漢發麵家 (大南街)

營業中

休息中

本身對於豬潤唔算好鍾意。但朋友介紹呢間非常出名好味，於是就跟佢黎食。早餐時段都幾多人，要等十分鐘左右，睇嚟好多人都慕名而來，坐低後個個都叫豬潤出前一到，當然我都唔執輸，叫埋一份😋。一於試試呢到既豬潤有幾吸引。黎到賣相豬潤都幾大件而且好厚，一咬落去！就明白到點解咁出名咁多人黎食！口感超好 硬度適中而且唔算好粉質！令人急不及待食完再食下一啖！😛😛😛有驚喜！而因為飲品係另外散叫，價位廿零蚊杯凍檸茶，正常無特別。總括而言，係要慕名而來一試！

深水埗漢發由鐵皮屋大排檔做到入舖，由1973經營到依家接近50年，每每去食都要排隊，好多名人藝人就係為左一碗豬膶面揸車去品嚐。同是以豬膶米出色的維記，個人應為漢發的豬膶絕對是 YYDS🏅。🐷豬潤厚切，冇渣彈牙又脆口。另外，識食一定食米粉🍜，湯頭勁重薑味及黃酒香，如果選擇公仔，就會俾佢嘅味精遮蓋左。🐟招牌炸鯪魚球及招牌炸豬扒，鯪魚球炸到金黄色，圓碌碌，脹卜卜，無論味道及口感都好出色，非常彈牙，鯪魚味十足更無腥味，仲有碟蜆介作醬油點一下更令味道昇華更加了點鹹香味。🐷炸豬排厚切，大大塊，厚厚啖啖肉，不得不讚漢發既炸物，對比其他香港地道茶餐廳，絕對無油益味（食物用萬年油炸出來的萬年油味），可以食到食物本質嘅味道。除咗豬膶丶鯪魚球及炸豬扒之外，炸雲吞🥟及西多士🥞都係佢地招牌菜，下次一定要試一試。

大約兩三年前我應該星期日嚟過，當然失望而回啦原來佢哋星期日係休息嘅，這個星期六我就真係特登嚟試下佢哋嘅豬潤麵，嚟到門口好多人，竟然發覺有一個排隊機，咁就攞個籌啦，13:52pm，前面有廿個number播，呢個區而家變咗係文青區域，但亦有很多舊派的鋪頭，左行右行，原來都行咗30分鐘以上，返到嚟的時候剛剛好仲有一個number就到，我都好彩嗱，14:29落單時間，你話我等咗幾耐，我係第一次嚟，嗌咗個豬潤出前一丁，一杯熱奶茶，好彩這碗豬潤麵亦真系值得等一等，其他人食評所講的形容詞都好啱，所以我都不需要重複啦，不過奶茶就一般水準播，不過大家放心絕對合格嘅，那個招牌西多士或者我有機會將來試一試。

大大話話成十年冇嚟過漢發，今日在深水埗工作，突然好掛住佢哋嘅豬潤，於是專程過嚟⋯⋯嘩！太耐冇嚟，原來成條大南街唔同晒，仍然有花邊、布製品店，但夾雜了一間間小小的咖啡店，多了一份年輕感覺⋯⋯漢發明顯地更新了不少地方。先來The GULU 按飛仔入座，幸好一支公，揾食易有位，很快就可以入座。大概中午時間，店內已有很多食客入座。鐵閘裝飾、壁畫創作，更新後多新鮮元素。看著餐牌，多了很多項目，由於一支公，都係專一啲，點了豬潤米便算。筆者打算單點只是吃碗粉，店員也細心地附上熱水一杯，這些細節位，一讚。豬潤米粉$46~多年前由廿幾蚊一碗鐘情於漢發，到現在四十六元一碗，除了價錢增加了，也看到他們更有時代感。一讚。厚厚的豬潤質感，陣陣的薑絲香味，這份味道就是這店的魅力。整體來說豬膶仍保持水準，永遠有其吸引力，多年來這位”豬潤硬漢”沒有變，由於大南街改了不少，他更加了一份柔情，成為文青街中的一個硬漢。

➖ 豬潤豬扒麵睇圖都見到佢果四塊豬潤已經佔左個碗面差唔多一半而且每塊都好厚切食落非常爽口，雖然咁厚但佢既生熟度仍然煮到岩岩好一啲都唔嚡肉質仲好彈牙。湯底感覺好清帶小小薑味，個麵上枱夠硬身慢慢食比佢嗦下啲湯越食越好味，食到尾個麵都仲未嗦到淋哂。豬扒好大塊夠入味夠哂厚，肉質小小淋帶點彈性有咬口，味道、份量同口感三方面都好好🪧 個人認為呢間係同區最好食既豬潤麵，不過代價就係要行遠啲

