漁樂場

營業中

休息中

放工想鬆一鬆？想同朋友坐低傾計食嘢飲酒？想揾環境氣氛hyper嘅地方？呢間《漁樂場》就合曬你要求，開到凌晨三點，聽住live band 飲飲食食到淩晨💖餐廳設計咗多個特色打卡點，用上唔少霓虹燈裝飾，仲有精釀啤酒桶裝飾，真係好好feel呀～ 晚晚都有live band表演，唔夠喉仲可以上台唱埋一份🤗🤗老壇酸菜魚$198酸菜魚微辣🔥入面仲有寬粉, 萵筍, 蓮藕, 花生苗作為基底👍魚嘅分量好足，全部都去骨厚切，啖啖肉真係好爽😍燒大大茄子$38茄子size十分大，而且好厚肉，燒得好juicy✨上面加上大量嘅金銀蒜，食落更加香口，必點推介👍👍👍櫻花蝦鯪魚球$78都幾有心思💖鯪魚球外面點上無數嘅櫻花蝦, 再一齊炸😍有咗櫻花蝦嘅加持咬落特別鬆脆, 內裏面嘅鯪魚球又彈牙，口感好豐富🤗魷魚酥$32一共有五串，啱曬用嚟送啤酒👏👏超級水果茶$45飲落好舒服，有淡淡嘅水果香味，仲有茶味，可以解一解串燒嘅油膩感🤗Gwei. lo Pale Ale感覺介乎於啤酒同汽酒之間, 有淡淡嘅花香味, 飲落好順喉, 絕對可以飲多幾杯🤩

職員態度好差，先講隔離枱自帶飲品，但職員就好似威脅口吻話收開瓶費$200一杯；跟住有空枱無滿座，個職員突然走過嚟話要埋單走。間餐廳又嘈，live band 唱得難聽，仲要收咁貴，又唔係好似酒吧咁有得玩，好難再有下次，更加唔推介。

見咁多人好評都驚伏，不過比想像中好太多。烤魚幾好食，味道我比中上分數，建議叫貴啲嗰款魚，無咩骨又多肉，加埋個60幾蚊拼盤，兩個人已經好飽。服務真係好好，啲職員好留意住客人嘅需要，主動幫手換碗、空盤會識得主動收走、又會睇住個火會唔會熄咗等等。舞台氣氛好好，唱歌好聽，唔係狂走音嗰種，又會講下笑等觀眾有參與感，見有人帶蛋糕過嚟，仲會唱生日歌，唔係普通happy birthday嗰種值得再黎，下次試串燒、酸菜魚！

住在港島區的我雖然偶然會過海，但去到新界這麼遠就總帶有目的才出發囉。聽聞位於荃灣的漁樂場不論在餐廳環境、娛樂和美食方面都別樹一格，所以最近就特地跑了一趟去見識，果然名副其實。升降機門一開就看到如「娛樂場」般的裝修，還一眼看到店名 Grill & Booze。經過幾步的樓梯級進入眼簾的是超高樓底的用餐環境，空間感十足。我們坐的位置更正正對著以霓虹燈打造的餐廳名字，而且這裡還有大型投影螢幕，更不定期會邀請 Live Band 表演。想更有氣氛又怎會少了美酒助興呢？這裡除了有啤酒，也有紅酒之類。Gwei.lo IPA (HKD 88/500ml) 口感平順亦很易入口。當然不喝酒精也有其他選擇， 配美食吃也不錯。超級水果茶 (HKD 45) & 有菠有蘿香檸茶 (HKD 42)前者可以吃到滿滿的水果，後者是很有層次的茶，菠蘿搭上檸檬更酸爽。老壇酸菜魚 (HKD 198/2人份) 無骨的嫩滑魚肉份量很多。湯頭夠濃香，微辣的程度是怕辣的朋友都吃到，偏麻中帶點酸，不算超重口味。除了有酸菜，還有很入味的蓮藕、寬粉等。羊肉串 (HKD 30/2串)有少少羊羶味，但大都被惹味的辛辣味道蓋過。桌子上有個小型

唔知點解咁多人食可能放好多錢賣廣告雖然係真係全場爆滿想要位都好難可能大家都係想試一次都唔知點解咁多人啲野食無味又貴酸菜魚 肉質好林，無味，仲要有骨串燒又好小菜都好一係無味一係啲肉散一係唔熱串燒燒完出黎放係度基本上接近凍既魚無味肉又散小菜無味唔知自己食左啲咩可能真係食個環境有live band唱歌氣氛幾好如果係去飲酒聽歌都ok比錢食野就唔得 9成野食質素都搞唔掂試過一次就算 當交智商稅 一陣落去食魚蛋粉如果係啲咩慶祝 千祈唔好去如果唔係最後一定會鬧交分手🫡

