滄浪亭

營業中

休息中

帶點簡約中國風的平民小店，主打家常味道的上海湯麵，今次我們試了嫩雞煨麵。嫩雞煨麵的湯底是帶著濃濃奶滑感的雞湯，麵煮得剛剛好，軟硬適中，雞肉嫩滑，蔬菜粒爽脆，份量一點也不馬虎，吃起來很有滿足感。

女朋友返工放lunch, 同佢一齊喺公司附近覓食。之前佢都食過呢間話啲麵好食，於是帶左我黎試菜。匯合佢前上黎做下資料搜集，除左話服務態度差外，大部分都係話好味嘅正評；一間舖能夠做得住，一定係好好味先夠資格黑人面，所以都期待一試。去到見餐廳處於平台一個轉角舖位，果然係細，得四張枱，我地排第三四，不過都只係等左十五鐘，尚可接受。一入座就同櫃枱後老闆娘落單，見佢笑容滿面咁覆單，侍應又殷勤招待其他客人，服務態度冇問題。我地叫左拍青瓜，嫩雞煨麵同紅燒軟排麵，唔使十分鐘都陸續上齊菜。先試拍青瓜，個汁酸甜開胃，瓜皮爽口瓜身夠腍，好食！ 再上紅燒軟排麵，有啲似豬軟骨，一試夠入味夠腍，麵條又彈牙，好食！最後試傳說中奶油湯底嫩雞煨麵，一上見到奶白色加舖滿菜同雞肉已經好吸引，一入口嗰種奶油香滑口感冇得頂，絕係對我呢啲奶油控嘅恩物，女朋友一試都瞪大眼話好食呀。因為太肚餓，開餐前唔記得影相，只係影左中途一張；呢餐埋單百二蚊有找，滄浪亭絕對係抵食好味，值得再返試嘅好店。

美孚隱世小店，位於平台位置，平時門口排曬長龍。今日落街搵食，只係見到兩個人在排隊，一於再入去幫襯。叫咗每次嚟到都必食嘅青菜嫩雞煨麵。碗麵份量超大，個湯底熱辣辣，好香又有奶油味， 菜嘅份量超多，雞又真係嫩口，麵質又唔太冧真係食極都唔厭。另外本來想食過淨菜肉雲吞，但賣曬。唯有叫一碗淨水餃， 我相信除咗層皮不同之外，相信入面嘅料係一樣的。另外叫咗一杯豆漿，不過豆漿唔係自製，只係買出邊啲豆漿再到倒畀你。這裏食物水準不錯，每天在店外有長長的人龍是有原因的。

食物一般 價錢偏貴 尼個價位大把好食過佢嘅服務態度極差 想受氣嘅就去俾四十幾蚊去受氣啦 拎杯水都黑你面 ？_？有咩需要記得唔好打擾人哋 因為佢會答你我冇咁得閒 一世都唔會再幫襯

久抑呢間面食好幾年，每次經過都爆澎！唔做下午茶 晚市六點半先比入，今晚終於咁岩開門前十分鐘在門外等，已有條小龍🐉當然等緊時就上參考各位意見，而大部分都係嫩雞燴麵、大排麵、嫩雞燴麵、大排麵...🐓🐖餐牌有d我都唔多明，而由於我條佬唔喜歡魚🐟，趁自己一個就叫個燻魚麵，下次帶佢黎食其他野👩🏿‍🍳👩🏿‍🍳👩🏿‍🍳#%&@/呢到既特色唔係個個接受到，介紹下先，中間打河呀姨算最好，雖然都係大大聲冇禮貌語；裡面廚房呀姨最惡，狂話d客，好似全世界得罪佢咁；樓面個呀嬸講國語，態度差 唔識做 冇經驗，大陸西一名；洗碗呀姐就狂食花生。👂🏻👀🗯小插曲分享：話說張枱埋面個客order大排麵，先上豬扒後上麵，樓面呀嬸將豬扒放左喺個客對面就算，有位先生好心幫手遞過去，點知一下子成塊豬扒跌左落枱面冇得食😂😅🤣 個男人同樓面呀嬸解釋，大陸西嬸聽完即縮，驚咩鑊，行遠左去打河台好細聲話人跌左野食...@%#^* 男人一邊食麵一邊再同打河呀姨解釋，打河呀姨叫廚房整過 仲親自行出黎傳菜👏🏻落完場第一個鐘已經咁燥底，唔知係咪上海人既風格🇨🇳旁聽：冇雞絲粉皮冇春卷冇青菜冇粉絲係賣晒，定冇整？唔整點解要寫係餐牌？得4張餐牌 點解唔貼

