漢發麵家 (大南街)

營業中

休息中

我－個人叫咗豬膶麵$48加炸雲吞$42，豬膶厚且爽，但係我食幾舊都有條根，搞到我咬不開兩截，條根sip 牙縫，同埋有少少凍左，不是平時茶餐廳熱辣辣攞出嚟嗰啲麵。我覺得湯底有豬膶味姜味係好正，不過－碗麵加5 舊豬膶$48 偏貴。

星期六朝早行過經常排長龍嘅茶餐廳，竟然冇人排隊(但入面已坐滿人)，立即入去坐低霸番個位，本身冇乜期望，因為我覺得通常呢d嘢食都係名過於實⋯既然難得入到去，就order咗signature嘅豬潤公仔麵拼牛肉+煎雙蛋+西多士+奶茶我本身好鍾意食豬膶，但通常出面食都冇驚喜，但今次呢間堅係好食，厚得嚟又好爽脆，堅係又爽口，又脆口！煎雙蛋同奶茶就無乜特別，都係煎蛋同一杯幾好飲嘅奶茶個西多士又係，我要左糖漿，真係堅好食，外脆內軟，但一定要趁熱食！

今日終於有時間去咗漢發食碗豬潤麪啦豬潤果然厚度十足，味道都不錯。之後再點多一法蘭個西多士，我個人覺得比較普通不是有太大驚喜。但未試過的朋友仔，可以品嚐一下店外都比較多人排隊，不過都好快有位服務員態度都可以，沒有任何催促埋單的感覺存在。衛生情況都可以接受，桌面上有很多調味料提供給大家使用。尤其是辣椒油，我比較欣賞極體可以接受，但價錢偏貴，一個午餐大約$70以上，尤其是特色飲品，價錢$30起跳喜歡食豬潤的你，不妨來試一試

每次去都預左要等，今次等左十張枱左右，都算快，係門口諗定食乜岩岩好。不過次次食完都覺得好鬼值得，無法啦佢真係有佢本事！食物質量對得起個價錢。今日兩條友叫左豬潤豬扒面，炸魚球，炸全翼，西多士，仲有兩特飲。上得快又熱辣辣，全部都好鬼好味，特別係厚切豬潤，又脆又新鮮！塊豬扒就無話可說，大同厚囉！又入味！西多出色蛋香濃！炸魚球大大粒，唔縮肉厚又彈牙，沾醬更加有層次感，涼粉紅豆特飲無咩特別，杯鴛鴦就好夠味，整體黎講超滿足，下次再黎是必須的。

漢發既豬潤真係好好味🤤 厚切，食落非常爽口彈牙，一啲都吾會韌🫶🏻 清底好清，聞落有陣酒香味、飲落酒香更加濃郁，差吾多飲晒成碗😋豬扒好嫩口，吾洗點咀嚼就食到👌🏻呢度既西多士又係相當令人期待😚 充滿蛋香味切開後中間夾左啲花生醬🤤 點啲融左既牛油同煉奶，邪惡到一個點😈不過呢度既食客好多，等位起碼45分鐘🥱

上網見啲人話依度既豬潤面好食過x記放假一於去試下因為佢收得好早平時放工已經收左工叫左碗豬潤麵、豬手麵、西多士滿心期待豬潤麵，點知一食落口就好失望🥹豬潤醃製時太多梳打食粉啦😤完全冇左豬潤既肉質冇左豬潤原味，至於個湯一般啦，正正常常，不是吹捧到好好味😕失望朋友叫左個豬手撈麵，味道正正常常失望完豬潤麵一心再期待西多士啦🤓梳乎厘西多真係第一次見，一食落口感覺好淋😓完全冇左傳統西多士外脆內軟口感，我本人就不太接受梳乎厘西多，始終出面又淋入面更淋再加埋糖漿仲淋🫣外表是吸引，但食落真的麻麻總括來講價錢好貴茶餐廳三樣野都差唔多二百元，性價比太低👎🏽不會再幫襯

