滾爺火鍋 (金巴利道)

營業中

休息中

呢間隱世火鍋店打邊爐最適合同一班朋友食飯！雖然價錢有少少貴，但係物超所值，啲野食係遠超價錢質素！！2001招牌椰子雞鍋（半隻雞）$248:一上枱嗰下有啲驚訝，仲諗緊自己係有冇叫到椰子同椰青，於是店員將半隻文昌雞倒入鍋中，再倒埋椰子水同椰青水嗰下先知，哇！好正，即刻覺得勁抵！ 椰子水勁濃郁，香氣撲鼻！雞肉都好滑，有淡淡的椰子味！3007 choice 級美國安格斯牛肩胛$228:上格配埋有乾冰的氣體飄下飄下，成件事高級曬，牛肉味好濃，食落肉質都幾嫩滑！ 推薦！1212 椒鹽魷魚鬚$88:呢個超級超級推介！ 即炸同埋係同平時茶餐廳食嘅唔同，好好食，會想食過返尋味！4015 新鮮鱔片$158:魚肉肉質有入口即溶嘅感覺，再加上我唔鍾意食魚骨，呢個鱔片一啲魚骨都冇！而且加埋椰汁，一啖啖清甜味！5108 鯪魚滑釀豆卜$38:一放落去湯底煮滾之後，鯪魚滑同豆卜會分離，呢個肉質就麻麻，唔太推介5001 手打四寶丸$88:一般般，同平時出面食嘅分別不大7001: 讚岐烏冬$28:一份會幫你分開兩個烏冬，都幾滑幾抵食！

放工同朋友行婚紗街，見到有間火鍋叫滾爺，見個名改得唔錯就去試。秋風剛起，湯底選左招牌椰子雞，足料半隻雞，最勁烈係店員係你面前倒入2個椰皇+2個椰青做湯底。大火滾起再焗5分鐘就食得，雞滑椰子味香濃。個椰子湯勁清甜。美國安格斯板眼，牛脂分佈均勻，厚薄適中，牛味香濃新鮮第一刀 (新鮮豬肉)，厚薄適中，鮮甜肉鮮嫩手包韭菜餃，手包鮮蝦雲吞，大大粒，足料新鮮好味彈牙手打墨魚滑，彈牙新鮮，食到粒粒墨魚香甜的湯底一定要加個蜂巢豆腐吸湯底，贊值得一贊係滾爺個菜真係比足一藍，同一般火鍋店不同

又係打邊爐嘅時間，尖沙咀原來有間隱蔽打邊爐，係金巴利道附近，食飽飽再去附近飲野都好方便招牌椰子雞鍋（半隻）湯底點了椰子雞鍋，網上食評嘅即場落椰子湯🥥已經無做了，轉了直接上鍋底，方便又快捷。鍋內本身有椰子片同雞件。雞件分量都足半隻雞的，有好多件，更有小馬蹄粒要說呢個爐真係好勁，無論之後加幾多湯，不夠10秒就會滾，未見過咁強勁嘅爐。有了呢個爐，我哋湯底嘅雞肉好快就熟，保持嫩滑口感。油麥菜打邊爐要食多點菜哦！ 油麥菜夠青嫩，賣相一流，修剪得一流，證明好乾淨！ 是必點名物🥂讚歧烏冬椰子湯配烏冬一流！ 而且烏冬好彈牙好好食，掛滿濃濃椰子味，好食到想知係咩牌子，買番屋企食😍手打蟹籽墨魚丸看著手機點餐時，朋友仲話黎到一定唔會咁靚。點知！ 真係同圖片一模一樣！ 滿滿的蟹籽圍滿了墨魚丸外圍，只係食蟹籽都抵，好抵食，重點係佢真係黏得好好，放入湯都無散開過，口感脆脆的，加上彈牙嘅手打墨丸，好好味

