源記甜品小食

營業中

休息中

真係好難好難食，就係食糖加水！叫咗四碗糖水，三碗食淨一半， 一碗只食咗一啖。忍不住一定要寫食評， 是我第一次寫壞嘅食評…😵‍💫希望大家不要去， 避免大大失望！ 喺邊度啊？

從來未喺 OpenRice 寫個食評，今日真係破天荒要寫一次，真係超級難食，仲話自己老鋪最出名，芝麻糊同合桃糊稀到好似開水完全冇芝麻和合桃味，成舊水買咗3碗甜味開粉水，各位街坊要小心中伏！合味道即食糖水都好過佢!🤬🤬🤬🤬🤬🤬

以前幫襯開西營盤舊店，今晚去新店找回舊日的味道，可惜令人失望， 合桃露 好稀唔夠合桃味，綠豆沙太甜， 桑寄生茶加蛋還可以， 甜品款式不多，反映比職員知無反映， 佢有佢態度，唔會再幫襯

朋友仔話舊舖糖水正，咪重開去朝聖下啦🤓門面同set枱因為新開張，乾乾淨淨正常咁啦。糖水款式主打幾種，另外有小食可以揀。不過今次成班朋友仔食飽飯，淨係試糖水先：1. 杏仁露2. 合桃露3. 陳年桑寄生茶4. 綠豆沙5. 陳年桑寄生茶+蛋有啲後悔冇睇食評就踩塲，我都未試過回程要「即刻」「立即」寫食評，咁老實講我未食過舊店冇得比較, 純粹食完xx露=水水地，我明唔係食緊xx糊，但係呢舖係比露再水水地。我朋友仔食過舊舖comment👉🏻合桃露好稀，綠豆沙太甜，桑寄生茶＋蛋還可以。店家解釋來貨唔同左，明嘅⋯⋯不過唔好食就冇人再去第二次咁囉🤫🤫

若你帶着當年在西環正街吃源記的期望，那你只好失望而回！我買了杏仁糊及桑寄生蓮子蛋茶，連外賣盒共$80。兩碗糖水味道都非常極度失望，杏仁露死甜似足開粉加杏仁香油。桑寄生蛋茶毫無桑寄生，味道只有甜味，雞蛋不入味，還要加$8！只可用三個字來形容👉伏伏伏！如果帶着試試源記這個招牌來的話，那只可以說不來也罷，貼錢買難受，食糖水、買錘仔、抌心口，香港還有很多好吃的糖水店，不如將你的精力尋找一些真正用心做的糖水店，這間源記已經不是以前的源記。

知道源記重開，都想去找回舊時的味道👅所以昨天到天后新店我哋叫咗芝麻糊，桑寄生蛋茶同蒸蛋糕芝麻糊：稀，淡。桑寄生蛋茶：淡，如水一般蒸蛋糕：硬，沒有味道味道，品質完全跟以前大不同比較失望

以為好喜歡正街嘅源記，經常幫襯，絕對係港島水準一流嘅糖水舖，特別係紅豆沙，係真係煲到爛，見唔到一粒粒紅豆嘅紅豆沙，其他地方真係食唔到。疫情期間唔做十分遺憾。聽講重開，以為真係同之前正街一樣，就專門從西環過來食。點佐三碗糖水，點知大失所望。紅豆沙完全唔係之前嘅綿綿沙沙、杏仁露都唔係之前嘅香純，桑寄生亦都唔係之前嘅味。肯定唔會再來了。個人感覺只係授權佐「源記」個招牌，師傅唔同佐，味道口感都唔同曬，就連平時普通嘅糖水舖都不如。個人會俾差評。

我都係第一次寫食評，從來都冇諗過要寫食評，但這次食完這間重開的老字號糖水店後，真是唔寫唔得，嘥時間都要寫，從來冇食過咁難食嘅糖水仲話老字號，芝麻糊好似水完全冇芝麻味，桑寄生茶以為自己飲緊片糖水完全無桑寄生味，合桃糊又係好似水無合桃味，點解這間糖水店可以做到咁，完全沒有心做，只係用老字號品牌就試業（門口寫住試業），價錢貴唔緊要但都要有品質嘅，這個質素的糖水一定無下次，還有外賣份量不足⋯⋯但已經無所謂了。

