漁樂場

營業中

休息中

好surprised 呢間餐廳係似賭場風格，加上霓虹燈光，環境氛圍好好個場好大但好旺場全場爆滿，每晚七點有live band 表演，會唱唔少歌仔，會比時間客人點歌同唱歌仔，亦都好識攪氣氛，令到客人情緒高漲，仲有埋瑩光棒比每個客人，好多人都有一齊fing, 氣氛好好，如同聽住個mini concert 咁食烤魚，都敢講好耐冇咁enjoy 咁放肆食一餐dinner秘製醬香烤魚（江團魚）$328揀咗唔辣，一上枱都香氣十足江團魚烤到皮好香脆，肉質厚實得黎又嫩滑又多汁仲有勁多配料，紫洋蔥芫荽，魚下面都有大量蓮藕萵荀亦都欣賞成盤魚用個熱鍋加熱住食，keep 住條魚熱辣辣好好味孜然牛肉$48有5串新鮮薄切牛肉食落仲好嫩，配埋孜然味好香好夾燒大大茄子$36勁大份既茄子，茄子質地好稔又唔會乾，面頭鋪滿爆香左嘅香蒜，夠晒惹味番薯仔仔$24有兩串，用日本番薯仔，味道香甜仲保持濕潤，細細粒易食雞腎$28大塊厚切，口感煙煙韌韌，燒到好香唔會老，個汁調校得幾好甜甜地超級水果茶$45好大既一杯，入面有好多種生果，菠蘿西瓜熱情果哈密瓜藍莓青檸等等，飲落酸甜，好適合一邊食烤魚串燒一邊飲水果茶解膩Stella$78咁好氣

漁樂場果然有娛樂！入到餐廳見到五光十色嘅霓虹燈，裝潢得十分有風味，復刻咗八九十年代香港嘅娛樂場所裝修，同時有live Band令全場氣氛high爆～駐唱歌手都唱得好聽，聽覺享受令味覺體驗都彷彿昇華咗去另一個層次！先講吓香辣烤魚煲，點咗江團魚，魚肉非常嫩滑，烤魚汁亦都夠香味，辣辣地好食到食唔到😋食到有啲口渴飲返杯angel goose 生啤，即刻gur晒～作為一個海鮮控，點咗一個胡椒炒茶葉蝦。呢道菜非常有特色，估唔到可以用茶葉咁樣去炒香大蝦，配襯住胡椒嘅香味夠晒惹味，有種新加坡嘅特色，而茶葉炒到脆卜卜都可以攞嚟當小食🤩串燒方面都好抵食，魷魚鬚五串燒得好香都只係$28，大大茄子用蒜蓉燒香 $36，逼晒茄子肉嘅鮮味出嚟，而且仲好Juicy，消滯解膩一流～整體而言，餐廳環境佈置別出心裁，食物選料上乘齒頰留香，仲有現場音樂帶動氣氛，香港真係冇乜邊幾間烤魚嘅裝修咁有心思仲有live music~最後一提杯霸氣芒果冰沙都好好飲，大大杯芒果肉夠多夠甜，當甜品都一流～推介大家嚟荃灣試吓漁樂場，保證有意外驚喜😍

今晚跟朋友放工下相聚，約好到了荃灣烤魚食店～這裏環境很大，有很多座位，而且仲有一個小小舞台。呢度除咗可以聽live Band唱歌外，還有大電視看奧運，相當不錯。看過了餐牌後，跟朋友點選了數款食物，一同分享，一同談天和聽歌。超級水果茶～相當足料入面有大量的水果，有菠蘿、西瓜、熱情果等等，水果風味十足，十分豐盛。Angel Goose啤酒～聽住歌，食住串燒烤魚，最啱飲返杯啤酒～啤酒十分易入口，女孩子都必定會愛上，朋友都大贊這杯啤酒相當出色，口味特別。惹味蒜香烤魚，烤魚可以按自己口味選取辣或不辣，今次我們點了不辣的烤魚。烤魚份量充足，大大盤以熱鍋加熱着。所以慢慢吃，也不用怕烤魚會變凍，而且烤魚啖啖肉十分惹味，蒜香味濃，很豐富吸引，而且店員還會不定時加上熱湯，所以烤魚吃起來充滿Juicy不會乾身。香炒胡椒茶葉蝦，有多隻大蝦淹沒在茶葉之中，鹹鹹香香十分惹味。大蝦彈牙爽口。茶葉香噴噴吃起來好像紫菜般的惹味。十分惹味的一道小菜。燒大茄子，茄子醃得入味帶少少微辣，相當惹味刺激，茄子腍身，用筷子夾起來變成一絲絲的茄子肉，十分容易入口。雞軟骨串燒，細細粒雞軟骨脆脆的，很好咬口。啱晒一邊睇表演一邊吃串燒。餐

