湊湊甄選 (K11 Musea)

營業中

休息中

喔老兄,你一定要來試試這家台灣火鍋店!他們的湯頭真是太正宗了,辣得夠勁,讓你一口接一口停不下來。食材也很新鮮多樣,涮起來超級鮮嫩嫩的。不過最讚的是他們自己調製的酸辣醬,配上火鍋簡直絕配!店員也超級熱情,讓你吃得特別舒服自在。不論自己一個人還是和朋友一起,來這裡絕對讓你大呼過癮!

環境好舒適，卡位座位濶落好坐，又有圍裙提供，火鍋湯底美味，鴨血好食，水果及前菜選擇多，自助醬料bar個肉燥飯必食，奶茶茶味濃郁，午市無人等位就不限時，服務周到，值得再嚟

椰子雞鍋清甜，牛肉嫩👍🏼好味好味服務好 乾淨 種類多 好好味 😋好多選擇 坐得舒服 環境好 好乾淨 好耐都冇食過甘好味 正 值得再來good good taste so good must try ar!

食物品質唔錯，每一位服務嘅同事都非常有禮貌，值得推介，同事亦都會好有耐心地介紹公司最新嘅優惠，遇到有問題亦都會逐一解答，係非常好嘅體驗，一定會推介！亦都唔會因為限時叫你走

這是近日意外地滿意的一餐. 請朋友吃飯， 叫了龍年套餐， 湯底選了椰子雞及花椒牛油果（新口味) 鮮甜足料，份量夠，上菜快，賣相好，海鮮新鮮，牛肉亦可以. 荔枝蝦丸有特色，套餐另包四杯飲料. 豆腐鴨血， 另外各人還有一小小杯菠蘿冰，是店方送的. 各款食物都新鮮美味. 當晚服務到位， 員工及接電話的都很禮貌. 店內比較黒， 枱邊可按鈴叫服務員， 他們反應很快. 如果沒有限時120分鐘還枱， 那就更加可以放鬆享受這一餐. 店舖是在6樓， 乘搭K11Musea Zone C 升降機比較容易找到

呢間係我比較喜歡既火鍋店，環境裝修高檔每次想食打邊爐第一就會唸起佢，基本上尖沙咀兩間鋪同旺角鋪我都食過了😂😂每次都會叫套餐，因為套餐比較化算，又唔使唸叫咩嘢食，另叫杯大紅袍珍珠奶茶就Perfect了，大大杯嘅珍珠奶茶真係好抵飲，奶茶底做得好好但服務質素比較一般，叫侍應叫咗好多次，都好似聽唔到我叫咁樣，無言😑算了，因為我目的係黎食嘢

打邊爐除咗啲料要新鮮之外，鍋底都有佢吸引之處我就鍾意湊湊鍋嘅鍋底選擇都好多除咗一般麻辣鴛鴦鍋之外，仲有花膠鍋、牛油果鍋、椰子雞鍋、牛膝骨鍋、金湯酸菜魚鍋等等各適其適每款都好吸引，新鮮的食材頂級靚肥牛以及高質素的芝麻斑魚片就是我最鍾意食，之後享用每位免費提供的沙冰茶柑果凍打完邊爐食口腔特別舒服😌

每次帶朋友來都是消費幾千。昨天問前台拿號的那個男的，要杯水都被態度很差的拒絕了。你可以不給，我也可以選擇不來了。從此來黑，再也不來。從此來黑不再來從此拉黑不再來

呢間野，本身對佢冇咩特別感覺淨係聽過朋友話唔好食因為今日慶祝屋企人生日，咁佢係主角話呢間好就算啦跟住到左k11 musea,完全唔知邊架lift可以上到6樓，係咁按information 個mon先搵到lift,點知原來係去7-8樓唸住會有電梯落返一層啦，點知原來要兜返出去個Garden先搭到落去，個lobby仲要勁黑，一個唔小心老人家真係會kick 親跟住仲要等左架lift 10分鐘去到餐廳一開始就話係120分鐘內食完，ok 啦去拎醬料時，見到冇哂芫荽、蔥同蒜都冇人加（個時係6:45pm) 跟住食佢既和牛，唔係平個隻，煮熟完仲要勁難𡁻湯底冇特別各樣食物都係好普通除左杯好似芒果味沙冰好飲同埋最後比既茶柑果凍幾好味之外，其他真係冇野好建議大家可以去食第間火鍋店，因為呢個價錢可以食到好多好過佢既食物有餘.

