漁場台風

營業中

休息中

試左好多次沾面之後終於第一次黎試佢地既拉麵🍜，拉麵時段由下午4 點半開始至晚上10點，正常晚餐時段6點鬆d過去都唔洗點排隊，明顯睇得出客流量同午市時段有分別。晚餐時段餐牌有4款湯底選擇分別係沙甸魚味🐟，海蝦味🦐，鰹魚味🐟同魚介味，部分同午餐時段既比較相似。鰹魚味豚骨拉麵🍜🐟 ($88)呢個湯底個人就覺得比較鹹同重口味，不過拉麵係粗身我個人比較鍾意。同中午沾麵唔同佢拉麵既叉燒🐖係一片片，而且好似有輕輕火炙🔥過所以味道唔錯。海蝦味豚骨拉麵🍜🦐 ($93)海蝦湯會稍微好少少，無禁重口味之餘仲有蝦油既香味，味道方面都唔錯幾開胃。另外仲有一大堆櫻花蝦🦐係上面，半隻溏心蛋🥚，荀，同少少菜🥬幾足料。我地另外再叫左一份筍，呢個真係必點✨！無筍臭之餘調味仲要岩岩好，少少黑胡椒🧂同麻油既配搭再加埋少少爽脆既口感，一流🤤！試過佢地既拉麵之後，都係覺得沾麵有特色d，如果唔系話特別鍾情邊個拉麵湯底或唔食沾面，我都會建議試左沾麵再試拉麵🍜。記得要存住張單，食3碗拉麵就可以免費換一份荀。

🫶🏻魚介豚骨沾麵$83豚骨好入味叉燒肥膩度適中入口即溶🤓🤓將啲拉麵倒落沾麵度別有一番風味湯底好濃郁令人食到停唔到口🤤🤤拉麵硬度適中唔錯，值得推薦😎😎

呢碗拉麵真係無得輸，絕對可以俾10/10分！湯底濃郁，醬油同豚骨完美結合，味道深厚，每一口都好過癮。麵條煮得正好，彈牙又有嚼勁，吸收咗湯汁之後更加美味。配料方面，半熟蛋嘅蛋黃流心，搭埋麵條簡直係絕配，味道層次超豐富。叉燒肉質嫩滑，食落去好似融化咁，仲有脆脆嘅海苔同新鮮嘅蔥花，真係令整碗拉麵更加出色。餐廳環境都幾有feel，裝潢好有日式風格，令人有種身處日本拉麵店嘅感覺。服務人員都好友善，令整個用餐體驗更加開心。總括來講，呢碗拉麵唔單止味道好，性價比都高，肯定會再返嚟食！

呢間起旺角既拉麵店，中午12點先開門，但系週末去基本上都要早15-20分鐘去排隊。呢間鋪同普通拉麵店個玩法有少少唔同，唔同個位系佢地有限製中午時段淨系做沾麵🍜，晚飯時段淨系做拉麵，雖然話就話食法有分別，但系湯底選擇同味道都系偏厚身同濃味🤤，呢個就真系要睇個人喜好，如果平時中意食開豬骨濃湯拉麵果類湯底既朋友應該會好中意呢度😍。湯底既選擇講真唔多，沾麵三款拉麵四款，可以按口味選擇細項，麵量/醬汁/蔥，亦可以按照食量追加配菜，🍵飲品選擇唔多，但系枱面會有水壺提供凍水可以自助。鱼介豚骨焙煎黑芝麻沾麵🍜 ($89)芝麻味極濃！芝麻湯底起外麵比較少見，但系第一次試呢個配搭又出奇地唔違和，芝麻既香滑完美咁中和左豚骨湯既膩感，食落有 creamy 既咸香味，推薦一試。鱼介豚骨番茄海蝦味沾麵🍜🍅🦐 ($92)呢個相對黎講有少失色，本身有期待個湯會偏向重蝦湯🦐既口味，但系食落感覺海蝦味隻系黎至麵頭果d櫻花蝦，甚至乎撈埋成個湯一齊直呈食唔到海蝦應該有既鮮味，個人認爲本身豚骨湯🐷都已經繫偏濃厚重味，蝦味起呢度偏弱完全被覆蓋，所以食落同期望有落差，如果個名改爲魚介豚骨番茄🍅沾麵會更貼切。😂個人十分推薦大家過黎試

好幾年沒有來這間拉麵店了。以前來過午餐時吃沾麵，感覺還不錯，且人氣高企，排隊大約20分鐘才得以進入。我們三個人各選了一款拉麵，湯底其實都是一樣的。湯看起來很濃郁，但吃下去卻沒有什麼味道。拉麵和叉燒也一樣，缺乏香味和風味，讓我差點以為自己的味蕾出了問題。不過，拉麵的份量很足，足以讓人吃得很飽。

