潮樂園 (和富道)

營業中

休息中

對蠔仔粥情有獨鍾，香港試過好多間，呢間水準最高， 真材實料。 雞油花雕蒸馬友更係一絕， 鹹淡得，鱼肉滑到不得了，不愧為米芝蓮推介。 我住喺九龍區，而家已經唔想係我住嘅地區再食潮州嘢， 質素相差好遠， 建議係九龍區開多間分店。

呢間拎過米芝蓮美食推介嘅潮州菜，日頭座落係北角和富附近，就好似一間低調、普通嘅餐廳，估唔到大有來頭，好多款招牌潮式美食都出晒名。只不過我黎親呢頭只係食lunch，但性價比都唔錯，周不時都會過黎食。Lunch menu簡單啲，主要食碟頭飯，送一碗紫菜湯，但入面有放蒜蓉粒，個人就麻麻地蒜蓉味。店內嘅滷水鵝片同鵝肉好出色，揀任何一款餸都有滷豆腐墊底，唔好睇少滷豆腐，我覺得滷得好入味，唔會過咸，甚至好食過啲肉類添☺我聽朋友推介，揀咗新鮮沙薑雞拼雞腎（附送滷豆腐），估唔到沙薑雞都整得好好食，食得少少沙茶醬味，醬汁亦起沙，雞肉嫰滑，唔會”柴”，雞腎都好入味，好啱送飯。

今晚臨時臨急喺北角搵地方食晚飯，上網見到呢間潮樂園，打去問問可以幫手安排座位，相當親切。餐廳走平民風，我地坐在一樓，除角落一張枱較寬敞外，其中枱都頗逼，沒有上去二樓，不知道樓上雅座如何。。鹵水鵝片 - 鹵水不會太鹹，鹵得好入味，鵝片肥瘦適中，油香不錯，底層有豆腐和花生，份量適中。椒鹽鮮魷 - 不夠脆身，魷魚有少少靭，慶幸粉漿調味搭救，整體味道不錯。凍烏頭 - 非常好食，啖啖肉，魚鮮味甜，黃豆醬頗鹹，要適量沾點。菜甫芥蘭炒飯 - 食到啖啖菜甫，幾惹味，炒飯都夠乾身。4個人食左六百幾蚊，算是中規中矩，可以一試。

 朋友生日而大家係year end party都食厭哂 pizza 意粉、薯條所以破格訂潮州野到會！出奇地超滿足，由前菜到甜品，份量都好足夠， 種類又特別，大家都食得好開心。潮州三寶、滷水鵝片大拼盤：滷水好入味，鵝腸夠爽，鵝肉鵝片出色韭菜豬紅：比較油，但份量幾多朝陽炸蝦蟹棗：正常發揮，同一般蝦餅差唔多潮式凍馬友：勁滑，滑到好似食緊魚生咁！超正！鹹香味，但係又唔會話超咸。鹹菜胡椒豬肚湯：胡椒味好濃，鹹菜夠甜香，豬肚都夠爽好食。金沙蒜香骨：正，好香，好快清哂。送粥一流。家鄉春菜腩肉煲：太油膩，春菜俾啲腩肉浸到超油，腩肉較乾，試咗一舊之後大家都唔敢食潮式豆醬蔥油手撕雞：還好。黃金糖醋伊麵：喺屋企煎返熱之後就好食，但係我個人覺得厚咗少少，同埋要點大量嘅糖先好食蠔仔粥、方魚肉碎粥：好味，但係唔夠食😂用嚟跟餸一流福果綠豆爽：唔會太甜，綠豆粒粒分明。

🍴 湖陽蝦蟹棗 $148 (6/10)分別有四粒蟹棗同四粒蝦棗，蟹肉比較特別同埋少見，都有蟹嘅香味，食到蟹肉一絲絲入邊仲有啲馬蹄，蝦都一樣有馬蹄，不過冇想像中咁重蝦味，蟹會好食啲，整體係不過不失啦！🍴 蠔仔肉碎粥 $128 (8/10)好大碗，即係六個人份量都夠食！蠔仔好多，有蠔味，一啲都唔腥，仲要粒粒都好大粒，有好多方魚肉碎好香，個粥喺潮州粥，一粒粒米，有蠔味濃郁清甜，好好食！🍴 黃金煎蠔餅 $118 (10/10)蠔餅剪得好香口，色澤金黃，餅皮好薄，緊緊包住蠔仔，唔會好似台式嗰啲咁黏口，亦都唔似其他舖頭炸蠔餅咁油膩！食落比較輕盈嘅，蠔仔嘅份量好多，好濃蠔味，好好味！🍴潮樂園招牌炒米粉 $98 (7.8/10)雖然睇落去係一個好普通嘅炒米粉，但係好食嘅，都好多了，炒得乾身又香口，但未算係必叫！🍴 凍元朗楊氏烏頭 $158 (9.5/10)呢個比我想像中好食好多，魚肉好有肉汁，好香濃嘅魚味，肉質仲要好嫩滑，真心推薦！🍴鹵水鵝片大拼盤 $288 (8/10)超級多料，有鵝片，鵝腸，紅腸，大腸，豆腐，豬頭肉，五花腩，雞腎，滷水蛋，花生！播片唔會係好正常，鵝腸就好爽口，滷大腸都好入味彈牙，五

