影片
更多
2008-07-24
99 瀏覽
上年去過之後介紹朋友去，朋友又介紹朋友去，之後自己又去，同朋友又去，總之呢間舖喺我個network裏面佔有好接近飯堂０既位置。試過咁多勻最讚就一定係個牛骨，每次都有高水準０既表現。以為呢個係signature dish啦，點不知有次朋友話有個menu上冇０既焗元蹄有超出預計０既水準，去試之後大讚。做法同一般燒元蹄德國鹹豬手唔同，大概是先上醃料（唔會係重醬，頂多酒糖醬油），蒸酥（唔知有冇加料蒸呢？），再用白胡椒粒、唐芹、洋蔥、大蔥、紅椒、青椒及芫荽同焗，入口肥肉甘香，瘦肉鬆化，連筋鍵都有咬口，實在是近年食過佳品。是次另嗌咗個清炒韮菜花，估唔到外江廚炒到咁高水準，入口嫩滑清甜，家陣香港怕且唔係好多廚做到。雖則腸胃差到乜都唔想食，竟然都清哂枱上面所有嘢，包括嗰碗半飯。好期待下次。圖為未切同切開０既元蹄。
上年去過之後介紹朋友去，朋友又介紹朋友去，之後自己又去，同朋友又去，總之呢間舖喺我個network裏面佔有好接近飯堂０既位置。
試過咁多勻最讚就一定係個牛骨，每次都有高水準０既表現。以為呢個係signature dish啦，點不知有次朋友話有個menu上冇０既焗元蹄有超出預計０既水準，去試之後大讚。做法同一般燒元蹄德國鹹豬手唔同，大概是先上醃料（唔會係重醬，頂多酒糖醬油），蒸酥（唔知有冇加料蒸呢？），再用白胡椒粒、唐芹、洋蔥、大蔥、紅椒、青椒及芫荽同焗，入口肥肉甘香，瘦肉鬆化，連筋鍵都有咬口，實在是近年食過佳品。
是次另嗌咗個清炒韮菜花，估唔到外江廚炒到咁高水準，入口嫩滑清甜，家陣香港怕且唔係好多廚做到。
雖則腸胃差到乜都唔想食，竟然都清哂枱上面所有嘢，包括嗰碗半飯。
好期待下次。
圖為未切同切開０既元蹄。
張貼
