洗等位就入去。點了明太子白汁牛脷焗意粉，完全只係因為想食明太子😂牛脷都算夠多又唔會切到好薄，白汁足夠成盤意粉食到尾。算是合格以上👍

下午茶時間，走去潮食地茶記，點咗個$39豬扒包加炸薯條加凍檸茶。地方好乾淨。碟下午茶賣相滿分。個豬扒包好香好脆。上等食材。個薯條炸到金黃色。入口好脆。再加埋杯冰凍檸茶。透心涼。

在好友介紹下，上星期五晚在潮食地辦了個15人的公司聚餐。雖然房間比較細，但也可以容納所有人坐在一張圓枱，可以方便大家傾談。因為在我們當中有不同國籍的人，包括由印度來的純素食者。我們比了預算後，老細就幫我哋安排餐單，因為要就外國人口味，幾次要求老細改清些和加多啲沙律，老細非常之樂意為我哋更改。最後出場的每款菜式，都贏得全場的贊聲。特別是西班牙乳豬，燉湯和蒸魚，不但特別、鮮味、更落足料同功夫。廚師亦很細心，除了沙律外，他特別在黃金四季豆和疏乎厘甜品中煮開了一份冇蛋奶的給素食同事。下次有機會一定再來搵老細幫手。

星期日荔枝角好多茶記都無開，咁岩見到潮食地有開就食佢啦🤤係食物選擇上都幾多款，由於時間關係就無曬Lunch Set啦，但佢個常餐同下午茶都幾出色。我叫咗個麻辣豬柳撈麵加茶走，原本以為佢個豬柳都係辣，但原來係個撈麵辣。個辣醬係偏麻 花椒香料味重，撈埋個麵底就剛好，少少重口味啦😂茶走就正常發揮，但不得不說就係個豬柳。口厚偏厚，但一啲都唔硬，有咬口 煎得都幾香口。比我想像中有驚喜🤤🤤🤤如果下次嚟到都可以再試埋其他👍🏻

遲來的中午飯，附近有展銷場，去瘋狂購物後已經2 點多，去食個午餐。就係荔枝角地鐵站附近，有車仔麵，我地一家人行到好累，快速搵左間茶餐廳。坐低要食大大碟飯，香蔥櫻花蝦叉燒炒滑蛋飯, 一上枱好大碟，滑蛋炒得剛好，滑溜溜，叉燒超肥瘦適中，淋上甜豉油，真係大滿足。另外配咗一杯白雪公主特飲，即係好立克上加忌廉。好足料，唔係水希希嘅好立克。另外叫一個常餐，沙爹牛肉麵，炒蛋多士，就係香港人的comfort food 。仲係意猶未盡再加多個榨菜肉絲米粉。好飽，滿足曬。餐廳裝修企理乾淨嘅茶餐廳，但係食物都唔錯。

早上在荔枝角工作完，想起上次來這裡吃下午茶，印象不錯，所以今天來二訪。正值午膳時間，全店滿坐呢。午餐的選擇很多，有18款。和朋友叫了一中一西的午餐。煎封原條馬友配白飯魚煎得金黃，魚皮煎到脆卜卜，加上蒸魚豉油不會太乾，送飯一流。港式雜扒餐配薯菜整個餐都頗有誠意。餐湯是磨菇湯，有粒粒磨菇肉；然後是三件扒，雞牛豬扒都是厚切，還有薯菜，不是求求其其的炸薯條，而是焗薯仔、紫薯、南瓜和蘿蔔，伴著沙律菜，顏色鮮艷，亦較健康。

今日早左放工，聽朋友講荔枝角有間非一般港式餐廳，環境舒服，野食都一流，所以就專登黎潮聖一下。黎到荔枝角，估唔到一出地鐵站就到，地點超級方便，入到餐廳，環境完全冇令人失望，卡位多，就算唔係卡位，都有張梳化，獨特設計風格，果然係潮至於食物方面，我地2個人叫左3樣野食金沙黃金四季豆每一條都比好多鹹蛋包住，鹹蛋味香，但又唔會掩蓋左豆嘅味道，鍾意食鹹蛋同埋四季豆嘅朋友，千祈唔好錯過7oz 肉眼扒今次叫左5成熟，肉質嫩滑，口感一流，配埋黑椒汁，簡直係完美沙拉豬扒豬扒份量多，每舊都滿滿咁包着醬汁，而沙律醬都唔會濃，食落唔會太膩

今晩係荔枝角有嘢做，所以係附近見到呢間茶記就食咗個快晩餐。食物款式都好多元化，除咗有常餐外，仲有小菜、炒粉麵飯、扒餐及沙律等等；就連飲品都好多選擇。泰式燒牛肉沙律（$60）- 燒牛肉份量幾多，而且燒得啱啱好，內裡呈粉紅色。底下除咗有新鮮爽口嘅沙律菜外，仲有爽脆嘅洋葱同三色椒。配上酸酸甜甜嘅泰式醬汁更加惹味。蔥油厚切豬扒煎蛋配通粉（$62）- 豬扒真係好厚切，啖啖肉又軟腍，加埋流心嘅太陽蛋更美味。除咗配白飯外，仲可以免費轉通粉或公仔麵。白雪公主（+$12）- 加錢仲可以嗌特飲。我呢杯好立克上面有whipped cream，又滑又好飲👍

