漢年茶餐廳

營業中

休息中

中午時分，在大圍穩也吃。五知道吃乜好，就上來看看，人氣比較高的漢年餐廳。中午很多人，比較恐怖，所以就叫外賣吃。可惜叫加底的雞飯，卻比了個沒加底的雞飯。- -！就這樣被屈了6蚊。沒關係了，當跌左錢。不過試左下D鹽焗雞，真系五錯，夠滑。D飯不錯，且量多。怪不得這麼地盤工選擇在此就餐啦。如果加底的話，可能油比較多。所以不喜歡吃太油的朋友，就不用加底了。最後飯還是吃五完，太多了。以飢餓狀態的我，也吃五完。分量是比體力嘮叨比較大的人吃。價錢方面，覺得36+飲料的話，就在42左右。有D貴了。不過好肚餓的時候，再去試吧。

久仰大名，到大圍一趙......步出火車站，按著地圖尋找"芳踪"，拐一個彎，「漢年茶餐廳」五個大字就在眼前，立刻推門進去......餐廳是一貫的格局，沒有特別裝潢，白色磚牆、瓷磚地板，牆上張貼著印有「好立克」和「阿華田」的餐牌，有的還是手寫版......「一個鹽焗雞飯炒底呀！唔該！」據聞炒底才是精粹......「即係雞飯炒底啦！」哦~有"速讀"的，以後懂了......隨意坐下，到處張望，偶爾看看餐牌......「咦~有加底的 (+$6) ......唔該！頭先個雞飯我想加底呀！」如願以償......炒飯，甘香可口；鹽焗雞，滑溜入味，旁邊的沙薑醬，我踫也沒踫，皆因感覺畫蛇添足了......雞飯炒底再加底的結果是......沒所謂，反正好吃就行......同場加映，餐廳員工開飯記，一眾人柴娃娃嘻哈哈的吃飯，一片和樂......

慕名來食鹽焗雞飯炒底，真係冇黎錯。雞肉鮮甜有味，炒飯炒得很令，很有蛋香！樓面簡簡單單的一間茶餐廳，竟然有呢個水準，係呢區生存到咁耐，証明應該口碑唔差！鹽焗雞飯炒底要加８蚊，不過值得！同行友人叫左個乾炒牛河，試左幾口，有鑊氣，牛肉爽口彈牙，也不錯！今天全天都打三號風球，本來都打算不來吃住，但最後也都吃了，我地七點鐘前入去，後來知道間野收七點，老闆娘八點先叫我地走，唔通見打三號風球，收留我地一陣＠＠？心中有一份感動

第一次黎到漢年呢間野啦，之前又係見好評如潮先黎試當然試招牌菜啦，鹽焗雞飯炒底，先食d飯，炒得幾香，飯炒得岩岩好，唔會話太乾身，而雞都滑，味道十足。不過兩者加埋既油分實在太多，基本上食到一半已經差唔多係上限，份量足夠，味道可以，但未能顧及到由頭吃到落尾既感覺，結果後半碟都好似受罪咁，可惜。難得好味，希望油份方面可以改善一下啦‧‧‧單憑呢點，我應該有排都唔會再去住‧‧‧

去彼思展前緊要食飽飽先啦~4個女仔叫左3碟飯有埋碗筷o係枱面,方便share食~good~~椒鹽豬扒飯個名咁普通,估唔到咁好味~豬扒好入味~一d都唔韌鹽焗雞飯(碟)炒底 好味~d雞好嫩滑~記住要加炒飯底味菜班腩飯一般貨仔啦,可能係味道唔討好~叫左兩杯凍利賓納~ 以為自己叫左兩杯糖水 ,, 大家都係叫其他飲品把啦4個女仔,3碟飯, 我地都食唔哂.. 其實2個人share1碟飯都ok~環境就一般茶記格局, 我地去果陣差唔多全店客人都係"佬" ,唔怪得d飯咁大碟!! 我地重好似有d格格不入添~哈值得一試~睇番d相都覺得好肚餓啊~

