湊湊火鍋‧茶憩 (K11購物藝術館)

營業中

休息中

難得行開K11 Art Mall🤓口痕諗住買杯手搖😋好彩知道湊湊就係附近😗記得佢有手搖嘢飲賣所以打算try try😚佢嘅經典珍珠奶茶都算大杯而且唔算貴$27🥸呢個價錢喺Art Mall已經算係性價比高🤓🫶🏻珍珠奶茶偏甜如果唔鍾意飲咁甜嘅人未必適合但因為珍珠冇乜味所以奶茶甜到中和到🙈佢哋門口仲有地方俾人坐吓傾吓計飲吓嘢🤩總括嚟講如果想搵個地方坐下飲吓嘢呢度都係個好選擇😗🤙🏻🧋

已經係第三次幫襯，晚餐一定要book枱，否則排隊有排等，亦可能等唔到。必叫勵志鍋(台式麻辣鍋)，算係幾地道嘅台式風味。價錢有點貴，份量少，無限添鴨血豆腐，可惜兩樣都煮到老曬，一啲都唔滑，冇咩興趣加添，服務亦一般，要叫好耐先有人嚟，但個氣氛，裝修同夜景就真係一流👍🏻拍拖聚會都冇得輸，都係因為咁先接受到佢咁多缺點😂其他食物同牛都ok。最後不得不讚嘅係佢嘅大紅袍珍珠奶茶，冷熱都非常之好飲，好清香嘅茶味，甜度自選😋

有朋友想試湊湊鍋，雖然我唔係第一次食，但係之前一直都未試過食佢嘅套餐，今次一行四人要咗個1288套餐，有幾款牛肉，有海鮮鮑魚及蝦，啲蝦都幾新鮮，上枱的時候仲跳緊。食物質素一如以往，都係非常讚的。唯獨是就係食飯時間有限時，食得比較急趕，如果可以食耐啲就好啦！

工作壓力大，梗係約fd 吹水食飯呻下啦～打邊爐真係好減壓，而Lunch 打邊爐更加係王道😋😋😋網上訂座，仲有八五折。呢間真係唔錯，湯底足料，食材優質👍🏻👍🏻👍🏻最愛佢個甜品，綠茶梅梅凍😋😋😋三個人叫左一個2人套餐，都幾多野食，有海鮮拼盤、頂級美國牛肩胛肉、企鵝丸（墨魚漿製，啱晒用作打卡）、萵筍、冬粉都多野食，另外仲單點左好多。不得不提個鴛鴦鍋，叫左臺式麻辣鍋同紅顏花膠雞鍋，兩邊都好足料😋😋😋台式麻辣鍋有鴨血，原來可以refill,但唔知,又無人提，加上太多野食，無refill 都還好。花膠雞鍋好多料，打邊爐前要飲下啲湯，後悔無飲多幾啖😂5個😋滿分炸芋頭：😋😋還好黑虎蝦蝦卷：😋😋😋😋菌菇拼盤：😋😋😋😋竹笙：😋😋😋😋😋 無沙，略貴，但好味蜂窩豆腐：😋😋😋😋雪花牛肉粒：😋😋😋 唔太適合用作打邊爐頂級美國牛板腱：😋😋😋😋😋除左服務差啲外，因為兩次加湯都加得唔好🙄野飲都好飲，梅茶係必叫，我仲加左珍珠😂好滿足😍😍😍😍😍最滿足係最後有埋綠茶梅凍，本人都係一個梅控，夠晒梅味，又有茶味，唔會死甜，仲好清新，啱晒清口腔。😍😍😍可以再去

火鍋🍲配料選擇都幾多仲要用QR code落單好方便鍋底揀咗四川麻辣火鍋同椰子雞以前有胡椒豬肚湯底 令人好懷念可惜而家冇咗鴨血同豆腐都無限添加食完仲會問你要唔要帶走湯底都唔錯 食完返屋企唔會好口渴肉類選擇都多 我哋揀咗牛小排 黑毛豬 同羊肉仲有好特別嘅烏雞片牛小排好正 溫馨提示：每款肉下面都有菜如果要求不太高 菜量都夠食我哋叫咗蔬菜拼 最後覺得太多蔬菜拼冇窩筍同淮山鍾意食要另嗌蝦都幾新鮮 插晒竹籤方便食呢個企鵝🐧係打卡用其實食落類似墨魚丸 味道一般不過都幾得意嘅

最近成日都見到大家瘋狂食呢間湊湊火鍋🍲 見佢環境又靚 野食都靚 所以我都想試試佢有冇一絲台灣火鍋嘅感覺🥹鴛鴦鍋 台式麻辣/酸菜白肉）2個湯都好咸好咸～ 🥹 台式麻辣唔算好辣 入面有幾舊鴨血 但係唔係真鴨血 食落似豬紅多啲🥲 所以任食幾多都冇用 酸菜白肉 還好 但我覺得又稱不上好味 個湯冇咩層次 一味得個酸字😵‍💫菜 /菇 一大盤菜 菜新鮮～有好多選擇👍🏻👍🏻 菇都新鮮 全部都好乾淨 冇咩特別好講響聆 普通街市買到個啲牛肉 普通牛肉最後送左梅子凍+沙冰梅子凍唔錯 幾特別嘅體驗😂沙冰就普通Overall  食材質素ok 但係唔好味😵‍💫 同埋同行2位朋友食完都唔係好飽 抵食指數：🐷