荃灣人氣烤魚餐廳，十足大型K房😆.想同朋友坐低傾計食嘢，環境氣氛hyper嘅地方？呢間餐廳就啱哂喇，開到凌晨三點，晚餐宵夜直落冇難度！.餐廳內外都有多個特色打卡點，用上唔少霓虹燈裝飾，仲有精釀啤酒設備等～ 晚晚都有live band表演，唔夠喉嘅呢度仲配備VSing可以上台唱埋一份😆.烤魚揀咗江團魚 ( $328 )記得趁熱食脆卜卜嘅外皮，肉質嫩滑，被大量芫茜包圍，揀啱自己辣度連湯都可以飲埋🤤.小炒都幾抵食，好啱送酒🍻香炒胡椒茶葉蝦 ( $138 )夠彈牙，配大量茶葉炸到似紫菜，連蝦殼都脆卜卜～趣脆牛肉粒 ( $98 )用脆片裝住食，又腍又脆雙重口感！椒鹽鮑魚 ( $58 )新鮮夠爽口☺️.串燒都好多選擇，即燒調味足，用上孜然辣椒粉調味，同清爽黑啤簡直perfect match！唔飲酒嘅可以試下水果茶，大大杯好足料🧋

估唔到食烤魚都有個咁有氣氛嘅地方,佈置得好靚,樓底又高感覺好舒適仲要好食,同出面食烤魚價錢都差唔遠今晚都有唔同嘅live band唱歌,現場仲會派閃燈棒🤩🤩見到有人同屋企人,朋友慶祝生日,Live Band會唱生日歌🎤🎤皇牌藤椒烤魚🐟新鮮江團魚,啖啖肉魚肉鮮嫩,好大條🙊味道好惹味😋😋趣脆牛肉粒有驚喜👅👅牛肉粒夠味,搭配埋墊牛肉粒塊脆卜卜又索味又有豐富口感,必叫👍🏻👍🏻卷香炒胡椒茶葉蝦🦐蝦殼係軟身嗰種,蝦夠新鮮彈牙,胡椒好入味,入味得黎唔會蓋過蝦嘅鮮味😋😋差點失傳豆腐串🍡正常味道,無特別最欣賞有一個加熱嘅盤維持住溫度有菠有蘿香檸茶 🍍🍋有菠蘿碎,香檸,茶底好夠味之餘有層次,甜度適中i Maisel's Weiss Original 500ml 依款小麥啤酒,容易入口帶果香味味道似1664,果香味再重d🍻

係網上見到呢間充滿特色的餐廳，裝潢以拉斯維加斯娛樂場為設計藍本，呈現五光十色的打卡環境，場內更有live band演出，環境同氣氛都好正，中途會有職員派燈棒一齊玩，氣氛十足🤣✨惹味蒜香烤魚🐟$328我地揀左款唔辣既，魚肉食落鮮嫩，又加左好多配料，有芫荽、中芹、洋蔥、蓮藕、酸菜等等，魚煎完再烤，加上配料，更加香口，我地兩個人食曬成條魚😝✨鹽燒虎蝦🦐（3串） $45✨差點失傳的豆腐串 （2串）$24✨黑椒豬頸肉（2串）$28✨菠蘿的海🍍 $26我地都叫左幾串串燒，虎蝦、豆腐串、豬頸肉同菠蘿，虎蝦好食，爽口彈牙，菠蘿甜甜地好juicy，豆腐串好入味☺️✨超級水果茶🍉 $45✨Goose Island IPA🍺 5.9% (450ml) $98水果茶大大杯，超多水果，消暑解膩，啤酒都好清爽😋

今日朋友生日約咗喺大鴻輝度搵嘢食，最後揀咗呢間漁魚場，貪佢氣氛夠好，估唔到原來食物都有質素呢到有live band，今日唱嘅歌咁啱就有我朋友鍾意嘅周杰倫，期間都有唱生日歌，我朋友仲要以為係我幫佢安排好搞笑我哋點咗椒麻烤魚同埋4串串燒，朋友就飲啤酒我就飲過百香果水果茶。呢度嘅烤魚有兩款可以選擇,分別係黔魚同江團魚，我地就揀咗江團魚。而口味方面我哋就要咗皇牌藤椒，唔係咁食得辣嘅都可以試呢個，麻味為主，少辣，好啱我哋口味，魚好大條而且肉質好夠嫩，唔算太多細骨，外皮烤得夠香再吸埋湯汁麻辣口味，其他配料同樣惹味，份量十足，2個人食爆晒肚。串燒方面，朋友揀咗個孜然羊架，我就揀咗豚肉蒜心串同埋脆骨腩，呢度嘅串燒同大陸一樣都會有個暖紙爐熱住啲串燒，隔一陣食嘅時候就仲係暖笠笠，確實抵讚。羊架價錢唔貴而且啖啖肉食內充滿羊騷味，配埋黑啤，清爽一流！我嘅豚肉蒜心串，味道非常夾，食落有蔬菜爽口感又有豚肉嘅油脂香，比起就咁食串燒冇咁膩。蒜心味道清香，我好鐘意食；骨腩烤得夠香脆，食落有咬口，有骨又有肉，過癮滋味。

