滄浪亭

營業中

休息中

我係街坊，堂食外賣都時不時幫襯。講真街坊小店，唔會食環境態度，但係呢次真係一肚氣。放工經過，想買大排麵返屋企食，比錢後企晌門口等，一步都無離開過，電話無電亦無得做低頭族。5分鐘後普通話短髮阿姐第一次拎一個大排麵出黎，我行埋去，佢一手擋開我話唔係我既。咁繼續等，其他比我遲去既顧客都走晒，我再問佢我個份晌邊，佢入返去拎返第一個麵比我，仲話晨早叫左我，係我自己走開左。我話我無走開過一步，入面另一個廣東話店員話佢都見我走開左。咁我都無野好講，錢又已經比左。拎到返去個麵都索晒D湯(諗住返去即刻食所以無叫分湯)，已經唔想食了。講真，如果真係因為好生意人手唔夠，要等廿分鐘先煮好，我可以接受。但而家係你屈我，個麵仲要晌度15分鐘。以後唔會再幫襯。

餐廳比較少座位，人多時可能要排隊，好彩我地去果晚唔洗排隊就入得。我地兩個人叫左嫩雞煨麵、燻魚麵同烤夫。嫩雞煨麵大大碗，雞肉同青菜份量都好夠，本身中意食得清淡啲，嫩雞煨麵好岩口味。燻魚麵都好食，燻魚皮夠脆。MENU有好多款麵食選擇，例如排骨麵、水餃麵，但應該當日賣晒就無。未食過，俾唔到COMMENT。但OVERALL覺得唔錯。平平地大大碗又好食。

第一次嚟呢度食，朋友帶我嚟試下豬肉麵豬肉係五花腩，一層瘦肉一層肥肉，肉質鮮嫩，好嘢味，麵好幼，好爽口，湯好濃郁。 相對依個水餃麵，味道就清淡d，但係水餃好鮮甜，豬肉同菜嘅比例啱啱好

我住在美孚新邨這一個地方差不多有十年的時光，在美孚新邨的飲飲食食地方，好多都是我生活上的回憶。雖然，家父，胞兄姊依然住在美孚，但每一次回到美孚，都會選擇享受家母的廚藝。不過，近來在社交網站的美孚 group 看見，一間美孚的上海小店被日本的傳媒報導過，而這一家小店，就是位於第一期平台的《滄浪亭》上海小店。 《滄浪亭》，已經可以說是美孚的老字號食店了。其格局雖然是為街坊服務的小店，但她的名氣，早已經不單是家喻戶曉了，而且吸引到非美孚居民，專程來美孚找的美味上海麵店。兩次來都是平日的下午，店舖外盡是等外賣及等位的客人，而且大多數都是在附近上班的同專程來的。此外，幸好是日的我是一個人來，不然，就要苦一點地等位了。麵前小食，我選擇了一個純素的烤麩。這烤麩的味道非常之濃，如沒有麵食在旁配食著，真的是太濃。不過，這烤麩的甜味同醬味，絕對是一流，稍4浸浸麵湯再吃入口，更佳。 第一天來，我點了一個獅子頭麵。獅子頭，是我最愛的上海美食之一。而《滄浪亭》的獅子頭，是我食過數一數二好食的出品。外層充滿了醬香，而且帶少少脆口，內心依然有肉香，而且很腍，很有味道。麵條很好，沒有黏貼在一起，而且入口非常之細滑。

平日好少會黎美孚，今日難得黎開，諗住搵d好野食。小店位於住宅平台，街客比較難搵到。嫩雞煨麵個湯底好香，雞味夠重，食落好惹味，加埋d 雞粒一齊食都好好味。辣醬麵可以用難食黎形容，本身以為係辣既炸醬麵，但原來係五香肉丁湯麵，本人真係唔多喜歡食五香肉丁，可能因為咁所以覺得碗麵特別難食。