吃過很多間上海小店，這裡的燴雞湯麵最讓人最難以忘懷。小小的店，位置不多，招呼街坊為主，但姐姐們還很殷勤，即使已經準備打烊，也沒有絲毫要趕客的意思。濃濃的雞湯滲著鮮嫩的肉味、帶著鹹酥的濃濃奶味，菜蔬和雞肉粒也切得很細緻，滲和了奶湯的溫潤，挾著麵線嫩滑而不散落的口感，所有的一切都來得剛、剛、好。一碗的份量也頗大，加上沒可能都不把美味的濃奶雞湯都全喝掉啦，所以基本上一個人要再吃其他東西也沒可能😂想吃其他的記得多點人來，也要早點來，小店比想像中早關門呢。

10多年前已經愛上滄浪亭嘅菜肉餛飩,皮薄餡靚,湯嘅碎蔥又爽脆又香,湯味又濃,價錢合理.今晚再來一碗淨餛飩,大滿足~!!由於菜肉餛飩好受歡迎,所以好多時未夠6點半已經賣晒. 店舖裝修簡約,一睇就知有一定歷史,而且唔算坐得舒服,坐位又少(大約得14個),但繁忙時段都必定有條長龍,起碼要等15-20分鐘. 係美孚新村數一數二嘅食店!以前外賣用發泡膠碗,蓋子鬆鬆的,湯好易漏出嚟. 𠵱家換咗透明膠碗,就無再漏湯,抵讚~

一向都中意食綠楊邨青菜煨麵 上次推介過之後 有朋友介紹我地黎滄浪亭試試😌嫩雞煨麵($46)依度既煨麵湯底同外面上海餐廳食到既唔同🤔一般都會特別著重雞味 仲有金華火腿既咸香 但依度既湯底 反而係極重奶味!!!!!!😂飲落會覺得好香滑 濃郁 同白雪雪既麵條幾搭既😌煨既時間剛好 麵條既軟硬度唔會淋散💁🏼‍♂整體黎講 真係要視乎個人喜好🤤🤷🏻‍♀️ 👧🏻中意綠楊邨既青菜煨麵(因爲奶味搶哂fo~)相反 👦🏻就中意滄浪亭多d😛😌🤤提提大家 依碗麵既份量不容小覷😌如果想試埋其他小菜 建議最好同人share🤔(特別係女仔呀😏😂)

今日午餐去左試滄浪亭食上海面。 款式不多既小店， 次次行過都排哂隊， 好彩今日去到有位。 揀左蔥油肉絲拌面。 味道好好 面質彈牙。 而且面料好足夠。 食哂一大碗之後非常滿足呢😋😋

一向是滄浪亭的忠實粉絲，晚餐想吃頓簡簡單單而又清淡健康的上海湯麵，就會聯想到滄浪亭。 街坊店面積小小，只容納到十四、五個座位，開放式廚房，落單直接向廚房裡的大媽喊出，不修邊幅的環境與態度，當然還有那充滿家庭氣息的窩心麵食，正是這小店屹立美孚多年，受街坊歡迎的原因。 今時今日加價是無可避免的事，幸而輕微加幅後的價位仍處於合理的水平。 大排麵 $46 大排麵的精華，當然就在塊大排上。比面龐還要大片，已預先切件的大排，與湯麵分開而上，大排炸得金黃，甚至有點焦香，連帶骨的位置，口感香嫩而不乾，表面還帶酥脆，因與湯分開，沒有浸至腍軟，吃到最後一塊仍能保持脆口。 熱氣騰騰的醬油湯頭，深色而清澈，並非單單只用醬油調味，但又不是濃重味精那款，不會死鹹，不油不膩。上海麵條份量一如以往的多，不過今趟煮得有點偏腍軟。 每次到來幾乎都會點上的嫩雞煨麵 $46 奶白湯頭鮮甜濃厚，鹹淡適中，帶雞湯味道，卻沒有雞油滲出而變得油膩的問題。麵條吸收了湯的精華帶有雞香味，煨麵是腍軟的煮法，但未致糊爛的狀態，保持既有的韌性。 菜粒與雞粒蓋滿碗面，50/50的比例，比起有些食店的菜多雞少來得稱職。雞肉軟嫩醃得入味，

又到咗食lunch時間啦! 今次同同事去咗美孚人氣No.1的滄浪亭食晏。其實嚟滄浪亭食飯 有好多規矩要遵守㗎：1. 如果見到好多人喺門口排隊嘅時候，無論你有幾多個人都好，你都只要跟住條隊咁排就ok㗎喇，千祈唔好問店員，因為佢唔會寫飛㗎。2.店員未必係香港人，但你唔需要理會佢，照講返廣東話就ok㗎喇。3.坐低後睇啱同店員講落單，之後就可以講出你需要嘅食物，因為佢唔會過嚟落單㗎。4.找數時，唔可以分開找數架。5.最後一點就係店員脾氣好差，如果你忍唔到佢哋嘅脾氣，就已經可以唔使食啦。因為你由排隊到點餐再到畀錢全部都係受氣位嚟㗎。服務態度差??? 點解仲咁多人食，無計啦。因為好多人都話好食嗎！咁好食就要忍下㗎啦！講番食物方面先, 因為而家係夏天, 所以就會有冷麵! 而我今次叫咗一個軟排冷麵, 而咩係軟排呢? 其實就係豬軟骨嚟嘅。先評論食物方面先：豬軟骨炆得好腍好入味，肉質入口即溶，而軟骨位非常爽口。 再配上冷麵加麻醬非常好味， 而青瓜令到成個冷麵唔會好肥膩，正。總結係味道方面係ok的, 但較為濃味。想食又忍到嘅你就嚟挑戰啦~

