漢龍雞煲烤魚

今晚決定食雞煲， search OpenRice見到呢間喺石門嘅雞煲店好似唔錯，於是坐兩個站港鐵嚟呢度食。原來除咗麻辣雞煲之外，佢仲有其他雞煲，不過一心一意想食麻辣雞煲，所以都係叫返個辣嘅雞煲刺激一下味蕾。佢啲雞嘅肉質都唔錯，食落覺得都幾新鮮，佢雞煲入面嗰啲配料都好香，洋蔥芹菜蒜仔大蔥等等好惹味，另外我自己好鍾意佢入面加咗上海年糕，煙煙韌韌，吸埋麻辣雞煲嘅精華，令到食嘅時候特別滋味。我哋另外嗌咗個菜、芋頭件同埋一份紅薯粉。食雞煲點少得啤酒，呢度有隻德國嘅麥啤幾好飲，同麻辣雞煲個味好夾。…查看更多

呢間舖頭個位置比較了能，就算朋友推薦要是，去到2樓都兜咗兩個圈先至搵得到，依家周圍食肆都靜英英，但係呢一間雞煲店係平日夜晚八九點呢啲時間都有半間滿座，真係同佢雞煲肯用靚雞有關，就好似上面幅相，啲雞真係好靚，而且呢一碟雞都幾大碟，係半隻雞嘅份量，絕無欺場。食完雞煲之後就開始打邊爐，嗌咗雞子、鮮腐竹、蝦滑同油麥菜四樣嘢，樣樣都幾新鮮，似乎呢間舖頭嘅老闆都幾肯用靚嘅材料，仲有個蝦滑竟然有兩條咁多，真係抵食好食夾大件。…查看更多

嚟到石門要搵食，梗係睇OpenRice啦，呢間雞煲店啲評價好似唔錯，於是就去試一試。佢個位置有少少難搵，因為佢匿埋咗喺轉角位。因為有朋友唔食辣，所以我哋就叫咗椰子雞煲佢有得揀半隻雞或者一隻雞，我哋揀咗一隻，佢拎住兩碟雞埋嚟嗰陣時我哋同佢講我哋係要咗一隻，佢話原來一碟只有半隻雞，估唔到呢度嘅雞咁大隻，喺色水隻雞都幾靚。飲完雞湯食完雞就嚟到打邊爐時間，因為隻雞真係好大隻，所以都有啲飽，於是火鍋配料就只係嗌咗潮州魚蛋同埋鮮蝦雲吞，兩樣都好新鮮，尤其是係個雲吞入邊嘅蝦。幾欣賞佢啲醬料全部有蓋冚住，幾衛生。…查看更多

位於京瑞廣場二樓角落嘅食店，唔熟路根本找唔到。所以做街坊及附近打工仔生意多。午市多數爆滿要等位，晚上就冷清清啦。茶餐廳價錢，特惠午餐最受歡迎，有菜，有湯，有飯兼小菜，仲包埋飲料。最重要是連夜晚都可以叫午餐，我就覺得超值啦。加上味道唔差，尤其蒸魚，原條上，大大條，一般茶餐廳只得半條。所以當咗食堂，只是款式選擇唔多，轉變唔大，食得多都有點悶。另外，雞煲都唔錯，唔會俾其外以雞煲自居嘅店鋪輸蝕。但光顧嘅人客都係選擇午餐多，抵食。…查看更多

聽講呢一間石門的雞煲幾好食，所以就去幫襯吓，叫咗椰子雞煲，真係幾好食。落單後等咗一陣就已經上菜，湯底、半隻雞，仲有一個椰青分開上，隻雞望落去都幾靚，好新鮮，感覺上好有光澤，D雞肉位唔會瘀瘀黑黑。個伙記會幫我地倒個椰青落去個湯底度，然後開爐滾，滾起之後就可以落D雞落去，再滾多5分鐘左右就食得。個伙記叫我地要先飲個雞湯，可了椰子水嘅雞湯真係特別清甜，有一種好滋潤嘅感覺。D雞肉唔會太韌，而且都真係有雞味嘅，以半隻嘅份量黎講都幾足料，同埋因為碟雞係分開上，所以唔會成煲都係骨多過肉，食到雞比雞腳嗰D。打邊爐配料就叫咗3樣，分別有韭菜餃、鮮蝦雲吞同鮮腐竹，3樣之中，佢個韭菜餃最好食，最有特色。…查看更多

