漁場台風

營業中

休息中

排了15分鐘 ，唔算太耐，排隊時派點餐紙，落訂單，入座後，很快上菜，裝修充滿日本風，而家疫情關係冇無得去日本，呢到呢度好似去咗日本， 牆身貼滿客人的留言，動漫海報播放著日本歌。魚介豚骨拉麵$78魚介味很濃郁 ，湯麵掛到魚介湯 ，麵質煙韌彈牙，蛋唔算太流心，蛋味濃， 叉燒質地不會太乾硬，都算軟身。燒海蝦味豚骨拉麵$88如果唔鍾意太濃味拉麵， 這個湯比較清，是必食之選，滿滿的櫻花蝦， 非常香口。麵的份量較平時多，小鳥胃的女生未必食得哂。

留意左呢間餐廳好耐~今次終於去左試🤤當日兩三點去到都仲需要等15-20分鐘左右~無聊見到餐廳出面嘅扭蛋機男朋友就話試下玩🤣$10一次有機會扭到多碗麵翻黎😯我地就冇咁好彩扭到個荀但最後我地轉左加麵底😉.🍴魚介豚骨沾麵($83)男朋友揀左呢個佢就覺得魚介湯底比較膩~我就覺得還好都幾濃😉🍴 魚介豚骨蕃茄海蝦沾麵($88)本身好鍾意蕃茄湯所以就叫左呢個試下~我同男朋友都好鍾意呢碗😋上枱嘅時候湯面佈滿櫻花撈匀食陣味更香更突出😚.總括嚟講質素都幾好係麵底嘅軟硬度唔太穩定~本來跟湯上嘅我地都覺得太硬但加麵底嘅時侯又軟啲🤔要注意翻煮麵嘅時間🤣下次想試下拉麵😋留意番餐廳午市係賣沾麵~夜晚先會係拉麵🍜

台風的始祖原台在荃灣,全店只有10個座位,基本上要排1小時才有得食,之後在MK和CWB開設分店,證明了其實力和市場。旺角分店的環境相當有日本風格,牆上寫有客人對拉面的評價和意見,廣納客人的意見非常重要!有許多不同的手畫,很像日本DONKI呢,很有親切感。魚介豚骨拉面 5/5分 - 第一次在MK分店(三次在荃灣分店)都是選這款拉面,因為是其招牌。湯底超級濃厚,充滿豬骨味；半熟蛋滑嘟嘟；CHA燒又大又軟好好味；其他配料配合得天衣無縫，我給這碗拉面101分!面包已經是其他店的1.5倍,無須再加面,飽到上心口,好滿足呀!建議女性可以試櫻花蝦湯底,面量亦可以選少面,相對清淡一些又吃到得落肚,下次再為你介紹其他拉面!!!!!

一開始聽聞拉麵嘅份量比平時多1.5倍所以同朋友想試😚😚😚d面嘅湯底好濃郁 所以好夠味好好食不過份量比想像中少 🙈如果大食嘅人可以加面底 🤤門口有部扭蛋機 可以有唔同嘅優惠都幾有趣 幾吸引 🤪🤪🤪雖然排隊好耐 但個面好食都值得☺️

我記得好耐之前有位朋友想帶我黎食台風🌊，但岩岩好一去到佢就要關門。當時朋友流露出非常失望既樣😞，令雞先生我一直都好想窺探下台風到底有幾好食🧐～今日終於有機會啦！睇出面既裝修都知道台風係有精心裝飾～好有日本🇯🇵🇯🇵既感覺，而入到去店面牆上貼滿哂客人既留言紙同埋同人作品，當堂覺得真係去左日本d拉面店🍜🍜🍜咁。因為我去既時間仲早，店內冇咩人～好舒服咁是但坐，我諗因為有人反應過張鄧太高既問題🪑，所以佢地有加左一個盒係果個位下面比你晾腳，岩岩好，呢下feel到佢地幾有心思❤️。落單其實就得一張紙🔖、四款面🍜🍜🍜🍜，再簡麵既份量、要唔要蔥同幾多醬汁。留意番，牆上面有張紙寫明可以換走某d配料，例如唔要蛋🥚可以轉其他配料咁～我最尾簡左鋪頭推介既魚介豚骨拉麵～一黎首先飲一啖湯底 —— 超濃超正🤤！不過就咁飲會有d咸🤣，果然要配番d麵食係最好～d拉面都好彈口，但我覺得如果可以有option簡麵底要軟定硬就最prefec池啦～叉燒🐷如圖所見，係比較薄既，同出面既叉燒唔同～但我本身都唔覺得食太厚既叉燒，所以我覺得薄薄地係唔錯。而半熟蛋同紫菜都ok，只係紫菜有d細塊，大塊少少會好d🤔。總括黎講，呢度既拉面氣氛唔錯

