滙泉居

營業中

休息中

長假期回港, 開始相約愛酒朋友飲飲食食. 朋友訂咗匯泉居, 食物好又無開瓶費.各人於7時半開始陸續到達. 開了龍井茶及人參烏龍.先來冷盤3小碟. (冬瓜, 蓮藕和茄子)再來海鮮冷拼樟茶鴨草綑牛肉炒韮菜和奶油津白甜品拔絲蕃薯拼年糕高力豆沙同上次一樣咁好味另點了白飯和擔擔麵, 每人170.

大好的星期天...二人到餐館撐檯腳...由於我倆是晚上10時才到步...去到已經無晒人...心想都唔知入唔入好...但門口阿姐好欣勤的叫我們進內...快快手落單.. 叫左個2人餐(內容如下):1. 湯X2: - 海皇翅 (味道一般，不過都係用真翅)2. 涼拌小吃X2: - 雞絲粉皮 (味道可口，連好少吃粉皮的女友都密密食)- 冬瓜粒粒 (意想不到的驚喜，清新可口，味道甜甜辣辣)3. 小菜X2: -賽旁蟹(老實講，真係好一般，而且蛋白製作粗糙)-京燒羊肉(阿姐推介，真的不錯，下次會再食，外脆內軟，不過有幾舊略肥，有進步空間)4. 飯X2-白飯香軟唔多講-菜飯是即制的，炒工一流，不過真係好咸。5. 生果盤-哈密瓜夠甜總括而言:A. 份量多，2人餐可能要3-4個人食B. 我會為左D涼拌小食再去多次C. 店員服務十分好，加左好多分D. 有露天位，適合煙民E. 最好最少4-6個人去，可以叫多D款式

nice food and good service Tried 4 dishes : 1.小籠包 --> very juicy2. 草綑牛骨 --> yummy ！味道突別，不加醬汁或芥末比較好食。3. 和菜戴帽 --> 好有wok 氣，但蛋太鹹4. 青瓜粉皮　--> 正！味道好好

突然有朋友自國外來訪，怱忙下立刻想到此京菜小店。一行四人八時入座，卻只得三枱客，雖云平日晚飯時段，亦令人堪憂，然而也有好處，就是坐得闊落，談話也方便。來過好幾次，落單也快手，先來一個套餐，雞絲粉皮、京燒羊肉、亂炒什菜、雲吞雞、兩個菜飯，另加草梱牛骨，應該可以應付八成食量。水準一如以往，上來兩小碟冷盤冬瓜球及碗豆拌豆乾，一貫出色；羊肉久缺羶勁，卻比較以前酥化。新加入孜然粉佐羊肉，落少少送飯更添豐富層次。牛骨多附一碟芥末醬，感覺像吃牛扒，味道不突出。餐尾多加一碟素菜餃，侍者回覆暫沒供應，唯有來紅油抄手，終究不是廚子之長，欠爽滑及麻辣。單尾送生果，也對胃口。

今日同屋企人食下野, 去左屋企後面既匯泉居食, 真係非常驚喜~估唔到後街有如此高質既京菜~點左個二人餐加醉雞, 非常唔錯, 有兩個雞翅好好咪, 翅係真既!主菜都好好, 甜品係椰汁燕窩, 燕窩少左d, 不過係真既! 埋當3百3, 我俾左3百5唔駛找, 因為我覺得好底~yeah~3百幾有魚翅燕窩, 而家黎講仲想點? 做個普通人唔好扮哂食家, 食野會開心好多架~

公司 25人 go to eat Lunch and 唔係好明點解會此店有positive既評分?????十分失望!!!樟茶鴨 - 得鴨味無樟茶味油豆腐粉絲湯-唔熱京燒羊肉 - super "so"燒餅- super 油 雲吞雞湯 - 唔熱 and 沒有味糖醋魚-有醋無糖 沒有味小籠包 - 不燙口皮又厚Won't come back again ))))))