呢度嘅雞質素真係唔錯，新鮮、肉質有光澤、雞嘅皮下脂肪偏少、雞肉無瘀黑，而且份量都幾多，呢間餐廳用嘅雞係偏向大隻。佢呢度應該係一碟有半隻雞，我哋叫咗一隻雞，所以有2碟，雞同湯底分開上。新鮮椰青亦係分開上，侍應喺我哋面前倒個椰青水落湯底度，你仲提我哋要刮埋啲椰子肉落湯底度，等個湯更加清甜。飲完雞湯食完雞之後就打邊爐，我哋叫咗鮮蝦雲吞、韭菜餃同埋炸魚皮嚟打邊爐，呢度個炸魚皮超級大塊，雲吞同韭菜餃都好食，不過最好食都係啲雞，冇諗過雞煲嘅雞質素會咁好。佢啲醬料有蓋冚住晒好衛生。…查看更多

呢間餐廳嘅set lunch都有幾多選擇，不過最正係佢嗰個冇味精嘅例湯。一坐低就一人一碗例湯，有埋湯渣，睇個樣唔似同一煲湯渣然後每日加滾水入去淆，所以唔未到香爐而且加咗粟米之後個湯特別甜。葱霸雞同煎蓮藕餅都有家庭feel，尤其是係個蓮藕餅。唔知係唔係同呢間舖頭專做雞煲嘅關係，個蔥霸雞幾好食，啲雞嘅肉質幾好，蓮藕餅入面食到啲蓮藕好爽口。每一份仲跟一點油菜。個set lunch除咗有個湯之外仲包埋餐飲，都算抵。…查看更多

呢間餐廳可以一路打邊爐一路食燒烤，一次過滿足到兩個願望。打邊爐就揀咗皮蛋芫茜加蕃茄薯仔湯底，其實都叫咗幾多野嘅，不過唔記得影相，淨係記得影碟牛肉同埋份韭菜餃。呢碟係美國鞍格斯，都幾靚，味道唔錯，而且都唔細碟，D雪花紋都算幾均勻，係頂嗰度有少少偏肥。蔬菜都新鮮。韭菜餃自家製，都幾新鮮，D韭菜好香。至於燒烤方面，又係食咗幾樣野，都幾好食。先來了3隻燒蠔，都幾肥美，D蒜蓉好惹味。Size都唔細，肉質鮮嫩Juicy。跟住係燒魷魚，好爽口，少少辣，夠香口。羊肉串都要了2串，無乜羶味，又唔係好肥，D孜然粉好香。…查看更多

有朋自遠方來所以encore呢間雞煲，今次食比較滋潤嘅椰子雞煲，美味又和味。雞湯滾起即來碗頭啖雞湯，有個漏斗比你count時間，知道d雞幾時食得，雞肉新鮮嫩滑，湯底滾起落雞，淥5分鐘就食得。食雞食到咁上下就可以加湯開始打邊爐，配料方面叫咗有墨汁嘅羅墨魚滑、蜂巢豆腐、響鈴、白蘿蔔片、韭菜餃同埋菜。韭菜餃好味道，d韭菜同肉都好新鮮。墨汁墨魚滑新鮮彈牙，墨魚嘅含量高，所以食落特別鮮味。個響鈴應該係即炸嘅，吸油吸得幾好，無乜油。…查看更多

🔥同朋友喺石門試咗超高CP值嘅雞煲烤魚小店🙌🥥 海南椰子雞煲湯底好有家嘅感覺，椰香濃郁，係可以就咁飲嘅程度！我由個湯上枱到臨走嗰時都飲咗好多碗～雞肉滑嫩得嚟仲帶少少清甜，飲落燉湯🤤 🥩 至尊雪花肥牛肥瘦比例一流，入口即化，祿喺椰子雞煲度仲有提升幾分香味，價錢唔貴得黎好香牛味💕 🦐 手打靚蝦滑彈牙又有蝦味，每口都感受到鮮味，再加埋蟹籽脆卜卜嘅口感，好滿足😋 🥬 油麥菜清新解膩，配搭清甜湯底非常加分，增添菜嘅鮮味同甜味，健康又美味🌱 餸菜選擇多，份量足而且價錢好親民！適合一班朋友開心聚餐🎉🍲🐟 …查看更多

呢一間石門雞煲店越來越多人幫襯，今晚黎到竟然要等位，不過係值得嘅，因為呢間雞煲嘅質素都幾高。揀咗麻辣雞煲，要咗半隻雞，都幾大兜幾多雞，啲雞都靚，滾起一揭開個蓋真係好香好惹味，就連雞煲入面啲配料都好食，我最鍾意嘅紅洋蔥勁多，另外佢嗰啲蔥蒜都好鬼香。食咗一輪雞之後係時候加湯打邊爐，因為兩個人食嘢半隻雞都真係有啲飽嘅感覺，所以我哋打邊爐嘅時候都只係叫咗少少野，費事浪費食物啦。我哋叫咗薯粉、生菜同墨魚丸，啲嘢都幾新鮮幾好食。…查看更多