絕對唔好坐係門口對住既位，D人關門關得唔好，坐係入面係食哂D風。下層唔多位，有得上樓上。每張枱上面都鋪左透明膠墊。滷水食物呢版睇到眼都花，好多唔同配搭。鵝片鬆軟，鵝味濃郁，但唔係肥個種，肉質唔算十分嫩滑。滷水汁好香，咸度適中，今次八角味突出左D。唔好點隔離既醋，因為味道比較嗆，影響左鵝片既味道。而墨魚彈牙，下面有豆腐同花生墊底，滷得好入味。本身個肚有D唔舒服，所以叫左胡椒豬肚湯。超重胡椒，好濃郁。我覺得佢浸鹹酸菜既時間係岩岩好，鹹酸菜唔鹹，但又保留到鹹酸菜既味，入口重要有少少脆，唔重煮到淋哂，最重要係飲完唔口渴，個肚都舒服左。食潮洲野一定要食蠔仔粥，入面既蠔都算肥美，但偏細，蠔仔一D都唔腥，D蠔都洗得幾乾淨。湯底有啲肉碎、魷魚、方魚乾，蔥、芫荽粒...，份量十足，感覺味精唔多。好簡單既配料，每啖都係鹹鮮鹹鮮，處理得幾好!

這間位於北角語砲台山交界嘅潮州食品營，連續多年攞咗米芝蓮評級,由於女朋友想食潮州菜,於是決定去試一試看看點解有咁多人排隊,很好彩剛好碰上有人客未能抽空出席,結果老闆畀咗張枱我哋用.經過老闆推介決定試一試這裏最出名嘅鵝腸和金錢肚,鹵水味非常濃郁，但不會死鹹，金錢肚很有口感，非常爽脆，係我食過最好味嘅一款，鵝腸方面不會太肥，碟頭很大和口感亦都很爽脆。另外亦叫了蠔仔粥，蠔仔粥食得出沒有落很重味精，反而很多天然嘅配料，譬如豪仔方魚魷魚，令到個粥底非常香濃，但不會過鹹，整體食物相當具質素。

今日朋友想食下潮州滷水所以揀咗呢間北角嘅小店。因為聽講係米芝蓮級數嘅滷水所以本身有少少期待的，可能因為差唔多2:00下晝嘅關係所以間食店係冇人㗎，得我同我朋友兩個 only，入面Menu見到好多碟頭飯唔係貴睇落都幾公道，只係我同我朋友為咗食滷水小菜為主所以叫咗一個：韭菜炒鮮尤，滷水鵝片三拼同埋一碟椒鹽燒珍珠蠔三樣嘢。滷水鵝片不過不失啲拼盤係鵝腸同埋墨魚我都覺得係OK嘅但話去到米芝蓮嘅級數又真係比較誇張😌個珍珠蠔成$138但其實只係將蠔仔粥嗰啲蠔仔攞嚟椒鹽煮……..最失望嘅係嗰碟韭菜仙尤…..真係完全唔掂囉，啲韭菜乾爭爭咁而幾條白灼尤魚嘅味道真係完全大失所望🤫anyway下次都唔會再去呢間因為香港實在太多潮州打冷嘅選擇。

去食飯，職員都算係有禮貌喺點菜嘅時候，想嗌個雙拼飯職員話唔可以叫雙餸飯一定要叫例牌話要例牌，之後可以加飯問咗佢咁餐牌點解华會有雙拼飯職員行咗去搵個老細個老細就黑面望過嚟，話一定要叫例牌冇唔緊要咁你點解寫落餐牌？

估唔到第一次食潮州菜會俾咗位於北角和富道嘅潮樂園！ 餐廳有兩層，七點幾嘅時候嚟到，估唔到今晚冇book枱，等咗10分鐘就入座。不過原來好多菜式，例如蠔餅、烏頭呢個時候已經售罄。所以最後我哋叫咗： 🦑冰鎮大墨魚 🦑 (128 hkd) 配搭Wasabi同豉油，不過不失。 🥣蠔仔肉碎粥 🥣 (118 hkd) 味道鮮甜，份量非常大方！ 🍗滷水鵝 🍗（168 hkd) 鵝肉非常肥美嫩滑，未有其他朋友所講多骨頭嘅情況。 🐖 胡椒豬肚湯 🐖 （128 hkd) 嗜辣嘅朋友肯定會好鍾意佢嘅。豬肚湯，白 胡椒落得非常足料，不過豬肚就有啲韌。❤️ 小結❤️最後我哋埋單四個人六百幾蚊，以食物份量，潮州菜來講算係實惠！夥計態度親切，食物質素中上，係一個好好嘅潮州菜體驗。提醒各位朋友如果想食到魚類或其他熱門菜式一定要早幾日預訂！