大約十年前食過，真係好好食，好有古早味，當我知佢重開，今日有時間去試下，點知只有失望，桑寄生茶完全同以前相差好遠，芝麻糊好鬼稀，似用粉開水咁，食左兩啖好失望，將我以前好食的回憶打爛晒🙁🙁🙁

尋找西環的味道，星期三晚9點到達。沒有雞蛋糕，沒有芝麻湯圓，所以叫了熱芝麻糊加花生湯圓和熱綠豆沙加花生湯圓，店員比較混亂，很多張枱等了很久，糖水還未上嚟。大約等了15分鐘糖水到達，不是熱的，只是微暖。芝麻糊，味道很淡水，水稀稀的，沒有了以往西環的味道。 花生湯圓也是微暖的，沒有熱辣辣的感覺。熱綠豆沙也是微暖的，沒有海帶味道。整體來說，只可當他是一間普通的甜品店。會再來一次，因為想試雞蛋糕，其他，不用了！

今日專登去買佢話自己最出名嘅桑寄生蓮子蛋茶同杏仁茶.. 真係超級失望..首先，桑寄生蓮子蛋茶蓮子同蛋係要分開加..$32 既價錢只係桑寄生水..好明顯係因為唔想個價錢睇落太高.. 其實一碗桑寄生蓮子蛋茶差不多要$50.. 如果係一碗有質素嘅糖水…其實你收人$50係無問題..好可惜…桑寄生蓮子蛋茶完全無桑寄生味.. .完全係死甜嘅糖水..甜度令人食完十分唔舒服.. 杏仁茶亦完全冇杏仁味..其實新一代有心重開老子號..好心就做好食物質素.. 唔好比d垃圾人食.. 完全不值得一試既糖水店。

8點幾冇蓮子，雞蛋，得淨水都算 同冇雞蛋糕桑寄生糖水，冇桑寄生味收$32合桃露，冇合桃味 收$36食完個人冇晒味…..家下啲原材料一定好貴，唔捨得落咁多，最多都係糖同水重開個名但唔係原本老味道如果身邊啲朋友講到合理嘅理由話好食，我會考慮再試

還以為是從前“西環正街”的源記，真是非常失望，是我食過最難食的合桃露和杏仁露！彷彿只是甜的米糊開出來，合桃露沒合桃味，杏仁露沒有杏仁味，真是失望到我要花時間在這裡惡評，大家千萬不要中伏！！！

我哋等咗差唔多27分鐘，一碗甜品都出唔到（我哋叫咗兩碗，加湯圓，再加一碗外賣）。送到出嚟嘅時候，又出錯。喺呢27分鐘期間，看見同一個職員送甜品比其他客嘅時候，keep 住問每一台係咪你哋㗎⋯⋯啲客話唔係。都唔明點解佢唔睇吓將單🙄⋯⋯最搞笑有一台客都未落單，佢就問呢碗甜品係咪你㗎🙄⋯⋯仲要呢個客遲嚟過我哋成10分鐘，佢已經有佢嘅甜品食先過我哋。由我阿嫲個年代就已經幫襯正街嗰間（我個小朋友都好鍾意食嗰度嘅杏仁茶），自從COVID之後，正街嗰間就執咗。諗住今日同我老公一齊去懷緬一下，點知就令我好失望。我諗我會唔再去咁遠試呢間，根本同之前嗰間冇得比😭😭😭我哋根本就冇試過呢度嘅嘢食，就好嬲走咗，所以please ignore the taste rating

西環源記聽左好耐，一次都未試過。而家開來天后，試業期間即刻試下。叫左杏仁糊、合桃露、芝麻糊，滑無渣，但係好稀淡味，整體無驚艷感覺。天后好多勁糖水舖，做中式糖水既養生糊又平過佢，又好味過佢。對面街仲有名店甜姨姨，有點懷疑源記係咁多高手附近做唔做得住。