潮發魚仔店

好多時經過都見到門外好多食客等緊位，於是我哋提早幾日預約7點半食晚飯，兼且避開節日及假期，所以去到就唔會見到太多人。我哋行上樓上，見到所有座位都唔逼，望落都幾舒服，因為新開幾個月，所以環境都仲好乾淨。我哋睇完餐牌後，就叫咗鵝三寶（鵝肉、鵝肝、鵝腸）$288，份量都算多，鹵水味道唔錯，亦唔會太鹹太淡。（椒鹽九肚魚）$138，炸得唔錯、（普寧炸豆腐）$88，口感同普通豆腐唔同，幾特別、（韭菜鵝紅）$78，量都多、（新鮮菠蘿咕嚕肉）$128、（白飯魚煎蛋）$128、（白飯魚煎蛋）$138，都算整得唔錯。而（蠔仔肉碎粥）$118、（潮州蠔餅）$128，略嫌蠔仔少咗啲，所以蠔味唔夠出，仲叫咗兩大樽嘅啤酒（每樽$28），總共$1160，無加一，免茶錢，職員態度又好，上菜快，環境唔嘈，坐得又舒服，食物水準整體都算唔錯，有機會會再去食嘅。…查看更多

平民小店食到高質素嘅潮州菜，仲要免加一添！有好幾樣都未影就等唔切食咗店舖有兩間私人房間一大一細，服務員態度非常好，外面客廳嘅人走曬都沒有吹埋單，仲要同我哋講：你哋慢慢坐啦！大概去到十一点，店員問我哋仲加唔加嘢，我哋話唔加喇，店員再補多句你哋可以慢慢坐，跟住佢哋員工就開始食晚飯，應該話宵夜至啱！今時今日喺香港仲邊有一間餐廳可以咁樣呢！…查看更多

以為筲箕灣得東大街好食？錯晒！呢間「潮發」閒日夜晚都爆到二樓坐滿，冇訂位真係要等成粒鐘！今次同細路仔嚟，忍痛skip咗佢哋招牌海鮮，但係個鹵水鵝片已經正到癲！雙拼上枱仲滴緊鹵水汁，鵝片嫩滑得嚟超入味，個鹵水香到隔離枱都望過嚟～沙茶醬芥蘭牛肉炒河鑊氣沖天！安格斯牛肉嫩到冇朋友，沙茶醬香濃得嚟唔會死鹹，河粉炒到條條分明。黑椒薯仔牛柳粒仲過癮，薯仔外脆內軟，安格斯牛柳粒juicy到爆，黑椒香氣攻鼻，送飯一流！見到隔離枱條蒸魚又大又靚，下次一定要帶多幾個胃嚟挑戰海鮮！…查看更多

📍同幾個舊同事約咗喺西灣河食飯，揀咗間新開慨潮州打冷小菜館，位置方便，裝修新淨，坐得舒服，唔收茶錢又唔加一，真係幾抵💡🍴叫咗一枱餸，款款都幾有驚喜：🦐南澳蝦醬啫啫魚卜芥蘭 一上枱就聞到蝦醬香味，魚卜滑溜唔腥，芥蘭爽脆，蝦醬唔會太鹹，啫啫煲仲熱辣辣，好吸引。🧆普寧炸豆腐 外層炸到金黃香脆，入面豆腐滑得嚟又有豆香，配埋甜酸醬汁，簡單但好味，幾啱做前菜。🦢鹅三寶（鹅肉 / 鹅肝 / 鵝腸） 三款鵝製品一次過試晒，鵝肉嫩滑唔鞋，鵝肝香濃唔膩，鵝腸爽口有咬感，配埋醬汁一齊食好夾。🌀生醃花螺 花螺新鮮，醃得啱啱好，唔會太重味，醬汁微辣帶出海鮮鮮味，食落去好爽口，幾開胃。🔥潮發小炒皇 材料夠豐富，有蝦仁、魷魚、腰果、青紅椒同芹菜，炒得夠鑊氣，香口惹味，送飯一流。🥬鹹排骨春菜煲 排骨鹹香入味，春菜煮得啱啱好，湯底清甜，食落去有啲似屋企煮嗰種感覺，好窩心。🦪潮州蠔餅 蠔仔大粒又新鮮，外皮煎到香脆，蛋香濃郁，咬落去啖啖蠔肉，食完真係好滿足。🍲蠔仔肉碎粥 粥底滑溜，蠔仔鮮甜，肉碎加埋芫荽香味十足，一碗份量唔少，暖笠笠好舒服。📝呢間新開潮州菜館真係幾有水準，菜式有傳統味道又唔失創意，價錢親民，環境舒服，啱晒同朋友聚餐或者一家人晚飯👨‍👩‍👧‍👦…查看更多

