漢龍雞煲烤魚

呢間餐廳可以一路打邊爐一路食燒烤，一次過滿足到兩個願望。

打邊爐就揀咗皮蛋芫茜加蕃茄薯仔湯底，其實都叫咗幾多野嘅，不過唔記得影相，淨係記得影碟牛肉同埋份韭菜餃。

呢碟係美國鞍格斯，都幾靚，味道唔錯，而且都唔細碟，D雪花紋都算幾均勻，係頂嗰度有少少偏肥。

蔬菜都新鮮。

韭菜餃自家製，都幾新鮮，D韭菜好香。至於燒烤方面，又係食咗幾樣野，都幾好食。

先來了3隻燒蠔，都幾肥美，D蒜蓉好惹味。

Size都唔細，肉質鮮嫩Juicy。

跟住係燒魷魚，好爽口，少少辣，夠香口。

羊肉串都要了2串，無乜羶味，又唔係好肥，D孜然粉好香。