係香港文博物館行左3粒鐘, 脚仔痛兼有點肚餓, 本來想去食雞粥, 但點知未開檔。知道呢間鹽焗雞飯好好味, 特地前往。下午4點幾,無咩人, 點了一碗鹽焗雞飯炒底。一碗既份量大概係湯碗size, 女仔食剛好。炒底果然好食d, 第一啖飯入口好滑, 有旦汁, 好驚喜! 雞既肉質好滑~ 不會太咸, 配沙薑剛好。熱奶茶就普通啦~ 食完先叫會好d, 因為個飯炒底需時, 杯茶都凍哂lu ~

已食了幾次這兒最出名的碟鹽焗雞飯，真係好好食。眼見如此出色的餐廳,但openrice沒有太多評價,實在不公平。平時不太寫食評的我都寫寫吧。鹽焗雞飯($32)最緊要配埋炒底(另加$8),雞肉真係本身都好有味, 可不用點他們的醬汁。絶對好食過海南雞人等的雞飯。令我想找一間代替品都難。炒底很鑊氣，很香的炒飯，很少茶餐廳還有這種味道了。每次去到都好想試其他的炒粉（面），應該幾好食，因為夠鑊氣。不過最後都忍手只點鹽焗雞飯炒底。

這裡的鹽焗雞飯的確是十分美味, 不用由我多說了,除此之外, 我們還試了一客午餐的椒鹽豬扒飯,豬扒沒有被炸的很 "熱氣" 的那種脆, 但又有豬肉汁好入味, 飯更神奇, 不是純白飯而是拌了疑似 "豉油,蒜蓉和蔥蓉" , 只是吃飯都停不了口熱奶茶好味.

同阿仔去完INTERVIEW培僑, 中午去大圍試下呢間鹽焗雞炒底飯.我阿仔係雞皇最鍾意食雞, 叫左一碟鹽焗雞飯炒底比老公同阿仔食.我自己食雞比湯米.果然D雞超滑, 阿仔食到唔停得口.老公及到隔離枱的班腩飯, 個樣超正, 下次一定要試下班腩飯先得....

今天又來漢年了～剛好六點鐘來到趕得及吃午餐～（大家留意此店七點關門）叫了兩個SET～粟米班塊飯和咖喱豬扒飯～首先兩個飯都是用上上好的絲苗米加很好的廚工～每粒飯都分明有咬口～但可能會有些人覺得硬了一點吧～粟米班塊～是用上真的班塊！我也不理會是新鮮或急凍了，總之吃下去有魚味，是剛剛炸起的，炸粉厚度適中，有三大塊，也及當上半個小菜的了～粟米汁弄得很好～有很多旦絲混在汁內～絕不是那是快餐店那些伴白汁的粟米～只是略嫌少了一點汁～咖喱豬扒飯是另一種的好～咖喱汁初初吃下去不是很特別～但吃多幾啖就深深的感受到傳統香港茶記的咖喱～不是很香～不是很濃～但就是有一種香港茶記的美味～至於那兩塊豬扒～吃得出是新鮮的貨色～是剪香了再伴汁的～又一傳統茶記做法～那兩杯飲品當然是保留了很好的香港傳統味道～總而言之～兩個午餐（晚餐？）不消十五分鐘就解決了～不是什麼山珍海味，用的是大眾的材料，街坊式的裝修，絕對沒有什麼花巧～三十多元的一客午餐～吃完絕對滿足～經濟實惠～份量足夠一個大男兒飽吃一餐～只希望此餐廳能夠一直維持下去，堅持制作香港本土實而不華的美食！

餐廳係一間地道茶餐廳, 非常簡單的裝修, 有點舊, 有點髒。鹽焗雞飯: 雞嫩味鮮, 份量足;叉燒炒意 (午餐連餐飲): 鑊氣足, 份量大!!!雖然環境一般, 但食物乃新鮮即製, 有誠意; 且服務員態度友善。

