漢和韓國料理

營業中

休息中

員工態度很差，敷衍客人，看客人是青少年便隨便應付，態度差評 員工沙雕 沒禮貌 ！我覺得我下次不想來了 問題是還要加一服務費 我覺得這個加一only for洗碗的阿姨 員工家算了吧 他啥服務都沒有 並沒有讓我感受到任何一絲的服務 連基本的態度都沒有

放假到觀塘約久違的老同學V吃午飯，她建議去漢和。老同學的工作需要輪更，用膳時間也較有彈性。下午2時多一點點到達漢和，不用等位就安排了中間位置的2人枱。始終午餐時間只有1個小時，V也不希望衣服上留有燒烤的味道，所以我們沒有選擇燒肉，只是在午市套餐上揀了煎牛仔骨烏冬和牛肉石頭鍋飯。本牛點的烏冬先到，配餐有2碟泡菜，菠菜爽脆香甜，很好吃，另一款紹菜的辣味比較嗆，辣妹V很喜歡呢! 烏冬用鐵釜盛著，熱騰騰的，份量不少。配2件牛仔骨，牛仔骨味道不錯，也不韌，只是煎得不夠火候，和煮的差不多，而且只有2件，有點份量少。V的牛肉石頭鍋飯是配2碟泡菜和一碗湯，飯的配料不少，有菠菜、芽菜、紅蘿蔔和翠玉瓜，牛肉不是很多，但配了一隻半熟蛋，加上醬汁一撈，香味四溢呢 ! 而且還有V最愛的飯焦 ! 套餐可以另外加錢配飲品和甜品，而甜甜的熱紅棗蜜糖茶和雪糕正好為這頓午餐畫上一個句號。

香港韓國燒烤好多間，但漢和一直係比較喜歡，前兩日同朋友去觀塘食，裝修比較新同少人，真係抵讚，無限量供應既三文魚刺身冇得輸，係9點唔到就話豆腐花唔再有，搞到食唔到係美中不足

與同事下午來食牛肉石頭鍋飯👍🏻真係好滿意，原本心大心細揀唔揀韓國炒年糕，但又怕濟，然後冇揀錯食呢個石頭鍋！味道濃郁，仲送埋湯，泡菜！最緊要係lunch time唔洗等位！得一個鐘食盡去！

上班時間午餐只得一小時， 那有時間慢慢吃呢， 不可能韓吧, 時間根本不夠， 叫套餐快靚正吧！這裡的中午套餐 由$4x-$7x， 價錢相宜，份量多， 套餐跟一碗湯及2小碟泡菜， 一般如果四個女仔生去吃， 叫三個套餐都份量也足夠。朝式炒粉絲 粉絲一條條少得好分明，不會黏住， 夠鑊氣！不過粉入面嘅肉絲少了點!牛肉石頭窩飯 窩底有脆卜卜嘅飯焦，十分甘香， 牛肉和配菜份量可以, 加入甜辣醬和生雞蛋混在一起吃， 天氣冷了吃呢個不錯，暖暖的呢！

#LuBie觀塘係觀塘諗唔到食咩好 但求食餐飽 最緊要任食 唔太需要質素，同朋友食飯 兩個都係食肉獸 又諗起好耐無食過漢和 咁就二話不說就上左黎呢間漢和啦。🔽呢間漢和既間格個人覺得就幾唔錯 走廊幾有空間 枱與枱之間都唔會好窄 卡位幾多 個食物bar幾企理 食物分類都分得不錯。🔽食物種類都算多 除左用黎燒既肉類 菇同菜之外，仲有三文魚刺身同壽司 、熟食 沙律 湯類 糖水甜品 同埋飲品任飲。呢個價位任食就唔可以追求太多，呢度既未餣肉類都係雪到硬晒 未溶晒雪既 所以要早少少拎 等佢無咁硬，肉既質素正正常常啦 無特別。佢地啲熱食同甜品都可以既，特別覺得唔錯既有豬腳薑同涼粉。📍漢和韓國料理📍觀塘觀塘道414號亞太中心9字樓

漢和是一間營運了很長時間的韓式燒烤，以前跟上學的時候亦經常幫襯。今天跟朋友一起回味這間韓式燒烤。觀塘這間位於APM旁，鄰近地鐵站。由於週日關係，需要等候入座。環境方面，沒有了以往很濃烈的韓國燒烤味道。食物方面，比以往有更多的選擇。除了燒烤的生肉外，還有不同熟食。飲品亦有多種選擇。生肉除了基本的豬牛羊外，還有少量海鮮。亦有韓國出名的人參雞湯。最驚喜的是有朱古力火鎬，算是冬天的一點感覺。整體上，跟以往感覺差不多，在200左右的價錢下，性價比是值得一試。

朋友相約觀塘逛街，曬完太陽落觀塘真係十分方便，小巴過去只需要短短二十分鐘路程。朋友今次一早訂位，任飲任食，決定食餐好嘅，七點半到達。如時準時入座，任飲任食90分鐘，食物方面有數十款任君選擇，但我最欣賞的竟然發現有特價時段和happy hours，價錢性價比更高，如果一早知道應該會喺嗰啲時段黎。食物方面，我最喜愛的是牛脷和牛仔骨，一來在街外購買價格比較高昂，而來是味道超水準。但可惜的是韓燒時會黐底的，所以控制火候是重要一環，而我不是一個專業的廚師，幸好店員願意跟我們更換鐵板，才能不用把致癌物，每次也吃進肚。下次再嚟食過，味道雖然唔係最好，但係有咁嘅服務，真係值得一讚。

