漁場台風

營業中

休息中

去到旺角突然之間想食拉麵，就諗起附近有間超人氣嘅拉麵店，當晚大約8:00去到，門口有幾個人喺度等位，我哋大約等咗20分鐘就可以入去等緊嗰陣有職員行出嚟比餐單我哋落單，旁邊有部扭蛋機可以用$10去扭蛋，我哋扭中咗一隻原價$15既半熟蛋✌🏻餐廳嘅裝修非常之有日本風，好似去咗日本咁沙甸魚味湯底食頭嗰幾啖真係非常之有魚味！個湯底亦都非常之濃味，拉麵係屬於粗身啲嘅拉麵，200 g已經好夠食，叉燒就屬於比較瘦嘅肉質，筍就係有黑椒味嘅，我個人就覺得隻半熟蛋非常之好食😋

呢間係我食過最好食嘅沾麵，真係可以一食再食！🤓🤓🤓⭐️魚介豚骨沾麵佢嘅魚介湯底係非常濃郁，通常我都揀少量醬汁，不過如果第一次食減返正常可能會好啲。麵好容易掛汁，質地剛剛好，有少少咬口，再加埋份量多，其實正常份量已經夠食👍🏻如果食到中途啲汁開始凍咗，記得問佢加熱石落啲湯到，始終我覺得沾麵熱先好食！同埋如果唔食某啲配料，係可以轉其他嘅。例如我唔食筍，可以轉叉燒。叉燒我反而覺得一般，份量比較少。

一如以往的高質沾麵拉麵舖，中午時段就賣沾麵，夜晚就會係賣拉麵每次嚟都大排長龍，起碼要五至十個入到去舖頭環境好日本風牆上掛滿日式裝飾同埋客人嘅feedback 本身好鍾意食魚戒豚骨湯底，但今次都試吓新嘢燒海蝦味豚骨沾麵先講個面，面質份量溫度都可以自己調校，而佢呢度嘅面份量亦都比坊間嘅大份，所以一定夠飽，我本人鍾意偏硬同凍食，因為凍食先係最爽，係日本嘅食法，份量一定夠，正常男士都一定會好飽，糖心蛋嘅熟度啱啱好，唔會太流質，亦都唔會太實淨，落少少檸檬加啲酸味，亦都令成個風味更加提升個湯方面，嫌佢呢個燒海蝦味唔夠濃郁，不過佢本身個豬骨湯就好濃，基本上淨係食到豬骨嘅味道，只係有少少櫻花蝦喺面，所以鍾意食蝦湯嘅人就會覺得呢個湯冇乜特別，我本人都係鍾意食魚介豬骨湯多啲，但其實整體嚟講都算唔錯㗎啦，如果食得比較慢嘅人個湯凍咗嘅話仲可以加一嚿熱石入去熱返啲湯，亦都算貼心呢間嘢整體嚟講氣氛環境服務同埋嘢食方面都合乎我嘅心意，所以我都比極高分

荃灣果間台風拉麵風由佢開鋪就幫襯到依家，一直都覺得好好食，禁多年都仲未搵到香港有其他拉麵店可以超越佢👍🏻👍🏻👍🏻👍🏻今日收工經過旺角台風分店，撞正剛開門唔洗排隊，即刻去試吓😋旺角分店餐牌同荃灣完全唔同，變左另外4️⃣款口味，而且最愛ge 沾麵竟然只有上午先有😫最後揀左兩個基本款試～1️⃣🐟魚介豚骨拉麵湯底同荃灣一樣好濃厚，湯汁非常掛麵，麵質都係同荃灣一樣，好彈牙2️⃣🦐燒海蝦味豚骨拉麵呢個麵一來到就見到鋪滿櫻花蝦🦐，湯底都有好濃蝦味，同樣好濃厚，但唔會覺得好漏呢到可以隨自己口味更改每碗拉麵入面ge配菜或者叉燒🥩，非常貼心👍🏻今次仲試左佢檯面樽辣椒油🌶️，超級好食，佢唔算好辣，但好香，加左落碗麵到即刻令碗麵味道昇華左👍🏻👍🏻👍🏻👍🏻👍🏻雖然整體質素都同荃灣一樣，但我始終覺得荃灣分店ge 芝士蕃茄🍅🧀拉麵係最好食，如果旺角分店都可以有呢款拉麵就好喇😙