職員有禮貌＇服務一流，環境優美，烤魚好味、味道合適、不太辣、吃後冇口乾,魚好新鮮！花膠雞鍋10分好味，是我最愛、每次來吃，必有這鍋底跟另一鍋底配麻辣窩都不錯！👍👍👍😋😋😋

當天透過OpenRice訂左晚上9時15分的枱，我地九點前到，見到已有不少訂左枱的人在接待處前等候，咁我地就跟住排。點知staff一出現，大家就一踴而上，鬥快隊自己部電話埋去。而接待處既男staff 又真係見到邊部電話隊埋去先，就安排邊個入座先，場面好混亂（因為我地有一段時間無幫襯，以前唔係咁。對我地呢d排緊隊既人好唔公平）另外，當晚營業時間至2400，但九點左右有staff出黎收起哂奉茶的水杯，之後又無再拎過出黎，有迫人買佢地d野飲既嫌疑等。

雖然［湊湊火鍋］喺香港越開越多分店，不過今趟都係第一次幫襯😅選擇了位於K11 Musea的［湊湊甄選］。未到6點已經要排隊真係誇張，好在預先book左檯，原來日光日白打邊爐大有人在😂真正由天光食到天黑！湯底選了鴛鴦鍋：紅顏花膠雞鍋 / 台式麻辣鍋。店員建議先喝碗花膠雞湯才開始打邊爐，黏稠的花膠湯幾好味，仲有幾舊花膠，感覺好滋補😋 而台式麻辣湯底唔算好辣，怕辣嘅我都食到，而且好香濃，麻辣的口感不錯👍🏻冰凍又香甜，打到㷫烚烚時飲番杯，爽😎點了二人餐$798再另外點菜、響鈴等，4個人都夠食，價錢唔算好貴；味道方面，兩款湯底都好唔錯，下次想試埋椰子雞鍋😋最有驚喜係油條，可以再叫多轉！k11 Musea呢間服務都ok，加茶加水都好快手；有日光時候環境都唔錯幾舒服，入夜後燈光非常暗，射燈照住個鍋令周圍更暗，打邊爐都有浪漫氣氛😆

每次睇完戲都想去試吓，但每次都有突發事而取消，今次寶貝話無論點都要食。。於是佢就上網bk啦！睇完Barbie 仲有半個鍾。。唯有響門口睇住餐牌等，到8點左右入座，90分鐘如果上菜快嘅對我兩嚟講係無問題！因為已經睇好哂所有嘢，坐低叫咗蕃茄湯底，再掃QR code自己落單。。大約15分鐘陸續上枱。。。當然我地未夠鍾親已經食哂埋單走人啦！對我嚟講2個人千一蚊左右唔係平，而食物質素唔見得值呢個價錢，仲要得90分鐘，如果朋友相聚想傾吓計都唔得，試過一次了咗寶貝心願就算！

成日都聽人講呢間嘅火鍋好出名但係一路都冇機會試早前就的起心肝約朋友一齊去尖沙咀分店度試吓.首先餐廳環境 自己個人覺得比較昏暗如果係講氣氛嘅話其實幾好但係如果有時同朋友聚會要影相就差少少😖.今次同朋友去叫咗個二人套餐首先就揀咗鴛鴦鍋嘅湯底先🍲因為同朋友本身都鍾意食辣所以就叫咗一邊係台式麻辣鍋🌶️另一邊就叫咗胡椒豬肚雞鍋😳呢個胡椒豬肚雞鍋 真心有驚喜，個湯底正到爆💯我仲未開始食已經不停飲佢個湯底🤤真係大推呢個湯底👍🏻👍🏻👍🏻麻辣鍋都唔錯😋所有肉類放落麻辣鍋度 唔使調味料已經好正🫢.肉類就揀咗伊比亞黑豬肉🐖黑豬肉口感同味道都很不錯👏🏻套餐仲包咗海鮮拼盤 有4隻白蝦,2隻南非鮑魚,2隻帶子同2隻蟶子皇樣樣都好新鮮，好鮮甜🤤推介二選一我哋揀咗企鵝丸🐧佢係墨魚漿製，唔單只可以食而且造型真係超級得意，啱晒打卡🙈.飲品就叫咗佢哋嘅大红袍珍珠奶茶🧋佢係珍寶size ！！！超級大杯，超級抵飲而且一啲都唔甜，啱晒打邊爐 一邊食一邊飲😆

今日幾幸運，去k11musea睇展覽，一心睇完就落樓下食海南雞飯和椰子雪糕。離開藝展，看見對面這間睇落幾有趣的餐廳，行過來看看原來是吃火鍋的。新餐廳，仲要無端端叫我去打邊爐，懶惰的我通常都會話：好的，下次來試。誰不知今日心血來潮，二話不說便走了入去。幸運的是，這台式火鍋店真的很不錯，乾淨企理，樓底極高不壓迫，設計有格調有品味十分舒適，有些間隔每兩張枱與其他枱以疏罅架隔開，有私隱得來又開揚，環境很好。食物質素很不錯，選擇不似傳統本地火鍋店那麼多，但精。特別要介紹「海鮮棒棒糖」, 勁好味!「企鵝丸」真係一隻隻企鵝外貌，可愛得很！原隻墨魚仔都很出色。肉類方面，羊肉和豬肉都頗優質，不吃牛肉的我就沒辦法介紹牛的選擇了。值得一提的是：結尾送上的一小杯橙味「冰沙」凍飲，非常有消滯作用，很細心的飯後甜品。唯一不太適合我的是，餐廳燈光很昏暗，每枱的中間位置垂直吊燈直射餐枱中間，可能因為燈光太過聚焦，光暗對比較大，不其然出多了集中力去吃這餐飯，有點體力消耗，不過相信這只是我個人問題吧。總括而言，這餐廳，贊了！