這間坐落美孚新邨裡面的小店十分不起眼不過午飯時間往往滿座為了避免太擁擠特意選擇下午兩點過後才來除了我只有一位老伯伯點了嫩雞煨麵一上桌看到成品已覺對味先嚐一口湯頭濃郁豐厚湯頭奶白色的再加上青菜碎和雞肉粒與拉麵成了絕配份量都頗大吃到大半已盡力了外面連鎖店也吃不到這種純正的味道

菜肉雲呑、烤夫麵丶葱油開洋麵丶青瓜都很好吃，而且算是少有的家庭味道。平時多數中午來，人很多要排隊，但店員會調配，通常5－10分鐘就有位。而幾次晚市來，就食到一肚火，主要是那位大叔店員態度~超級惡劣❗️又不會調配座位，只顧處理外賣，堂食的就在外猛等，雲呑又煮得不夠熱，完全背脊骨落。下次想食都只會去紅磡店。

其實我一向都好鍾意食呢間既麵，平時短頭髮後生啲個小姐態度好好，但佢個男伙計啲態度真係好差 !! 一向已經知道係咁，所以盡量都避免有爭拗，今日我入去食，本來佢話2位等等，之後又話坐得，我驚聽錯味再問多次囉，點知佢話：已經講廣東話嫁喇喎，係味唔識聽廣東話呀？即係，一間鋪頭有幾好食都好，態度差=趕客 !! 你間鋪出名，多人食，唔等於你可以咁對啲客

已不是第一次幫襯，但真係要路經此地，才有機會一嘗再嘗。雞燴麵係必食首選，因為其濃郁雞湯，伴點點椰香，加上小棠菜粒及去皮嫩雞肉粒，整碗麵已結合了均衡營養，那種熬湯的鮮味，並不是其他上海食店所做到。當中還有其他好味小吃，如燻魚 雞絲粉皮等，都會一早售罄。。。真係即日做即日賣，賣晒就明天請早。這小店坐位不多亦坐得比較迫，要等位的話趁早。

呢間餐廳，已經聽過幾次，想食，都未動身有一次係紅磡分店，又落場中今次，星期日中午等位廿分鐘，終於有得食睇睇餐牌 同 價錢，雖然係美孚中產區，價格中產 但 店面 簡單，都乾淨光猛叫左兩個面軟骨面 同 菜肉水餃面面為上海幼面，面質稔身，吸湯，小小張口湯底 調味甜，唔係骨湯既鮮甜，係糖份個種調味甜，不過都香ge ，但唔係 肉湯或魚湯既香餃子 冇穿，亦唔係超飽滿，屬平實，灣仔碼頭咁軟骨 即 鎮江骨，肉實肉柴，入味鬆軟，毫無油立立既感覺總結 佢既湯面唔係油林林同唔會濃味，所以入口順ge，唔會口渴佢既吸引之處在於味道簡單直接，食完唔會罪惡感

 在我幼稚園的時代，已經有滄浪亭，所以它絕對是陪我長大的上海餐廳！到現在去食味道都沒有太大的變化，真的令人再三回味。  如常地，午餐或晚餐的滄浪亭都是要等位的，裡面大概只有5張枱，所以如果4人以上去食就不知道要等到何時了。  餐牌十分簡單易明，所有都是上海的特色麵食，例如陽春麵、燻魚麵、獅子頭麵等等，一一盡錄於這張餐牌中。  餐牌的背面是小食，分別有毛豆百葉、拍青瓜、蜜汁烤夫、雞絲粉皮、虎皮蛋、上海年糕等等，應有盡有。除了小食，還有飲料，例如各款汽水和豆漿。  我點了大排麵 ($45)。大排即是炸豬扒，炸豬扒的外皮炸得酥脆可口，外脆內軟。欣賞它是給食客一整塊豬扒，而不像其他餐廳只給數片豬扒，所以算是抵食。  值得一讚的是，大排與麵是分開上的，這樣做的話，一來炸豬扒便不會因吸了湯底已變淋；二來湯底也不會變油。  提提大家，我嘗試過叫外賣，雖然它的大排與麵外賣包裝都是分開，不過到家裡味道也不及堂食好食：豬扒變淋、麵則會發脹。所以還是堂食才可以食到原汁原味呢。  嫩雞煨麵 ($45)。這是友人點的嫩雞煨麵，嫩雞煨麵的湯底比較清淡，適合喜歡食淡味的食客。餚到雪白色的雞湯，喝下去