我好鍾意食鵝片鵝腸，朋友介紹呢度超級正宗又好味嘅潮州菜。果然冇介紹錯，呢度嘅鵝片同鵝腸真係非常之好味！！滷水雙拼叫咗鵝片拼鵝腸，鵝片都算新鮮嫩滑切得都好厚切好有口感。未試過食咁爽口彈牙嘅鵝腸！！下面再配埋滷水豆腐同花生，唔使另外叫。滷水豆腐吸飽秘制鹵汁，表皮微皺卻內裏柔嫩，切面如白玉嵌著深褐鹵紋，入口好有豆香。另外叫咗個小菜同埋炒嘢：黑椒薯仔安格斯牛柳粒，牛柳粒煎得焦香，黑椒汁裹著飽滿肉粒。薯仔吸足黑椒的辛辣與牛肉的濃鮮。乾炒安格斯牛河，安格斯牛肉切得好厚肉，配埋豆芽脆嫩、韭黃清甜，河粉滑韌、牛肉香嫩，好有鑊氣。…查看更多

今次嚟到筲箕灣搵潮州菜，見到網上好多人推介呢間潮發魚仔店，梗係要一試！餐廳有兩層，樓下已經坐滿，幸好上到去二樓，環境都幾整潔舒服，店員態度都OK，招呼得體。主打鵝片拼鵝腸（$198），份量十足，鵝片厚身，滷水味夠晒入味，底下仲有滷水豆腐同花生，食落層次感豐富，啱晒鵝迷。潮州蠔餅（$128）蠔仔份量唔少，蠔🦪有大有細，配上粉漿、雞蛋一齊煎，外脆內嫩，帶有潮汕風味。方魚肉碎粥（$68）胡椒味突出，粥底滑溜，配料有大地魚乾、肉碎、蔥等，鹹香兼帶鮮味，飲完暖笠笠好有驚喜。同埋佢一碗都幾大碗，可以分到四小碗👍豬油炒菜心（$108）就最啱送飯，豬油渣香脆，菜心新鮮，賣相都幾吸引。整體來講，筲箕灣呢間潮發魚仔店真係值得一試，鍾意食潮州菜嘅朋友唔好錯過！…查看更多

今日打完波同朋友搵嘢食😬發現筲箕灣有間好好食既潮州菜館🍴餐廳乾淨闊落而且選擇多😋質素重要係幾高👍🏼-🪿自選滷水兩拼我哋就揀咗鵝片同埋墨魚😋肉質柔軟多汁鵝皮油潤🪿而且食落口散發淡淡嘅香醇味道🤤墨魚厚薄均勻🦑口感爽彈得來非常鮮味-🦐小炒王鮮嫩嘅韭菜花炒得非常爽脆👍🏼加埋大大條蝦乾同埋彈牙鮮蝦🦐仲有脆卜卜腰果同鹹香菜脯😋材料豐富之餘鑊氣十足-🐟魚飯（烏頭）魚飯有好多種魚可以選擇🐟而我就私心推薦烏頭😋烏頭魚魚肉夠厚👍🏼厚得黎肉質細滑而且滲出好香嘅魚油🤤-…查看更多

過海做嘢做到肚餓，突然勁想食打冷！朋友話筲箕灣新開咗間潮發魚仔記好正，梗係要去試下啦。一去到電車路，遠遠就見到大大個招牌，完全唔使搵。入到去，環境幾光猛闊落，坐得舒服，完全唔似一般打冷鋪咁逼夾。坐低就梗係叫幾道招牌菜啦！鵝片鵝腎雙拼一上枱，嘩，啲香氣撲鼻，鵝片夠入味，鵝腎又爽脆，好快就俾我哋清哂，好味到無得彈！跟住嚟嘅潮州蠔餅都冇得輸，煎到金黃香脆，入面啲蠔真係大到嚇親，啖啖肉又鮮甜，真係超誇張！最後叫多碟豬油炒菜心，雖然係簡單菜式，但食得出有鑊氣，菜心清甜爽脆，食完好滿足。…查看更多