在香港食椰子雞 都一樣吃到好味道 我自己特別住在香港仔 北上一點也不近今日喺尖沙咀 食到一間好好味嘅椰子雞招牌椰子雞鍋半隻雞椰子雞，確實真材實料 先將整個椰青水倒入去不加一滴水 煮出嚟嘅雞又香又滑又清甜如果一個椰子雞鍋，200多元 其實都好OK仲有個沙漏 精準計時嘅雞肉嫩滑而且最近有少少涼意 食椰子雞潤一潤就啱晒食完就可以火鍋今日叫了不少火鍋配料讚岐烏冬 即炸響鈴蜂巢豆腐 娃娃菜 手包韭菜餃全部都新鮮 當中，非常欣賞佢嘅手包韭菜餃肉質鮮嫩韭菜味好香 而且沒有雪味響鈴就係即炸吸晒湯嘅香味 最後食埋個烏冬啱啱好好完美嘅一個火鍋而且冇限時 岩曬吹水傾計

中秋過後又係時侯補一補, 知道金巴利道滾爺火鍋有個出名滋潤嘅招牌椰子雞鍋. 咁就去打個邊爐.招牌椰子雞鍋 – 店員即開2個椰王, 2個椰青, 直接倒入放左半隻新鮮雞嘅鍋裡面滾. 大火滾左一陣, 聞到超級清香嘅椰水味. 配上肥大肉厚嘅雞件, 呢個招牌椰子雞鍋真係正. 頭啖湯, 清甜香味十足.美國安格斯板眼，濃郁嘅牛肉味濃, 脂肪分佈均勻，肉質鮮美. 新鮮第一刀 (新鮮豬肉)，非常柔嫩，肉質細緻香滑, 完全食到甜味和肉香.手包韭菜餃，手包鮮蝦雲吞，材料豐富, 粒粒都夠哂份量.彈牙手打墨魚滑，新鮮彈牙，墨魚味香濃, 入口重食到粒粒蟹籽, 卜卜聲蜂巢豆腐 – 吸收哂個椰子雞鍋香甜味, 豆腐爽滑細緻. 點左2款蔬菜, 油麥菜 + 唐生菜, 又係份量十足, 成左幾轉都未食完, 蔬菜重係超級新鮮.

放工同朋友行婚紗街，見到有間火鍋叫滾爺，見個名改得唔錯就去試。秋風剛起，湯底選左招牌椰子雞，足料半隻雞，最勁烈係店員係你面前倒入2個椰皇+2個椰青做湯底。大火滾起再焗5分鐘就食得，雞滑椰子味香濃。個椰子湯勁清甜。美國安格斯板眼，牛脂分佈均勻，厚薄適中，牛味香濃新鮮第一刀 (新鮮豬肉)，厚薄適中，鮮甜肉鮮嫩手包韭菜餃，手包鮮蝦雲吞，大大粒，足料新鮮好味彈牙手打墨魚滑，彈牙新鮮，食到粒粒墨魚香甜的湯底一定要加個蜂巢豆腐吸湯底，贊值得一贊係滾爺個菜真係比足一藍，同一般火鍋店不同

原本Openrice預訂咗18號下午油麻地分店,去到門口先發現冇開門！打電話過去問先知原來係開四點！咁你OpenRice就唔好俾人訂啦，同埋你寫到明公眾假期係12點開門！點解要人白行一趟？我仲要專登搭的士出黎！已經超嬲但係朋友想試呢間，唯有再搭的士落去尖沙咀分店入到餐廳得一枱客人，仲要準備埋單走人然後員工只得一位仲要呢位員工同佢講嘢要講三次佢先聽到落完單之後，嘢食都起碼等半個鐘以上先到齊（全場只得我們一枱客人）去到中段想加單飲品（QR code冇無酒精飲品叫），即使我哋大嗌仍然冇員工出黎落單，直頭行埋出去搵都搵唔到個員工最後係迫於無奈要打OpenRice個電話通知員工出嚟幫我哋加單嘢食已經又貴又唔好食，仲要咁嘅服務真係冇下次

