潮食地 (已結業)

今晩係荔枝角有嘢做，所以係附近見到呢間茶記就食咗個快晩餐。食物款式都好多元化，除咗有常餐外，仲有小菜、炒粉麵飯、扒餐及沙律等等；就連飲品都好多選擇。泰式燒牛肉沙律（$60）- 燒牛肉份量幾多，而且燒得啱啱好，內裡呈粉紅色。底下除咗有新鮮爽口嘅沙律菜外，仲有爽脆嘅洋葱同三色椒。配上酸酸甜甜嘅泰式醬汁更加惹味。蔥油厚切豬扒煎蛋配通粉（$62）- 豬扒真係好厚切，啖啖肉又軟腍，加埋流心嘅太陽蛋更美味。除咗配白飯外，仲可以免費轉通粉或公仔麵。白雪公主（+$12）- 加錢仲可以嗌特飲。我呢杯好立克上面有whipped cream，又滑又好飲👍