潮江春 (無限極廣場)

營業中

休息中

上環呢間潮江春，因為近我哋屋企，同埋我哋鍾意潮州菜，間中家庭聚會來過幾次，次次都係食氣食到飽！d服務人員態度都幾差，舉手示意叫嘢，佢哋唔睬人，見到你又黑口黑面，講嘢又好串！d送上來速度好慢！食完第一碟要隔十分鐘先有第二碟，中間叫我哋食空氣。。。坐得又唔舒服，地方好迫，隔離台d人行來行去都要撞到我哋。d服務員講嘢就企喺我哋張台度，經過我哋台同另一個服務員講嘢又喺我哋既頭上互相遞嘢，體驗好差～呢度除左d嘢味道都算OK，咁既服務真係唔會再幫襯多一次！

都好耐冇去潮江春飲茶，今日又嚟呢度飲茶。煎糖醋麵 這個糖醋麵，係每次黎潮江春，十次起碼有八次都一定會叫，煎麵一邊煎過，脆脆地，另一邊冇煎， 但加糖加醋一齊食，味道更佳。XO醬炒腸粉 炒得唔錯冇燶，又唔會太多油，芝麻同蔥花份量剛好。鹵水掌翼第二樣必叫的食物，只有幾隻翼，仲要1開2，份量少， 不過鹵水汁就好香好入味。椒鹽九肚魚個樣唔吸引， 唔會炸得燶，而且魚肉都幾滑。燕窩蛋撻仔燕窩分量比以前多，蛋撻都算新鮮， 唔係腍。豉汁蒸鳳爪鳳爪好肥美，冇斷開一節節，油分充足，豉汁惹味。冰鎮豬手無刮乾淨豬手，仲淨啲毛，而且剩係得骨，冇肉。

同事一齊午飯，食物質素正常，但服務真是差極，要求加水係完全不理會，已舉手示意，幾個女服務員是見到，但唔理。過了差不多20分鐘，全枱人的杯內都無水無茶了，一位男經理經過，同枱的男同事捉住佢話要加水，男經理態度厭煩的話等陣幫你，又等了幾分鐘男經理才出現。整個午飯時間約1.5小時就只加了這麼一次水，不是收了茶錢嗎？以後去潮江春不要話去「飲茶」了，因為是沒有茶或水俾你飲的！

昨天我們一家人已提早慶祝母親節，好多地方都已經只係賣母親節套餐而且有限時段，人又多，所以我哋揀地方嘅時候就想起這家潮江春，地點不是在旺區訂枱比較容易。我們晚飯大約六點半去到人不算多只有一半滿。打開餐牌當然見到好多潮州嘅食品因為我哋有十三人所以都嘗試到好多唔同嘅菜餚。頭盤海蜇頭青瓜、茄子麻醬撈粉皮、豬腳凍、墨魚拼豬大腸，以主菜方面我哋叫咗滷水鵝、番茄筍殼魚、墨魚汁肉餅、豪仔煎、沙嗲牛肉炒芥蘭、欖角炒飯、炸子雞，最後有兩款甜品水晶包同埋紅棗糕。整體食物嘅水準十分滿意，每一樣嘅菜餚嘅味道都恰到好處而且唔油膩。母親和各人都食得好開心十分滿意，滿足的一餐😋😋👍🏻👍🏻

今日下晝同同事去飲茶，唔使等位，唔駛攞飛可以即入去啦。以前就算訂左1點，都要1:15先可以入座。香煎韮菜粿$31個皮係淋， 都幾多油，入面韭菜都幾多，不過唔係好香，食完個口有好大陣韭菜味。水晶鮮蝦餃$38個皮冇散開，蝦都好彈牙新鮮。蝦醬蒸鮮魷 $40鮮魷完全冇蝦醬味，好似好生， 豆腐一粒粒似係布包豆腐。京式叉燒包$31個包好似好油，而且叉燒好少，叉燒又冇味，亦都冇汁，好乾身。蠔仔肉碎砲粥$138蠔仔粥都幾多料，有蠔、魚干、肉碎，個湯都幾香。前菜$20，同事話食到漂白水味茶位$16杯碗匙羹都幾油膩，究竟有冇洗?服務麻麻(冇改變過)，要辣椒醬叫左兩次先有，要加水就當睇唔到。