深水埗文青區一帶除咗有好多Cafe之外，仲有一間馳名深水埗，很多明星都曾來過幫襯的漢發麵家🍜，漢發麵家最出名的當然是豬膶麵，當天來到，門口已是長長的人龍了，等了大概20分鐘左右才能進去，點了豬膶麵和他們亦很出名的西多士再配一杯紅豆冰。他的豬潤十分肥厚，有淡淡的酒香，另外最令我的驚喜是他的西多士，店員說西多士是不可以後加的食物，因為製作時間需要大約20分鐘，他的西多士之所以那麼受歡迎，因為他很像日本的如此鬆軟，完美媲美日本的空氣疏乎厘般。

食物一般無咩特別，安排入坐混亂，等三個人枱，個待應出黎叫 no. 話執緊台比我，轉個頭就叫左2位加1位入左去，2位個 number 前過我，一位個 number 後過我，咁算啦，之後佢又叫左5位入去，個 number 後過我，嬲到我，同佢講點解唔叫3+2入去，要比5位遲黎先入，個女人好似失憶咁完全唔記得話執緊台比我，之後叫又碗潤牛面，原來只係梳打牛梳打豬潤加出前一丁湯底，完全唔對路，難食到，同維記完全兩回事，雖然已經 blacklist 左維記，食完仲要係咁過黎收野趕客，埋單個收銀仲黑面，唔會再幫襯佢

想試好耐，但佢早收舖，難得附近做野先有機會試。名物西多，無餐，加杯凍檸茶，$60，係比較貴。賣相靚，金黃色，漲卜卜咁，真係唔捨得切落去。好期待，但期待換黎失望，真心，佢係好鬆軟好鬆軟，但佢完全無蛋味，佢應該係多蛋白打到起晒泡嗰隻做法，食多兩啖，好啖口，中間花生醬亦完全無味，加埋糖漿，好似食緊啲單一好甜嘅海綿，佢連快餐店大xx嗰啲都比唔上。真係唔好食，我最後食淨1/3，西多咁易ko嘅我都食唔落，唔好食嘅就算對唔住係浪費我都唔想對唔住我嘅胃。

早上獨自到深水埗行下，經過大南街，想起未試過這間漢發麵家。於是排隊試下，其實這家麵家仍在大排檔時，我都試過，不過入咗舖後就未，今日終於有機會試下味！早上11:00都很多人，等了15分鐘。叫了一杯奶茶，一碗豬膶牛肉麵。奶茶很好味夠茶味，茶餐廳來說是中上啦！期待的膶牛麵來到了，豬膶好大片，亦有很多片，有很重的酒香，新鮮冇異味，不過太大片反而有根，牛肉沒有太多梳打粉味道唔錯！但豬膶有少許失望，不過下次再試下其他食物啦！

呢間漢發麵家有好多明星食過，佢坐落係有大量文青cafe既大南街中，感覺好似格格不入，但係次次經過總係會見到好多捧場客，出面好多人等緊位。最多人推薦既一定係佢既豬潤麵，另外西多士都好多人話好食～今次就試曬兩樣最出名既野食😋1⃣️豬潤米粉（$46）  呢度既明星產品🤩豬潤每一塊都好厚身，厚得黎一啲都唔會鞋口，食落係爽口唔腥，好正～唔怪之得咁多人推薦。  2⃣️豬扒出前一丁（$48）呢個係我預料以外既好食😳豬扒好厚肉，而且好大塊！食落啖啖肉既感覺好正～肉質一啲都唔韌唔乾，都真係幾高質！除左豬潤麵之外都可以黎試下呢度既豬扒。  3⃣️法蘭西多士（配煉奶）（$40） 個樣好特別，同平時食開既西多士唔同，佢係圓圓地既，而且好高食落好鬆軟，蛋香味都足夠🤤佢面頭有一大塊溶緊既牛油加埋煉奶，入面夾層係花生醬，完全係超級邪惡既組合，但係又真係好吸引😍黎到一定要食埋呢個西多！

