滿小館

營業中

休息中

來到滿小館，先開一壺白桃烏龍茶，茶味清爽中帶點白桃香，烏龍茶可解油膩。🍅 冰鎮荔枝串串茄 ～ 天氣太熱點呢個真係好透心涼， 荔枝拆肉切碎，拌入串串番茄仔雪凍酸酸甜甜好開胃。✡️ 嫩滑酸菜魚 ～ 每片魚都咁滑榴， 入口帶點酸辣夠麻， 配菜有豆卜，大豆芽，酸菜，最特別竟然係配米線底，我真係估佢唔到呀！米線吸哂d 酸湯超正喎。✡️ 火焰古法燒腩叉 ～ 厚切腩叉， 用古法火焰去燒， 面層的桂花糖夠香甜， 腩叉入口鬆軟，忍唔住食多兩件都唔會過份🤪。✡️ 啫啫通菜煲 ～ 呢味菜係我和謙謙最喜歡的， 喜歡佢煲上夠哂惹味特別係d 豬肉碎蝦乾碎連同通菜一野送入口送飯一流。✡️ 海味野菌炆伊麵 ～ 野菌配伊麵好夾，伊麵炆得入味又唔會油膩，謙謙話正。

‘’去滿小館必食火焰古法燒腩叉🐖 和懷舊蝦多士🧇‘’，好多身體朋友都係咁同我講，究竟係真係假😂？好簡單，等我今日帶老婆去，就知道係真係假啦😆。滿小館 係一間新派精緻中菜館，佔地面積大，座位闊落，店員勤快，第一印象已經非常良好😍。火焰古法燒腩叉 $168腩叉十分巨型🫢，放在爐架上再送上枱，店員隨即點火🔥，火焰從盤底鼠出來，視覺效果一流😍，一定要準備手機打卡📸。厚切腩叉足足有一厘米闊，面層鋪有肉鬆混入柚子蜜汁🥰，味道香甜，肉身肥瘦相間，肉香及油脂香味並存，肉質結實，口感軟腍，特別又好食😋。懷舊蝦多士 $58/件多士🧇炸得十分香脆乾身，面層鋪上滿滿的蝦膠，蝦膠幼滑彈牙仲有粒粒蝦肉🦐，鮮味多汁，老婆都話食完一件好想再食多件😍。懷舊中式牛柳 $168牛柳🐂大大件，口感軟腍嫩滑，醬汁酸酸甜甜，配埋清甜爽脆的洋蔥絲，送飯一流😋。大蝦上湯伊麵 $188大蝦有6️⃣隻，質感嫩滑彈牙，伊麵🍜吸收咗上湯後，味道鮮香，更加好味😋。懷舊炸大腸 $98大腸炸得十分乾身香口，配搭底層清甜的菠蘿🍍一齊食，既解膩又醒胃😋。總括而言，除咗2️⃣款名物外，其他菜式都有高水準，難怪有咁多人都話好食。

去完歐洲旅行真係好掛住香港既中菜呀!!! 一返到黎就忍唔住即刻食返夠本喇今日黎到尖咀呢間叫"滿小館"既中菜廳, 交通超方便, 地鐵站一出就到喇~~餐廳環境裝修四正, 有多張圓枱大枱之類, 三五知友或同親戚朋友聚會一流餐牌大約2張紙寫晒, 簡而精食物選擇都幾豐富, 有前菜, 小食 主食, 粉麵飯, 甜品等等茶水 $14/位懷舊蝦多士 $58/位一件都好大件喔~蝦多士炸到金黃色, 蝦肉肉質飽滿, 爽口彈牙, 鮮甜多汁多士就卜卜脆, 酥脆可口, 配上蘸醬，添層次感十足陳皮香酥骨 $148呢碟超大碟好抵食喎~~金黃香脆既香酥骨啖啖肉, 肉質軟腍, 外層沾上蜜糖, 每啖都充鹹香同微甜, 口感豐富而陳皮香味獨特, 提升整道菜式既味道!!上湯加拿大龍蝦伊麵 $278加拿大龍蝦超新鮮!!! 肉質爽口又彈牙, 勁好味丫而湯汁味道濃郁, 伊麵條條都掛晒汁啫啫通菜煲 $118師傅炒得非常惹味😍😍通菜綠油油, 嫩滑爽脆連埋配料蒜頭, 蝦乾等一齊, 味道更豐宦椰汁馬豆糕 $38冰凍既馬豆糕柔軟又彈牙, 口感香滑綿密 ,甜而不膩