今日去左朋友屋企拜訪, 傾計傾到咁上下, 落街搵野食. 佢介紹我去食滄浪亭, 話幾好食. 黎到門口已經排緊隊lu, 因為鋪仔細細, 位又唔多. 等左10分鐘左右, 終於有得入座lu! 我點左朋友推介既嫩雞煨麵!無幾耐熱辣辣既湯麵就到左la~ 個湯好甜好重雞味, 好多好新鮮既白菜係入面, 而且d 麵又煮得岩岩好~~ 真係無介紹錯wo, 如果我樓下都有一間滄浪亭就好la!!

今日黎左滄浪亭食晚飯。雖然要排隊，但只係排左五分鐘，比想像中快。上次食過拌麵麻麻地，今次就醒目叫嫩雞煨麵。大約十分鐘左右，碗麵就到喇。唔係講笑，飲一啖湯已經覺得好好味。d 湯好甜，但唔係味精粉個種甜，有D 奶油味，好好飲；d 麵份量好多，軟硬度適中；都幾多雞肉同菜，雞好嫩同醃得好入味，咸咸地，同d 麵好夾；菜都好鮮甜，唔會話太老 下次會識叫

每逢光顧上海小館，見有煨麵，都會叫上一客。雖試過的館子不算多，但最留印象的還是此店。 今天午餐就來了一客嫩雞煨麵。新鮮的小棠菜，被切成清綠細碎的夥粒，像草皮一樣，鋪滿了闊闊的碗口。切成丁方的雞粒，像砂石般散落在草坪上，構成一幅美麗的圖畫。 淡淡奶白色的湯，呷一口，濃香奶油味。上海麵很白，很幼，嘬一箸，滑溜溜的，很掛湯。雞粒是預先醃過的，咸咸的，一點也不嫩，但冶味。 咸雞粒渾和淡口的麵一起吃，最能平衡口味。 此街坊小店供應的上海麵，種類繁多，款款都很好吃，不騙你的。但要注意的是，上海麵是軟綿綿的，絕不彈牙。如果彈牙是你杯茶，就不推介了。

無飯夫婦是夜又到滄浪亭開飯。無他，因為好味，價錢又不算貴的上海麵，在美孚選擇並不是太多。7點多到達，正值晚飯時間，小店已滿座，要等一陣位。之前吃過嫩雞煨麵和燻魚麵，今次試其他。大排麵$43大排即炸豬扒，大大塊，小店碎上方便食客進食。剛炸起熱騰騰，表面炸至金黃色，非常可口香脆，肉質腍軟，腌得入味，好味！豬扒因為跟麵分開另上的，吃到最後都可保持脆口。麵身腍軟道適中，份量都很多，男生一定夠飽。而湯底很清不油膩，帶點醬油的味道。大排麵都是不錯的選擇，好味！菜肉雲吞麵$40一碗有4大粒菜肉雲吞，雲吞皮薄，而餡料用了豬肉和小棠菜，比例各一半，份量很多，但味道較一般不算太出眾，不及嫩雞煨麵好味！這碗麵較為腍身，份量亦是很多，要分點比老公。湯底跟大排麵都是同一味道。見隔離檯叫了醉雞翼，賣相看似很好味，下次要試試！晚飯時段食客絡繹不絕，門外等堂食的和等外賣的人不斷，不想等位就要早點了。