走入時光隊道🪩餐廳內霓虹光管既裝修像極了四五十年代好摩登🪄想搵一間有live band🎹🎤又有氣氛可以點唱既餐廳真係少之有少🐟老壇酸菜魚2人份量剛剛好，魚質滑嘟嘟，配菜還有蓮藕片，薯粉，萵筍，仲有防癌指數極高既花生芽，酸辣度合適味道一流🦑椒鹽鮮魷原隻鮮魷脆炸好JUICY，彈牙新鮮🍆燒大大茄子滿滿的蒜蓉鋪在茄子上，小小微辣惹味🥓羊肉串多款串燒，配埋啤酒，正啦🧃🍻霸氣芒果 串燒啤酒吾少得 Gewilo IPA GOOD 🌟今晚場內有四枱慶祝生日🎂聽點唱生日歌特別開心🌟好彩有訂位，非常滿座🌟雖然人多但服務好好

荃灣大鴻輝中心開咗間充滿現場氣氛嘅餐廳， 裝修到好似劇場咁， 現場仲有live music現場唱歌, 地方闊落坐得舒服😍，  邊聽歌邊食嘢大家手舉螢光棒互動， 喺香港真係好少見😆 , 小編今次先食烤魚🤤， 魚肉到好嫩滑好好味又唔需要挑骨 ， 基本上成條魚都係肉肉肉😃😊。食完魚未夠喉仲點埋呢度嘅拿手小食， 呢度嘅串燒同埋小食都好出名， 炸到金黃脆卜卜非常惹味！ 一口一串串燒食得非常過口癮🤪 另外小編都幾鍾意佢嘅燒茄子， 好想再叫多次🥰~~~~~~~~😋味道: 9/10📸賣相: 8/10🛋️環境：8.5/10💁‍♂️服務: 8/10💎性價比: 9/10💲人均：$200up⏪回頭率：90%~~~~~📍 漁樂場荃灣衆安街55號大鴻輝(荃灣)中心6樓~~~~~

位於荃灣大鴻輝的漁樂場餐廳，這裡是享受美食和音樂的好去處。首先，品嚐其招牌菜——惹味蒜香烤魚。烤魚色香味俱全，魚肉鮮嫩多汁，經過特殊的烤製技巧，魚肉保持了鮮嫩的口感、蒜香的味道，味道剛剛好。串燒，包括孜然牛肉串，濃郁的孜然香料，口感鮮美；魷魚鬚，酥脆可口；雞腎，搭配上獨特的調味料，口感鮮嫩多汁。魷魚鬚及雞腎都帶微辣；燒大茄子，是另一個驚喜，茄子肉質軟綿可口，搭配上特製醬汁，口感豐富。超級水果茶，Maisal's Weisse啤酒。超級水果茶有西瓜、哈密瓜、菠蘿、百香果等等，口感清新，天然甜味，真材實料。Maisal's Weisse啤酒帶有微微的麥芽香氣，爽口。值得一讚的是這裡有現場樂隊演出，整個餐廳充滿了音樂的節奏，讓整個氛圍更加熱鬧。

Weekday Dinner 漁樂場的美式裝潢很有特色，每晚會有Live Music表演，更可以即場點歌，也有全場一齊唱生日歌的環節，氣氛很好✨💡🐟老壇酸菜魚（2人份）$198酸菜魚份量多，魚片有一定厚度，嫩滑又鮮美，有不同配菜：花生芽、蓮藕、萵笋及煙靭薯粉，味道濃郁辛香。🦑椒鹽鮮魷 $88椒鹽鮮魷很香口，炸至金黃酥脆，調味剛剛好，是不錯的下酒菜。🍆燒大大茄子 $38茄子大大條，舖上了大量惹味蒜蓉，入味又好吃。🐑羊肉串 （2串） $30羊肉串燒帶有油香，加上孜然粉，很不錯。🍺Brewdog Black Heart (400ml) $78黑啤以烤焗的麥芽釀造而成，有烘焙咖啡及朱古力香味，與惹味食物很登對。🍹超級水果茶 $45水果茶足料大大杯，有西瓜、菠蘿、熱情果等等，清爽之選。

位於荃灣大鴻輝嘅漁樂場，真係裝修到好似娛樂場所咁！餐廳地方夠大，設舞台同埋音響，有駐場樂隊提供點歌服務，啱feel嘅仲可以上埋去唱，氣氛良好！趣脆牛肉粒 $98牛肉粒夠香辣，配搭大大塊嘅脆片一齊食，都幾滋味！羊肉串 $30/2串香口又夠羶，鍾意食羊嘅我表示滿意！燒大大茄子 $38抵食又好味，次次嚟都會order茄子！老壇酸菜魚 $198好多新鮮嘅魚片，全部都好嫩滑！內含寬粉、蓮藕、萵筍等，而味道就比串燒溫和得多！Suntory $88/500ml多款生啤手工啤供應，人多嗌Tower仲抵玩！超級水果茶 $45除咗夠大杯之外，仲有多種新鮮生果，不愧為超級！