OpenRice預約後 打電話問店員可唔可以喺店裡面切餅店員表示可以 而且唔會額外收費入座前順利存放蛋糕到我地食完火鍋嘅時候 其中一位朋友出去同店員講可唔可以點埋蠟燭拎出黎 店員就表示「好好好」跟住收拾完餐桌 等咗一陣 佢連蛋糕盒原封不動拎出黎 好似茶記上菜咁就咁放喺枱面全枱人呆咗 說好的點蠟燭拎出黎呢😂？成個生日surprise冇咗另一件事係入座後十分鐘已向店員落order 叫咗5杯野飲過咗20分鐘再詢問店員店員表示有落單 再過十分鐘之後 先上咗3杯野飲再過15分鐘後再詢問店員表示未嚟嘅兩杯 想改為1杯 之後係再等咁17分鐘 先嚟埋嗰一杯啲野要三催四請先會到但係野食質素係冇問題 分量合理只係咁嘅服務真係唔會再回頭 想慶祝生日都記住唔好嚟😅

朋友突然好想食火鍋，在open rice找倒位於尖沙咀K11，book了台式火鍋，食四點至六點有85折，便去醫肚。湯底：紅顏花膠雞鍋單鍋好多材料，有雞、花膠、冬菇、豆腐等等、賣相都唔錯，湯底濃郁，花膠養顏。企鵝丸墨魚漿製：造型真係一隻企鵝，味道一般唔算彈牙。頂級美國牛小排，入口即溶，啱曬我哋啲🐮魔王口味，好味道。伊比利亞黑豬肉，味道都唔錯，正。鮮活南非鮑，好新鮮爽口。魚皮餃新鮮好味。時菜湊湊小份，新鮮蔬菜蘿、蔔南、瓜粟米等等。座位以卡位為主，舒服。環境都 算 唔錯，飲品都ok。

上次食完晚飯覺得好正今次試吓啲lunch set我被個名吸引咗揀咗個滷水牛三寶嚟到個賣相都可以嘅不過個麵真係一啲味都冇好彩個side dish麻辣鴨血同豆腐幫到手最後要將所有嘅汁倒落個麵下次要返有湯嘅嘢可能穩陣啲

服務態度超級差: 唔會再嚟第二次 唔知係咪因為服侍得大陸人多 對住啲香港人都態度勁差 叫極都扮聽唔到 係咪淨係識聽普通話唔識聽廣東話 完全冇服務態度你估茶餐廳呀宜家 其他地方d分店服務態度都唔會甘差 尖沙咀服務態度好少甘差勁 落單冇人: qrcode都冇點落單呀大佬? 入嚟等勁耐都叫唔到人落單 啲人都唔知去曬邊 又話限時 連個人都見唔到 速度極慢: 之後上菜 速度勁慢 其他啲蔬菜上曬啲肉過咗差唔多20分鐘先上 加野唔加湯: 叫佢加湯同鴨血豆腐 加完見到個鍋冇湯見底啦 都唔識幫我加 多次出漏野: 出菜出少左野 一個海鮮拼盤(蝦x4帶子x4蟶子x2鮑魚x2)都可以少一大半野 足足少兩隻鮑魚同埋兩隻蝦 睇落好似隔離枱食剩噉 要補兩次搵三個人問先齊 浪費時間 態度差冇道歉 本身極大錯誤! 叫佢地補翻我 正系比翻鮑魚 蝦都扮聽唔到漏左 之後我要再叫服務員比翻個餐牌check翻先補翻多兩隻比我 其他兩個服務員一碌木甘乜都唔知要問廚房催買單: 七點落單 七點半d肉先到 海鮮仲要係d肉到晒先補齊 即系我上齊野隔十五分鐘就過來黑面甘話就快夠鐘唔該買單先 七點55就叫買單? 一個鐘唔夠 催人走買單一

我真係好中意食台式火鍋，湊湊火鍋一直都想試好耐，今次終於食到啦！🍲湯底方面，一定要試麻辣湯，辣度溫和，湯頭易入口，重點係可以無限追加鴨血同豆腐，超抵👍而另一個花膠雞湯都非常足料，開筷前先飲湯，非常濃郁鮮甜~食材方面都好新鮮，特別推介美國特級牛小排，份量足，抵食✨自家製丸類都有好多選擇，粒粒爽口彈牙，值得一試另外最值得欣賞係有大大杯台式飲品🧋，我試咗大紅袍珍珠奶茶，茶味唔錯，勝在夠大杯，好滿足呀🥳🥳