巧手中菜館，款式多、質素高、價錢亦合理，環境寬敞舒適。酸辣鳳爪併千葉/ 蔥油海蜇頭呢兩款餐前小食都係我好鍾意，呢度都整得幾出色。鳳爪無骨，酸辣味好足；海蜇頭好爽口，以蔥油調味好香。懷舊蝦鳳尾蝦多士 - 上層彈牙，下層酥脆，整體口感豐富，而且有鳳尾蝦嘅香味。八味金磚 - 外層金黃香脆，調味得好惹味，內層則好嫩滑。唔會太厚粉，亦唔會好易散。冰鎮甜酸豬爽肉 - 冰鎮豬爽肉外冷內熱，咬落口感彈牙。醬汁甜甜酸酸，再加上其他水果，都幾開胃。黃金海虎蝦 - 虎蝦啖啖肉，蝦肉都幾彈牙。以鹹蛋黃烹煮零舍香口惹味。脆皮牛坑腩 - 相對有點乾，但牛味幾濃郁。嫩滑酸菜魚 - 賣相亦都幾靚。魚片嫩滑，唔腥。係少酸少辣嘅味道。其他配料仲有豆卜、豆芽、米線，份量絕對唔少。兩碗老火湯 - 茶樹菇燉竹絲雞湯/ 松茸准杞燉螺頭湯，火候同湯料都好足。呢度嘅甜品係幾有驚喜，印象好深刻。最喜歡楊枝甘露同椰香鮮芒卷，非常推薦。

去搭車途中經過過好多次既中菜館🥢今次終於約左朋友仔去食啦👯‍♀️菜式有新派 • 有懷舊，老老幼幼一齊食都冇問題👨‍👩‍👧‍👦而且位置📍夠就腳，揸車定搭車都好方便🫶🏻~•~•~•~•~•~•~•~•~•~•~•~•~•~•~•~•~•~•~• ▪懷舊蝦多士 ($58/件)成面都係脆卜卜，面頭有厚厚既彈牙蝦膠 • 蝦🦐，點埋千島醬汁食🧡.▪懷舊炸大腸 ($98)平時小食店既，都係一串串圈圈既大腸，依個切成一片片，食落更脆口 • 易咬🤓.▪冰鎮鴛鴦五頭南非鮑魚 ▫️清酒Sake ($118/位)▫️磯煮 ($118/位)有𝟐款口味，當然要試晒啦，除左有仙氣冰鎮上枱，大廚👨🏻‍🍳好貼心將佢一分為二，好方便我地𝐒𝐡𝐚𝐫𝐞🤗食落就磯煮口味會惹味𝐝，不過口感上，覺得清酒口味更彈牙。.▪黃金海虎蝦 6隻 ($168)係”厚塗”金沙鹹蛋黃層🧡完美包蓋住脆脆大大隻既海虎蝦，蝦頭仲有膏🦐.▪翡翠麻辣爽魚皮 ($88)麻得夠爽呀！口感又爽！爽爽脆😝底下越有勁多中華沙律🌱.▪滿小館蝦餃皇 ($48)大大粒脹卜卜，外皮煙韌🥟仲有金金閃點綴✨.▪茗茶 ($14/位)除左常見既茶葉外，仲有比較特別既款式🫖我地就揀左瑰麗堂煌

雖然我好鍾意試唔同種類嘅菜式，但對中菜總有一份情意結。而呢一間係我非常推薦嘅中菜館。✨八味金磚炸得金金黃嘅豆腐磚。內層非常嫩滑，外層就好香脆又唔易散，好好味。✨酸辣鳳爪併千葉細細個開始就好鍾意食鳳爪，尤其無骨，食得好滋味😌酸辣味非常惹味！✨蔥油海蜇頭蔥油非常香，配上爽滑海蜇頭，唔錯嘅前菜。✨冰鎮甜酸豬爽肉打卡之選～豬頸肉肥瘦適中，口感彈牙帶點煙靭，肉味濃郁。用冰鎮住別有一番口感。中間仲會有啲水果，例如士多啤梨、菠蘿等，份外清新。✨黃金海虎蝦虎蝦好大隻，蝦肉爽彈。外層配上鹹蛋黃，鹹香惹味。推薦🙌🏻✨脆皮牛坑腩牛坑腩牛味算濃郁，口感帶煙靭。如果再Juicy啲就更理想🤝✨嫩滑酸菜魚顏色好繽紛，賣相不錯。細份份量已經好多，3-4人絕對夠食。魚片嫩滑，骨唔多。酸菜味道濃，酸辣味都夠，其他配料有豆卜、豆芽、米線等。✨茶樹菇燉竹絲雞湯、松茸准杞燉螺頭湯都好足料，火喉十足。不得不讚呢度嘅甜品☺️全部都超級好食！✨椰香鮮芒卷 - 外層係煙韌芒果皮配上椰絲，餡料係鮮甜芒果粒配上椰香忌廉，又香又甜又煙靭又Creamy。✨楊枝甘露 - 口感似布甸般濃厚，而且有非常香濃芒果同奶香。✨椰汁馬豆糕 - 好香滑彈牙，質

