滬江飯店

營業中

休息中

尖沙咀老牌上海飯店 @滬江飯店是日家人五人聚餐，叫左好多野食，好開心好滿足👵🏻🧕👮🏻‍♀️👩🏻👧🏻水凖依舊全部野都好好味💜🔥北京填鴨二食-皮烤得超級香脆超級香脆，師傅手勢好好，皮肉恰到好處，包鴨既麵皮我好鍾意，夠熱又軟糯-鴨鬆炒飯，多料又炒得乾身🔥臭豆腐-外脆內軟加埋甜醬辣醬👍🏻🔥清炒河蝦仁-味道剛好又就爽脆🔥蔥爆牛肉-京蔥好香牛肉好軟淋🔥水煮魚-魚肉超級滑加上好足配料🔥前菜皮蛋酸薑-好糖心🔥烤夫就正正常常🔥甜品三味，高力豆沙，芋泥鍋餅，酒釀丸子，保持老上海的風味，正

朋友一早book定位，入到去都幾full，如果冇book位應該食唔到小籠飽湯汁略嫌唔夠多，皮比較厚實，如果薄啲會比較好食🤏🏻松子大桂魚炸得好香脆，魚新鮮，冇咩骨，配埋甜酸醬，正👍🏻唔怪得見好多枱都有叫火腿夾第一次食🤣用軟熟嘅蒸包夾住金華火腿同響鈴一齊食，金華火腿我覺得唔夠入味，響鈴就夠脆卜卜嘅，不過我覺得味道一般，但係朋友覺得好好食🤣油炆茭白煮得唔夠入味，口感似食緊菇舟山紅蜇頭味道都係一般般素鵝(冷盆)呢個唔記得影🤣🤣入面有好多切咗絲嘅菇菇，豆腐皮薄，煎得夠脆，口感都可以整體覺得一般般😅

每逢節日都有點傷腦筋在哪裡聚餐好，同時亦好期待跟家人一起吃頓好的。穩陣起見，通常都不會在這時候試新餐廳，所以今年中秋選了滬江飯店，印象有傳統的滬菜，也有些別家上海菜館沒有的菜式。✿可能肚餓的關係，餐前的海苔花生和菜甫都很快被掃清，非常惹味✿上海烤麩 $86 有些地方烤麩是頭盤冷吃，這裡是暖吃，厚厚的頗入味，比較紥實，跟手撕的不同質感✿響鈴火腿夾（五件) $240 Standard應該是四件，我們五個人，有幾道菜都多加一件。這是我們今晚最喜歡的一道菜，炸得脆卜卜的響鈴加上用蜜糖煮過的鹹香火腿，夾在包內很美味！✿豆腐餃子 $100另一道有驚喜的菜式，用豆腐作餃子皮包著滿滿的蔬菜餡料（我們估是薺菜），清新可口，底層還有一層生菜，吃得好滿足✿炸臭豆腐 （五件）$90臭豆腐很神奇又矛盾，越臭越香。這道豆腐外酥內軟，又脆又香，沒有油膩感✿葱油餅 $54多葱，厚，香脆✿醬燒新鮮淮山 $100淮山爽脆惹味，這食材原本味道偏淡，原來醬燒之後會變得很滋味✿今晚可能節日所以枱擺得比較密，我們位置近門口通道常常被片皮鴨的車撞到。但值得一讚上菜快，環境衛生。

🥢 鎮江肴肉 $106肉味豐富，彈牙，咬落絕冇肥膩感，點埋薑絲鎮江醋，一絕。🥢 響玲火腿夾 $192響玲炸得好脆口，夾埋蜜汁火腿，很好味。🥢 百頁結烤肉 $146百頁做咗結來吃，增加口感，炆得好味。🥢 松子大桂魚 （半條） $220魚塊炸得剛剛好，外皮脆口之餘，仍有魚的肉汁。個甜酸獻，味道和稀杰度也煮得恰到好處。一定要食👍🏼🥢 砂鍋雲吞雞煲 $210好味，隻雞煲完都好有雞味，唔會散晒，不用點豉油都好好味。🥢 炒帶子🥣 酒釀丸子糖水加咗柑肉，酸酸地，都幾好味！