很多時外出吃雞煲時，雞煲所用的雞的質素普遍都偏差，因為雞煲所用的醬料的味道比較濃，所以很多餐廳都會選用一些質素較低的雞肉去瞞天過海，不過今次光顧的這家雞煲店竟然用了一些質素較高的雞肉，很難得。麻辣雞煲一開蓋便香氣撲鼻，侍應生主動為我們炒雞實在貼心，雞肉有彈性且有鮮味，雞煲內的配料很惹味，半隻雞的份量都很多。當雞煲吃得七七八八後就開始打邊爐，點了韭菜餃、上海年糕(因為本身麻辣雞煲內的上海年糕很好吃所以就多點一份)、炸魚皮和炸響鈴。自家製韭菜餃很新鮮，喜歡韭菜的朋友不要錯過。上海年糕配麻辣雞煲真是一絕。這家的炸魚皮很長很巨型。…查看更多

今日同朋友喺東鐵沿線行完街之後，心思思想食吓雞煲，就揀咗石門站附近一間超人氣雞煲店，我哋叫咗個兩位套餐，飽飽！😋😋✨✨麻辣雞煲好惹味，以其獨特的麻辣口味而受到廣泛歡迎。麻椒所帶來的微妙麻感，辣椒所增添的辛辣刺激。雞煲以雞肉為主要食材，配以各種蔬菜和香料，煮制後呈現出來的豐富風味。✨✨美國雪花肥牛係高質牛肉，牛肉的特點是脂肪大理石紋理明顯，呈現出美麗的雪花狀，脂肪的分佈使得肉質更加嫩滑多汁，增添風味！✨✨自製巧手韭菜餃以韭菜、豬肉或素菜為餡料，包裹在薄薄的餃子皮中，煮熟後口感鮮美。✨✨鮮蝦雲吞以薄皮包裹鮮美的蝦仁餡料而聞名，通常會搭配清湯或炒菜食用。✨✨脆炸響鈴鬆脆香口，係火鍋度幾秒就食得，吸收晒湯底嘅精華。✨✨蔬菜籃中和左雞煲嘅油膩感，健康之選！…查看更多

今日又搵到間性價比超高食雞煲既餐廳佢地既雞煲SET好抵食, 有2,4,8人餐~包雞煲, 多款打邊爐材料 & 飲品!!我地2人點左個2人SET $388~~~分量好足, 食到飽飽另外仲可以單點, 有小食同串燒食添丫麻辣雞煲半隻麻辣雞煲好惹味, 麻辣味超濃郁!! 但辣得嚟又唔會嗆喉, 仲有少少麻香味, 食落非常過癮！半隻雞件份量都好足, 雞肉入晒味而且好嫩滑職員會幫忙炒雞煲~~~食完雞煲就可以直接加湯打邊爐喇~~~美國雪花肥牛雪花肥牛嘅油脂分布均勻, 肉質軟腍幼滑, 牛味濃郁, 輕輕一灼就食得, 入口即溶自制巧手韭菜餃4粒韭菜餃皮薄餡多, 韭菜味好香, 加埋豬肉, 咬落去充滿肉汁自制巧手鮮蝦雲吞4粒鮮蝦雲吞好大粒, 蝦肉好彈牙,  味道鮮甜~~~即炸脆響鈴2件脆響鈴即叫即烤, 炸得超脆, 616吸晒湯汁嘅精華, 味道豐富雜菜籃雜菜籃好新鮮, 有多款蔬菜: 娃娃菜, 油麥菜, 菜芯~…查看更多

📍 漢龍雞煲烤魚 (沙田)沙田石門安群街1號京瑞廣場2期2樓225號舖👉 雞煲二人套餐💰388😋😋😋😋.7/5今晚我同朋友去咗漢龍雞煲烤魚，試咗佢哋嘅二人套餐，真係好滿足！✨麻辣雞煲半隻麻辣雞煲半隻上嚟，香氣四溢，真係忍唔住想即刻嚟一口。雞肉煮得好入味，麻辣味道恰到好處，唔會太過火，啖啖都係香辣的感覺。而且，裏面仲有韓國年糕，咬落去韌韌的，吸收咗雞煲嘅湯汁，味道更加豐富。✨火鍋配料食晒雞件之後，便加入蝦湯打邊爐，套餐入面仲有美國雪花肥牛，肉質鮮嫩，入口即溶，真係非常好食。即炸脆響鈴就係我最鍾意嘅小食之一，完全唔油膩再來就係雜菜籃，清新又有口感。而自制巧手韭菜餃同鮮蝦雲吞，兩者都係手工製作，皮薄餡多，出色👍🏻回頭: yesyesyes，漢龍雞煲烤魚嘅二人套餐真係好豐富，食物質素高，服務亦都好好。無論係同朋友聚會定係慶祝，都係個唔錯嘅選擇！下次一定會嚟食下佢個烤魚同燒烤☺️…查看更多