1月2日晚約７点，好平靜，客得我們2人。點了二人套餐，份量足，可以3人食(女士的話)前菜-酸辣冬瓜粒------清新口味，味道酸多辣少。紅燒海鮮翅-----有鮮味，茨濃濃的，但極少量翅(毛)。松子魚片-----酸味來至地們熱帶什果，魚片不似雪臧貨色，炸得剛好，鬆化易入口。京燒羊腩-----肥瘦合適，皮脆肉滑，帶有陣陣羶香。涼菜醉雞-----雞肉香滑，酒味適中。套餐跟菜飯需額外加HK$6，覺得貴些。甜品酒釀园子-----味道普通。結賬每人約HK$110，還有餸菜打包回家。

上個禮拜又來開餐，組合照舊，點菜都易啲，順便看看水準有冇高速飄移。是次點咗個京燒羊腩，乃友人目的，另醬爆雞丁、亂炒時蔬以及雲吞雞。果然羊腩有令人一挾再挾的衝動，但係因為係套餐關係，份量少咗啲。雞丁一般，跟雲吞雞一樣冇乜驚喜。是日廚師唔同，做得好食嗰個年紀大啲，炒工都好啲。今次okay啦，好快又有聚會，到時希望好啲啦。

上年去過之後介紹朋友去，朋友又介紹朋友去，之後自己又去，同朋友又去，總之呢間舖喺我個network裏面佔有好接近飯堂０既位置。試過咁多勻最讚就一定係個牛骨，每次都有高水準０既表現。以為呢個係signature dish啦，點不知有次朋友話有個menu上冇０既焗元蹄有超出預計０既水準，去試之後大讚。做法同一般燒元蹄德國鹹豬手唔同，大概是先上醃料（唔會係重醬，頂多酒糖醬油），蒸酥（唔知有冇加料蒸呢？），再用白胡椒粒、唐芹、洋蔥、大蔥、紅椒、青椒及芫荽同焗，入口肥肉甘香，瘦肉鬆化，連筋鍵都有咬口，實在是近年食過佳品。是次另嗌咗個清炒韮菜花，估唔到外江廚炒到咁高水準，入口嫩滑清甜，家陣香港怕且唔係好多廚做到。雖則腸胃差到乜都唔想食，竟然都清哂枱上面所有嘢，包括嗰碗半飯。好期待下次。圖為未切同切開０既元蹄。

近排睇雜誌介紹匯泉居, 有"拔絲"食, 就決定去試下!2個人叫左4個菜......另外佢地仲送左一個前菜俾我地試! "假日晚市都不用等位, 可能因為地方不就腳, 而且新開"

日期：2008年6月6日人物：Irene, Maggie, Tigger and Pooh時間：晚上7時哩日滂沱大雨，為食既我地約出黎吹吹水，兼試新店．好唔為意就睇唔到間鋪係邊，都頗隱蔽．全晚得我地同另一張枱，好靜啊！叫左個2人套餐，份量可以俾3個人食，再加多一個餸，7成飽．人蔘烏龍茶：幾好飲啊！前菜：酸辣冬瓜粒，口感唔錯，但味道就唔太接受；生番茄，唔太吸引，HK$32．雲吞雞湯：清清地，味道不俗．雞絲粉皮：麻麻地．松子魚片：酸酸，魚片好滑，正．醬爆蝦仁：都唔係好醬爆啫．腿茸津白：一般．哈蜜瓜粒西米露：水汪汪，淡而無味．

一份黑醋排骨，一份醉蚬，一壶茶，两友人。菜入味，茶清香，环境comfortable... 夜晚人唔多，傾計好去处....

