潮樂園 (和富道)

營業中

休息中

三個人幫襯晚市，我今日喺呢度食晚飯。因為上網見到人推，又話有米芝蓮連續七年入選，諗住無伏啦。去到唔使排隊唔使等，叫咗三樣嘢。第一滷水鵝片，鵝肉柴，老，唔滑口。第二川椒雞，雞肉唔入味，只係外面嗰浸偏鹹，仲要有啲老，唔知點做到。第三魚蛋煲，中規中矩正常，街邊貨色，唔值呢個價錢。雖然有名youtube食家alfred推過，我見到都慕名而去，但我接受唔到呢個價錢呢個質素，亦唔知米芝蓮點評分。結論好簡單：唔好去，唔好食，唔好同自己銀包鬥氣。希望以後潮洲菜唔會再食到呢個水平。如果大家有機會嘅就避開呢度啦。