先看一下滬江這個下午茶套餐廣告板, 正是8月1日來吃午餐時拍下的, 當時已打算找個時間來吃.今日又是本人一年一度預約在尖沙咀的洗牙日, 牙科診所又近滬江, 正好來吃吃這個下午茶套餐.到滬江時未夠下午2:00, 所以未能即時入座, 但侍應也給我們一張當週的下午茶套餐點菜單先作參考,原來菜單每星期都會有些更改.今次沒事先訂位, 但很幸運的獲分配4人卡座, 坐得舒服. 安排下午茶套餐客人的位置是在入口接待處的後面, 多數是小方枱, 方便1至2位客人就餐.入座後首先點餐, 每人先叫了1個下午茶套餐, 一杯清茶+一個麵點或飯食+一份小點心.上菜了, 首先份量真的不細, 碗碟擺盤也很精美, 並沒有因為是特價餐而打折扣.第一個餐是排骨担担拉麵配2隻小籠包.這個排骨担担拉麵真的極好味, 炸大排足有1cm厚, 炸得表皮香脆而內有肉汁,麵是一般上海麵,偏淋, 而湯底又是另一亮點, 稀"傑"度剛剛好, 最重要是一啖呷入口充滿花生香味, 再試多啖就有辣味隱隱傳來,呢個担担麵湯底做得極好.另一個餐是回鍋肉(跟白飯)配杞子上湯棠菜苗.這個回鍋肉炒得濃油赤醬, 十分好送飯, 內有十幾片豬腩肉, 夾極都仲有.杞子上湯

好珍惜同朋友聚舊，可以坐埋一齊，不分上下場吃飯的時光。地點方便，傳統飯店裝修，都算闊落。叫咗個4人歺，6個人吃都好夠，個湯仲可以分到7碗，有2⃣️個冷盤前菜，仲有糖水，真係好豐富。整體食物好好味，服務員態度又不錯，價錢好合理，推介。

預知8月1日會收到消費劵, 心思思想出街食嘢, 咁啱大姪女話想食滬江(我地係九龍人, 一向食開尖沙咀滬江), 咁就訂位食餐晏啦, 亦順便補祝大姪女生日.雖然是星期日中午, 都坐咗7成枱. 我們主要係來試吓一人午市商務套餐, 每人叫一個套餐, 包一個例湯, 一個前菜, 一個主菜, 一個點心或飯麵, 送一杯檸樂, 再送一個糖水. 睇落好似好多, 其實每樣份量不大, 普通女仔可能食得飽嘅, 但我地兩姐妹大食, 所以再在套餐餐牌中選多一個主菜(特價$88), 再另外叫多一碟炒年糕($110).點完菜就會送上電腦單, 叫咗什麼菜式都一清二楚.很快食物陸續上枱, 速度唔慢架.三碗廣東式例湯: 青紅蘿蔔豬骨雞腳湯前菜一: 蘿蔔絲海蜇皮前菜二: 鹽水鴨片前菜三: 醉豬手主菜一: 蘆蒿肉絲香乾(呢個係4個主菜中最好食的)主菜二:椒鹽排骨主菜三:紅燒獅子頭特價加的主菜: 金湯酸菜魚片1麵食: 蔥油拌麵2點心: 4個小籠包薺菜肉絲炒年糕, 係好食嘅, 但相比以前在此食過的毛蟹炒年糕仍是差一些, 那個真係非常好食!每人一碗紅豆沙點解有2張單? 第一張係原價$755, 第2張係因為當時滬江做緊折扣, 消費滿$5

朋友想食元蹄，今晚帶我來到滬江大飯店，環境有啲像中式酒樓，價錢中上食物份量不算少，適合三五知己聚一聚。梅菜肉鬆煎包（4隻） $78煎包熱辣辣，外皮少少脆，咬開釀了滿滿的梅菜同肉鬆，味道不會過咸。紅燒元蹄 $214份量多到嚇親人，4個女仔都食唔曬，厚厚元蹄皮入口即溶，肉嫩入味，不少小棠菜伴碟，可解油膩感。醬燒新鮮淮山 $100未試過以淮山為主角既餸菜，件件淮山好爽脆，醬汁好惹味，煮到淮山好入味，即使無任何配菜襯托都攞滿分。砂鍋津白 $130有不少津白、菇菌同蝦仁，湯底幾好飲，唔會愈飲愈口渴，食左啲味濃餸菜點返個清清地既津白很不錯。