觀塘區似乎較少韓式餐廳或烤肉店。這家位於觀塘亞太中心的是傳統自助燒烤店，與現在新穎時興有煙卥的韓烤店不同。這家是自助式取食物的，餐廳內有生肉區、前菜區、熟食區、甜品水果區及飲品區。各式各樣的生肉類任取任吃，豬、牛、雞、羊、魚、魷魚、芝士腸等，選擇種類繁多。當中牛舌非常好吃，推介 餐廳內亦有不同種類的前菜、啫哩、各式甜點及牛奶公司的杯裝雪糕任取任吃，選擇種類亦充足，連腳豬薑都有，必定讓食客吃個夠。總括來說，這是一家價廉物美的韓式餐廳，三五之幾聚會來說是不錯的選擇。

依間韓燒除左有好多款肉同海鮮可以選擇之外，亦都有唔同熟食可以選擇。所以性價比幾高。生肉方面：店入面有唔同既肉類提供，個人最推薦係燒羊肉同牛小排。兩款肉類味道都非常香濃。熟食方面：熟食就推薦豬手，依間鋪既豬手非常高質素，除左味道香濃，豬手咬落亦非常爽口。入黎唔食燒肉，整係食豬手都值得!環境：抽氣系統非常好，食完唔會有油煙味。服務：店員服務非常好，例如店員會主動問需唔需要換鐵板。整體：十分推薦依間餐廳。食物質素高，而且種類多。

番工放lunch只得一粒鐘，邊有時間慢慢嘆吖，入到漢和唔通仲玩韓燒咩，叫set當然先快靚正啦！呢度d lunch set 由$4x-$7x，價錢ok嘅，份量都唔少，個set跟碗湯同泡菜，一般如果四個女仔去，叫三個set share都會夠食。朝式炒粉絲粉絲一條條好分明，唔會一餅野，夠鑊氣！不過粉入面嘅肉絲就少左d,可能咁啱＂不＂唔到俾我啦！牛肉石頭窩飯底有脆卜卜嘅飯焦，幾甘香，牛肉同配菜份量都ok,放d甜辣醬同隻生蛋mix曬一齊食，天氣涼左食呢個好正，熱辣辣！

這店已經是我每星期必到的飯堂。牛仔骨系列更是我每次的首選，牛仔骨年糕，湯麵。多汁又不會有雪味，而且不會太多肥油。不過近幾次來吃完，全日个身都充滿濃郁嘅燒烤味。希望店舖可以多改善抽氣系統。

今日國慶，特別節目係政府放烟花，我們便放小火點，韓國燒烤透過侍應生告知，每1.5小時為一節，食客可於指定時間離座，收費上便擁有10%折扣優惠，大家不妨考慮一下了，當然我們趕不及呢!何解？？因為實在太多熟食，甜品，燒烤食物，甚至飲品，選擇種類繁多，令人即時產生選擇困難症燒烤類當中，雞翼都有三種不同醃料，豬類牛類也有不同部位，其他有八爪魚，腸類，甚至冬菇，矮瓜等蔬菜類也有份兒。至於甜品，紅豆沙，泰國糕點，啫喱，豆腐花等。生果中，有西瓜，菠蘿等。熱食有，人参雞湯，碗仔翅，豬腳薑，多春魚，煎薄罉，炒飯，多不勝數~各色各樣，美味可口，食到手指公大動

今日2人大約11:45去食中午自助韓燒，可能還早，一入到去人不多，還比左個窗口位我地。好耐無黎過d間燒啦！d野食都幾多，一去到飲左人參雞湯，普普通通飲左二口。豬腳彊不錯👍，然後d冷菜麻麻地！（可惜夜晚先有牛仔骨）但佢西冷牛扒同雞肉都好好食，而豬扒就麻麻地好硬好乾，最重要佢有蒜頭，蒜頭配肉真係一流。最後食左豆花和雪糕，豆腐花太好吃啦整體黎講星期一至五午餐自助餐係無限時食到3:30很好，但我食唔到咁耐，2:00就埋單了。d服務員叫也會很快來換煎爐，收野很快。2個人食左260元很便宜一定會再來食，下次食晚餐先。(d度好過將軍澳popcorn個間韓燒多多倍，起碼服務員有禮貌唔會趕你走，食物又多又乾淨，價錢合理！)

漢和可以話係我由細去到大食韓燒嘅地方，細個經常嚟，而家食肆選擇多，嚟少咗，但久唔久都會嚟幫襯，因為價錢平，二百蚊左右仲有三文魚任食，不限時，慢慢燒。我哋係五點半開始燒，早段人少，到大概七點左右差唔多坐滿客人喇，燒烤類醃到好多都分唔清，熟食我覺得幾好，服務方面亦唔錯，人手足，有禮，收碟快，抵食。觀塘分店近窗口位嘅卡座幾寬落，坐得幾舒服。自助沙律區有菜，有水果，前菜。三文魚新鮮，不停Refill.。煎焗魚頭，魚鰭都係我鐘意嚟嘅因素之一。韓式炒粉絲同炒飯新鮮炒好嗰陣攞，仲熱辣辣，都唔錯㗎。鹹豬手唔係炆到好淋嗰種，但唔會韌，煎蛋餅外面好脆，連唔食配料嘅我都接受到唔揀返出嚟，好味呀。煎炸熟食類。有墨魚仔，魷魚，鮮魷，羊肉，大腸。雞翼醃得幾幾好。肥牛，腩肉，牛脷，魚柳。西冷，豬頸肉，雞肉，豬扒，呢啲我已經唔係分得好清楚。牛奶布甸足料好味。豆腐花好滑，豬腳薑淋啲更好。飲品。雪糕。,