識食朋友推介,當然要試試.要不然,應該甚少會到太古坊晚膳.到已8時多,大家二話不說,瞬間把2碟前菜幹掉(藕片及土豆絲,爽口少辣,開胃,好味).若非菜來得頗快,我會要求encore藕片四人點了-1.椒麻雞(冷盤):有雞味,帶四川花椒麻辣味,不錯.2.泰辣蜇絲:同屬四川麻辣,但略有不同,爽而入味,我鍾意.3.草綑牛骨:看似乾枯,但食落多汁有牛味,乃驚喜之作.4.京燒羊肉:不錯,略嫌外層未夠脆,但重羊味.始終還是鹿鳴春最好.4.清蒸黃魚:侍應阿姐積極推銷此乃是日游水海鮮,1斤多售$138.結果一面剛好,十分嫩滑,另一面未熟要番蒸.5.清炒豆苗:略鹹.6.燒餅:侍應阿姐推介配牛骨食,但牛骨快被消滅才到.變了配羊肉食,但的確不錯.7.拔絲蘋果:脆皮部份雖然硬少少,但蘋果鮮甜,所以尚可接受.+ 白飯x2, 玫瑰花茶, corkage $30.+ 送芒果椰汁西米露位處office地段,聽聞平日多食客而假日甚少.當晚便只有兩三客.招呼ok,有時過份hard sell.但質素好而價錢相宜,絕對可以再去.

其實真係唔係好明點解會此店之前有positive既評分,本來同家人諗住近近地搵間新菜館試下,家人又鍾意食京滬菜咪去呢間之前有咁好評分既菜館一試....點知....十分失望!!!首先撇開服務質數,我地四個人點左1) 糖醋魚--- 一般,魚算新鮮但個汁太酸..有醋無糖咁囉...但係都算ok2) 樟茶鴨--- 有肉汁及肉嫩但實在太淡!!得鴨味無樟茶味3) 小籠飽--- 好一般, 有汁但無肉味. 翡翠或金滿庭好好多4) 清炒豆苗--- 全晚最ok (可惜此為"基本菜",無技術可言,如果如此簡單菜都做唔好實在令人擔心!!) 但其實d 豆苗老左d...5) 担担面--- 全晚最驚嚇咁差!! d 湯好稀(似水),零辣,零花生香,零味!!!!! 連永不食辣既老爸都食到話無味兼仲飲得埋d湯(d水)!!此菜頂多只能話係"淡淡面"...6) 賽螃蟹--- 又係好一般, d蛋白唔夠滑, d瑤柱既外皮都無"meet"...又係翡翠或金滿庭好d7)油豆腐粉絲湯--- 又係d 湯好無味(似水),零味! d粉絲得兩"住",小得可憐兼唔熱唉.....好唔點..最後連甜品都唔敢(兼費事)試~~d服務員詞不達意,唔熟手同有

前兩天再次邀友到此店，區內晚上實在難覓食，其次想試新菜．是次三人，也將就點了四道菜．下單侍應阿姐甚殷勤，有講有笑，奉菜的小妹卻比較散漫，目光所在以乎在頭上的Plasma．按時序上了草綑牛骨、炒雜菜、酸辣湯麵及炒年糕．牛骨始終如一，果然是鎮店菜．炒雜菜汁芡濃稠鹹淡恰當，用上不少筍片更合我意．炒年糕出奇煙韌，師傅炒功甚佳．反而臨尾送的豆沙鍋餅吃起來與crepe很像，跟正宗鍋餅有距離．奉茶用鐵觀音，可以一彈．彈的不是茶種，八元一茶介也不能要求靚茶，問題出在茶具，用的是公式化仿日茶壺及茶杯，壺有茶隔，茶葉泡開便頂開壺蓋，倒起來十分狼狽，而且除第一泡外，茶葉肯定是不沾水的，一直喝下去便落得個茶味開水．八元買水喝，搞笑得很．這所店子食味不錯，擺設卻十分有問題．一行人坐的很大，面很高，竟又放上一塊與面一樣大的玻璃轉盤，坐椅卻又較一般矮，用餐甚有壓迫感．