🍴小女子就覺得這「一人餐」是正常人的1.5份量，幾飽肚，好抵食！🧑‍🦼 餐廳位於地面下，必經約12級樓梯，有行動不便的長者可能要留意。🪑鋪面大，多位置，同老朋友敘舊、食住吹水就最啱。 當日我仲分別見到財經名人和律師等😂💵今次人均消費較正常高，但不能作參考。因為我3人都大食，想吃的全都點了，十級飽🌚而家結帳時仲送你一張coupon下次用(消費滿$350減$100)😎一位用個人餐 $148（已包加一+另加滾水茶位）「是日餐湯」<沙葛眉豆淡菜湯>係回憶中的味道， 又香又醇濃，看到湯渣、真材實料的上等靚湯「前菜冷盤選一」<金陵鹽水鴨>簡單的冷盤，不需要額外的調味，少少的鹽咸味加鴨香，已經十分美味。伴碟的青瓜細絲點兩滴陳醋，更加醒胃。「主菜選一」<乾燒蝦球燴餃子>出乎意料的好味！！！乾燒蝦球的酸甜醬汁用了各種香菜，如蔥頭、蒜、芹菜，味濃又開胃。同枱有業餘食家分析指搶味的功臣是子薑和酒！蝦球就啖啖爽口，肉質緊緻。餃子就用了韮菜豬肉饀，每隻大大粒、又飽滿。一碟有大概7-9隻餃子(好食到唔記得數)，作為主菜，夠晒飽肚。「三選一」<南翔小籠包

朋友生日，本來想吃火鍋，可惜火鍋店人太多沒等到坐位，就隨便選了一家中餐餐廳食飯，怎知道很有驚喜👍🏻*限聚令關係我們五個人分開兩張枱，餐廳把所有食物都分成兩份上枱，照片裡面的是一半的分量醉豬手肉質很軟很入味，酒味很香，非常好吃😋小籠包皮的厚度剛剛好，能包裹湯汁之餘吃下去不會覺得味道不夠👍🏻醬炒淮山的醬很香很濃厚，厚厚的包裹著淮山片，兩者味道中和得剛剛好水煮魚的餐牌上面沒有的，魚片很嫩份量很多，粉皮很滑，薄薄的配著不會太辣的麻辣湯很好吃脆皮蔥油雞雞肉很有味道，皮很脆，沾蔥油吃100分，整晚我最愛這個菜😻黑松露炒芥蘭帶子很芥蘭很翠綠爽口，帶子生熟度剛剛好，有保持濕濕嫩嫩的口感金華蛋白炒飯炒得白飯粒粒分明，有吃到一點點火腿咸香的味道津白雞燉螺頭清清的有一點點雞油的香味，味道不錯整個晚餐店員的服務非常主動，雖然價錢不便宜但質素不錯，有機會會再來👍🏻

在二O二一年元旦，在滬江飯店吃了一頓滿意的午餐。疫市之下，飯店推出一人和二人套餐。每位128元的一人套餐，有前菜，主菜，例湯，點心或飯，還有甜品，好完滿的一頓午餐，很滿足。我們二人叫了兩份一人套餐，前菜有醉雞和鹽水鴨，例湯是材料十足的紅蘿蔔排骨湯，主菜有很多選擇，我們選了傳統的賽螃蟹(嫩滑蛋白加蟹肉)和回鍋肉(薄切肥瘦均勻的腩肉)，味道十分傳統，是正宗的上海菜，令我們十分回味。我們還選了小籠包和蔥油拌面，四隻小籠包皮薄加上充滿肉汁，至於蔥油拌面很彈牙，味道豐富，配襯賽螃蟹更是一流。甜品是薑味十足的蕃薯糖水。在這個寒冷的元旦日，所有餸菜都熱力十足，可抵禦這寒冷的中午。雖然是疫市限聚令下，飯店只是半滿，但服務員仍很落力，地方保持清潔衛生，連洗手間也企理得值得表揚。雖然只是套餐，兩人都捧着肚子，滿意的離開！