第一次食椰子雞打邊爐！🤭同朋友去咗滾爺打邊爐食飯，試咗佢哋嘅招牌椰子雞鍋，體驗好特別~佢哋用咗兩個椰皇同兩個椰青嚟做湯底，完全冇加水㖭。個做法係等湯滾咗之後熄火，等5分鐘就可以飲湯食雞喇🤤個湯真係好香甜，雞肉都嫩滑多汁，一啲都唔柴。飲完第一煲湯之後，佢哋會加多啲湯落去，等你可以繼續打邊爐。我哋仲叫咗墨魚滑、炸魚皮同娃娃菜嚟配，樣樣都幾好食。墨魚滑彈牙，炸魚皮脆卜卜，娃娃菜就鮮甜同湯底好夾。醬料嘅選擇都幾多，我自己最鍾意蒜蓉同青檸仔~!另外佢哋有好多海鮮刺身，手切牛肉同配料可以選擇，可惜今日只係得兩個人叫唔到太多，下次會想試吓台台都叫嘅海鮮拼盤🦞🦐

中秋將近，又到一家人聚集一齊食飯。今次揀左一間高質素的火鍋店。入到餐廳就見到有一個位供人打卡，幾靚合適少女心爆棚的人。坐低後就即刻放上醬料盆（九宮格）就自己喜好而調味。招牌椰子雞鍋（半隻雞）$248半隻文昌雞、2個椰皇和2個椰青煲成一煲湯。4個椰子水加半隻雞煲出來湯是超級超級清甜，飲到我停唔到口。平時其他店都是一個椰子加半隻雞，但依間是4個椰子，就此藉得一讚。（美食推薦度10/10）鯪魚滑釀豆卜$38及手打四寶丸$88鯪魚滑釀豆卜味道正常，但優勝之處是勝在夠平。手打四寶丸（牛丸/墨魚丸/蝦丸/鯪魚丸）我認為當中的墨魚丸及牛丸較好食，墨魚丸彈牙由口感，牛丸香濃牛味及嫩滑。而蝦丸及鯪魚丸就質感較鬆散，但食材是新鮮。（美食推薦度8/10）Choice級美國安格斯牛肩胛$228牛肩胛肉肉質較濃及較少脂肪，就算滾得較耐，但肉質都並不會變得硬柴仍然是嫩滑好味。牛肉的份量比想像中多，四個人食一碟都足夠，都幾抵食。（美食推薦度10/10）椒鹽魷魚鬚$88椒鹽魷魚夠惹味，好有街邊小食檔的風味。想不到火鍋店都可以吃到這種口味的椒鹽魷魚。（美食推薦度10/10）新鮮鱔片$158鱔片是好新鮮，味道是鮮甜，並沒

最近去左試尖沙咀呢間滾爺火鍋，叫左個好出名嘅椰子雞湯火鍋，湯底夠曬純正清甜，用左3個椰子水，湯底超甜，仲包埋半隻文昌雞，雞夠肥同嫩滑，肉都爽口唔鞋，好多肉食，幾好食！另外，我地叫左手打丸拼盤、豬潤同埋皇帝菜，大致都ok。丸有8粒，分別有牛丸、鯪魚球、蝦丸同埋墨魚丸，全部都真材實料，蝦丸特別彈牙。另外豬潤同菜嘅份量都好多，豬潤夠厚同新鮮。地點方便，不過坐位比較少，如果想試就要預約定或者去其他分店啦！

尖沙咀火鍋好去處🌸✨🏡 滾爺火鍋 (金巴利道) (尖沙咀)📍 尖沙咀金巴利道58-60號金碧閣地下A號舖呢餐嘢整體唔錯，食材新鮮，味道有層次。美國安格斯牛板眼（$188）肉質嫩滑，油脂分布均勻，麻辣湯底同沙嗲湯底都能夠突顯牛肉香味。即炸響鈴（$58）外脆內軟，點埋熱辣辣嘅湯就最啱食。鴛鴦鍋（$168）沙嗲湯底濃郁，麻辣湯底辛香，兩種湯底帶嚟唔同嘅口感享受。冰鮮魚皮餃（$48）魚皮彈牙，內餡鮮味十足，係唔錯嘅小點。萵筍（$38）清脆爽口，食完重口味嘢之後幫你清清味蕾。總括嚟講，呢餐性價比高，值得一試。

