約咗朋友一齊去食牛大人慶祝生日 公眾假期亦唔係人頭湧湧反而大把吉枱 90分鐘放題原本已經好足夠，last order 我哋亦無加單，只係食埋手上支雪條先離開，但係阿姐態度非常惡劣，朋友想去洗手間仲聽到佢大大聲同其他職員講要離坐先去洗手間！如果外面排長龍我可以「理解」 但店內好多吉枱，真係絕對唔會再幫襯！ 睇過comment,見到我地絕對唔係第一組客人受如此對待。 食物質素固然重要，但用餐體驗太差，希望餐廳好好正視問題

今日同閨蜜嚟咗尖沙咀搵間靚靚嘅餐廳食好啲 上網見到呢間 幾好feel裝修唔錯 🌃 亦都坐得滿人好受歡迎👨‍👩‍👧‍👦👨‍👩‍👧‍👧👨‍👩‍👦‍👦今次就試下你啦  睩餐牌已經有驚喜，絕對唔係平時週街都食到嘅西餐廳🥰 餸菜有創意賣相亦都好靚  蟹肉酥皮撻 開胃小食 撻皮非常酥脆 蟹肉絕對唔少 一口size 好滿足 日式醬油溏心蛋黃多士 大推！！ 勁好味🤤蛋黃做到好似cheese的質地，食落啖啖層次 蝦子香蒜辣椒意粉🍝 只係非常小辣，做到香口效果。食落份量比看上去多 黑松露雜菌意大利飯🥘 Risotto煮得啱啱好，平時好驚d唔生唔煮的意大利飯。哩度廚師拿捏得好好👍又夠足料

九龍城一向係美食之區，而「三和叙」位於九龍城的一間日本高級餐廳✨，裝修都偏向和風系列，很有格調。餐廳有多層，客人可選擇爐端燒、鐵板燒 或omakase（廚師發辦）🍣 當天我們選擇了爐端燒，店內使用備長炭燒爐，燒出來的食物受熱平均，更加保留肉汁。我們被安排於地下吧枱用饍，以近距離感受師傅烹調感覺很不錯。 池魚刺身，魚肉的鮮甜，帶有一點油香😋 炸蝦天婦羅🍤炸漿厚度適中，鮮蝦單牙，香脆可口! 日本黑豚肉五花腩串，肥瘦適中，燒過後肉質爽口又不肥膩。 厚切牛舌牛味香濃，既爽口又嫩滑，絕對要一試。 日本阿波美雞翼十分大隻，雞皮燒得很香脆，內裡滿滿的肉汁，灑上少許海鹽，就是這麼簡單，卻十分惹味。 炭燒蘆筍、冬菇、日本蕃薯🍠，蕃薯入口綿綿，還有好香的蕃薯味，味道甜甜的🥰 最後以牛肉稻庭烏冬作結尾，牛肉香滑，稻庭烏冬口感彈牙軟滑。十分滿足! 餐廳選用日本直送食材，食物質素高，值得推介。👍🏼

今日去咗銅鑼灣名館食下午茶放題 之前見到佢$98任食幾抵 所以就黎試吓啦 黎到見到佢啲嘢食幾精緻 點知 叫完第一輪嘢食已經飽到食唔落第二輪 佢依度啲點心又靚又好食 真心叫咗咁多樣都冇乜邊樣係真係好伏 一定要叫佢個宮廷點心盤 淨係睇個擺盤已經值回票價 有五款鹹甜點心 嗰個留心奶皇包好好食呀 另外佢仲有一個糯米釀雞翼 佢辣辣地好香口 就算釀左糯米都唔會覺得好滯 仲有一個大良鮮奶脆鋼條 啲鮮奶好香炸到好脆 佢個小籠包都有意外驚喜 本來粵式酒樓都冇乜期望 但佢今次個皮好薄 有好多湯 講真$98喺銅鑼灣真係好難搵 又坐得舒服 個view 又靚 一定會再嚟

行開深水埗咁啱見到間新開嘅雞煲即刻入去試下！今日叫咗中辣雞煲，店員細心提醒中辣可能會好刺激！所以我地仲叫咗杯水蜜桃梳打同藍蝶雪梨解解辣！水蜜桃梳打唔會太甜，清新好選擇，藍蝶雪梨好似雪梨茶咁清甜解渴加上碟豆花嘅藍色睇落好少女😍中辣嘅雞煲十分惹味，店員細心為我地烹調，啲雞煮得啱啱好，仲好嫩滑入味！加埋莞茜香味，正正子！唔食得辣嘅朋友建議叫返小辣，因為加咗湯之後會愈煲愈辣！配料方面我地叫咗芝士紫菜炸響鈴，新鮮炸出嚟脆卜卜！就咁食咬落去芝士溶化，入面再包多塊紫菜，口感一流！豬梅肉肥瘦均勻，香味十足！韭菜餃大大隻好扎實，韭菜味香濃！再叫咗個雜菜藍，估佢唔到68蚊咁大個，2個人食都食唔哂！🥬🥬🥬🥬