只有這一間拉麵我會不停重重複複又重複地吃🫶🏻最鍾意佢嘅櫻花蝦湯底拉麵，湯汁濃郁，配搭埋煙靭拉麵一啖拉麵，一啖湯汁真係好正！次次差唔多成碗都飲晒😍地址： 旺角快富街39號建煌華廈地下地鐵站B2出口直行電話： 2487 4488 營業時間： 12:00 - 16:30沾麵時段 16:30 - 22:00拉麵時段#香港好去處 #香港美食 #香港打卡 #香港美食指南 #香港生活

作為台風忠實粉絲，一路幫襯咗好幾年食過咁多次，真係香港食過最top嘅拉麵店，但好可惜近期拉麵質素真係差咗好多。拉麵湯底太稀，無咗以前濃而唔鹹嘅味道，拉麵麵底都變咗另一款，粗幼明顯變咗，無咗以前嘅口感，叉燒無燻過嗰隻香味，似就咁普通豬肉。第一次係食完覺得失望兼唔想再食佢晚市拉麵最近決定比多次機會食沾麵，慶幸沾麵質素無點變，麵汁好濃好香，麵底無變，仍然係好好味！但變相呢次體驗要評論嘅係店員質素以往食開都見到個識講日文女店員，服務態度好好，即使可能做得幾攰都唔會擺個樣出嚟同人講唔想再serve人，令我對餐廳一直有好好嘅印象但今次見到個金金地頭髮嘅男店員，明顯feel到佢好唔願serve客，又向廚房員工高談闊論某d客人幾麻煩，又類似話4點半唔想再有客(可能就嚟完沾麵section?) 其次係放低碗麵，客人有少少阻住咗佢，佢唔出聲企喺到expect客人自動自覺讓出位置，又無啦啦喺客人食緊野嗰陣，唔出聲伸手入去放低下一位客人所需嘅點餐紙老實講，咁樣都幾趕客😅知道請人難，但我諗都要認真諗下點維持原本嘅服務同食物質素先留住到客人了

一間屹立响旺角近十年嘅店，捱過疫情，仲係客似雲來，點都應該有佢獨特性同賣點。今次唔係我第一次食，不過第一次係太耐之前，嗰時都未開波寫食評，今次一於評評佢！《魚介🐟 豚骨🐖沾麵🍜》香味 (4/5) - 香味濃郁又醒神，仲左魚介味之外，聞得出佢有其他調味導至嘅香氣。沾汁 (4/5) - 夠濃郁，濃稠，鹹度剛好，相當好味。除左魚介沾麵該有嘅味道外，我相信佢加左唔少黑胡椒調味，同適量辣椒🌶️粉（一味粉呱），少少辣辣地幾醒胃，想像到如果飲左酒，少少醉醉地食會相當夾。不過不得不提，個沾汁係偏甜的，我本身鍾意食甜味，所以係ok，如果唔好甜嘅朋友要注意返。食到一半左右，加埋調味架入面嘅生蒜蓉🧄，同一般港式打邊爐食到嘅生蒜🧄係一樣風味，我作為一個土生土長嘅香港人，我覺得非常好味，風味有提升！我大概加左兩匙。麵條 (4/5) - 中太麵同太麵之間，作向係太麵。麥味非常夠，煙韌有咬口，少少鹼水味但唔算強，配呢個沾汁係幾夾架喎。份量我認為都幾足，我點嘅係中等份量（不用額外加錢，同小份量同價），張點餐紙冇寫有幾gram，不過一d網友分享過以前嘅點餐紙係有寫，中等即係200g。雖然我唔知而家有冇改，不過感覺係多於2

漁場台風係間好日本地道風味嘅拉麵/沾麵店🍜平日下午嚟到等咗一陣就有位入去，喺出邊等嘅時候點餐，入到去好快就食得😋喺外面等嘅時候，見到牆上有好得意嘅圖畫去講解點食✨👉🏻魚介豚骨焙煎黑芝麻沾麵✨沾麵汁內有豚肉，如果想再加配料喺麵中，可以喺點餐時追加配菜~ 睇落係「我全都要套餐」最抵🤣不過就咁冇加配菜，都食得好飽～沾麵嘅軟硬度適中，黑芝麻沾麵汁幾好食，鹹鹹地，但食唔出焙煎黑芝麻嘅味係邊～下次想試埋其他沾麵汁比較😛