呢間餐廳其實好多明星都黎食過😱，小編嗰日同朋友是撞到一個演員😌，btw小店來講個質素不錯又抵食，難怪咁多人黎朝聖✨ (唔好再話小編食得太貴，等小編po返平民餐廳🦥)：-1️⃣「豬潤出前一丁🍜($46)」(👨🏻‍🍳)超級大碗，最正係d豬潤爽脆，大塊又厚切，仲食到少少薑味，滿足🥰！~Instant noodles with pork liver: the thick-cut pork liver is the signature here, tastes really nice! 👍🏻-2️⃣「法蘭西多士🧈($40)」(👨🏻‍🍳)超好食😋！西多士入口好似棉花咁嘅口感，吸哂d蛋汁，超juicy，淡淡都係牛油、忌廉、煉奶同蛋嘅香味，重點係熱辣辣，即叫即做🔥~French toast: made to order, very fluffy, soaked with egg and cream mixture, served with condensed milk and butter👍🏻-3️⃣「鹹牛肉治🥪($26)」🆕其實係鹹牛肉炒蛋治，又係熱辣辣，而且鹹牛肉同蛋嘅比例啱啱好，鹹香鹹香，食到蛋嘅滑溜~Sa

已經好耐無嚟過漢發，今日去合舍睇完展覽就順便過隔離食個late lunch.  估唔到平日下午2:30嘅時間都要排隊，不過好彩只係等8張檯，大約10分鐘左右已經可以入座。嚟到漢發，一定係叫我至愛嘅豬潤丁。因為始終內臟高膽固醇，年紀有返咁上下都好少食呢樣野。當個麵送上檯，嘩！咁多豬潤嘅？！仲要件件都大大塊又厚切。可能因為對上一次食漢發可能已經有好幾年，只剩下些微印象漢發嘅豬潤麵係比維X好食, 所以見到呢碗麵即刻喺心裡面對漢發再暗暗加分！先試湯底，鮮甜得嚟帶上濃郁嘅薑味，完全係我杯茶，食到底時基本上我係連埋湯一切清晒。帶砂豬潤果然不負所望，有返咁上下厚度而帶來爽脆質感之餘，入面又juicy又滑，而且丁麵底淥到剛剛好唔會過淋，老實講再訪漢發, 就更加唔會再去維X！除左豬潤麵，第一次試飲紅豆咖啡。因為本身飲開齋啡走甜關係，所以特意要求少甜少奶。紅豆起沙又夠淋，咖啡夠濃又唔酸，估計佢只係靠煮紅豆嘅甜而無再額下加上糖水，居然比我想像嘅更少甜，好飲，值得推薦。如果真係要彈，唯一係如果紅豆可以再加多啲最更正喇！😜

平日嚟食終於可以食到，因為放假嘅時候經常出邊都好多人排隊🙄同埋天氣又熱真係唔會想排隊🤯平日嘅下午黎原來係唔會有人第，所以行過就即刻入去試吓先！蝦子香蔥撈麵拼牛肉🦐 🐮🍜$60上枱勁香😋同埋都算幾好食，用鮮牛，所以啲牛肉都幾嫩滑，佢上邊嗰一堆蔥，勁多😂好似啲菜咁豉油汁豬扒飯🐷🙄 $58豬扒超級大快同埋即叫即炸，熱辣辣好好味😋豬扒食落口非常之鬆軟，炸粉嘅粉漿好薄，所以豬扒食入口係脆卜卜嫁！炸雞脾🍗 $40呢隻炸雞髀超級大隻，雞皮炸到好脆，食落都好多肉汁，但係我就覺得呢個係普通啲嘅🤭推薦？🟡🟡🟡🟡⚪️野食好大份價錢唔算貴，基本上食一兜飯或者一兜面一定夠飽，如果下次食我仲想食埋個西多士，因為今次太飽所以冇叫到😆

往深水埗買雜物，路經大南街192號漢發麵店，看見廚窗貼有很多明星相到訪，尢以發哥的相片最觸目，於是入內叫了一碗豬潤麵。店員會問配何種麵，亦主動推介公仔麵。上檯時大大碗裝滿濃湯好有薑味和豬潤味，鮮甜美味，豬潤有五大塊厚切，軟稔無渣，食哂一滴不留，只售四十六元非常超值！再叫多一份西多士，從未見過如此厚身美觀漲起的西多士，為怕超標，於是取走面上的一片牛油，多士內另外藏有蛋和花生醬，咬了一口，既香且甜，不愧是最好食的西多士，只售四十元抵吃，再配上一杯十九元的奶茶，享用了一頓豐富的下午茶。食完剛剛五時，店員要求埋單，原來每天五時收工，星期日休息。

黎到出名西多士既漢發又點可以吳叫呢🤨西多士有得揀奶/糖我就揀左糖首先少有既圓形外表平時正方形就表皮同內面貼D呢個就中空有多一種感覺中間就花生醬可能我落太多糖所以有D heavy結: 麵包因為圓形有個中空感係特別既但$40就吳太值啦🥴#西多士 #漢發麵家 #香港小食#hongkong