同屋企人食飯好多時候都會選擇中菜但當食粵菜食到悶潮州菜都係一個幾好嘅選擇潮江春真係由細食到大不過平時都係飲茶多 今次黎試吓晚飯得唔得之前上網仲見到佢哋而家有個promotion 叫佢哋圍爐系列用指定信用卡有八五折個圍爐黎到又幾足料有魚肚冬菇魚蛋豬手所有嘢都好新鮮好入味再配埋佢哋自己整嘅辣椒豉油其實幾有打邊爐嘅感覺另外仲叫咗個雜菜煲 估唔到又係好大煲 好好味最後仲叫咗個生炒糯米飯同埋兩面黃兩面黃唔OK有啲林 有少少失望但個生炒糯米飯就好好食 好足料冬天食真係最啱唯一唔滿意嘅係食到最尾通常都會上功夫茶但唔知點解係唔記得咗定已經取消咗所以冇上希望下次再嚟佢可以俾返我飲啦

昨天訂了今天12:30pm 4 人枱. 今日12:28 己到，要等到12:57 先有枱。周圍的人都一樣，差點起哄。以後咪使旨意再光顧。枱密側側，成個街市咁嘈到不知所謂，在那裏吃就是受難。

佢呢度啲配菜大贈送咁樣一大碟好好味嗰個滷大腸好好味唔難咬夠腍身亦都洗得好乾淨韭菜豬紅 韭菜夠嫩豬紅亦冇豬臊味好吟沉嘅世伯話以前豬紅喺街邊買㗎邊度上到枱㗎可能年代唔同嘅關係而家啲90後應該唔知 咩係有鑊氣嘅豉油王炒麵加豬紅唔經唔覺暴露咗自己年齡添世伯今日不停推介呢個煎鰂魚真係幾滑嘅又脆口外脆內軟啲朋友加埋個 mayonnaise 可能真係好食過銀雪魚鹹魚雞粒炒飯真係好似油咗少少炒得唔錯熱力分佈平均service OK

中上環約人晚飯的確有難度，選擇雖然都不少，但要好食抵食又坐得舒服的選擇就不多。我素來都鐘意潮州菜，所以提議了位置方便的潮江春，大家都非常贊成。我已有幾個月無嚟過，星期五晚如常是座無虛席😀。我地一行共七人，中銀6人餐好似又唔太啱食，最後都是散叫，菜牌內容更新了，老公至愛的太極素菜羹消失了❨很無奈❩😑 最後我點了稻草鴨一隻❨煙薰味濃，好味❩，普寧炸豆腐❨必食❩，蠔仔肉碎粥一窩，沙茶牛肉炒河，川椒雞，煎蠔仔烙，手打魚蛋素菜煲❨麻麻地❩，豬紅九菜❨普通❩。埋單$1200(星期五六日無信用卡折扣)

星期六約了家人在上環潮江春吃中秋節飯，喜歡這裡地點適中，假期比較靜，食物，招待比其他的分店好，6點半我們凖時入座，點了很多菜，全都是喜歡吃的，有別於其他飯店，每逢節日一定迫你吃套餐，我們一共點了14個菜及三個甜品，當晚的菜水凖平均，但特別要讚的是火焰燒汁野箘鱸魚，是煲仔放在一隻有火的碟上，賣相攞出來都很吸引，鱸魚入口滑而皮脆，味道👍，炸子雞味道剛好，入口脆但雞肉很滑，一家人有講有笑的食個一餐溫馨的節日飯

經過一天辛勞的工作,突然間有同事講緊去食潮州菜.諗下諗下自己都好耐未食個潮州嘢了!擇日不如撞日,一於就去無限極商場上面嘅潮江春食一餐.梅菜扣肉好多時出面啲一味餸,都畀晒肥豬肉,肥膏多個肉嘅.反而佢用咗比較上等既豬腩肉,肉嘅比例比較平均,感覺冇咁肥膩之餘又食到豬油嘅香味,推介春菜煮排骨一味傳統嘅潮州菜,春菜煮得啱啱好,唔會生到硬,又唔會熟到變黃晒.排骨略嫌食到雪藏味,真的要改善一下了潮州功夫茶最後店員還送上了傳統潮州功夫茶,不過不失,為一餐作結.