這天與閨蜜相約到旺角共聚午餐然後看電影，閨蜜提議食拉麵，於是我們便上網尋找好吃的拉麵店，看見漁場台風的評價不錯，好評頗多，便決定到這間店進食午餐。原來這間拉麵店，午市時間是提供沾麵，晚上才排工拉麵。魚介豚骨沾麵我點選了凍食沾麵，麵條與湯底是分開的，一碗是麵、溏心蛋、檸檬、紫菜，拉麵入口過於硬身，沒有平常一般拉麵的煙韌感。溏心蛋不流心，蛋白不夠嫩滑，蛋黃亦沒有濃郁的蛋香。另一碗則是沾麵湯底，配料有叉燒、蔥、筍。湯底感覺濃厚，但入口偏淡，沒有濃郁的味道，叉燒韌口，有點硬，咀嚼需花少許時間，至於蔥和筍則沒有特別，尚算正常。整體而言，食物質素平庸，價錢過貴，質素與價錢不相符，慕名而來卻失望而回，不會再光顧第二次了。

【魚介豚骨沾麵🍜】HKD85拉麵店裝修好日本風🇯🇵 牆上貼滿手繪畫、動漫海報、食客留言，幾特別好有心機🤤 店舖下晝只提供沾麵、夜晚只提供拉麵。我哋就試咗沾麵🍜可選擇麵嘅份量、凍/熱，醬汁份量、有蔥/無蔥沾麵配料有半隻半熟蛋、紫菜、京蔥、荀、檸檬。先飲一啖湯🥄，魚介味幾香濃，不過湯比較稀身唔係太掛到湯汁，個人覺得湯汁稠身啲會更好。湯汁入面有數舊叉燒，味道一般，口感乾柴😭。麵質唔錯，煙靭彈牙，咬落有嚼勁👍🏻 流心蛋流心度不高，蛋味唔濃🥚。食完麵就可以加湯到到沾麵湯汁，將魚介湯溝淡再飲～

大約5分鐘左右到就入得，環境幾靚，好日式貼咗好多客人評價，隔離仲有職員親筆回應返鰹魚味豚骨拉麵 🍜$83第一啖湯已經好明顯飲到啲鰹魚粉未溶哂，但味道上都幾濃。麵就偏硬身，紫菜一細塊，想要可以再加錢嗌，成碗面整體唔差。燒蝦味豚骨拉麵🍜$88呢個湯比較清，鍾意冇咁濃味可以嗌呢個，其他方面大致一樣。有兩隻醋俾你揀，我淨係試咗昆布味，味道酸甜，好適合加喺拉麵到。任何配料都可以轉做其他餸，呢方面幾好，唔會因為你走某樣野就好似蝕咗咁🎐

寫食評嚟講我都特別喜歡寫黃店，呢啲小店都比集團式嚟得有心機同人情味多。適逢在遊行之日，好在我早點到，店員俾咗點餐紙我哋自己圈，食完步行出店嘅時候已經見到門口大排長龍！店舖十分有趣，下午時段係沾麵專門店（只做沾麵），晚上係拉麵專門店（只做拉麵），此形式在香港較為少見。店內雖然位置也不多，但佈置極有心思，除咗有好多唔同嘅日本動漫嘅海報，仲有好多係店員自己嘅畫作，例如有介紹乜嘢係魚介。而且有留言板，比客人留言。如果大家有細心留意，會見到點餐紙最底係一個「客人意見」嘅空格，而且有部份意見仲比店員留低貼左喺店舖入邊，代表店家十分重視客人嘅意見。我點嘅魚介豚角蕃茄海蝦拉麵，建議平時食得不多嘅女孩子食180g麵都夠。因為落order叫咗辣，所以食落都ok，味道都算濃！男朋友點的魚介豚骨沾麵，佢話我嘅沾麵濃啲好味啲！如果鍾意日本動漫嘅朋友都值得嚟支持下！