實在太掛住台灣既火鍋同手搖茶飲! 最近試左K11 Art Mall既湊湊火鍋, 可以同時滿足到依2個願望! 有巨型卡位坐得勁舒服, 食物同服務真係幾有台灣既感覺! 例如入座有貴妃烏龍茶, 無限加鴨血豆腐! 最後仲會送乳酸沙冰同梅子茶凍添! //🦁 湯底 (鴛鴦鍋)清涼椰子雞鍋 | 湊湊新鍋登場, 好岩夏天! 味道勁清甜, 椰香味好濃, 雞肉去到中後段都仲keep到鮮嫩! 台式麻辣火鍋 | 超經典! 辣度岩岩好, 夠晒惹味好岩配肉! 仲可以再添鴨血同豆腐~🦁 茶飲大紅袍珍珠奶茶 | 招牌茶飲, 茶味香濃, 珍珠夠彈牙!香梅紅茶 | 酸酸甜甜, 好解膩! 🦁 小食等緊火鍋滾果時可以叫D熟食食住先! 叫左鹽酥雞同風味湊湊! 4款滷水都好入味! 最鐘意豬手同牛筋~ 🦁 海陸拼盤火鍋想要食海鮮又想食肉既話依個拼盤就岩晒啦! 海鮮有鮑魚, 三文魚, 蜆, 扇貝等等, 配埋椰子雞湯底更加鮮甜! 牛肉質素都好高, 記得去出面自助料理區配番個sauce!//🦁 湊湊火鍋‧茶憩 Coucou Hotpot‧Tea Break尖沙咀河內道18號K11購物藝術館B1樓B124號舖

火鍋控最鍾意周圍試火鍋🍲呢間啲嘢食真係唔錯 而且價錢實惠叫埋嘢飲一人都唔使$400湯底揀咗麻辣同花膠雞如果有胡椒豬肚雞湯會更好好似其他分店有 唔知係轉咗menu定呢間冇個蔬菜拼盤超大個 仲要種類繁多非常滿意鵝腸賣相幾靚 不過我唔會嘅所以唔comment 伊比利亞黑豬肉好食😋牛肩胛都唔錯 冇專登叫貴嘅牛但呢隻都幾好烏雞卷都幾特別 係用烏雞冰咗再份片食落去都非常唔錯食到一半就會serve呢杯沙冰應該係清吓膩 等你再繼續食呢杯野好味油條就係台式火鍋都愛點嘅 正😄呢個係熱食叫黃金條酥其實係好似鹽酥雞咁嘅豬肉條幾特別 幾好食😋我地仲叫咗五杯嘢飲仲有幾樣野都唔記得影相例如響鈴之類鴨肉同豆腐都係無限添加最後可改善嘅地方就係食完夜晚比較口乾其他都好好👍🏻

我哋五個人嗌左個4人餐 💰$1288鴛鴦鍋(蕃茄牛膝骨+椰子雞)🐔美國特選級牛板腱+伊比亞黑豬肉+ 美國特選級牛小排 🐮飛魚籽墨魚滑🐙芝士魚腐+魚類拼盤 雜菜盤 (小)🥬🍅海鮮拼盤 🦐🐟冬粉+烏冬另外加咗幾樣配菜，最後都食唔晒😛超級超級飽~ 份量真係好足，比預期多添！而且食材好新鮮，特別係啲牛 入口即融 超香牛味😍 試咗鴨腸同毛肚都好正❤️ 唔係間間火鍋店都有得食 係menu 見到即刻落單😎平日晚飯時間都等左差唔多一個鐘位，不過等位期間 門口有茶同小食供應，好貼心👍✨但食物嘅質素 確實係值得等咁耐🤭🌟 建議大家要嗌佢哋舖頭嘅飲品 真係杯杯都KING SIZE架！！😆😆 *另收加一服務費😊

湊湊火鍋六週年，推出新鍋💁🏻‍♀️清新鍋 ~清涼椰子雞鍋🍲下午6時前埋單& 離座可享早鳥85折優惠🌟台式麻辣火鍋+珍鮮菌菇鍋可惜當日沽清清涼椰子雞鍋🥲唯有改叫其他~ 珍鮮菌菇鍋集聚多菌類於一鍋，鮮甜無比；台式麻辣火鍋集結「麻辣醇辛甘香」六種風味，配上鴨血豆腐無限添加，超惹味🌟 山海一盤用三層架擺得好靚嘅海陸拼盤，有牛肉、帆立貝、扇貝、鮑魚、魷魚仔、三文魚同蜆，啱晒2個人撐枱腳食🤩咩都有啲🤩🌟 竹笙大推😋夠爽口，而且好索湯汁，所以每一啖都好鮮甜🌟 鹽酥雞一口size，調昧恰當，唔會太咸，炸粉唔厚啖啖肉🌟企鵝丸賣相好得意🐧用墨魚漿制成，好睇又好食🌟鳳城水餃皮夠薄，入面有木耳絲，所以口感清爽🌟黃金鮮桔茶 估唔到大杯係甘巨型，叫1杯夠飲成餐飯🤗微酸滋味好解膩🌟大紅袍珍珠奶茶🧋雖然珍珠奶茶成日飲，但呢杯比到驚喜感我💕入口先係大紅袍茶味香氣淳厚，之後係奶香幼滑，木薯珍珠係細細粒，晶瑩剔透，勁道彈牙，下次行過，就算唔食火鍋，我都會買杯嚟飲！！！