漢和韓國料理

營業中

休息中

突然要在觀塘食韓烤，搵到這間，原來是自助餐，還是好多年前的任食模式。食物選擇錯了……除了肉外，還有熟食，多春魚，三文魚頭，一些前菜，仲有碗仔翅，豬腳薑……，生的有牛肉，豬肉，雞肉……等等等等雞亦好香牛也好味的，又夠薄，仲有牛仔骨，牛舌，雞腎還有魷魚，八爪魚，有辣同唔辣，都ok的煙肉切到十分薄身仲有韓式薄餅，粉絲，韓式海鮮煲……有甜品，椰汁糕，桂花糕等，雪糕係牛奶公司，呢個價錢這麼多選擇其實已經好好了！！

Happy Friday!又係同老公出去覓食嘅好時機，今日下午同我媽媽加埋妹妹去觀塘睇開倉，行完都差不多夠鐘食晚飯，本身仲諗梗係APM可以食咩好，但諗諗下又怕happy friday 下APM會勁多人，應該好難搵位，我媽媽又慣左早訓，於是就試下去好耐冇食過嘅漢和。自從正宗嘅韓燒係香港流行之後，香港人人就少左去幫襯港式嘅韓燒，久違了的感覺，今日終於可以再試。好記得我細細個爸爸好鍾意一放假就帶我去食韓燒，一黎近屋企二黎夠多野，可以話係平價嘅buffet ,仲要係香口野，食港式韓燒最開心係有得自助形式選擇食物，仲要唔止係燒烤嘅食物，連熟食，魚生，湯類，甜品，生果都有，根本就係自助餐吧。先講返呢間漢和，地方夠哂大，仲有3間VIP房。接待員夠細心、眼見我有一個bb就安排左入VIP房坐女，bb唔會嘈到人又唔會比人嘈到，只係拎食物要行遠少少，但咁又有咩所謂？當做下運動。呢度有三文魚刺身同3款壽司，三文魚都夠肥美，而且refill得算快，壽司就係最常見嘅捲物同三文魚壽司，咁話哂三文魚係魚生中較平，呢點大家都明，170一個人仲想點？熟食方面真係多，有薯條、炒粉絲，炒菜，炒飯，多春魚，泡菜煎餅，仲有令人意

今日公司fun day，完左過來食午餐自助韓燒，雖然訂左位，1點半到都要係門口等枱，等左15分鐘先可以入。好肚餓，一入到去即刻拿熟食，壽司食，壽司得兩款，仲要係青瓜紅蘿蔔，無選擇及不吸引，其他熟食都是凍的，在繁忙時間食物都不能提供和暖，有些失色。至於韓燒食物都有十幾款，基本大衆化的食物，雞翼有4款，有豬腸食，魷魚有2款，食物都好食，因為濃味。食物都新鮮。仲有豆腐花，沙律，生果食。款式一般多選擇。整體不錯。

本來約左朋友去7樓打邊爐，點知無開，所以誤打誤撞去左哩間韓燒 一入到去，好大，好乾淨，仲安排左我地坐窗口卡位，望住出面個夜景確實爽第一次去當然出去視察吓環境先啦～真係美食多蘿蘿，多到無可能個樣都可以食到，但係我選擇既食物都好好味。尤其係個泡菜湯。。。我飲左4碗仲可以坐好耐唔趕我地走，超級大滿足！食後心情立立亂，明明後天又約左朋友去大角咀打邊爐，但我已同朋友推介哩間野，所以後天又來吃啦～ yeah

朋友帶我去食第一次，老公一聽到任食就已經話一定唔好，終於一個月內去咗三次。第一次去到見到環境好整潔，生熟食物擺放地方分隔兩邊，種類繁多，仲有年糕碗仔翅。生肉有好多唔同款式，牛仔骨、牛肉、雞翼、豬肉、雞扒係基本嘢，少見嘅有豬大腸、紅腸、火腿，醃味唔太咸，啲肉唔會醃到好霉，食完唔覺好口喝，最鍾意佢有南瓜、茄子等蔬菜。熟食嘅炒蜆、人參雞湯、韓式泡菜湯都好味，中式甜點如煎堆仔反沙竽都可以，仲有沙律、豆腐花、牛奶布丁等。飲品亦唔差，啤酒汽水任飲。仲要一讃係服務，雖然星期五六有限時，但唔會好趕要你走，叫換燒板亦好快做到，真係有驚喜！

下午悠遊閒同個囡橕枱腳食午餐，上咗呢喥吃個任食韓燒😋價錢唔貴，每位$128，另加一服務費。款式種類繁多，飲品任飲，性價比高👍🏻可能人流多，所以食物新鮮，通常食韓燒都會勁口喝，但係食完都無呢種感覺，証明唔重味精👍🏻人蔘雞湯夠晒味，仲有甜品食，滿足矣！！😍牛肉入口𣺉身羊肉較為蘇咗啲有簡單壽司中式糕點都有炸物已凍蔬菜種類都算多熱盤較為遜色仲有啤酒免費提供，忘記咗影人蔘雞湯味道濃郁，見得到落足料甜品雖然唔係高質素牌子，但係咁嘅價錢都覺得底咗我最愛嘅牛油菜都有

已預早致電是否有泊車優惠，當時男職員表示用餐可享2小時免費泊車。在埋單時才告知要消費滿600元才有2小時泊車，2個人怎可能600以上埋單？如果一早講清楚無泊車優惠即情唔會選擇，職員有誤導之嫌。泊車錢事少，真係好激氣。