旺角食沾麵佢真係出晒名。成幅牆都係同人作品，一張張漫畫風真係目不暇給。10月1日休息一日比員工罷工去遊行，雖然遲左啲，同埋得一次，但都有心架喇。晏奏排隊要等十令個人，不過係門口就比顧客落左單先，入到去好快就有得食，所以人流都算快。$85 魚介豚骨焙煎黑芝麻沾麵黑芝麻味好濃，但唔覺咸啊口乾咁。師傅講明麵量比正常係多1.5倍，食晒又真係會幾飽。肉粒比較少，下次我應該要加肉。留意返，佢晏奏食沾麵，夜晚係食拉麵既。

香港難得一見的黑芝麻沾麵！味道十分濃郁令人一試難忘。選擇了普通麵的份量仍然有些食唔晒～因食到最後太濃稠的醬汁感到有些少膩和咸。但整體而言性格比高～沾麵大份調味好上菜速度也算快～值得再試

今年聖誕節既下晝🎄一行四人去到朋友介紹既旺角日式拉麵店佢下午其實係只食沾麵夜晚就只食拉麵所以想食拉麵既朋友要留意返呀一到步 已見長長既人龍排隊店員都好好 會比定餐紙我地落單但要齊人先可以入去入到去每個角落都係充滿日本動漫角色既畫好地道 好似置身係日本咁等左一陣 終於黎到我叫左魚介豚骨焙煎黑芝麻沾麵（熱）個湯底充滿濃濃芝麻味鍾意芝麻味既朋友一定要試呀麵既份量都較多 女仔食晒會好飽糖心蛋就唔太出色 因為唔太流心其餘既都好滿意打算下次夜晚再黎食拉麵🍜

要努力為良心食肆寫下食評約左朋友係旺角東站附近，唔想幫襯連鎖餐廳，就搵下💛良心apps , 發現落地面大直路會經過衣間漁場台風。當日到達餐廳都只係六點三四，門口都已經排左大約十個人，等左三四個字就已經入得。排隊落定單，入去坐低好快有得食。餐廳內都係bar台setting, 岩1-2個人去食。擺設都好有居酒屋嘅風味，好有趣。講到主菜，食左一個鰹魚味豚骨拉麵睇落去湯好濃，但飲落去唔會好咸，有d鮮。麵質地都爽口彈牙，唔糊唔痴牙，而且都掛到幾多湯，不錯。肉雖然未叫入口即化，但都唔會鞋口，都軟化。友人叫了個櫻花蝦湯，非常香，飲落反而無聞落咁重味，輕口味朋友可以試下。份量都係一大賣點，d麵比外面多1.5倍，食完都幾飽，衣個價位算非常超值。牆上寫d配料可以互換，我地落完單先發現，大家有興趣可以試下。💛💛💛💛

夜晚同朋友去旺角行街, 想食日本拉麵, 見到有間好多人排, 就去食!照左一碗好受歡迎既魚介豚骨拉麵。 加多左紫菜湯方面, 我揀左特濃. 普通麵量但都多過出面一般既拉麵店 佢既味好香好濃  真係一D都唔淡蛋就唔算好流心, 但係都好食, 暖暖地 ( 都知道係已經做好左)紫菜加落個湯度真係超級好食! 每一塊都有濃濃魚介香  (唔中意海鮮既朋友就可能會差D)食哂之後超飽! 勁滿足!

約左朋友出旺角食飯，見到有間幾吸引既拉麵舖就去左試。我哋去到果陣門口有幾個人排緊隊，店員會出黎比張menu你揀住先，揀完就入去坐低等佢送菜。我揀左燒海蝦味豚骨拉麵，朋友叫左鰹魚味豚骨拉麵。舖頭有寫住自己拉麵既分量係比普遍食到既多，所以好似我比較細食既朋友可以揀150g分量，其實都好夠飽。Menu我既燒海蝦味豚骨拉麵。海蝦分量十足，湯底好香既海蝦味。叉燒略嫌唔夠腍，麵既分量超多，食到好飽。朋友叫既鰹魚味豚骨拉麵，可以見到湯底顏色同我既海蝦味唔同。佢個湯底較濃，鰹魚味都幾香，略縑重口味左少少。佢舊叉燒就好腍好正。舖頭比想像中多座位，星期四晚黎講，七點幾未坐滿人，可以慢慢嘆。麵既分量超多，味道唔錯，店員既服務都幾好，好有禮貌。