一直都知漁場台風（又稱旺台，仲有兩間分店分別係荃台同灣台）好好食，但條隊同樣好和味，所以一直無食過。見平日收工時間尚早，斷估唔洗排，特登嚟碰下運氣。果然幸運地直入。入到去，店員用日文向我打招呼，並安排位置就座。我坐嘅位置比較邊邊，可以一眼睇哂成間鋪嘅裝潢。比起灣台，旺台嘅日式動漫風裝修特色更為突出同濃厚，中意動漫嘅朋友絕對可以嚟朝聖一下，順手食個麵。我叫左晚市價錢最相宜嘅魚介豚骨拉麵（$78）。麵量揀200g係驚唔夠飽，但結果居然係太飽😂真係唔好睇少店家講嘅「麵量係其他拉店嘅1.5倍」呢句說話，係真嘅！一般食量嘅朋友揀150g麵量就ok啦。味道方面，揀濃厚嘅醬汁真係無錯，鰹魚湯嘅濃郁咸香味非常令人沉醉，唔會死咸，配搭掛湯得嚟又煙韌適中嘅拉麵，可謂近乎完美。成碗拉麵嘅平衡做得非常出色。配料方面，有一堆蔥花，4-6條荀同一塊嘅叉燒。一塊叉燒對大胃一族嚟講會有啲少，但勝在油脂唔多，比較瘦，所以就算只係一塊都過足口癮。更甚者，正因為叉燒唔肥，你先更有動力食咁大份量嘅麵。諗下食到成口肥油，都唔想食麵啦😂另外荀嘅口感唔會淋bat bat，索哂湯食擺入口風味甚佳。總括而言，旺台比灣台係拉麵綜合質素方

今日去咗食旺角嘅颱風，一如既往，門口都係勁多人排隊，排咗差唔多半個鐘先入到去。大熱天時本身都唔想排，但係未試過，又咁出名！就試吓啦～佢哋門口有部扭蛋機，可以扭一啲加倍嘅小食，甚至免費拉麵。$10就可以樓，記得要就試吓啦，但係我哋冇銀仔，想入去唱錢，一打開度門入邊個女店員串到乜咁大佬，今時今日咁嘅服務態度點得㗎？最後扭到10片紫菜～本身我哋係想食拉麵㗎，但係原來晏晝係冇拉麵食㗎？！1230-1630呢段時間剩係得沾麵我哋排到門口，佢俾指我哋填先知道，都排咗咁耐，冇理由唔食㗎， 都試吓啦～我哋兩個都叫咗最基本嘅魚介豚骨沾麵$83真係好難食…… 啲面又粗又唔彈牙啲汁係一啲都唔濃稠，好稀！未試過沾麵係咁食緊嘅時候真係心諗到底出邊啲人排長龍排啲乜？點解咁難食都咁多人排？望到牆上面好多手寫嘅支持說話，話好好食，我心諗係咪我味覺先有問題呢？🤔

今日同朋友行街，見到呢間沾麵店多人排隊，menu睇落好正宗，所以就決定試吓✨魚介豚骨培煎黑芝麻沾麵湯底海鮮味濃厚，非常不錯，黑芝麻味經過焙煎之後有少少鹹香味，令湯底更有層次感。值得一讚的是沾麵硬度可按個人化調整~做到我喜歡軟嫩彈牙，非常一讚餐廳環境走日式小店路線，服務態度非常不錯，推薦

今次夜晚經過旺角，揀左依間日本拉麵店食晚餐，依間餐廳位置較偏，唔算好多人流，但都要排隊，咁入坐後就揀左燒海蝦味豚骨拉麵同鰹魚味豚骨拉麵。 鰹魚味豚骨拉麵個湯底十分濃，唔係一般豚骨拉麵既湯咁稀，似醬既質地，食起上黎鰹魚味亦十分濃，麵條十分彈牙，而燒海蝦味豚骨拉麵既燒蝦味十分重，加上面上有好多櫻花蝦乾，食起上黎蝦味十分濃厚，推介大家一試。

我來分享一下漁場台風🐟的魚介豚骨沾麵和魚介豚骨蕃茄海蝦味沾麵的口感。這裡的沾麵都是用新鮮的魚介和豬骨熬製的高湯做的，味道很濃郁。🍜首先試了🐟魚介豚骨沾麵，湯頭濃郁滑順，帶有淡淡的魚香和豬骨的味道，配上麵條的彈牙口感，很開胃。另外，餐廳提供了多種不同的配料可以自行加入沾麵，像是蔥花、豆芽、海苔、蒜末等等，可按照個人口味自由配搭。👍接著試了🐟魚介豚骨蕃茄海蝦味沾麵，加入了蕃茄和海蝦的元素，湯頭比前一款更加鮮甜。蕃茄的酸味和海蝦的鮮味非常搭，讓整碗沾麵更加豐富多樣化。👌總的來說，漁場颱風🌀的沾麵非常美味，是非常值得一試的日式麵條。餐廳的裝潢也很舒適，讓人感覺很放鬆。建議提前預訂位置，因為這裡的人氣非常高。👍