今日同班同學Lunch去左食任食韓燒呢度所有野都係自己拎，有肉、有熟食、有甜品，種類都幾多。肉嘅種類繁多，有牛肉、西冷、雞肉、羊肉等等熟食方面有韓式粉絲、薯條、煎堆、煎年糕應有盡有食物味道唔錯，D肉都好鮮美$130一位食到好飽好飽第日有機會再黎

是日與家人用膳，致電查詢營業時間，接電話職員聲稱營業至零晨1200時，晚上1045時截客。與家人到達，時間為晚上10時20分，向職員表示人數，但職員回覆店内已開始清理，並已經截客，真是憤怒:slike:。既是這時間停業，為何各種廣告，單張或宣傳顯示營業至晚上1200huffy:

今個禮拜番4日工ja !!!!!中午 同班同事去食飯,有同事提議食韓仔野,就去左公司附近果間 “漢和韓國料理”一去到聞到好香燒肉既味道,又見到好多人夾緊自助熟食,我地幾個女仔就不停掙扎,究竟食韓燒好定叫set lunch好,韓燒呢就大約$13x一位 ,而set lunch就$6x一個左右,但無奈時間真係有限… 得一粒鐘lunch… 最終唯有放棄韓燒 …我地8人個人叫左7個set,都好夠食 !每人都有跟碟小小既醒胃泡菜,我地大家share叫左:韓式牛肉炒年糕 – 年糕煙煙un un , 牛肉好多, 油多d, 但好夠味, 好食 !牛骨粉絲湯 – 個湯有種香味 , 至於係真牛骨淆出黎定味精湯, 唔好意思.. 我唔識分野菜泡菜豬肉烏冬 – 小小辣 , 味道可以 , 可惜烏冬太林 , 改善一下更好野菜湯年糕 – 如果我自己一個食唔會點, 明舍多數淡既 … 而事實上堅淡…韓式牛仔骨飯x2 -- 牛仔骨醃既汁係甜甜地 , 好好味 , 應該係平時韓燒肉既醃料味道韓式牛肉飯 – 牛肉比較少 , 好快就只係淨番d白飯最後想講,呢度地方都幾大, lunch繁忙時間可以容納好多人,可惜有d嘈吵, 至於抽氣方面

漢和韓國料理 💲178 （+10% serving charge）約左朋友gathering原本諗住食cafe，行過見到亞太中心有咁多放題店，忽然萌生起要食放題既念頭。左揀右揀，揀左呢間韓燒。（k對於韓食係無乜抵抗力）。 佢既燒烤料款式唔算多，但味道醃得唔錯，有時最驚佢醃得過咸或者味精落得太多，搞到要狂飲飲品解渴。熟食款式反而較多，除左一般韓食，例如泡菜、炒粉絲、人參雞湯等。甜品亦吸引，有反沙芋、糯米糍、南瓜餅、桂花糕等等，食完之後整返杯雪糕🍦做完美作結。

很久沒吃過韓燒，忽發雅慶，相約住觀塘嘅朋友一起到OPC呢間漢和試一試七時多到達，大概等了十分鐘就被安排座位，二人檯大部份是卡位，很舒適，坐低第一件事攞飲品，這裡飲品是任飲，選擇都頗多之後當然正式開爐燒烤，朋友出外邊夾肉時發覺，有三文魚刺身供應，而且外觀不錯，當然唔會客氣果然有水準，肥美而無腥味，簡直意外驚喜！竹一肉類選擇頗多，大部份都很有水準，推介係牛肉，雞翼，魷魚鬚甜品有豆腐花，啫喱糖都幾好食沙律配芝麻汁，好醒胃有幾種雪糕，但要自己用力挖，辛苦又不夠衛生，還是杯裝好點總括黎講，整體食物質素不錯，選擇又夠晒多，不失為觀塘區不錯選擇

今日表弟生日，他至愛韓燒，就請他在他家附近吃個lunch當慶祝吧！這裏是他帶我來的，人仔细细吃盡美食，他帶得我來一定不失禮。地方大，食物種類多任食，可惜沒有我至愛的牛仔骨，罐装汽水任飲，可以啊！128大人加一108小童加一星期日都合理既

每日番工都要諗食咩 諗唔到去亞太中心一定間到你想食既野今日午餐好興奮 因為同同事一齊去左漢和食午餐任食韓燒去到有位入去坐企 即刻開爐力野食就可以燒食物一早醃好曬 唔洗點醬汁都已經有味而且一早已經解凍 所以放落去烤一陣好快就有得食食物口感同味道都足夠 特別推介燒牛舌以前漢和只係得豆漿同酸梅湯任飲 但今次去發現有其他飲品 真係好驚喜多左飲品選擇 真係一件唔錯既事

觀塘工對區呢家食飯由$45 至 $120左右，講緊 $45係茶餐廳啲麵餐(鴻圖道，第二街可能好啲)。呢度係位於OPC既9樓，佢除左韓燒外，都有好多韓式飯麵選擇。我選左最喜愛的泡菜湯粉絲。佢係係用熱窩上，保証滾熱辣！開心有咁多泡菜！佢咁會得粉絲同泡菜咁dry,仲會有幾片肉釣下味。味道偏咸，唔係好辣， 豆腐屬滑的，粉絲煙韌。豆腐粉絲煲包前菜都係五十蚊左右, 味道尚算中上，觀塘工業區算抵，同埋重點係：唔洗食cafe！