環境唔錯 幾特別幾有心思香港黎講算好特別氣氛都唔錯一直都有人唱歌包括live band同食客食物味道唔差 拍得住內地既同類型餐廳當然價錢係內地既double有多不過最大既問題係漏單坐低落左單之後好快就上晒d放入烤魚既配菜但條魚等左差唔多半個鐘都未黎見遲過我地入黎既隔離枱都上晒菜食緊好耐於是就問下d侍應原來漏左單！宜家先開始整跟住再等多大約十分鐘終於有個侍應主動走埋黎問見我地淨係得配菜係枱好耐問我地有冇order到烤魚😂最後條魚釣左45分鐘終於黎！等既中途我地太肚餓再叫左d串燒結果到埋單戈陣先醒起又有串燒漏左單冇黎勁黑仔一餐飯漏兩次單！

荃灣多野食多野買好多人都知，但係找一間有現埸音樂演唱既餐廳，都末必咁容易。但漁樂埸就能滿足你所有願望啦!招牌香辣烤魚江團$328 肉質香滑，辣度適中，愈食愈想食走地雞翼（蜂巢）$19串燒必點，雞肉炭燒味香黑椒豬頸肉（2串）$28 有咬口辣味香青椒釀蝦滑$18 清爽之選超級水果茶$45 大大杯多水果加茶香濃爆檸西西茶$42 清甜爽快鳳梨一口和牛$18 鳳梨酸味加上和牛，有助減少油脂感豚肉韮菜花卷$18 菜香加上豚肉味加分之選雞腿青椒小串$18 一口一粒，方便快捷魷魚須($28/5串)惹味 多汁多幾串都唔夠

已經第三次黎漁樂場因為佢嘅氣氛真係幾好食物質素正👍🏻👍🏻今次有朋友生日，所以book咗房入面嘅音質非常極之好👍🏻連我朋友玩開音樂都覺得音質好好Book房低消$5000

為咗慶祝朋友生日，我哋就約咗去一間好有feel嘅烤魚，呢間嘢位於荃灣大鴻輝中心，交通方便，啱晒住附近嘅我哋啦入到去好有feel，裝修真係好似遊樂場咁樣，同埋一入到去就聽到有主場歌手喺度唱緊陳奕迅嘅歌🧐我哋兩個都食辣嘅，所以就嗌咗個辣嘅江團魚，我唔驚訝佢辣椒嘅份量，但係我好驚訝揭開啲辣椒之後又大量芫荽，我哋兩個都係芫荽糖，見到當然好興奮啦不過好好辣嘅我哋就唔覺得個魚特別辣，不過要有嘅香味都齊嘅，順帶一提，佢啲芹菜都幾甜幾好食差唔多食完條魚之後我哋就嗌咗一啲嘢食落落去，有金菇、鵝腸、蝦滑同川粉不過錄完落去先記得影相，不過都好大粒㗎，我自己為咗方便淥呢就將佢哋再細分咗一半另外鵝腸嘅份量10分多，食落爽脆金菇同粉就唔使講啦，就係因為個湯底正，所以當啲金菇同川粉朔晒味之後呢就好好食啦，推薦大家嗌川粉，好食食食吓又想食串燒，於是就嗌咗幾串串燒有牛胸油，唔好睇佢細細吋，其實粒粒都好香，好有牛油味，夠晒蘇，不過我朋友就唔食太騷嘅嘢，我就自己食晒另外嗌咗青椒蝦滑，因為見本身淥落去食嘅蝦滑都幾好食，當然又係好出色，青椒微辣得來帶青椒香另外嗌咗黑椒肉，欣賞佢黑椒味重，而且10分腍另外嗌咗個花甲粉，除咗用辣椒