本身對於豬潤唔算好鍾意。但朋友介紹呢間非常出名好味，於是就跟佢黎食。早餐時段都幾多人，要等十分鐘左右，睇嚟好多人都慕名而來，坐低後個個都叫豬潤出前一到，當然我都唔執輸，叫埋一份😋。一於試試呢到既豬潤有幾吸引。黎到賣相豬潤都幾大件而且好厚，一咬落去！就明白到點解咁出名咁多人黎食！口感超好 硬度適中而且唔算好粉質！令人急不及待食完再食下一啖！😛😛😛有驚喜！而因為飲品係另外散叫，價位廿零蚊杯凍檸茶，正常無特別。總括而言，係要慕名而來一試！

深水埗漢發由鐵皮屋大排檔做到入舖，由1973經營到依家接近50年，每每去食都要排隊，好多名人藝人就係為左一碗豬膶面揸車去品嚐。同是以豬膶米出色的維記，個人應為漢發的豬膶絕對是 YYDS🏅。🐷豬潤厚切，冇渣彈牙又脆口。另外，識食一定食米粉🍜，湯頭勁重薑味及黃酒香，如果選擇公仔，就會俾佢嘅味精遮蓋左。🐟招牌炸鯪魚球及招牌炸豬扒，鯪魚球炸到金黄色，圓碌碌，脹卜卜，無論味道及口感都好出色，非常彈牙，鯪魚味十足更無腥味，仲有碟蜆介作醬油點一下更令味道昇華更加了點鹹香味。🐷炸豬排厚切，大大塊，厚厚啖啖肉，不得不讚漢發既炸物，對比其他香港地道茶餐廳，絕對無油益味（食物用萬年油炸出來的萬年油味），可以食到食物本質嘅味道。除咗豬膶丶鯪魚球及炸豬扒之外，炸雲吞🥟及西多士🥞都係佢地招牌菜，下次一定要試一試。

大約兩三年前我應該星期日嚟過，當然失望而回啦原來佢哋星期日係休息嘅，這個星期六我就真係特登嚟試下佢哋嘅豬潤麵，嚟到門口好多人，竟然發覺有一個排隊機，咁就攞個籌啦，13:52pm，前面有廿個number播，呢個區而家變咗係文青區域，但亦有很多舊派的鋪頭，左行右行，原來都行咗30分鐘以上，返到嚟的時候剛剛好仲有一個number就到，我都好彩嗱，14:29落單時間，你話我等咗幾耐，我係第一次嚟，嗌咗個豬潤出前一丁，一杯熱奶茶，好彩這碗豬潤麵亦真系值得等一等，其他人食評所講的形容詞都好啱，所以我都不需要重複啦，不過奶茶就一般水準播，不過大家放心絕對合格嘅，那個招牌西多士或者我有機會將來試一試。

大大話話成十年冇嚟過漢發，今日在深水埗工作，突然好掛住佢哋嘅豬潤，於是專程過嚟⋯⋯嘩！太耐冇嚟，原來成條大南街唔同晒，仍然有花邊、布製品店，但夾雜了一間間小小的咖啡店，多了一份年輕感覺⋯⋯漢發明顯地更新了不少地方。先來The GULU 按飛仔入座，幸好一支公，揾食易有位，很快就可以入座。大概中午時間，店內已有很多食客入座。鐵閘裝飾、壁畫創作，更新後多新鮮元素。看著餐牌，多了很多項目，由於一支公，都係專一啲，點了豬潤米便算。筆者打算單點只是吃碗粉，店員也細心地附上熱水一杯，這些細節位，一讚。豬潤米粉$46~多年前由廿幾蚊一碗鐘情於漢發，到現在四十六元一碗，除了價錢增加了，也看到他們更有時代感。一讚。厚厚的豬潤質感，陣陣的薑絲香味，這份味道就是這店的魅力。整體來說豬膶仍保持水準，永遠有其吸引力，多年來這位”豬潤硬漢”沒有變，由於大南街改了不少，他更加了一份柔情，成為文青街中的一個硬漢。