💠漁樂場💠🅴🅰️🆃 🆃🅼🆁 明天去吃指數：4/5串燒主打炭火燒烤，即叫即燒，上菜嗰陣仲好貼心準備咗小型燒烤保溫爐，等串燒可以一直保持溫度👍🏿。肉類、蔬菜同海鮮嘅款式都幾豐富，整體偏細份，所以性價比唔算高，味道同口感正正常常，未有驚喜～烤魚方面揀咗招牌香辣烤魚（江團魚$328） ，江團魚少骨啖啖肉😍，但肉質未夠嫩滑，湯底味道幾惹味，隨著翻滾越煮越濃郁，配料嘅萵筍、蓮藕、芽菜索晒啲湯汁勁過癮🤤特別一提嘅係餐廳有好多霓虹燈及燈泡做裝飾，會不定期邀請 Live Band 表演，除咗會唱生日歌俾食客，仲會送公仔俾唱得大聲嘅食客，氣氛正之餘互動娛樂十足，用餐體驗格外有情調❤️

今晚黎到漁樂場食烤魚，之前已經係YouTube睇過相關既介紹，所以食之前十分之期待！我叫左皇牌藤椒烤魚（江團），烤到好香，啖啖肉有口感，叫左小辣，岩岩好。我地2個人食，但4個人都絕對夠食！樂抵食另外叫左串燒，包括孜然濕牛肉，五花腩，豆腐串，燒茄子，全部都好有風味，好值得食。現場環境值110分，晚上7點開始會有人係現場唱歌🎤質素好高！閒日都有架！職員都好有禮貌，會主動幫你放好隨身物品！推薦大家黎試下！！

今晚同朋友黎食dinner呢間餐廳好有80-90年代歌舞廳既feel，復古又帶點玩味特色鹽焗馬友$228份量唔惹小，一大條被鹽冚住嘅馬友，好似一個鹽山上枱時仲會再點火燒燒外面一撥開啲鹽，再切開魚皮（太咸所以食魚肉較好）白嫩嘅魚肉，再睇埋入面有一層薄薄既魚油魚油香而不漏～魚肉同魚骨可以完全分離，可以食得到每一個位置既魚肉！鮮磨山葵牛肉$48山葵味道好攻鼻但好香，帶起牛肉嘅肉香牛肉肉質嫩滑，燒得半熟剛剛好活鰻小串$38/2串海蝦$40/4串海鮮都好高質鰻魚好滑，燒完好香，海蝦新鮮爽彈燒茄子$36好耐冇食過，茄子一絲絲夾起，加上香蔥同少少辣椒，好惹味比利時小麥精釀啤酒$68好大杯，麥味夠香，配燒烤食一流手打鴨屎香檸檬茶$38好酸但又好解渴好好飲

餐廳面積非常大，裝潢好有趣，以拉斯維加斯娛樂場做主題，而且每晚仲有live band表演，好有氣氛！👍餐廳主打烤魚及串燒，選擇都唔少，另外亦有多款小菜好啱送酒！🙂‍↕️🙂‍↕️老壇酸菜魚（2人份）$198酸菜魚份量幾多，魚片幾滑身，配菜有萵笋、花生芽、蓮藕，底仲有紅薯粉，食到尾段覺得麻味幾重。椒鹽鮮魷 $88炸漿幾薄身，外脆內軟，椒鹽調味剛好，送酒一流。五花腩串燒 $30/2串薄薄五花腩片做成串燒，另外餐廳會將串燒會放係爐上保溫，幾貼心。❤️趣脆牛肉粒 $98牛肉粒份量幾多，香料味道幾濃烈。菠蘿的海 $28其實係燒菠蘿，菠蘿酸酸甜甜而且好juicy，好食！當晚餐廳幾乎full house，而且有live music幾好氣氛，好適合一班人去chill。

其實都唔係第1次去漁樂場食飯今日諗唔到食咩.. 又想聽下歌所以再次選擇左漁樂場去到一如以往氣氛都好好表演者都帶動到個氣氛 ..我都揀左個烤魚黎食.. 同埋我必食既茄子但係今次個茄子唔辣既??條魚都幾滑身而且唔多細骨小朋友都會岩食.. 仲有D蓮藕.. 菇類等做配菜.. 最後仲有和牛菠蘿串燒同一大杯水果茶全部都好好味最後當然唔小得台下嘅食客嘅歌唱表演估唔到其中一位食客唱得真係非常出色我直頭覺得有張學友既感覺搞到我明明食完埋左單諗住走都要坐返低聽返幾首歌先得~