呢間係米芝蓮推介嘅食店... 吸引唔少人幫襯! 價錢比一般鹵水店貴少少... 不過感覺衛生少少!鹵水拼盤都ok嘅... 唔會一味得個咸字... 食完冇特別好口渴!👍👍👍炸蠔餅同椒鹽珍珠蠔... 其實都ok嘅... 又唔腥... 但間中都食到d蠔殼... 洗得唔算徹底!🙊🙊🙊鹵豬手好味... 但真係冇乜肉食!鹵大腸算肥美... 洗得都乾淨!👍👍👍糖醋麵唔掂... 成個底燶咗好多都照俾客!🙈🙈🙈韭菜豬紅... 韭菜冇乜渣... 豬紅都彈牙嘅!😋😋😋

這家米芝連加持的潮州菜餐廳, 位置有點隱蔽, 去到再安排在上層, 更有大隱隱於市的味道. 這裡最出名的是鹵水料理, 我自然點了鹵水鵝片, 比鵝肉貴些少, 但鵝片啖啖肉的樣子, 真的好多了. 鹵水味道偏甜, 帶些少甘香味, 不是驚為天人的味道, 就是簡簡單單. 鵝肉口感扎實, 鵝皮彈牙帶油香, 是合格有餘的一道菜式.茘芋香酥鴨有令人意想不到的驚喜. 表面脆皮香脆酥香而沒油膉味, 芋蓉香甜而順滑, 鴨肉夾著紫蘇葉, 同樣酥香而不油膩, 最底下的鴨皮炸過後香脆之餘也帶有基本彈性. 如此層次分明的香酥鴨已很難找到, 雖說炸得通透, 但吃起來沒有涸喉感, 相當難得.相比起來, 炒魚麵就有些少失望. 魚麵的魚肉含量比一般的高, 而田帶有些微魚香, 只是炒時落油太多, 吃起夾除了有點膩外, 也隱藏了食材本身的鮮味, 令味道有點孤寡而單一, 這點就要多加留意了.Chiu Chow Delicacies is not the restaurant with easy accessibility. Her Chiu Chow cuisine is really traditional such as th

疫情減退了，政府也放寬了限聚令，特意和老公外出吃晚飯。家附近的朝樂園潮州菜煮得不錯，疫情前經常一家四口過來吃晚飯。由於今天只得兩公婆所以就沒有點滷水鵝，簡簡單單點了是老公最愛吃的蠔仔粥和韭菜豬紅加碟普寧通菜和手撕雞。點了四樣嘢，普寧醬炒通菜味很好👍🏻蠔仔粥，有點像加水翻煮一様，味道偏淡，有點失望。（以前真的很好吃，現在卻完全不一樣）韭菜豬紅，可能是韭菜太少，而導致整體變得非常喊！普寧手撕雞～有青瓜絲、香菜、香蔥、芝麻，混在一起的不知是什麼醬汁，實在好喊。怎樣了！是廚房師傅轉了嗎？還是老闆轉了？怎麼味道變了，跟以往不一樣！水準在哪兒！可惜！

第一次打食評。食過幾次，一開始都幾中意。今日黎食差到一個點。一坐低就見到枱面不太清潔。叫左鴨雞雙併飯，得D頭頭尾尾，仲差係仲有一支骨頭係到無肉。同左店員反應，佢地起左肉，但係個碟上根本就無見到起出黎嘅肉。無解決到問題，最後無食到，換左其他餐廳。唔會有下次

香港居住了不少潮洲人，所以潮洲菜館也很多，但榮獲米之蓮星级真系不同凡嚮，朋友介绍位於北角和富道潮樂園榮獲米之蓮星级，今晚有幸路經北角入內試吓地道打冷潮食，店舖地方不大乾净衛生店員友善，店內仲有個大厨窗比你見倒各式滷鵝美食。滷水三併 $158 (鵝肉、鹅翼、豬頸肉)滷鹅比較巨形大隻滷得十分入味，肉質較札實好有頭，鹅翼滷得淋身好味，豬頸肉爽口個人感覺味道篇咸，送啤酒就一流。👍🏻黄金煎豪餅 $88豪餅煎得金黃香脆好有蛋香，豪仔新鲜冇碎殼亦很多是不錯之選。细肉碎豪仔粥 $65 材料豐富十足有肉碎、豪仔新鲜吾醒、大地鱼、冬菜芹菜粒，湯底濃鲜煲得火候十足，加些胡椒粉進食更加提味。整體而言店鋪提供其他各式小菜、小炒價錢合理下次再嚐😘