唔經唔覺原來已經幫襯咗佢哋十年!十周年おめでとう!見到IG有十周年限定活動，就同男友預咗日子過嚟食。佢地每一年都會有一款周年限定拉麵(只限2日)，每間分店都有唔同味道。(灣仔台風：香濃黑松露鴨蔥拉麵、荃灣拉麵台風：安格斯烤牛肉野菜味噌拉麵)今次旺角分店嘅限定拉麵係三文魚拉麵。特別感謝價格$50，每天限定400碗。而今年周年活動當日，每日頭200位客人可以參加抽獎。獎品包括有：台風10周年限定拉麵碗、拉麵免費換領券、配料免費換領券另外客人仲可以用15碗拉麵收據免費換領周年限定Tee。今次適逢10周年，我當然換咗件做紀念啦~當日舖頭未開，目測已經有近百人喺隔離巷仔排隊。我同男友一入舖頭，店員就請我哋抽獎。男友一下就抽中咗台風10周年限定拉麵碗!好勁!XD而我就只係抽到配料免費換領券~T^T下次幫襯可以免費加一款配料。坐咗大約10分鐘，三文魚拉麵上枱啦!碗麵一放低，香噴噴嘅三文魚味撲埋嚟，口水都差啲流晒出嚟。拉麵配料有：三文魚扒、三文魚籽、蔥、紫菜、蛋、檸檬湯底係濃郁嘅三文魚湯。如果係熟客嘅話，應該會留意到今次個拉麵轉用咗幼麵。師傅有介紹，係為咗配合返今次濃厚嘅三文魚湯而轉。食落口感依然彈牙

#漁場台風 #sorriso_油尖旺區-冇錯又係台風啊，呢間係旺角店，日頭做沾麵夜晚做湯拉麵，門口有部$10蛋機，我就抽到免費加荀，好彩嘅話可以抽到免費一碗拉麵，排緊隊嘅同時都可以試下手氣，拉麵份量表係講緊普通麵量等於2.5包公仔麵😮，男仔食都會覺得超飽🍜【魚介豚骨蕃茄海蝦味沾麵】 $83 (8.8/10)麵量揀左凍同埋普通，大量醬汁有蔥，本身想食蝦湯，麻麻地想食蕃茄，點知呢個拉麵出乎所料，冇咩蕃茄味，好濃蝦味，好好食，食完個麵之後我叫左店員加鰹魚湯落個沾麵汁，繼續飲湯，不過我都係覺得個鰹魚湯可以加少啲，因為個湯淡左太多啦🍜【魚介豚骨沾麵】 $83 (8.6/10)麵量揀左凍同埋普通，大量醬汁有蔥，呢個有啲似荃灣個湯啊，佢真係好大份😂，差啲食唔哂，旺角店有熱石提供，啫係如果你個湯凍左，可以叫店員加熱石令到個湯熱返🍜【魚介豚骨拉麵】 $78 (8.3/10)麵量揀左普通，叉燒好厚啖啖肉，但明顯食得出冇咩點燒過，魚介湯底好濃郁，不過我都係比較鍾意沾麵多啲#sorriso_旺角 #sorriso_九龍-📍【漁場台風 Isaba Taifu】 @ramentaifu_mk旺角快富街39號

Lunch 同朋友12點15分到咗門口，好在時間尚早，仲有位唔洗排隊。Lunch 食沾麵，夜晚就食拉麵。叫咗魚介豚骨蕃茄海蝦味沾麵$88，加荀10蚊，勁大兜荀！湯好濃厚掛身，唔會得個咸味，有蝦味，麵質爽口彈牙。

話說果日去旺角影教主生日，之後男朋友帶左我過黎食台風！台風拉麵長期都有人排隊等🤣咁就要黎試下到底係咩料子！入到去係日式風格，牆上有漫畫卡通介紹食用方法，同埋有客人留下既評價，然後店員係下面點應返🤣平時我好少食拉麵既原因係份量太少又貴又唔好食🤔但今次依間麵量大到連我同男朋友依啲大胃王食到超飽😚埋超滿足！個麵仲要好食！🤩細食既朋友都唔洗擔心呀，因為可以揀少麵，咁就唔洗驚食唔哂🫶🏻而且叉燒半肥瘦好岩口味😍真係好好食個湯底又濃而不鹹😆半熟蛋好好食😚好難得搵到一間高水準又好食既拉麵，店員細心有禮，抵佢長期多人排隊去食🥰💪🏻有機會會再二訪😂

呢間日式餐廳裝飾得咁精美一定吸引到好多動漫迷打個靚卡以為金玉其外但原來味道都唔錯👍🏻同普通拉麵舖一樣自己寫紙是常識但望住呢度既特色牆身食野真係好正可能環境有趣又令味道更好味

這家拉麵店主要吃沾麵，店舖裏面充滿日本風特色魚介豚骨焙煎黑芝麻沾麵🍜 $85個人認為吃完原味比較好，因為黑芝麻味把魚介豚骨味都蓋過了，麵的份量很足，我還加了個特製腩肉叉燒，加$30，很厚很肥美，最後是吃不完的😂可以跟小伙伴分享來吃哈😂