好正😋第二次再嚟食🤩餐廳好大又多位，座位闊落招牌椰子雞鍋（半隻雞） $248推介✅真材實料用2個泰國產椰青及椰皇而煲🥥椰青雞湯底好濃郁又清甜，雞肉鮮嫩又滑，焗得啱啱好，食落仲有陣椰子嘅香味，不過要慢慢食小心食到有碎骨🙈配料仲有椰子肉、小馬蹄西班牙無激素豚肉片 $178份量有8-9片，每一片大細平均，豚肉片質地鮮嫩🤩肉味濃郁，配上自配調味😋好惹味娃菜 $28份量唔少，每一塊都好新鮮，非常清脆可口，口感清新👍🏻紅薯粉 $18質地唔算好煙靭，口感滑順，只需3至5分鐘好快熟透醬介/位 $18📍滾爺火鍋尖沙咀金巴利道58-60A號金碧閣地舖

週末將至，計劃約朋友出來放鬆，互訴生活中的大小事，朋友想行街購物，之後可以食晚餐，於是大家多番決定之下，來到地點人流很旺，交通四通八達的尖沙咀「滾爺火鍋」打邊爐。招牌椰子雞湯底用上泰國新鮮直送椰子及椰皇，新鮮椰子肉等配料，完全無加水，原汁原味，之後再落半隻文昌雞一起煲，煲滾完之後熄火等5分鐘，然後可以開蓋開始去食，雞肉彈牙香滑，湯濃郁又鮮甜，滋味無比。西班牙無激素豬頸肉豬味濃，厚薄適中，唔會韌，食落嫩滑，質地柔軟，讓人回味無窮。即炸響鈴響鈴是即炸，咬落脆口，食過番尋味，正合我的口味。唐生菜全部翠綠，生菜新鮮，爽脆清甜，滿載的味道清新。滾爺火鍋（尖沙咀）地址：尖沙咀金巴利道58-60A號金碧閣地舖

其實我係第一次食椰子雞火鍋，真係唔知佢原來係咁倒啲椰子汁落去…聽講”滾爺火鍋”係專做椰子雞鍋，就嚟到尖沙咀分店試吓。入到去佢主要係卡位，兩個人坐都唔會迫，另外佢有獨立房間，仲聽到入邊嘅人喺度唱K😅。招牌椰子雞鍋(半隻雞) $248一上到嚟已經見到一堆椰子/椰皇😅，跟住師傅就會倒晒啲椰汁落去個鍋度，加埋啲蓮子、椰子同半隻雞一齊煲，打開蓋時已聞到濃烈嘅椰子味。煲完出嚟嘅所謂”湯”，根本唔存在”幾濃幾淡”，因為佢係一滴水都冇落，所以必然係最純正嘅椰汁味，加少少雞油味喺當中。味道當然非常鮮甜，我哋差唔多清晒。雞亦吸收咗椰子味，不過如果想味道再豐富啲，就可以點佢提供嘅火鍋醬料。跟住師傅就會倒正常嘅火鍋湯，我哋叫咗少量配料。金沙魚丸八粒 $58 - 有蛋黃喺當中嘅丸，好味亦抵食花甲/沙白 $78 - 份量唔算少，表現正常，花甲亦夠大隻即炸響鈴 $58 - 上到嚟係啱啱炸好，表現亦正常椰子雞鍋，可以話係餐廳嘅主力，無論過程同味道都夠晒特色，其他配料相對上只係錦上添花，金沙魚丸亦算特別。下次可以試吓佢其他肉類同配料。

從來未試過咁差嘅火鍋，晚上8:00竟然係全場一個伙記，想叫個人都冇，之後就叫個拖地亞姐黎上菜，收千幾蚊帶子係痴住喺冰上面唔知雪咗幾耐，啲手打丸係霉，牛肉超肥，衰過佳宝，仲同我講話因為來貨唔靚，來貨唔靚，你可以唔上，點可以有呢啲解釋