因為我食過灣仔間台風R，好好食，所以對呢間都有好高期望🤩 旺角同灣仔唔同湯底，所以嚟試下要讚下店面位女員工，有禮貌，又full of energy，一出現就有種開心氣氛出現🤣我係啲揀飲擇食嘅人，平時去拉麵舖有筍嘅話會就咁擺係度唔食，呢間好好嘅地方係佢可以筍轉叉燒/半熟蛋etc🫶🏻係點餐紙嘅客人意見寫低就可以店內環境好靚，周圍都充斥住日本風味🇯🇵今次叫呢個魚介豚骨拉麵，200g，普通汁，份量剛好，湯底係濃郁嘅魚介豚骨湯👍🏻 但係佢個叉燒就比較遜色，有少少柴☹️ 而湯底雖然好夠熱，但就唔係一上台就可以入口嘅溫度，相對嚟講，灣仔分店係呢兩方面就做得好啲喇

好耐冇食過沾麵，呢一間係第一次食，雖然佢開咗好多年。一睇手寫紙見到得三款可以揀，我就揀咗最原始嗰隻先，即係原味。沾麵嚟到！一開始見到冇叉燒嘅，再了下碗沾麵湯，發現原來啲叉燒係切粒咁放咗喺碗湯入邊。第一啖食落去，個湯好夠熱，所以都幾滿意。我唔知道其實個湯係應該偏傑，定係正常就得，如果我要形容佢係正常果一種，比我想像中嘅稀。個麵好大，食哂之後好飽，啲麵係偏粗。我朋友叫左黑芝麻湯，真係成碗黑色同埋好多芝麻喺面。我覺得可以隔一排先再嚟都得。

amazing tsukemen!! their noodles were super bouncy and the broth was packed full of umami. loved the charred flavour of the pork on the side too. amazing runny yolk for the soft boiled egg too.got to say their portions are huge as well! 

昨晚放工經過這裏，7:30 仲係好多人排隊！揀左沙甸魚味拉麵 ， 魚介味拉麵🍜鋪頭佈滿食客嘅留言同畫作🖼️ 幾特別👍🐠沙甸魚味拉麵還是第一次食，其他地方好似都無見過湯頭好濃，入口咸中帶甜 再有少少回甘嘅沙甸魚味 ，配上蔥絲，好香☺️🍜拉麵軟硬適中，小編揀左普通量200g, 份量好足，女仔有可能食唔哂🥲🐖豚肉好冧，無醃到好咸 ， 食到肉味，配上湯汁啱啱好😛🔎隱藏食法： 可以免費將筍換成紫菜，對於食筍皮膚敏感嘅朋友黎講，十分友好🐬朋友食嘅魚介湯底，相對淡口少少， 有啲啲似沾麵嘅湯汁，無太大驚喜🫢門口有一部扭蛋機，$10抽一次，有機會抽到唔同嘅追加配菜🤗有得玩有得食🤪

漁場台風 @旺角🪡旺角快富街39號建煌華廈地舖💵: $83呢間拉麵真係食咗好多年，特別鍾意食沾麵(得中午有⏰)但經常好多人排隊的🥹小店環境超多畫同客人comment痴喺牆身，可以見到同食客都好有互動會聽comment👏🏽份量好大之餘，仲可以簡濃度，我係超濃味人士🤭 台風滿足到我！🐟🍜魚介豚骨沾麵 $83叫咗最少嗰個180g份量麵，佢哋所有麵量都係一般拉麵店1.5倍~ 一般胃口女仔叫呢個份量就足夠了！🤙🏽另外有嘢唔食嘅話都可以轉！我唔食荀可以轉半熟蛋/叉燒/紫菜🙌🏼麵 粗度正正常常，掛到沾麵汁😋 而且偏煙靭好咬！我鍾意食熱辣辣嘅嘢，沾麵湯通常食到一半就凍晒會無食慾🙂‍↕️台風最開心係會加熱石！keep好熱，勁正🤪最後加埋熱湯飲 100分🙊🙌🏼總結，真係好鍾意食！推薦俾大家🫶🏼

太耐冇食拉麵關係，到左食晚飯時間，又黎到旺角嘅漁場台風食拉麵，今次點左魚介豚骨拉麵，入面配菜有半隻溫泉蛋，紫菜，同筍，因為我唔食筍，所以點餐紙上面，我會寫走筍換紫菜，呢個有得揀嘅選擇，對於唔食某種配菜嘅顧客嚟講非常之好👍👍湯底好濃郁，而且麵份量好多，胃口細嘅朋友可以揀少量份量。老公見到有旺角店限定新口味，就揀左濃厚辣味噌拉麵，小小辣都已經幾辣，但辣得好過癮😆😆而佢所跟的叉燒係用醬油塗上面，然後再用火槍燒🙊🙊