位於尖沙咀東部的優質中菜館「滿小館」，之前午市已和家人嚟飲茶，點心非常有創意又好食，而且以這樣高質素價錢亦非常合理，今次和朋友來朝聖佢哋嘅晚餐，平日嘅夜晚已經差唔多全場爆滿，人氣鼎盛，打開Menu好多嘢都想食，店員推介火焰古法燒腩叉和懷舊蝦多士係必食推介，咁就真係一定要試吓👍🏻▪️冰鎮話梅涼瓜 $ 78先來個開胃頭盤，涼瓜口感清爽，味道甘甜一啲苦澀味都冇，最精彩就係話梅醬汁，酸酸甜甜，充滿梅香，伴涼瓜一齊食味道簡直一絕，好開胃▪️紅燒BB鴿 $ 68炸得皮脆肉嫩，肉質Juicy又夠入味，鹹香鹹香，更可以沾上淮鹽，更加有風味▪️火焰古法燒腩叉 $ 168必食推介，上枱時店員再用火再燒外層一次，令其更加焦香，腩叉面層鋪了一層滿滿的桂花，一邊燒一邊聞到桂花蜜香味，而且件件厚切，肥瘦適中，肉質軟腍腍又唔入味，充滿麥芽糖的甜香，好好味▪️懷舊蝦多士 （兩件）$ 106近期食過最好嘅蝦多士，多士炸得非常香脆，重點係一啲都唔油，蝦膠更加不得了，蝦肉和蝦膠比例剛剛好，口感彈牙味道充滿蝦的鮮香，再加上黑芝麻更加香口▪️杞子花膠浸大白菜膽 $ 148清新健康之選，大白菜膽清甜又飽滿，用杞子花膠浸熟，令湯頭都有清甜味

食物方面其實ok，另外個別員工態度就好有問題，睇你好唔好彩有無撞正係個個男員工。只要你唔食佢推介嘅菜式，佢就會黑面不停過嚟執嘢趕你走甘滯食得好唔開心佢哋係多旅客支持嘅，食物有啲都幾特別而且幾好味。但如果你要慶祝生日，想同朋友傾計開心就千祈唔好揀呢間！佢哋只會對熟客好，我好少寫食評，但今次太震撼！食物真係無問題！只係佢哋會有差別待遇，我見佢哋對日本旅客都幾差，人哋無食佢介紹嘅海鮮，佢就會好大力甘放低餐具食飯甘，都幾嚇人ga，總之就係個種唔憂賺你個幾百一千蚊嘅餐廳囉。

The Moonious🌕 Delicate Chinese Traditional Cuisine🥢..尖東一家新派精緻中菜館🥢，餐廳空間面積大，座位闊落。黎到要必試招牌菜：冰鎮咕嚕肉及清酒煮南非鮑魚🐚，真係好正😍！中餐真係好適合與家人聚餐，所以就趁住下午有時間就同屋企人來吃個點心、小菜、來喝個茶吧。滿。茶香：白桃烏龍 $14 位【花膠扒套餐】 $108 位午市設有套餐，一個價錢已經有：🔸滋味燉湯 (勁足料，感覺好滋補養生，呢個真係要試❤️）主角🔸蠔皇原件花膠扒 (不厚但勝在夠大塊呢 過過口癮也不錯）🔸高湯浸時蔬 (跟餐份量不少 仲有養生蟲草花）🔸瑤柱蛋白炒飯 (有誠意既飯類主食)。🔸火焰古法燒腩叉 $168🔸冰鎮小館五頭南非鮑 $118 位🔸黄金一夜干魷魚 $98當然唔少得其他特色菜式：🐽火焰燒腩夠惹火🔥，古法味道足，肥瘦比例分明，鐘意食肉獸既朋友要試試！招牌冰鎮鮑魚🐚 同樣別錯喔 (清酒Sake & 磯煮）大大隻又彈牙入味。🦑 滿滿咸蛋黃香🧡，一款很好佐酒小食呢。🔸满小館蝦餃皇 $48🔸楊枝金露凍 $42另外仲試左點心：蝦餃同樣大粒足料，甜品楊枝金露好香濃又香甜，點心質素都不差喔！