住在大圍也有一段日子,但就是沒怎麼注意到這家茶餐廳就知道他的招牌上有一隻雞的圖案在旁邊...後來友人介紹我就來嘗試了它的雞飯,吃過兩三次但發現雞飯的質量有點參差...其實除了雞飯,漢年的午餐也是做得很好,32元一大碟飯(真的很大...我朋友是"食物焚化爐"也說這個飯真的“足料”)還包餐飲,我覺得比雞飯更好吃啊鹽焗雞飯＄32外表澄黃油亮,果然很吸引人眼球皮嫩肉滑,肉尚有雞香,佐以沙姜雞油調味汁,果然值得推介.不過我敢肯定的是這家的鹽焗雞不是用大鐵鍋放炒鹽焗或是上籠蒸焗等方法製作,只是把雞先以鹽醃制,然後蒸熟或放熱湯浸熟了,再沾了用雞汁和其它調味料煮滾成的稠汁罷了.(如沒猜錯)雖說如此,但32元一大碟雞飯,再加上這麼不俗的質量實在太讓人垂涎欲滴,在這我就覺得不必太計較正統製作方法的問題了.鮮茄豬扒飯＄32曾經吃過這裡的午餐椒鹽豬扒飯,覺得比旁邊的茶餐廳"金城"做的好.不過進去了才發現改了餐牌,所以就叫了這個鮮茄豬扒飯.番茄汁清甜鮮美,好歹不是用罐頭番茄汁,令人欣慰豬扒的話還是一貫要贊好,鬆軟且味香濃郁,(而且還給了我超過5塊以上!!!),和滿滿一碟絲苗白飯.再加上一杯熱奶茶,真的是經濟實惠

今天中午突然想起這裏，擇日不如撞日，一個人就來了。是人氣小店，幸好找位子也不難，一個人去搭枱就行了。初次見面，就吃很多網友點的鹽焗雞飯炒底吧。枱上已一早準備好幾套餐具，情境煞是有趣。不消五分鐘，飯便來了，效率驚人。 鹽焗雞 不肥，店方給了不少雞髀的部分，不過對我來說，最愛吃還是雞胸。雞肉好像是浸熟的（我不太懂得分辨），不過雞本身已帶了淡淡的沙薑香味，做法就像大埔的「海棠」一樣，十分合我口味。當然，每一啖雞都要蘸上大量的沙薑醬，用來下飯真不錯。本來覺得鹽焗雞要配白飯才好吃，不過既然網友們都要炒底，即管試試。這裏的炒飯，蛋和蔥花都下得很多，香味很夠，可惜炒得不夠乾身，有改善空間。服務給了5分，因為幾個阿姐都很有禮，茶記少見。抵食只給3分，我覺得$38一碟飯，較一般水平貴，就像「海棠」，只售$26，而且還配餐飲呢。

到大圍做事，唔想Lunch又係飲茶，先上Openrice做下工課，見到呢間漢年淨係得笑臉，加上雞是我的至愛食物，一早鎖定是日Lunch地點。去到未夠一點，都冇咩位淨，我岩岩好揾到2個位，因為之後諗住再揾野食，所以坐低叫左一碟雞焗雞飯2份食，冇叫炒底，因為我覺得配白飯先至係最夾。有壺茶係枱面，自動波洗下碗同杯，又幾好喎，茶餐廳都有壺茶擺係枱，心諗唔知係咪要收茶錢呢?後來，發覺又冇喎。好快，碟飯上枱，雞好黃油喎，裝碗飯食先，因為我係食白飯先，但飯己經有少少鹽焗雞香味而且咸咸地喎，正。再食雞，我係連皮食的，好滑幾香帶有少少雞味，雞就肥左少少。飯份量唔多，細食就夠，大食可能唔太飽。埋單$31。

唔駛番工..就落漢年食下野喇...細細個食到呢家..食既除左係味道，仲有種歸屬感!例牌咁叫左個鹽焗雞飯炒底!!外賣拎番家裡吃..因為堂食都好多人下*V*點都好..佢既雞真係好有雞味38蚊一碟到..佢真係落足料而佢d醬汁..姐係咩沙薑醬?都好味~點少少雞同佢d醬..再加啖飯就正喇環境預番係茶餐廳咁喇..服務都係茶餐廳咁上下~不過38蚊有d貴~所以抵食得4分。