一出𨋢門已感受到整體裝修帶給人多重感覺.空間感極大,五光十色霓虹燈、華麗大舞台、各款復古吊燈,將客人融入熱鬧氛圍內.每晚更有駐場歌手唱歌,完美地將烤魚元素結合酒吧格局,氣氛很好但又並不喧囂🔸招牌香辣烤魚江團($328)🔸走地雞翼（$19)🔸黑椒豬頸肉($28/2串)🔸青椒釀蝦滑($18)🔸鳳梨一口和牛($18)🔸豚肉韮菜花卷($18)🔸雞腿青椒小串($18)🔸魷魚須($28/5串)【招牌香辣烤魚】選用新鮮江圍魚,超大條!!啖啖肉!!魚肉鮮嫩,搭配秘制醬料,味道香辣惹味.底層墊上特別大根的大豆芽,有別於平時,食落清甜爽脆.亦愛冬菇片入味香濃.串燒大部份九成都為辣味,串串惹味.特別喜愛用港式炭烤方法煮成的【走地雞翼】及【鳳梨一口和牛】.炭香味比較濃厚,雞翼外皮焦香;牛肉亦軟腍有肉汁.其他串燒做法偏向東北燒烤,灑上滿滿辣粉為主.🔹有菠有蘿香檸茶$42 🔹超級水果茶$45🔹爆檸西西茶$45🔹BREWDOG Black Heart$98令人驚喜的是飲品選擇又多又出色!賣相及味道都充滿心思.每杯甜度都剛好,杯杯清爽.最喜愛【爆檸西西茶】主要加入青檸及西瓜,酸甜爽口.【有菠有蘿香檸茶】加菠蘿融合檸檬

野食水準不錯，大部份食物都好好食，仲有好多唔同款嘅野食俾你揀！而我地叫咗鹽焗馬友魚，肉質鮮甜又夠滑，騰辣烤魚都好好食，串燒佢地烤得好好，唔會太乾身難入口，最好味嘅串燒我覺得係豚肉蒜芯卷串同埋青椒釀蝦滑串，而薯條同魚皮送酒一流呀！仲有其他小食及冷盤都好好味！現場環境同氣氛都好正，因為現場會有live band ，而佢地亦會不斷同客人有互動，中途會有職員派一啲燈棒俾我地一齊玩，或者玩下活動，贏咗佢地會請你飲一杯酒，令周圍氣氛都好熱鬧！因為現場有live band嘅關系唔好預環境係靜，會比較嘈啲，好似酒吧咁！

佢哋嘅氣氛真係超級勁，仲有Liveband同埋點唱，真係勁正！佢哋嘅啤酒真係好滑，飲落去好舒服，特別係夏天，一杯啤酒就可以解渴又消暑。水果茶：呢杯水果茶真係超級fresh，裡面有新鮮水果，仲有啲冰，好解渴。而且佢哋嘅presentation都好靚，影相一流。皇牌藤椒烤江團魚：呢個烤魚真係一絕，魚肉鮮嫩，烤得啱啱好，啲藤椒味道夠香夠辣，啱晒我嘅口味。仲要無骨勁大條！黑椒豬頸肉：豬頸肉烤得啱啱夠熟，仲有啲黑椒味道，真係好好味。羊肉串：羊肉串烤得啱啱好，肉質嫩滑，配上啲香料，真係好香。黃喉小串：呢個黃喉串真係好特別，肉質韌而不硬，啱啱好，仲有啲炭燒味，好好味。燒大大茄子：茄子燒得軟，啱啱好，仲有啲醬汁同蒜，正！總括而言，漁樂場啤酒屋真係好適合年輕人嚟玩，唔止食物好味，仲有Liveband同埋點唱，氣氛超強勁！如果你哋有機會，一定要嚟試下啦！🍻🎤🎶

好耐冇嚟過咁好氣氛～由環境，音樂，食物到服務都唔差的餐廳。一入到去，見到現場五光十色的燈光，配上一個大舞台，不知何解讓我有種懷舊，像回到當年耀眼璀燦的年代的感覺。除了奪目的環境，現場更有幾位歌手現場演唱，真心講，唱得唔差，聲音係令人享受，唔會令人覺得煩擾。時間尚早，所以和朋友先叫了兩杯嘢飲和一些串燒當Happy Hour串燒都幾多嘢揀，味道幾香，最正嘅係佢有個爐一路慶住食，所以傾完計，擺咗一陣都仲熱。啤酒是我最愛的偏淡口味，而果茶則非常百香果，唔會太甜食完前菜，就到呢度嘅最出名嘅烤魚試下。烤魚堆滿咗山咁高呢辣椒，但實際唔算好辣，反而非常入味，江團魚算幾滑，一路滖住都唔會「鞋」。而呢度啲侍應也很細心，會不時主動過來加湯。到開始多人，週圍幾枱都非常熱鬧，整體氣氛真係非常好，讓人有點沈醉～