親子餐廳一定係爸爸媽媽的好選擇，一次過可以滿足晒小朋友🥁食❗玩❗放電‼️於一身！！和小朋友一到達皇室堡15樓，他已經急不及待跑去🏃‍♂玻璃窗前面觀察，好似準備一開門就衝💨入去玩自己最心儀的遊戲。我地選擇了3:30的時段，接待姐姐先幫我地量體溫講解遊戲區需知及守則，然後就帶我地坐低。 我的小朋友櫈都未坐，就決定要先玩波波池。 之後就轉戰溫布頓水池🎾！小朋友可以釣魚🐠🐟或撈魚🐙🐳，而水池內的水經過濾，達至飲用🚰等級，所以我非常放心。 而其他遊戲亦多樣化💫例積木、廚房及煮飯仔、角色扮演等......如個太細的小朋友唔使怕👍🏼，因為仲有一個👶🏻2歲以下的遊戲區👣 而餐廳的姐姐都好注重衛生，每次進入遊戲區大人及小朋友都必須除鞋及消毒，有小朋友穿了鞋入遊戲區，姐姐亦會立即提點☺。 玩完當然就要醫肚🍽，我地叫咗一個煙三文魚忌廉汁意大利粉🍝、兒童餐🦀螃蟹寶寶配照燒雞扒🐥。 小朋友的兒童餐賣相可愛🥰，增加食欲，而且羅宋湯十分足料味道可口！而我的意粉擺盤精美，份量十足，食飽之後就有力再去放電了😆💪🏼

收工happy hour見到中環有間新開嘅粉紅主題bar, 一於同班girls 去試下！一開電梯門就已經見到大大幅嘅招牌寫住Blush, 型格十足！入到去見到d沙發全部粉紅色，少女們已經癲咗！sofa位非常舒服好啱一班朋友傾計！happy hour有做 cocktail, house wine等等selected drinks嘅買一送一，一人2杯啱啱好！我地3個人叫咗Amour, Oh my deer,同house white wine! Cocktails嘅造型真係靚到不得了！oh my deer嘅尖底杯配上🦌角架，甜甜地帶有石榴獨有嘅香，基調嘅pink whiskey喺較甜嘅提子調交下非常易入口！Amour一入口有薑嘅辛辣，估佢唔到有vodka 嘅烈酒下都仲飲到淡淡嘅烏龍茶味，清新之選！我地仲叫咗3款snacks, 薯條配松露醬，omg, 個松露醬好味到我地想成碟打包，條條薯條都要沾滿先罷休！popcorn chicken 炸得好脆，入面依然juicy配上辣辣地嘅醬汁，好味！炸魷魚圈超大份，酥脆可口！特別想讚下餐廳所有staff都好nice, 比客人好chill好relax嘅感覺！

今日收工同朋友出尖沙咀行街行到攰攰地，經過The One嘅博多別天神拉麵!呢間拉麵得2款拉麵比大家揀：豚骨同蝦味噌拉麵！正所謂貴精不貴多！我地叫咗一個別天神套餐一個蝦味噌套餐，一個配小龍蝦沙律一個跟一份餃子！小龍蝦沙律啖啖蝦肉，加上明太子超鮮味！餃子好juicy！豚骨拉麵超濃旭，店家仲準備咗新鮮辣芽菜，芝麻同七味粉比大家調交自己喜歡嘅口味！香濃蝦味噌勁鮮甜！拉麵爽口彈牙！正！拉麵套餐仲配半熟蛋，好流心好好味！絕對係抵食之選

Friend子聚會, 天氣又悶又熱，最啱暢飲啤酒，所以今日決定嚟食串燒！一人一串惹味又唔洗熱！happy hour時段仲有99蚊2支啤酒加10串自選串燒！淨係99 2支啤酒已經抵到爛！就算過咗happy hour 都仲有$68十串精選串燒，多人share真係一流！我哋仲嗌左燒韭菜、燒金菇、扇貝、茄子、牛舌等等！反正就係叫到一枱都係😝燒韭菜同茄子都用咗孜然粉同少少辣椒粉，勁香勁惹味！韮菜新鮮唔會老到咬唔爛，茄子燒得啱啱好軟度適中，配上勁多蒜蓉，好味到爆！鐘意蒜味嘅朋友亦唔可以錯過燒金菇！牛舌燒到淋得嚟有口感！燒多春魚好juicy,超正！燒牛柳好淋好入味！燒生蝦都只係9蚊，食得出仲爽口彈牙，係新鮮蝦！燒扁貝大大隻，下次要試埋芝士味！加上餐廳環境唔算太嘈，可以傾下計，所以下次一定會再返嚟！

今日晏晝同同事突然間想食辣野，所以揀咗公司附近嘅老川皇，其實不嬲都有食開老川皇嘅晚飯，午飯就真係少啲，今日第一次嚟試，先發現原來lunch非常之抵食！$58就食到酸菜魚！貪心嘅我哋仲在嗌多咗個二人餐因為真係好想食水煮肥腸，諗住應該都唔會太多應該食得哂。食飯叫前菜是常識吧，所以我哋仲叫埋涼拌土豆絲！涼拌土豆絲配上川味，小小辣好惹味！🌶而且土豆絲切得好幼好薄，條條都好爽脆！水煮肥腸係以邊爐型式上，仲送生菜可以一齊煮！肥腸煮得好入味，而且肥得嚟唔太漏！正！酸菜魚🐟雖然只係58蚊，但係份量非常之大而且有好多魚！酸菜魚好開胃，個湯用嚟送飯一流！特別一提，餐廳服務員服務態度一流，要比個like 佢地！👍🏻