今次同朋友去咗筲箕灣(近西灣河地鐵站)試咗一間熱門嘅潮州菜 + 打冷專門店「潮發魚仔店」。呢間餐館開咗冇幾耐，但當日平日夜晚去都要等位，證明喺當地居民之間非常受歡迎！客人有老人家，亦有年青人，氣氛都好熱鬧👍🏻我哋叫咗以下幾款推介菜式： 1. 南澳蝦醬啫啫魚卜芥蘭煲 $168 魚卜鮮甜，充滿膠質，蝦醬嘅鹹香味滲透每一啖食材，芥蘭煮得嫩綠爽口，再加上啫啫煲嘅香氣，配白飯一流！ 2. 沙茶醬芥蘭安格斯牛肉炒河粉 $138 呢道菜完全係正宗潮式風味，沙茶醬香濃撲鼻，牛肉嫩滑，河粉炒得乾身又唔油膩，撈住沙茶醬食，一啖接一啖！ 3. 鹵水鵝肉三拼 (拼墨魚同鵝腎) $198 鹵水汁調味岩岩好，鵝肉嫩滑，墨魚爽口彈牙，鵝腎脆而不韌，三拼嘅配搭好豐富，份量都唔少，幾抵食👍🏻呢間餐廳無論係出品定氣氛都非常值得一試，特別係想搵正宗潮州菜嘅朋友，呢度一定會啱你口味！下次再去有機會試埋其他特色打冷菜式！🔥 🍽️ 潮發魚仔店筲箕灣筲箕灣道192號地舖…查看更多

呢間餐廳環境光猛企理，主要食潮州菜為主，我地叫左鵝肝半份，鵝肝厚實又嫩滑，口感滑溜，小編最愛之一，加埋滷水豆腐同花生底。呢度必食推介係炸蠔餅，脆炸蠔餅唔係好厚料，用左大大粒圓潤既蠔肉，平時食既蠔餅蠔肉比較細粒，呢度既比較飽滿大粒，咬落好有口感足料。沙嗲芥蘭炒牛河用左安格斯牛肉，沙茶醬味濃郁，河粉比較幼滑細條炒到入味份量都好大碟。鵝腎叫左一份，鵝腎用左大隻鵝肉既腎食落比較煙韌彈牙同大片。呢度仲有各式新鮮魚類放響門面附近供客人選擇。…查看更多

🌟🍴 【西灣河 •潮發魚仔店 】 🍴🌟 📍 潮發魚仔店筲箕灣道192號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 潮州家鄉炒米粉 🍜炒米粉香氣撲鼻，米粉爽滑Q彈，配料豐富，有蝦仁、叉燒同青菜，炒得乾身又入味！🔥 調味啱啱好，帶點鑊氣，令人一試難忘。😍 8.5/10椒鹽九肚魚 🐟九肚魚炸得金黃酥脆，外皮香脆，內裡嫩滑，椒鹽調味香辣適中，微麻嘅風味好開胃！🌶️ 每咬一口都係滿足感！😋 9/10鵝肉（雙拼） 🦢雙拼鵝肉真是一個驚喜！🐾 燒鵝皮脆肉嫩，汁多味濃；滷鵝入味，肉質軟滑，滷汁香氣四溢。🥄 配上酸甜梅醬，完美！😍 8.8/10鵝腸 🦴鵝腸爽脆可口，處理得乾淨無腥味，炒得火候剛好，保持彈牙口感！🥢 調味簡單卻突出食材鮮味，超讚！👍 8.7/10潮發小炒皇 🥗小炒皇真是一個大滿足！🦐 蝦仁彈牙、魷魚爽脆、腰果香酥，配上青紅椒同芹菜，色香味俱全！🌈 醬汁微甜微鹹，超下飯！🍚 9.2/10新鮮菠蘿咕嚕肉 🍍咕嚕肉酸甜開胃，菠蘿清新多汁，豬肉外酥內嫩，醬汁濃稠掛得均勻！🍖 甜酸平衡得宜，令人一口接一口！😋 8.6/10海鮮砂窩粥 🦑粥底綿滑，煮得夠火候，海鮮新鮮到爆！🦞 蝦仁彈牙、帶子鮮甜，仲有濃郁嘅海味香氣。🥣 一碗暖胃又滿足，冬天必點！❄️ 9/10🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️ 💰 消費：HKD 1000✨🥢🍣🍕🍜🍴🍰✨ #西灣河美食 #web3西灣河 #潮發魚仔店…查看更多

呢晚收工同屋企人黎到筲箕灣食潮州打冷😍😍一大班人最岩食小菜😌平時好少去到咁遠，但地點非常方便一出地鐵站行5分鐘就到了🥰店舖環境又大又舒服仲有兩層添呀，門口位置擺左好多新鮮食材☺️店員服務都好細心，上餐都好快🔥我地點左6樣小菜，潮州家鄉炒米粉、椒鹽九肚魚、鵝肉+ 鵝腸（雙拼）、潮發小炒皇，呢幾樣基本上都必點架啦😆佢地火喉真係好夠～所以小炒類一定要嗌！而鵝肉鵝腸勁多汁，又爽口，吸收哂滷水汁，好岩撈飯🤤🤤椒鹽九肚魚，一d都唔油膩，好香口食到停唔到口😋菠蘿咕嚕肉，外脆內軟，就算慢慢食擺耐左都唔影響食物質素～出色！🥰海鮮砂窩粥，期待已久～好足料，有蝦、魷魚、蠔，粥底好鮮味，潮州粥特色係點滾都保持住粒粒米飯～好有咬口🤤🤤💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡潮州家鄉炒米粉椒鹽九肚魚鵝肉+ 鵝腸（雙拼）潮發小炒皇菠蘿咕嚕肉海鮮砂窩粥💛💛💛💛💛💛💛💛…查看更多