😃價格頗合理，食物優質，服務平平。午膳套餐，花膠配蔬菜，老火湯，及瑤柱炒飯，份量十足！😦最可惜是......空調系統强差人意，多次催促，才肯改善，有很長時間大家要冒着"汗"進膳！

近來喜歡💕中菜，其中同朋友來過有間滿小館的高級中茶館好有水準！位於尖東麼地道近停車場🅿️又近地鐵站🚉都夠方便！餐廳🍴環境華美，打卡都不錯👍其中我哋點了不少皇牌：前菜冰鎮荔枝串串茄 🍅上桌時煙霧慢慢飄著感覺夢幻🧡，粒粒冷凍的蕃茄酸酸甜甜開胃！火焰古法燒腩叉 叉燒賣相火焰🔥 吸睛，十分之厚切，上面梅子醬甜帶微酸，可以中和油膩感，惹味獨特！另外還有燉湯品、薑汁紅棗甜點🍮都好出色，使我難忘🧡📍尖沙咀麼地道63號好時中心地下30-41號舖

請外國回港親戚到滿小館飲茶。要求脆米海皇泡飯分碗上，經理態度惡劣回復「無依樣服務」。八日內光顧第四次，上次要求侍應都有分碗。服務差，出品幾好都無用。何況特色點心同菜式越來越少。

滿小館 📍尖沙咀麼地道63號好時中心地下30-41號舖👻🍽️前排食得太多西餐，突然中菜癮起就醒起平日經常路過嘅滿小館！💁🏻‍♀️位於尖東麼地道，就對住🅿️安達中心停車場入口，非常方便。🫖當日九成都系大枱朋友聚餐，得我哋系兩丁友撐枱腳😂 中菜都系多人食開心啲嘅，起碼可以叫多幾款菜式呀！🤣餐牌都幾鬼馬，除咗平時嘅🧑‍🍳廚師推介之外，竟然有📸「相機食先」 呢個推介，鐘意打卡就知道點叫啦！📸火焰古法燒腩叉 $168呢碟菜式就喺「相機食先」嘅其中一道菜，果然系好有噱頭！上菜嘅時候職員已經會提你拎定手機，因為舊叉燒會著火架，賣相同效果每格客嘅反應都系好興奮。大大舊非常厚切，而且有梅子醬系面頭，甜甜帶微酸，並非傳統叉燒嘅蜜汁甜味，感覺可以中和油膩感，口味獨特得來有幾清新。🍤🍞懷舊蝦多士 $58多士表面有大大只蝦，中間就同傳統蝦多士一樣有蝦膠，成份多士脆脆地幾香口。🍲海鮮湯脆米泡飯 $188推介必叫item！湯飯里有大量蝦仁，每啖都充滿海鮮，湯底亦都好濃郁。另上一碟脆米，必須要灑上自己碗湯飯上面，呢個系成個泡飯嘅靈魂！脆脆增加口感，令到成個體驗加曬分！🥩鐵板姜蔥爆牛柳 $158一上枱嘅時候鐵板依然喳喳聲，牛

意想不到，在較偏遠的竟然還有爆場的中菜館，原來出品賣相特色，難怪有那麼多捧場客推介👍🐷火焰古法燒腩叉$168.0熊熊烈火❤️‍🔥腩叉五層腩，入口油脂融化，口感稔軟，賣相極佳！🦐黃金海虎蝦(6隻) $168.0超豐富的鹹蛋黃！巨型虎蝦*6 好誇張！滿足😌🥬啫啫通菜煲$118.0滋滋作響，通菜份量夠多，鹹蝦肉碎調出鮮味！🧊🐷小館冰鎮甜酸豬爽肉$198.0冰鎮咕嚕肉高級版，加入菠蘿🍍，藍莓🫐，草莓🍓，中和肥膩感，正👍🍅冰鎮荔枝串串茄$78煙霧離漫，酸酸甜甜又開胃，賣相非常出色🍮紅米草莓卷$42.0最後以甜品作結滿小館 (尖沙咀)尖沙咀麼地道63號好時中心地下30-41號舖

真是服务态度很差 点了个澳洲龙虾 说做澳洲龙虾伊面 跟我说没有，然后没说跟我做了一个水煮龙虾，真的非常恶心 服务态度很差 这样做龙虾 真的暴殄天物 太浪费 千万别来这家店 真的垃圾 尖沙咀体验最差