如果你只知道食豬潤麵，深水埗只係得「維x」，咁你一定太年輕，快快去去試吓漢發麵家⋯佢哋可以話張豬潤麵，直情推上另一層次，湯底多咗一份徵微嘅燒酒香味，每塊豬潤都係1cm 厚，肉質又滑又香，配合出前一定麵底，成件事係「正呀」！另外豬手河，啖湯又係另一味道，豬手好淋，河粉又掛湯，最緊要D河粉唔會一夾就斷好好味！第一次試佢嘅炸云吞，皮薄料足，勁有驚喜，配合佢哋提供芥末醬，真係無得輸⋯另外佢哋環境雖然係深水埗，但清潔又乾淨

以往想食豬潤麵都會諗起深水埗維記，但自從有一次覺得未達水準，決心再尋訪神級豬潤麵今次，終於俾我遇到....😍😋👑『豬潤出前一丁』-$46自己係屋企都有嘗試煮過豬潤麵，但同漢發相比，實在自愧不如。起初以為咁大塊同咁厚既豬潤，應該感覺似食蕃薯，但呢個諗法實在膚淺，正因為為有一定厚度，咬落去除左爽口外，內裡仲保到滑嫩而且帶汁，絕對冇過熟既粉狀口感。❤️👍而且雖然係出前一丁，但湯頭獨特，既有薑味僻內臟騷味，亦有酒香但唔會苦澀，感覺健康補身😋👍🏻『 豬扒包（芥末）』-$42除左豬潤以外，見到唔少食客都有叫豬扒飯，但食量有限，唯有叫豬扒包一試。豬扒鬆化，包身焗得脆口，配以中間生菜及蕃茄，而且芥末醬中和了豬扒的肥膩，整體感覺新鮮清爽😍😈『 法蘭西多士』- $40網上見到這個西多士睇落鬆軟。現場一試，的確如此， 比一般西多士口感突出，但反而這個口感令人覺油膩感加重，極為邪惡。 『 蜆蚧鯪魚球』- $40這餐最為失色就是這個小食，鯪魚球雖然無幼骨但不脆口，蜆蚧汁亦無特別，所以不甚推介🙈餐廳座落大南街，人流量不算多 ，但餐廳門口排隊的食客不少。如果大家去朝聖，建議預先喺Foodgulu拎飛---------

唔係街坊，第一次去深水埗這區，文青店鋪林立，跟鴨寮街另一睇頭。過咗下午茶時段，試咗佢哋馳名嘅豬膶丁、豬手麵同埋西多士。整體上豬潤做得唔錯，新鮮肉質嫩度，厚薄恰好！湯底略帶姜和洒味，不太污濁，三人都飲晒。豬手湯麵只可以話普通，冇乜特別，略嫌豬手炆耐咗啲，味道亦非什麼特色。西多士，睇落普通，但係食時就唔錯，質地有啲似莎翁。都係叫埋炸雲吞，因為炸鯪魚球賣晒。最好嘅係芥末醬。這時段，店舖不多客，服務態度友善，整個舖頭乾淨企理。去開深水埗，會再幫襯豬潤麵！地鐵站行吓行吓，睇吓唔同類型舖頭，好易好快到！

揾食肥華成日都話，在香港做食店，生意唔好應該檢討自己出品質素，唔存怨天尤人，5月5日上午11：00左右呢個早市做完，午市未到嘅冷場時間，呢間人氣食店竟然要顧客在門口排隊，等店内員工安排入座，無他嘅因店内巳坐滿九成食客，係呢個時間而此店所在位置亦非大街大巷，竟然有此爆場情況出現一定出品有過人之處，才有此情況出現，可惜礙於食量所限，肥華和靚媽衹能柯打此店兩個主食，兩客炸物，及兩杯餐飲未能盡情品嚐其他人氣食品，例如西多士，論食物算係好食每樣都有A級評分，尤其碗出前一丁豬潤麵，靚媽試食完，竟然開聲話仲好食過維X個碗豬潤麵，呢次真係靚媽都話好，肥華估唔到

上兩個禮拜食過一次漢發，就成日都心思思想去食。今個weekend 就去望一望，睇下多唔多人使唔使要排好耐。見倒門口都聚集左一堆人，要等十零張台，最後都唔係等左好耐，七八個字倒就已經入得餐廳。今次叫左一人一碗豬膶麵/米，再加個西多同野飲。豬膶照舊好足料，夠厚夠淋又唔腥，好好味。次次食完都好想再去食多次。西多都好食，佢質感係好鬆軟，可以揀煉奶或者糖漿。西多$40件，茶餐廳黎講價錢都唔平，不過就有價有市。間舖6點就收，5:15 last order, 想去試既話就記住要留意啦。