漢和韓國料理

營業中

休息中

觀塘區以往都係得一間老牌韓燒店，質素麻麻，難得今次開左間新野，就立刻打去訂位，去到好多人等緊位，我地就等5分中就入得個場好大，生熟食物都多，放得都算整齊而且乾淨， 普遍野食都入味，推介西冷肉同埋雞脾肉，肉味濃而且嫩滑熟食都有好多選擇，炸薯條，炸三文魚，炒粉絲，春卷，餃子，各式泡菜，沙律等等 仲有碗仔翅同人蔘雞湯最正就係三文魚刺身同壽司源源不絕供應當然唔少得仲有甜品同埋雪糕，除啫喱糖外，其他都唔錯。總括黎講 咁既價錢絕對抵食，不過限時個半中，而且現場極嘈，絕對唔岩想一路食一路傾既朋友

由於無食早餐，喺樓下見到一個價錢任食就諗都無諗就入左去。因為周末既關係，lunch time 要加$10到$108，不過見佢offer既食物種類都好多就算啦！基本上都係D大路野，生肉、熟食，壽司同酸梅湯、豆漿等等任食任飲唔在講，重有雪糕同埋生果任食添！正如其他人所講，韓燒既肉醃左之後真係好難會唔好食呢！而熟食方面既offer亦都非常之多，有炸野、韓式炒粉絲、炒菜、碗仔翅之類，雖然質素方面都係預左只係一般貨式，但絕對收貨。而亞姐既服務亦都好有heart，食到一半叫佢換塊板都冇求其hea你，抵讚！Overall整體感覺比想像中為好，而坐位亦都叫做舒適，雖然差唔多全場爆滿，但野食都refill得好密，絕對值得再encore！

好耐無食韓燒，就約左朋友一行4人去食漢和，貪佢有三文魚刺生食。為左平D, 食宵夜時段9點半, 之前打左去BOOK 位, 但其實唔駛, 無人等, 一入去就有位。入去即食三文魚，完全唔駛爭, 大量供應, 源源不絕味道就一般，不算是很新鮮，但絕對合格! 同其他平價放題有得比燒肉都好多選擇，牛肉，豬肉都有唔同味道，其實燒D肉好難會唔好食，全部都OK!其實我鐘意食D熟食同甜品，包括薯條，啫喱，豆腐花，雪糕等。啫喱糖好夠硬，味道夠。豆腐花好滑。當燒到塊板燶晒時，要求換板亦好快手換左，唔駛等。總括來講好滿意呢一餐。

觀塘之友月度午餐聚，選擇左新新地的ONE PACIFIC CENTRE 9樓的漢和，好在朋友一早去攞位，中午12時45分已爆場！中午有放題韓式燒烤食，見隔離檯係咁喪食好似好滋味，不過就唔啱趕頭趕命嘅我地。我叫左個牛骨湯飯$48，加$5有野飲，無問清楚以為有即磨咖啡，結果係咖啡粉開的三合一，失望！ 牛骨湯飯就沒有叫我失望啦 ，好大份，好多牛骨，仲加左好多白蘿蔔，吸收左牛骨湯的精華，好好味！個湯好濃厚，跟一大碗白飯 ，我大食妹都食唔晒！朋友叫左個牛骨湯年糕 $52，跟我那個又湯又飯的相比，佢大叫搵笨，因為個湯裡面只有幾塊年糕，完全唔夠喉！同是牛骨湯底，估唔到可以相差咁遠！仲要貴左$4 ！ 總括來說，選擇夠多，唯獨欠缺韓食好受歡迎的"辣湯豆腐" / "海鮮麵豉豆腐湯" 等等非常好送飯的set ！希望下次來可以增加啦！