很喜歡呢度的薰魚麵薰魚夠香 有小骨可就咁食濃味薰魚配上清湯底麵味道適中另有香茶一杯店員麵係咁飲畀客的香茶食完薰魚 想清一清口腔內食物的味道呢杯香茶就剛好茶香 令人飲完好順 好舒服

雖然成日經過滄浪亭，但每次都好爆所以冇乜機會食。趁住今日準時放工就約埋去食晚飯啦。鋪面不大，只有4張小方桌，大約有15，6個位。今天是平日的晚上，6點9已經坐滿哂，要等起碼10分鐘先入得，就應該知佢受歡迎既程度啦。算是招牌之一的嫩雞煨麵~ 我見到超過3份1的顧客都叫這款。奶白色嘅湯，雪白的麵條，淡黃的雞塊跟青翠的白菜，賣相十分吸引。湯底有淡淡的奶油味，麵條幼滑， 雞粒嫩滑，白菜爽脆，組合成一碗份量十足又營養豐富的晚餐。 味道其實挺不錯的，可惜不是我杯茶… 我始終覺得奶油味配湯麵條怪怪的… 奶油（忌廉汁）配意粉比較襯吧…除了餐牌上的食品，還有因應炎熱天氣而設的冷麵，最適合我這些怕熱的人了。這是大排冷麵，炸豬扒剛炸起很脆而且還有保留有些少肉汁，微涼的麵條則配上香濃的麻醬。味道OK但吃了一半就要手動打包了，一來是份量太多，二來是麻醬太濃太“溜” 了。還要了一個小食香酥雞，雞塊比較大件，但咸淡適中又剛炸起，轉眼就被消滅了。另外一道招牌菜應該是水餃吧，有不少人點水餃，連在外面等位的都特登走進來要求留兩碗水餃呢。下次再來試試水餃吧

好耐之前只知道美孚有上海婆婆，之後知道有上海飯店（無幫襯過），最後知道呢間 喺美孚新邨上面有一間舖頭出過書（即係呢間有N年無幫襯過） 因為2：40PM先到，所有無咩人 員工都開始食飯啦！ 呢間都好多嘢好食，餛飩同百葉包再加蔥油拌麵（蔥真係燒到黑曬，放到蔥香） 不過今次試冷麵，因為咁啱黑板見到餐牌 今次好似多左殘體字部分員工只識普通話 醬料：豆瓣醬同醋 軟排冷麵 $48原本想叫大排，不過賣曬就叫軟排原來係青瓜絲加麵（呢種麵唔係膠袋冷麵，都唔係台式嘅，唔知咩麵），味道清新好似粗過普通上海麵少少原來係麻醬+鎮江醋，都夾味軟排即係鎮江骨，呢個煮得軟，唔會好酸，比較甜同鹹不過上海係咪真係有呢種冷麵？

小妹今日在美孚新邨工作，到了午飯時間想覓食，但發覺美孚新邨雖然餐廳臨立，但大多是大集團。 小妹一向也對大集團旗下餐廳的味道不會抱太大期望，始終味道太單一化。所以就想找找有沒有特式小店。逛逛下發現了這間小店，雖然座位數目只有二十多個，但門口竟然排了差不多十幾人。 小妹抱着香港人喜歡排隊的這個執著，就行去排在龍尾，完全沒有想過要等多久這個問題呢。 等了大約20分鐘才能入座，我就看看身旁的食客會點什麼來吃，發現差不多全部客人也會點嫩雞燴麵。我當然也點了這個。等了一分鐘便上菜了，果然小店要有光速的上菜速度才能抵銷座位的不足問題。 我馬上試試這個呈奶白色的湯底，一試竟然有驚喜。湯底完全冇味精，但卻有很濃的雞湯味，而且店主應該加了牛奶於當中，除了能使湯底呈奶白色外，還能使湯底更嫩滑濃厚。 加上已切碎的小棠菜，這個是所有上海麵的傳統做法，使整碗麵非常清新，越吃越開胃的感覺。雞肉方面也非常出色，嫩滑非常，而且完全沒有雪味。 吃完整碗清新的燴麵也完全沒有吃膩的感覺。我也點了上海餃子作為小食，但這個餃子就略嫌偏油，不太適合注重健康的香港人。 但總括而言光吃這碗那麼高質素的嫩雞燴麵，就算要等上35分鐘，也是