星期一放工梗係同好姊妹出嚟聚一聚🥰！我哋去咗荔枝角呢間fusion啲嘅茶餐廳，佢入邊中西式都有，我哋兩個兩樣都想食，就兩樣都叫晒😆😆😆叫咗個蜜糖鴨胸沙律，鴨胸份量好足，沙律菜亦都好新鮮，係減澱粉之選😝另外我哋嗌咗佢好出名嘅冰鎮咕嚕肉，炒好嘅咕嚕肉放喺冰上邊，冰火交融嘅感覺，好出色！咕嚕肉嘅炸粉好薄，味道酸酸甜甜，超開胃😋😋最後我哋都嗌咗個蔬菜，嗌咗個西蘭花鮮魷，鮮魷好多舊，亦都好新鮮！配上西蘭花再加蝦醬，簡直係一流 😎😎

歡迎英國回港的朋友聚餐，大吃大喝一餐，樣樣食物都好驚喜，每一樣食物都感受到師傅滿滿的心思。前菜有去皮車里茄加上紅酒醋，超級開胃🤤新鮮既粟米湯，唔記得影相，太好味飲曬了冰鎮咕嚕肉，第一次食咁脆既忌廉汁焗鱈魚扒，又係好好味，無雪味最愛既係芝士焗龍蝦伊面，芝士味濃又好彈牙黃金四季豆，又係好出色，食左成20條食到最尾，個胃已經爆開，仲食左2杯甜品，焗梳乎厘奇亞籽，第一次食呢個甜品阿仔話下次要再去食，因為呢度唔似一般茶餐廳，真係好《潮》

荔枝角附近大部份都係商業大廈同工廠大廈去開荔枝角，見到呢間特色茶餐廳有好多款嘢食除咗傳統港式茶餐之外，仲有意粉、焗飯等🥢香蒽櫻花蝦叉燒炒滑蛋飯 $58見到好多人叫呢款，賣相好靚啊🤤叉燒炒蛋，蛋味香濃夠哂滑溜！叉燒半肥瘦大大塊，絕對唔會柴皮炒蛋上淋上甜豉油汁，配香口嘅櫻花蝦🦐多咗一份鹹香味！真心好食，可以encore~~~🥢鹹魚雞粒炒飯 $58呢款炒飯夠晒懷舊，而家新派嘅茶餐廳好少食到！鹹魚切碎，每啖飯都食到鹹魚粒，夠晒足料啊！另有木魚絲上枱飄下飄下嗰陣，芬香撲鼻👍🏻炒飯粒粒分明，份量較多，可以兩個人一齊share！🥢鹹牛肉炒蛋三文治 $32足料鹹牛肉~~配炒滑蛋，下午茶之選鹹牛肉唔會太鹹，調味適中，好滋味！另外呢度有幾款特飲都好想試吓其中加咗一款 阿華田雪山凍阿華田加上忌廉，賣相一流！

📍潮食地 (荔枝角)荔枝角長沙灣道788號羅氏商業廣場地下B號舖新式茶餐廳，中西合璧，健康之選！🥒金沙黃金四季豆 $68招牌菜之一， 好香鹹蛋味，每一條四季豆都被鹹蛋包住，超級好味。最緊要味道適中，唔會食一條飲一啖水。（發覺每一位客人都會嗌依個菜）份量都好大碟。 🍹朱古力雪山店主推介特色飲品，大家可以試一試！ 🦑冰鎮墨魚片$128呢個墨魚片簡直超級出色，份量好足夠。每片都好厚下（絕對唔會係薄薄一片）再配埋芥末一齊食，簡直讚不絕口！ 🐃黑椒蜜汁薯仔牛柳$88好多牛柳粒，屬於係一粒一啖，十分細心。煮得超級入味，份量都好多。最緊要係味道唔會好濃（小編最介意就係超級濃味）！🛎️總結: 餐廳地點超方便，份量多相信係佢哋嘅特色，味道健康。地點⭐️⭐️⭐️⭐️⭐️味道⭐️⭐️⭐️⭐️ ⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

There is a clean and avant-garde tea restaurant near D2, so I went to try their dinner.  Unexpectedly, this tea restaurant serves lots of style dishes, and there are many set meals Sweet Potato Beef Tenderloin ($88)The fried beef tenderloin is delicious, and the potato is added with honey. The whole dish is delicious, and the meal is first-class. Stir-Fried Tong Cai with Shrimp Paste ($68)Normal home-cooked side dishes, this price is very cost-effective. One pigeon ($48)At the beginning, it was