潮江春是我公司老闆的飯堂, 因為跟公司很近, 5分鐘入便到達, 最適合與客人進餐。其實之前Lunch都經常有來這間潮江春與同事、老闆飲茶, 質素都唔錯。是晚老闆約了客人食晚飯, 帶埋我去見客。有免費飯食, 作為窮L當然不會拒絕。由於老闆講求效率, 即使叫餐也如是, 連看餐牌揀菜式的時間都不想浪費, 於是就著我點左一個有匯豐信用卡才可享用的四人套餐。該套餐有個湯、滷水拼盤、蒸魚同埋一個沙拉醬骨。原本頭幾樣野都OK架, 特別係個湯, 真係有花膠同細半隻雞, 亦好清, 無味精。而條魚雖然得半條到, 但質素都可以, 唔會話好柴。但一上碟沙拉醬骨, 我就打個突啦, 亦令我萌生要寫呢篇食評。呢個餐for四人用, 雖然我唔會Expect份量好多, 但起碼都「得體」。呢幅相係碟野一上台我就影, 並無食過先影。一黎到, 我地都打個突, 話「唔係嘛, 咁既樣」。一係隻碟就細D, 唔好搞到個樣咁寒酸啦, 就算一人兩舊肉都唔緊要, 起碼唔好好似半碟上咁既樣, 碟野可以擺得好睇D咁。特別因為係同客人食飯, 梗係唔會想咁核突, 但呢碟沙拉醬骨令到大家都好尷尬囉, 好似要就住就住咁食。雖然係套餐既, 但都可以做得再

一行七人去飲茶想搵個舒適嘅地方坐低慢慢傾吓計最後去咗上環潮江春我哋大概一點鐘去到超級多人等緊位咁啱得咁橋有張六人枱可以俾到我地入去坐低慢慢食 坐足個半鐘點心都好精緻好好味腸粉皮好滑其實另外仲叫咗一個素菜腸粉比素食同事不過唔記得影相素菜腸粉都好好食炒腸粉好惹味不過有用蝦米 所以素食嘅朋友唔食得因為我唔係食素 所以我都好鍾意非常鬆軟嘅馬拉糕一個字 讚！新鮮出爐熱辣辣蝦餃蝦好大隻 足料蝦餃皮又唔會好厚整體水準係幾好不過價錢偏貴茶錢都成$16一位最後埋單每人百一蚊

裝修期間已冇嚟一段時間，今日突然間好想去飲茶，就提議去潮江春啦！裝修後好似都冇變,侍應態度都係差,枱空間感唔夠,杯碟都唔乾淨。只係由細碗換左大碗,正常返D。酸菜鹹鹹酸酸爽脆，花生脆口，青瓜爽， 實在難得的是可以找到一粒豆腐乾。前菜要成$20,唔抵!雪藏的紅油抄手，個皮一夾就散 ，肉呈粉紅色，味道唔夠。一定唔係大師傅炒啦! 麵線之間都分唔開嘅，只係見到好多蔥，豬肉得嗰幾條仲要係雪藏嘅，有D更加係肥豬肉。呢個整得唔錯，唔係行貨，芋頭呈流沙狀餡料足夠，可惜個皮一夾又係散嘅，有濃烈胡椒味苦瓜新鮮，肉唔會硬，湯有胡椒味。有好多料,唔會剩係得湯。希望食物質素同價錢成正比啦!

服务素质及态度非常差，等了半个钟一样都没上，找了几次服务员，没有一个人理我们。催了几次都说因为人多，厨房忙，与此同时旁边桌同样的点心都上来了。忍无可忍之下要求看单，点心纸上写了五样，落单只有三样，服务员还大声说，和我没关系啊，落错单也不是我！之后说找来经理“给我们解释”，又等了五分钟终于来了个沉默的“经理”，对于落错单和长时间等待没有任何歉意，在我们一再追问下，只留下一句，你们还要什么，我帮你加啊。再也不会关顾，用餐体验极差。