朋友約我嚟呢度食飯，佢話有間幾正嘅潮州菜叫我過嚟試吓。離地鐵站好近，離遠已經見到好大個招牌。餐廳都幾大間，有兩層，裝修好新，晚餐都算多人。餐牌有好多菜式，除咗傳統嘅潮州菜之外，仲有啲比較新穎嘅菜式和小菜。鵝肉三拼有十幾款可以揀，我哋揀咗鵝片、墨魚片和紅腸。拼盤好大碟，鵝片肥美，肉質鬆軟。墨魚片爽口彈牙，紅腸真係好耐冇食過！仲有好多花生做伴碟。潮發小炒皇而家越嚟越少地方有小炒王食，有韭菜、蝦仁、芽菜、腰果、炸芋絲等等唔同嘅材料，食落去層次分明，鹹中帶點辣，好有風味！蠔仔肉碎粥有分一碗或一鍋，我哋叫咗一碗，但一碗嘅份量都好大碗，大概一個湯碗嘅份量。蠔仔鮮甜，加入肉碎，仲有芫荽嘅香味，好大粒嘅蠔仔好滿足呀！沙茶醬芥蘭牛肉炒煎米粉底（安格斯牛肉）餐牌上面原本係炒河粉，不過咁啱河粉賣晒，轉左尊米粉底，有驚喜喎！沙茶醬香濃，安格斯牛肉軟腍，芥蘭清爽，煎香咗嘅米粉底好酥脆，好有口感。…查看更多

最近筲箕灣新開了一間潮州打冷小菜館，相隔幾個舖位，已經聞到店裡的滷水香，店面2層高，坐位寛闊，餸菜價錢定值親民，不用茶錢、不用加一，相當抵食，同時也最近成為我同屋企人的聚餐好選擇。👭🍽️😋👍🏻✨ 鵝片（$168），選用質感上乘的潮州鹵水鵝，鵝肉切得厚薄均勻，皮滑肉嫩，每一口咀嚼時都會感受到鹹香甘甜的滷水香，真是越嚼越香。放在鵝片底的潮洲鹵水豆腐和花生，也是充滿特色風味。🪿🥓✨ 潮洲蠔蛋（$128），蠔餅超過10隻蠔，每隻蠔的大小約1蚊銀的大小，新鮮飽滿、無沙無腥。外皮煎得金黃香脆，內裡蛋香濃郁，蠔肉彈牙多汁，難怪是人氣熱門之選。🦪🍳✨ 沙茶醬芥蘭牛肉沙河炒（$138），沙河粉炒得乾身不油膩，鑊氣十足，河粉幾彈牙，沙茶醬舖在河粉上濃郁開胃而且很邪惡，牛肉嫩滑入味。🍝🔥✨ 方魚肉碎粥（$68），潮洲粥的特色是米飯和湯粒粒分明，加入方魚和肉碎提鮮，粥底的魚湯很鮮甜，整碗粥原汁原味食哂。🐟🍲…查看更多

朋友呢晚帶咗我嚟呢間喺筲箕灣嘅潮州菜館食晚餐🤣$68「方魚肉碎粥」：有一碗同一窩可以揀，我哋揀咗一碗，一碗原來已經好大碗，份量好多🤩；有方魚又有大量肉碎喺裏邊，典型潮州粥，好味🤣$148「潮發小炒皇」：材料包括新鮮爽脆嘅韭菜花、肉質結實嘅蝦仁、蝦乾、脆脆哋嘅魚乾仔、腰果等，全部一齊炒，香口惹味又好食🤣$198「鵝肉拼鵝翼豬頸肉」：好大一個圓碟，份量相當多🤩；滷水鵝肉滷得好入味，鵝肉肉質軟熟🤣；鵝翼都係滷得好入味，仲喺中間斬開咗，咁樣食得好方便🤣；豬頸肉勁腍，又甘香🤣；仲有啲滷水豆腐同埋滷水花生可以食🤣$108「拍蒜頭方魚炒芥蘭」：芥蘭菜新鮮爽脆，加埋蒜片同方魚一齊炒，咁就更加惹味🤣；仲有，份量亦都幾多🤣我哋食得非常飽飽嘅一餐🤣…查看更多