見身邊有朋友食大閘蟹食得好開心所以今日到我去食😛餐牌好多選擇不過度嚟度去都係覺得一人套餐係最抵食嘅份量唔會太多又咩都又可以試吓首先嚟嘅係蟹粉湯羹個名我唔知有冇記錯😂不過真係幾好飲！非常鮮甜加咗少少佢哋特調嘅醋之後個鮮甜更加有所提升跟住嚟嘅係每人一隻蟹粉小籠包呢個小籠包我就覺得相對上冇咁出色個湯汁唔算好鮮甜而且個包皮有少少厚有點失望然後上嘅就係主角大閘蟹啦侍應會問使唔使幫手開蟹我哋梗係話好啦😂呢隻係大約五兩嘅蟹公啲蟹膏好多！而且蟹肉鮮甜係幾出色嘅之後係蟹粉糯米飯同埋清炒豆苗個豆苗超級嫩！非常好食蟹粉就唔使講睇到個樣都知流晒口水🤤所以呢一道菜係非常之出色嘅最後仲上咗一杯薑茶同埋薑湯湯圓兩樣嘅薑味都非常之重好辣但係好食嘅湯圓係芝麻餡 非常之香不過食下食下就唔記得咗影相lu😛埋單每人六百幾蚊算幾抵食食物質素交到功課不過大閘蟹真係好寒涼😂😂😂食完個人即刻暈陀陀好虛咁樣睇嚟飲幾多薑茶都補唔番🤣

又到食大閘蟹嘅季節不過我一般喜歡大閘蟹所以揀左食蟹粉貪佢方便又好味同朋友黎呢間佢食過嘅中菜館似乎好多識食老饕都知道即使疫情下都坐無虛席咁我地揀左幾樣食物蟹粉小籠包，蟹粉粉皮，蟹粉豆腐羹，蟹粉麵同片皮鴨老實講蟹粉菜式印象不深反而片皮鴨就幾出色粉皮仲可以再添份量好多我地叫左二食，鴨粉用左黎炒飯，超大碟幾抵食！呢度嘅服務一般好多時侍應都唔會理我地叫開菜都叫左三次片皮鴨我未叫其他食物已經叫上得但最後我食晒所有蟹粉先出現前後仲要追左兩次

每一年既十一月都好期待食大閘蟹呢間店年年都有大閘蟹套餐十分懶的我就覺得十分正😂因為個餐已經剝曬蟹俾你食-第一道菜-蟹粉魚翅 （8/10）第一次食覺得好滿足！味道好濃！不過今年食係無咁濃，稀左，但都唔錯食既時候都要小心，都會有蟹殼第二道菜-蟹粉小籠湯包（8.5/10)襯熱食，好正呀第三道菜-大閘蟹一隻（9/10）呢度嘅蟹都很高質！啲蟹黃正到爆而家一路打呢篇食評一路流緊口水了第四道菜-蟹粉籠仔粢飯 （9/10）好喜歡佢個蟹粉粢飯，啖啖都有蟹粉而且佢個味調得好好味呢！第五道菜-薑茶湯丸（8/10）每人都有兩大粒芝麻湯圓，勁滿足，食完個甜品好圓滿已經好想快啲再去食多次了，如果唔係又要等下年啦！

由於朋友生日、我哋一人叫咗一個蟹餐，可睇吓餐牌有咩食啦，佢個蟹幾好食而服務真係超好！另外因為我哋帶咗蛋糕過嚟切就收返$55但係呢個$55係好值得嘅、因為佢幫你拎個筒裝住熱水熱刀，雖然都係自己切但係出面通常都唔理你㗎嘛，而且兩位員工好熱心一個話係雪糕蛋糕所以攞雪糕蛋糕嘅刀比我地，第一個知道唔係雪糕蛋糕所以拎咗另一把普通蛋糕刀俾我哋！然後我哋已經覺得好窩心好開心了！嗰兩位叔叔真係好服務！敬業！🉐️！非常地好！講返嘢食先、呢一間係唔錯㗎所以都值返呢個價，佢整嗰個響鈴包一定要叫，呢個唔係套餐入邊有嘅不過真係好好食好特色！另外啲蟹都唔錯啊、蟹肉飯加蟹膏再加糯米飯都ok!而且有啲菜伴下，感覺冇咁掛～湯圓都OK嘅！成個餐總體都唔錯！👍都會介紹朋友嚟食嘅如果佢好鍾意食蟹～